影片
港鐵天水圍站 D 出口, 步行約2分鐘
繼續閱讀
付款方式
其他資料
酒精飲品
自帶酒水
加一服務費
以上資料只供參考, 請與餐廳確認詳情
經過天水圍西鐵站去搭輕鐵，聞到陣陣牛油飄香，忍唔住走埋去買個雞批做下午茶！雞批餡面好鬆脆，好有牛油香味，咬落去半林半硬的麵粉，口感一流，d香味香到只想繼續食食食，哈哈！！入面d雞都幾嫩滑，有磨菇及火腿，呢個配搭冇得輸，甜甜的餡面加入面的鹹配料，再連埋d忌廉香溶溶地，$11, 好抵食！推介！
繼續閱讀
幫阿哥睇完喵喵之後，行去天水圍站，準備搭西鐵返屋企，見到一間「批&撻專門店」，嗰啲鮮奶撻嘅香味，迅速咁撲向我個鼻！之後我對腳就好唔生性咁行左去「批&撻」門口，比我見到有一堆紫色嘅撻！ 睇返個名，原來係「流心紫薯撻」！見到d食物名叫流心乜乜乜，絕對係會即時增加我去試嘅意欲！「批&撻」嘅鮮奶撻出色就係人都知，咁紫薯撻又如何呢？嗱嗱林買件試試佢！紫薯撻嘅撻面有一啲紫色嘅粉，不過食唔出係咩粉黎之後就用匙羹" 不"左一下，個啲紫薯醬隨即爆出黎！之後大大啖咁咬落去，個撻仲好暖，紫薯味香濃，啲醬好滑，仲有佢個撻邊都好香脆，食完呢個我就後悔買少左早知買多個喇。不過好食嘅野一次唔應該食咁多，留返下次先再食，正所謂少食多滋味呀嘛！仲有，呢個撻賣12蚊，我覺得都叫做抵食嘅
繼續閱讀
有人外賣左一盒批返黎，扁盒包裝，一盒可放到四個，Size啱啱好唔會壓扁哂啲批，不過啲批咁熱，都會有倒汗水，唔多唔少啲批都淋左，有啲野唔係新鮮係現場食梗係差啲。一盒入面好似有薯蓉批，雞批，肉醬粟米批，同海鮮批，除左薯蓉易認，其他個面都係包實實，睇唔到餡，而購買者又唔記得左，唯有博一博啦。揀左個最大嘅，有成隻叉咁長，批皮好厚，一睇已覺得飽，拎上手都好重下，好有實質感。批皮都幾鬆化，牛油落得重手，好膩，入面包住白汁長通粉，有粟米粒，蘑菇片，火腿片，蝦仔，同魷魚粒，唔知係咪就係海鮮批，唔，應該係除非唔係。
繼續閱讀
今日行過西鐵站, 見到好多紫色既撻係櫥櫃，原來係「流心紫薯撻」，剛剛新鮮出爐，熱辣辣咁一於買半打返屋企食~流心紫薯撻我地返到屋企用焗爐仔焗返熱來食，批邊香脆，撻面有一層紫薯粉，下面係紫薯餡，紫薯味唔算好重，但就好香奶味，食落都好滑身，感覺似而家出面好興果啲芝士撻既口感。$12一個既價錢幾抵食。
繼續閱讀
好久無吃這店，認真係當年港人未興起時我已好喜愛嫁喇！下班時份，飽住肚子的我，嫌耳猶未盡，眼見人客不少，選了一下，簡了便宜的芝士牛奶tart，才8.5個大洋，好實惠貼地呀芝士味不比時下那類多，不能去相提並論，但牛奶就有喜岀望外的嫩滑，吃到一份小感動，就是那回憶滋味喇，好香濃，掂。而tart皮做得平均，焗得脆身，價性比超曬值。看到朱古力鬆餅12元，大大大個，而且朱古力所以立買，點知得個樣，味道不甜，勿貪平。
繼續閱讀