批&撻專門店 (已搬遷) 新店位置

經過天水圍西鐵站去搭輕鐵，聞到陣陣牛油飄香，忍唔住走埋去買個雞批做下午茶！雞批餡面好鬆脆，好有牛油香味，咬落去半林半硬的麵粉，口感一流，d香味香到只想繼續食食食，哈哈！！入面d雞都幾嫩滑，有磨菇及火腿，呢個配搭冇得輸，甜甜的餡面加入面的鹹配料，再連埋d忌廉香溶溶地，$11, 好抵食！推介！

幫阿哥睇完喵喵之後，行去天水圍站，準備搭西鐵返屋企，見到一間「批&撻專門店」，嗰啲鮮奶撻嘅香味，迅速咁撲向我個鼻！之後我對腳就好唔生性咁行左去「批&撻」門口，比我見到有一堆紫色嘅撻！ 睇返個名，原來係「流心紫薯撻」！見到d食物名叫流心乜乜乜，絕對係會即時增加我去試嘅意欲！「批&撻」嘅鮮奶撻出色就係人都知，咁紫薯撻又如何呢？嗱嗱林買件試試佢！紫薯撻嘅撻面有一啲紫色嘅粉，不過食唔出係咩粉黎之後就用匙羹" 不"左一下，個啲紫薯醬隨即爆出黎！之後大大啖咁咬落去，個撻仲好暖，紫薯味香濃，啲醬好滑，仲有佢個撻邊都好香脆，食完呢個我就後悔買少左早知買多個喇。不過好食嘅野一次唔應該食咁多，留返下次先再食，正所謂少食多滋味呀嘛！仲有，呢個撻賣12蚊，我覺得都叫做抵食嘅

有人外賣左一盒批返黎，扁盒包裝，一盒可放到四個，Size啱啱好唔會壓扁哂啲批，不過啲批咁熱，都會有倒汗水，唔多唔少啲批都淋左，有啲野唔係新鮮係現場食梗係差啲。一盒入面好似有薯蓉批，雞批，肉醬粟米批，同海鮮批，除左薯蓉易認，其他個面都係包實實，睇唔到餡，而購買者又唔記得左，唯有博一博啦。揀左個最大嘅，有成隻叉咁長，批皮好厚，一睇已覺得飽，拎上手都好重下，好有實質感。批皮都幾鬆化，牛油落得重手，好膩，入面包住白汁長通粉，有粟米粒，蘑菇片，火腿片，蝦仔，同魷魚粒，唔知係咪就係海鮮批，唔，應該係除非唔係。

今日行過西鐵站, 見到好多紫色既撻係櫥櫃，原來係「流心紫薯撻」，剛剛新鮮出爐，熱辣辣咁一於買半打返屋企食~流心紫薯撻我地返到屋企用焗爐仔焗返熱來食，批邊香脆，撻面有一層紫薯粉，下面係紫薯餡，紫薯味唔算好重，但就好香奶味，食落都好滑身，感覺似而家出面好興果啲芝士撻既口感。$12一個既價錢幾抵食。

好久無吃這店，認真係當年港人未興起時我已好喜愛嫁喇！下班時份，飽住肚子的我，嫌耳猶未盡，眼見人客不少，選了一下，簡了便宜的芝士牛奶tart，才8.5個大洋，好實惠貼地呀芝士味不比時下那類多，不能去相提並論，但牛奶就有喜岀望外的嫩滑，吃到一份小感動，就是那回憶滋味喇，好香濃，掂。而tart皮做得平均，焗得脆身，價性比超曬值。看到朱古力鬆餅12元，大大大個，而且朱古力所以立買，點知得個樣，味道不甜，勿貪平。

今日經過Pie &Tart完全比呢個紫色既撻吸引左應該都唔係新出品，只係我太耐無食Pie & Tart姐原來呢個係叫日式紫薯流心撻，$12一個，面層有深紫色薯粉，賣相已經好吸引。我買既時候個撻係熱辣辣既，拎到番Office雖然已經凍左，但係中間嘅紫薯餡仍然係超流心既。我用匙羹一吉落去，紫薯餡即刻湧出黎！我覺得一定要用匙羹食，如果唔係一定會流到成手都係～ 紫薯味非常濃郁，甜度我覺得適中！這個當甜點真的很不錯。

面層薄薄一層烤熟紫薯皮食落淡淡的紫薯味 唔會好油膩撻皮OK脆 但有D濕, 主要係過甜, 而果種甜唔係紫薯果種不過呢個價錢算係甘, 本來以為係流心但冇呢個EFFECT

Pie&Tart 初初岩岩開個時成日經過見到都食，食到款款都食過晒咁濟，但佢又冇點出新野，價錢仲愈黎愈貴但又唔係特別好食，慢慢就冇再買。最近推出新野，流心紫薯撻，我一直都未試。今日經過見到佢岩岩出爐，紫色一大片，好吸引，所以就試一試。日式流心紫薯撻 $12輕輕用匙羹一不，d紫薯漿就已經係咁流晒出黎，紫薯味唔太濃，不過都可以接受，食完唔會好似奶撻咁溜同濟，同埋個撻邊好脆。不過面頭d紫色粉係裝飾，食落冇咩特別。

唔知有幾多人讀中學時，pie & tart 係高級餅店少分店，貴，特別嘅產品，好味中學時學校附近就有一間果時零用唔多每星期會獎勵自己放學食個芝士鮮奶撻果陣時真係覺得好偖華😂😂😂後來pie & tart 好似愈來愈少，就少左食果日行過，我同朋友講話要買一個朋友話請我食衣家好出名果啲當刻我先知原來自己噤專一一直以來都好喜歡 pie & tart 那種踏實而實在的芝士味入口不算很滑但很實在的質感曲奇脆邊每次都令我想食完再食😛😛😛年紀大了，發現食是食感情，而不再單單是味道或裝湟

<Pie&Tart>🍍鳳梨批($10)▫️新出嘅🍍批外型同叉燒批一樣係橢圓形，只係表面個紋5同，叉燒批都係我仲2嘅一個批，好仲2佢個批皮夠鬆脆。-出爐無幾耐，個批皮仲keep到鬆脆，叉到落底有啲鳳梨餡，酸酸甜甜，但個味道同個牛油批皮5多夾，又5似鳯梨酥啲餡咁。而且係用罐頭菠蘿，見到有一兩粒浮現左係面。總結都係鹹批好食啲🍕6/10

好味雞批開完ot 餓餓地，一般的餅店已關門了，好在還有這家營業。雞批源自英國，是雞肉饀餅。這雞批大大個，暖暖地，撻皮富牛油味有D脆，好鬆化，裏面都幾多饀，有雞丁同cream狀的饀料：洋蔥，磨茹等。鹹鹹地的饀同甜甜地鬆化的撻皮幾夾，幾飽肚。 曰式芝士撻食得多，這港式芝士撻可未試過。這撻比一般旦撻大個小小，撻皮是牛油皮唔太厚無脆皮感覺。但旦漿非常滑有如食緊牛奶撻，而表面有少少焦的芝士粉，少少芝士的鹹香帶起旦漿的甜味。這個芝士撻和曰式的芝士撻很不同，沒有濃濃的new York cheese 味，只有旦撻的奶香，以八蚊可一解甜食之癮，抵！ 由於食tart 做晚餐，有D唔滿足，所以加多件芝士餅做甜點。這藍莓芝士餅如手心大，面層藍莓醬：酸酸甜甜有藍莓味，並非一般啫喱貨式；中間：New York cheese cake, 很濃郁檸檬芝士蛋糕味，密度很高，很軟滑；底部：餅乾碎，很薄，無乜牛油味。總比山崎的芝士餅芝士味濃D，比美心芝士餅滑D。推介！

買左$7鮮奶撻同$8芝士鮮奶撻都算幾大隻而且真係好好食呀！！當然唔能夠同$2x蚊隻果d tart比較ge鮮奶撻好滑，但唔夠芝士鮮奶撻咁濃味，我好中意cheese所以芝士鮮奶撻我覺得比較好食其實呢間我都唔係第一次買，以前都買過下佢d批呀etc，質素都唔錯，生日蛋糕係大約$150就有喇，雖然唔係話好好食但都可以接受，整體黎講呢個價錢比呢個質素我認為係好好啦！

Pie & Tart offers a wide range of affordable pies, and it is like everywhere, so glad that there’s one in the Tin Shui Wai West Rail line station, so every time I passed there, I was attracted by the baking pie ‘ s smell. From all the Pie & Tart desserts, I like this Tuna Mayonnaise Cheese Tart a lot, it is just $12 - $14, I don’t remember exactly, but it is affordable and delicious anyway. It filled with a lot tuna & mayonnaise, after eating one, I already feel kind of full. And I absolutely ad

真係超多謝美麗的佩君妹妹的推介 我先可以舐到咁好味既tart乜tart咁吸引? 就係牛奶tart啦件tart熱辣 奶味好濃 牛奶餡係堅正 又滑dodo 味道又軟甜又好味 tart底又鬆軟有牛油味總之係佩君妹妹話得好味既 應該都係好味文平又好味 Thankyou 佩君 下次見

Pie and tart 賣既係各種唔同既批，最平既有鮮奶撻，撻面滑一滑，好有時真係唔捨得食。加多一蚊就會變成芝士鮮奶撻，芝香四射！貴少少既例如蘑菇撻，餡料十足，咬落去口感好豐富。其實pie and tart 開正西鐵轉輕鐵既路口位，無非都係想比大家瞬速醫下肚。但係你咁好食法，好快就會叫完再叫，飽到番屋企唔想食飯囉。