抹茶館 (荷里活廣場)

營業中

休息中

又係為咗甜品黎!主食我叫咗壽喜燒牛肉鍋,湯底好香麻油味!配料都幾都幾豐富~牛就一般般唔係好肥~重頭戲白玉宇治抹茶紅豆蓉芭菲抹茶軟雪糕真係好好食,好濃抹茶味亦都唔會太苦太甜👍🏻👍🏻

做完運動，一行14人大大細細去左抹茶館食晚餐，貪佢有日式定食，拉麵亦有精緻甜品，應該可以滿足所有人既口味。首先值得一讚係雖然我地有14個人，店員都好努力將7張細枱泊埋一齊，安排全部人可以坐埋一齊，唔需要分開坐。今次大部份人都係散點拉麵或日式飯，我係唯一點定食既一個。我點左火灸三文魚定食，我發現散叫同定食只差20蚊，但就多左湯，小食前茶同甜品，仲有飲品添。感覺上叫定食好似抵食好多😁前菜係牛蒡絲，小食係辣雞肉，湯係日式洋蔥湯；3樣野都唔錯幾好味；但主食火灸三文魚飯就有少少奇怪，三文魚刺身係正常既，但卻配上熱辣辣既普通白米飯，唔係壽司飯。所以當我食既時候唔覺自己係食緊日式丼，感覺有少少怪怪地。因為食得太飽所以就冇再點甜品，下次一定要試試佢既甜品。

將近冬季，天氣開始變得寒冷，係時候食返啲暖暖嘅野啦！今日我就黎咗抹茶館食嘢，唔係飲品，而係熱騰騰嘅野菜叉燒拉麵！😋首先啦，麵條好有彈性，唔會太軟亦都唔會太硬，啲叉燒又好嫩，好入味，真係好好食！再加上啲新鮮嘅野菜，味道更加豐富，有啲清新嘅感覺。😍至於糖心蛋，就有啲可惜啦，只得半隻，所以我加咗$10，結果多咗一隻，好啱啊！👍另外，抹茶館嘅環境都好舒服，有啲日式風格，好有氣氛，啲服務員亦都好友善，好好笑容，令人感覺好舒服。😊總括而言，今次嘅食物質素非常不錯，價錢都好實惠，真係好飽肚！不過糖心蛋只有半隻，略有可惜。不過整體上，都係一個好好嘅用餐體驗！👍👍👍總評：⭐️⭐️⭐️⭐️食物：⭐️⭐️⭐️⭐️服務：⭐️⭐️⭐️⭐️環境：⭐️⭐️⭐️⭐️下次再黎嘅話，我一定會試下啲其他嘅菜式！😍

本來想食二人餐，但甜品無得轉班戟，於是最後決定散叫，順便試下個新推介。① 松露牛奶廣島蠔鍋 $138② 牛肉壽喜燒鍋配溫泉蛋 $128跟埋前菜小食都幾豐富，有玉子燒，雞柳，牛蒡絲。海鮮鍋幾多料，味道幾香濃，牛肉鍋就比較普通，除左牛肉，就係冬菇，豆腐同菜，其實同海鮮鍋一樣。③ 和風炒雜菜 $58呢個炒雜菜同壽喜燒鍋入面既雜菜一樣味既。④ 冬雪之抺茶班戟 $68賣相唔錯，抹茶味班戟夾住麻糬，面頭再有紅豆味雪糕。其實班戟無咩味，不過都還好啦～無乜驚喜。⑤ 牛奶抹茶始終抹茶都係餐廳招牌，夠濃茶味，加埋牛奶淳滑，好飲。

今日去咗荷里活廣場睇完戲，行行吓見到有間抹茶館俾佢個抹茶pancake吸引咗，雖然係叫做抹茶館，但原來入面都幾多嘢食，所以同男朋友一齊叫咗一個牛肉烏冬定食，定食可以減$10配嘢飲，所以叫咗杯牛奶抹茶再加聖誕pancake牛奶抹茶真係超好飲！一試難忘暖笠笠又夠滑又夠濃！佢個pancake真係好好食，兩個人食都夠晒飽，而且好靚呀！原來裏面係包埋蕨餅，所以食落幾得意雪人仔有啲唔捨得食咗佢牛肉烏冬定食原來都有其他配菜遲啲真係想試吓佢其他甜品，因為每一款都睇落都好吸引侍應都好有禮貌， 同我介紹咗好多唔同甜品有咩唔同，下次真係要留返個肚過嚟食多啲

兩個人晚上去抹茶館食二人餐，上次食過二人餐食物好味，包甜品包嘢飲，所以再幫襯。今次食食物保持水準，但員工態度就好差。二人晚餐包咗個個炸物拼盤，我問staff攞沙律醬點來食，點知staff放低碟醬態度勁差咁話｢如果再攞沙律醬就要加5 蚊。｣ 然後好快閃咗去。真係幾離譜下，食炸物好多餐廳都跟沙律醬，個餐298 加1 都3 xx, 問你攞第一碟醬仔講到我好似乞衣咁😂？真係得啖笑，下次唔會再幫襯

是日睇完戲，咁啱又係食飯時候。之前已經睇過抹茶館，覺得佢啲甜品似幾好，於是乎就喺度食喇。望咗餐牌，我最有興趣嘅就係牛肉壽喜燒定食，阿仔同阿女就要咗個二人套餐。雖然唔係快餐店，但係佢哋上菜嘅速度就真係快，落咗order冇幾耐，除咗甜品，二人套餐的食物就上晒。至於我嘅壽喜燒就等咗約10分鐘度亦都上埋。二人套餐有五個選項，蔬菜柯打咗蕃茄沙律，小食要個黃金拼盤。拼盤內有四樣嘢，包括豆付魚餅、炸生蠔、炸雞同埋炸餃子，味道方面亦都唔錯。主食有兩份，一個係七味香蔥牛肉烏冬，另外一份嗌嘅係黑麻油濃厚豚骨湯拉麵。仔女都話兩碗嘢都係麻麻地，叫做合格囉。飲品要咗西柚乳酸特飲同埋百香柚子梳打，兩杯都偏淡，冇乜味。至於我嘅牛肉壽喜燒定食，我就覺得味道一般。配菜方面有日本漬物，玉子燒，布丁同炸鷄，溫泉蛋，另外仲有一碗湯同埋白飯。份量係足夠嘅，但係冇一樣食物有驚喜，只能夠講佢係中規中矩。從沙律開始到我哋食完，只不過係半個鐘頭時間。因為等位嘅人多，我哋又坐在門口第一張枱，俾人睇到好唔舒服，所以決定嗱嗱臨食完就走，於是乎叫侍應上埋套餐內的甜品。嘩嘩嘩，終於有令人眼前一亮的東西出現啦！佢的甜品真係正，如果你係抹茶控，一定

坐左40-50分鐘 已經吹人收枱 雖然冇寫明用餐時間 但係見出面有人排隊 吹交枱呢d大家都明 但係可唔可以服務好d 掉張單係枱面 直接同你講夠鐘交枱 好聲好氣d唔得既 我黎消費點解要貼錢買難受 仲要收10%service charge 咁既服務態度仲差過M記唔講服務態度，D野又係唔好食又貴 個抹茶tiramisu真係鞋過阿婆塊面 d粉又一舊舊咁 出邊7仔個d 工廠式甜品都冇咁難食 仲好意思賣$55蚊一個總之成個用餐體驗極差 所謂既日式茶餐廳 抄人地個d打招呼 懶係講日文咁 但係就完全冇抄到日本餐廳服務既精粹 甚至係比普通茶餐廳更衰一句講曬啦 唔建議嘥錢食埋d咁既野！

魚生飯的話麻麻地 💫💫💫火灸魚生飯的話我覺得八十蚊已經食到好好佢收我百六蚊連服務費，可以話因為係定食Set：有前菜，小食，湯品，甜點，但如果以主菜條件黎講認真麻麻 🫡🫡🫡🫡D飯好似普通中菜D米咁，魚生唔係好好食。⭕️⭕️⭕️唸起以前係土瓜灣食街 60-80 都好過佢。😨😨😨😨而且，D食客嘅質素都麻麻啦，話咩女人同女人結婚好變態。🌈🌈🌈可以話，有咁的食客；就有咁的餐廳 🫣😂 thanks 😊 ✨✨✨✨

下午茶時段人流較少不用等位坐位寬闊，綠色為主題簡約日本風，抹茶甜品出名好食😋試吓啲抹茶野，見餐牌定食全部都好豐富生薑燒豚肉定食豚肉醬汁加埋小小薑蓉味道不錯肉質口感軟嫩唔乾👍🏻生菜沙律麻麻我較喜歡吃炒菜😬另外跟餐其他食物都可以有洋蔥湯，玉子燒炸物雞翼，牛蒡紅蘿蔔絲甜品日式布甸🍮軟雪糕牛奶抹茶 🍵🍦當日牛奶味軟雪糕冇晒轉左抹茶味👍🏻 抹茶控嘅我覺得很好啊😆 軟雪糕好軟好滑配埋抹茶超正😋 好似去咗日本食咁

我地叫左3個定食，另外再加多一個甜品。見到Meun好似好豐富，飯類定食有配菜、玉子燒、炸物、日本湯、甜品及指定飲品。如果唔要指定飲品，可以照價減$10揀抹茶類飲品。我揀咗軟雪糕牛奶抹茶，朋友揀左白玉雪糕牛奶抹茶，兩者分別主要係雪糕嘅質素，後者係雲呢拿雪糕球，再配上白玉(即係好似小丸子咁)，非常Q彈！不過我會鍾意食軟雪糕多啲，高質軟滑。至於定食就一般啦，配菜係啲日本漬物，但味道就偏淡，玉子燒同跟餐甜品(布丁)就似係啲現成貨，反而個湯就唔錯，洋蔥湯辣辣地夠開胃！四色海鮮丼可能佢主打唔係刺身，感覺都有少少失望，刺身唔係特別新鮮，最大問題係個飯好熱，一啲都唔夾！柚子胡椒風味香蔥鹽燒豬肉豬肉係有鹽味，但柚子只係比咗柚子醬你，感覺都係一般。牛肉壽喜燒鍋配溫泉蛋3個定食入面最好係呢個，但比起佢嘅甜品，的確有啲失色。抹茶白肉芭菲抹茶雪糕味濃又夠滑，配上脆脆，真係好夾我好建議大家去試佢嘅甜品類/抹茶，因為性價比都高！但定食就一般，我再黎都只會食佢嘅甜品，如果淨計甜品，其實都好食！坐得又舒服，都值得去。

幾日假期，夜晚提早嚟攞位，6點20分入座見到仲有位淨低， 拉麵食咗好多次，所以今次嗌咗海鮮丼飯， 但係好一般四色海鮮丼 (2/5分)海鮮並不是特別出色，三文魚亦都切得比較薄，最慘嘅竟然係用白飯底，好耐都冇食過刺身飯係用白飯底，即時扣曬分 有時即使海鮮麻麻地，但係壽司飯都會加返分辛辣味噌拉麵 (4/5)保持一貫水準， 食咁多次都覺得佢係最好食其實黎之前上網都搵過有冇其他分店，但係其他已經結業得返呢一間，今次呢主要都係因為屋企人想飲個軟雪糕抹茶， 我諗係得拉麵同埋抹茶值得我哋再嚟

今日難得表哥嚟鑽石山搵我食飯，咁就梗係食一間佢想食嘅餐廳啦！佢最後咪就揀咗呢一間位於荷里活廣場嘅抹茶館，我一直都以為呢一間餐廳只有甜食，原來都有正餐！午餐嘅選擇唔算特別多，所以好快就揀到，今次試咗佢嘅火炙刺身三文魚飯，連埋+1都要成$120，對於午餐嚟講都算幾貴！分量唔算好多，分別各有4塊刺身，刺身冇乜特別，唔可以話特別新鮮，亦都唔係特別肥美，但係就唔會去到難食，但係只值得爭鮮價，豉油亦都只有死咸😩😩😩

同老婆食咗份二人前，雪糕抹茶幾好飲（要加錢），但嘢食就麻麻，雞肉當啲雞肉老婆話有啲怪味🙄，鰻魚飯（要加錢）就有啲腥，黃金拼盤似乎炸過咗龍。下次可能會再嚟飲嘢，但午餐就未必啦。

終於試到呢間啲甜品了，一直都覺得好吸引🥺餐廳有主食，lunch set都幾抵，又可以甜品直落，幾啱同朋友敘舊/ 簡簡單單慶祝下生日🥳.🍵抹茶提拉米蘇 $55抹茶味勁香濃，最緊要係唔會太苦或者太甜🥰口感軟滑，好有層次感🥹講講下好想再去食多次😂.🍵抹茶白玉紅豆蓉窩夫新地 $58其實餐牌上好多甜品都好吸引，咁啱呢一個有齊曬最想要嘅配料😂抹茶雪糕、蕨餅、紅豆蓉全部都好好食😎尤其個雪糕，同日本食嗰啲一樣味🥺不過個窩夫就淋咗啲，擺得耐咗🫡.🍽味道: 4/5🏙環境: 3/5‍👨🏼‍🍳服務: 3/5💧衛生: 3/5💰價錢: 3/5