影片
更多
2022-11-15
630 瀏覽
是日睇完戲，咁啱又係食飯時候。之前已經睇過抹茶館，覺得佢啲甜品似幾好，於是乎就喺度食喇。望咗餐牌，我最有興趣嘅就係牛肉壽喜燒定食，阿仔同阿女就要咗個二人套餐。雖然唔係快餐店，但係佢哋上菜嘅速度就真係快，落咗order冇幾耐，除咗甜品，二人套餐的食物就上晒。至於我嘅壽喜燒就等咗約10分鐘度亦都上埋。二人套餐有五個選項，蔬菜柯打咗蕃茄沙律，小食要個黃金拼盤。拼盤內有四樣嘢，包括豆付魚餅、炸生蠔、炸雞同埋炸餃子，味道方面亦都唔錯。主食有兩份，一個係七味香蔥牛肉烏冬，另外一份嗌嘅係黑麻油濃厚豚骨湯拉麵。仔女都話兩碗嘢都係麻麻地，叫做合格囉。飲品要咗西柚乳酸特飲同埋百香柚子梳打，兩杯都偏淡，冇乜味。至於我嘅牛肉壽喜燒定食，我就覺得味道一般。配菜方面有日本漬物，玉子燒，布丁同炸鷄，溫泉蛋，另外仲有一碗湯同埋白飯。份量係足夠嘅，但係冇一樣食物有驚喜，只能夠講佢係中規中矩。從沙律開始到我哋食完，只不過係半個鐘頭時間。因為等位嘅人多，我哋又坐在門口第一張枱，俾人睇到好唔舒服，所以決定嗱嗱臨食完就走，於是乎叫侍應上埋套餐內的甜品。嘩嘩嘩，終於有令人眼前一亮的東西出現啦！佢的甜品真係正，如果你係抹茶控，一定
望咗餐牌，我最有興趣嘅就係牛肉壽喜燒定食，阿仔同阿女就要咗個二人套餐。
雖然唔係快餐店，但係佢哋上菜嘅速度就真係快，落咗order冇幾耐，除咗甜品，二人套餐的食物就上晒。至於我嘅壽喜燒就等咗約10分鐘度亦都上埋。
二人套餐有五個選項，蔬菜柯打咗蕃茄沙律，小食要個黃金拼盤。拼盤內有四樣嘢，包括豆付魚餅、炸生蠔、炸雞同埋炸餃子，味道方面亦都唔錯。
蕃茄沙律
15 瀏覽
0 讚好
0 留言
黃金拼盤
21 瀏覽
0 讚好
0 留言
主食有兩份，一個係七味香蔥牛肉烏冬，另外一份嗌嘅係黑麻油濃厚豚骨湯拉麵。仔女都話兩碗嘢都係麻麻地，叫做合格囉。
七味牛肉烏冬
21 瀏覽
0 讚好
0 留言
黑麻油拉麵
18 瀏覽
0 讚好
0 留言
飲品要咗西柚乳酸特飲同埋百香柚子梳打，兩杯都偏淡，冇乜味。
西柚乳酸特飲
15 瀏覽
0 讚好
0 留言
百香柚子梳打
12 瀏覽
0 讚好
0 留言
至於我嘅牛肉壽喜燒定食，我就覺得味道一般。配菜方面有日本漬物，玉子燒，布丁同炸鷄，溫泉蛋，另外仲有一碗湯同埋白飯。份量係足夠嘅，但係冇一樣食物有驚喜，只能夠講佢係中規中矩。
牛肉壽喜燒定食
$138
26 瀏覽
1 讚好
0 留言
從沙律開始到我哋食完，只不過係半個鐘頭時間。因為等位嘅人多，我哋又坐在門口第一張枱，俾人睇到好唔舒服，所以決定嗱嗱臨食完就走，於是乎叫侍應上埋套餐內的甜品。
嘩嘩嘩，終於有令人眼前一亮的東西出現啦！佢的甜品真係正，如果你係抹茶控，一定唔會對佢失望！成晚最好食嘅就係甜品，連我呢啲唔鍾意食蕨餅嘅人都覺得佢非常之好食😋。
黑襪抹茶蕨餅
26 瀏覽
0 讚好
0 留言
抹茶軟雪糕
24 瀏覽
0 讚好
0 留言
埋單連加一要$540，呢一餐唔係平，用呢個價錢去第度食可以食到更好質素的食物。雖然如此，有機會我仍然會選擇嚟尼度食抹茶甜品，因為真係好食，值得推介👍。
張貼
