拉斐特 (已結業)

聖誕節後，趁年尾，跟一班朋友相約食飯。這班朋友，相識已有一段時間，是我第二份工作的同事，大約在2016年年頭相識，相識已有三年，其中一位更差不多完成四年大學的生涯，所以她今晚帶了畢業袍，一起拍照。今晚的聚會﹐選了位於油麻地拉斐特的Love Cafe，近油麻地站A出口，非常方便。拉斐特，是一間非常有名，一站式婚宴統籌公司，Love Cafe位於它的大本營內，平日會經營一些餐飲。大本營有不少打卡位置，不過影相前，先醫肚子。每一份套餐，有湯，主菜，飲品以及麵包，湯是蘑菇湯，包是普通貨色。主菜，一共五款，分別有串燒，黑松露海鮮薄餅，韓式炸雞，韓式泡菜海鮮意粉配原隻魷魚，以及香煎帶子配意大利飯。認真説，味道真的一般，沒有任何特別，或者印像，當中最難食，一定是韓式泡菜海鮮意粉配原隻魷魚，熱泡菜的味道個人不太喜歡，還是涼拌比較美味，。 最好食的，是黑松露海鮮薄餅，薄餅上的芝士十足，可惜餅底有點厚。以一間婚宴專門店，食物水準真的有待改善。餐後，當然到拍照時間，這裡的照相位倒是不少，適合喜歡拍照打卡的朋友。Love Cafe (油麻地)人均消費160元 扺玩指數 1+/3油麻地窩打老道40號拉斐特2樓初

開頭諗住係樓上Cafe嘅格局，點知一上到去原來有啲婚禮廳🤔嚇咗一跳，感覺幾浪漫🤣呢到好多國家嘅菜式都有得食，好似星、馬、日同韓都有😍晚餐配搭+$25餐湯餐包+$特飲南瓜湯飲落去夠濃🎃#印度咖哩雞配薄餅 ($88)😋好味指數：(7.5/10)薄餅都有幾多塊，一定夠飽☺咖哩味食落唔算辣，不過都幾香😎雞嘅份量幾多，而且大大舊，食落去又嫩滑，配埋薄餅真係一流😙#美國肉眼配黑松露紅酒汁($198)😋好味指數：(7.5/10)有好多蔬菜伴碟，例如甘筍、蕃茄仔同紫薯等🥦塊扒都幾大塊，外面煎到小小脆身，好香😍冇問過我地要幾成熟🤔不過食落去肉質都幾淋，算佢啦！只係有好小部分有啲筋😫咬落去仲有肉汁，唔會乾爭爭😎黑松露紅酒汁味道夠晒香😬#紐約芝士蛋糕 ($48)😋好味指數：(6.5/10)食落去不過不失，如果芝士味再濃啲會比較好😚餅底幾正😍#榛子朱古力慕士蛋糕 ($48)😋好味指數：(6/10)蛋糕食落去發現比較甜😭其實佢有2層醬，一層係朱古力，一層係榛子醬🤣我就撥開咗上面果層醬，就冇咁甜😛

呢cafe位於油麻地拉斐特二樓，之前搭車都有經過，以為淨係得婚宴擺酒，原來仲有間cafe，而且位置好方便，係油麻地mtr D出口行幾步就到，meun仲有多國菜選擇，星馬、西、日、韓、印度菜都有，菜式幾多元化😉！🐣蜜糖牛油燒春雞配迷迭香汁$148燒春雞肉質幾嫩滑，好香蜜糖牛油味，點埋迷迭香汁更惹味！🍕黑松露海鮮披薩$118呢個pizza一上枱已聞到好香黑松露味，而且海鮮都幾多，被滿滿的芝士覆蓋，而餅底仲係我愛的厚批，好好味😋！🐮芝士牛肉漢堡$98牛肉好厚身，都幾juicy，加埋芝士好香口，而薯條亦炸得不錯！🍰Tiramisu$48呢個Tiramisu擺盤精緻，味道亦好好呢😍，之前放上story，有朋友竟以為是燒肉😂，睇返顔色同形狀又真係有d似wo🤣🤣

呢間餐廳勁近油麻地地鐵站 超級方便餐目選擇好廣 西日韓咩都有黑洞主要揀西式食物為主前菜有凱撒沙律配三文魚沙律菜份量吾小 加上芝士同三文魚食落幾惹味 但沙律醬略為多左小小食到中段會變得重味黑松露海鮮pizza即焗夠新鮮值得一讚 吾太燶同吾油黑洞好怕pizza底全部都係油但呢個批冇呢個問題出現 入口有淡淡既黑松露香味 主食推介香煎北海道帶子配雜菌意大利飯芝士控一定大愛呢碟飯由頭到尾都係芝士 好香口好邪惡不過始終芝士比較膩 而且飯量唔算少建議兩個人分黎食會比較好最後加多個芝士雞肉漢堡包身幾軟熟 中間夾住生菜蕃茄食落比較清新 伴碟有黑洞最愛既粗薯條簡簡單單用鹽調味 即叫即炸已經無得輸整體食物質素吾差 價錢相宜 晚市黎講都係吾錯選擇

近排比較忙，過咗一年至有時間留言，初時去到餐廳個設計同埋裝修好靚。除此之外，氣氛一流，野食方面都不錯。食完飯之後，侍應就好識做咁拎個蛋糕同禮物出嚟，非常之有心機同心思，假如搞生日飯 喺呢間餐廳都擺都係一個好嘅提議。

近年雲石花紋人氣勁高，市面上的雲石紋產品，例如電話配件、文具或衣物等，全都非常受歡迎。之前陪朋友去「Love Café」食晚飯，覺得餐廳不但環境舒適、食物有水準，而且定價合理。最近從網頁得知，餐廳推出咗個少女味十足的「復古雲石下午茶 Vintage Marble Tea Set」，菜單以雲石蛋糕作招徠，淨係齋聽個名都覺得吸引，所以趁放完病假，復工翌日，便立刻拿了半天假，相約友人來尋味。無嚟一排，餐廳裝潢同上次來時分別不大，門外設有座位供客人稍作休息，而室內則採用簡樸的白色同淺木色為基調，柔和的素白牆身再襯以誘人的食物素描，設計極富心思，令室內佈置添上時尚感。至於今次專程來品嘗的「復古雲石 Tea Set」($198/兩人用)，陣容非常鼎盛，共有 9 款糕點，每款各 2 件。當中有 5 款即烘酥點，用上兩個金銅色邊框玻璃鏡面架呈上，入面載有士多啤梨撻、英式鬆餅、雲呢拿泡芙、雲石芝士蛋糕同咖啡劇院蛋糕。另外抹茶紅豆奶凍就分別以兩個六角形大理石承托，一黑一白，對比鮮明，各具姿采。至於 3 款精選鹹點，則以型格嘅黑色大理石盛載。逐一細看，有鮮蘑菇撻、玫瑰三文魚伴魚子醬同松露蟹肉芝士多士。就先由

今日同公司朋友有聚會，如果唔係同事提議都唔知有呢間cafe，以為佢淨係婚禮統籌，婚禮場地，估唔到平時都有開放比客人食野既cafe。個環境佈置得都幾浪漫，有婚禮既感覺，但cafe地方不大。晚餐餐牌選擇唔多，有飯、有意大利麵、有扒，我就揀左龍利柳意大利麵，佢餐前有餐飽、餐湯提供，味道都唔錯。餐點擺設簡單而浪漫🌹，味道偏清淡，所以覺得唔夠味。份量對女仔黎講算適中。食完仲有甜點跟。賣相ok，但味道普通，一個餐都要150以上左右。總括而言，適合想安靜傾計，重氣氛對餐點冇乜要求既朋友。

這裏不時也會做月份優惠, 八月和九月的優惠是所有晚餐第二份只是$70, 晚餐套餐會有餐湯、主菜、甜品和飲品。晚餐晚市套餐有是日餐湯、主菜、甜品及咖啡或茶。這裏的服務員效率高, 而且, 服務態度也很好，環境靜靜的。我去的那一天的是日餐湯是西蘭花忌廉湯, 西蘭花忌廉湯裏面有些蘿蔔粒。餐湯的忌廉湯味很突出，質感creamy。我選擇了香煎石斑扒作為我的主菜, 旁邊有薯仔、西蘭花、蘿蔔粒作伴菜。石斑扒大大件，份量剛剛好，但魚肉不夠嫩。

今日見到餐廳廣告話電話有7字就有優惠，剛巧我有3個，有7折！所以決定試一試！一行4個人，枱與枱之間空間感足夠，可以暢所欲言！打開餐牌發覺晚餐價錢唔貴，所有set都唔過$200，份量仲一啲都唔細！特別係個ribs，無論份量同咪道都超有驚喜！另外叫左個魚柳同羊西冷，難得個羊唔蘇仲好juicy tim🤩🤩🤩加埋折扣後真係超高CP值！特飲雖然唔係超級出色，不高加$7一杯咁嘅質素都算係咁 ：）一定會再去！🙌🏻

油麻地向來是平民美食天堂，據說單是一條砵蘭街，就已經有過百間食店，幾乎甚麼類型的食物也有。早前有人相約我飯敍，就揀咗油麻地港鐵站 D 出口上蓋嘅一間西餐廳 「Love Café 拉斐特」。聽友人講，拉斐特其實是一間專業嘅婚禮統籌及活動策劃公司，全店佔地二萬呎，提供「一站式婚嫁服務」，當中又以證婚和婚宴款待為主幹，並且提供婚禮攝錄影服務、婚紗晚裝禮服、新娘化妝等。而今次我哋晚飯嘅地方就係位於二樓嘅「Love Café」，原來這個精打細算嘅鬼靈精，發現餐廳最近不但換了全新形象，而且仲推出咗個 7 週年限時優惠，客人凡惠顧晚餐時出示手機號碼，含一個 7 數字可享 9 折，兩個 7 數字可享 8 折，三個或以上 7 數字更可享低至 7 折。雖然我手機並沒有 7 字，不過友人個手提號碼就有一個，可以享有 9 折，唔怪得話帶我嚟食好嘢啦！特意唔搭𨋢，睇下樓梯同一樓大堂嘅佈置，用上紫色為主題，非常浪漫。至於二樓餐廳嘅裝潢就以白色為主，牆壁畫有食物圖案作點綴，令素白牆身不致單調，加上一室淺木色的餐桌，色調柔和，視覺上非常舒服。拿起店員送上的餐牌，晚市套餐共有六款選擇，包是日餐湯，主菜，精選甜品及咖啡或

路過油麻地，這間cafe在婚宴場內，有趣～餐廳的午餐有數款，價格都不算高，我選了最貴的牛扒（98元），五成熟。餐湯也算有誠意，有蔬菜果粒，味道偏鹹，可以接受。一人吃竟然有兩個餐包要不是餐廳慷慨，就是侍應懶得減少一個。主菜上桌，有不少沙拉配意粉，整體味道不錯呢。以98元的西冷牛扒來說，味道算好，有些筋，但是整體滿意。餐廳擺設的酒瓶應該是平日婚宴禮物，挺有心思。還有免費叉電服務，開眼界，哈哈～找個地方坐下，吃有服務的午餐也ok。

小弟第一次到呢間cafe食野，之前係呢度見到人哋post個摩天輪tea set嘅相已經好想試，貪佢影得又食得！哈🤣！今日有幸經開油麻地開會，順過便試吓佢個lunch先，結果果然有驚喜！係侍應介紹下，叫咗個海南雞飯。$68 包大大碗足料中式湯、香噴噴嘅雞油飯同埋啖啖肉、無骨嘅海南雞，好味又抵食！👍🏼👍🏼👍🏼

雞肉好嫩滑，仲要係無骨架！配埋個油飯真係好滋味！醬料有薑葱，甜豉油同有個特製醬汁，味道相當夾，咩口味都啱食啊！！加上套餐有中湯，非常足料大碗又無味精，$68真係好抵食

第一次來竟然得我和閨蜜，變成咗包廳。因之前吃了中午自助餐，來到這間真是享受共聚的時光，食物整體都好，但若不是吃了中午自助餐，應不夠飽。本來想叫龍蝦菠菜麵鮮蘑菇忌廉汁HKD158，竟然話無，只好叫了香煎石班扒配芥末子醬汁HKD188，又幾好味噃，石班好有質感，醬汁好特別，有少許香蕉味，但好和諧。以為包廳環境好靜，點知廚房呀哥同侍應高談濶論，帶畀我倆幽靜中的一點 "生機"(煩死)，不過我倆也傾了兩個半小時，其間聽到的是飲湯啦！收工啦！bye bye ！不過佢哋一直無趕我哋走，只有我們識趣，留到打烊前半小時已走，讓他們早點回家。

清明節假期，約咗朋友 shoping , 地點剛好就近餐廳，順便一試啦，網上都有睇過介紹，叫了 2 個 set dinner ，有麵包，餐湯，主菜，甜品，飲品（比較下 set 會覺得抵食）。主菜分別是……龍蝦菠菜麵 及 石班扒，先說麵包，感覺幾新鮮及暖身，2 人只得 3 個，都係迷你版，略為“吝嗇”。南瓜湯，味道剛好，可惜就是碟大份量少。龍蝦菠菜麵，其實味道不錯，忌廉汁剛掛晒上麵，有少許龍蝦做配料，有係份量偏少，女仕的話，有……可能夠飽，如果男仕，應該唔夠。石班扒，配有薯仔及西蘭花/椰菜花 ，石班較 un ， 味道有些咸，可能灑鹽不均吧 ，都係果 句，份量不大 。每人有一份甜品，好精緻，通常精緻都係小份量啦 ，味道就不過不失 ，飲品就叫了熱檸蜜 。總括整份晚餐就是精緻啦，味道合格，如果胃口唔太大，就 ok 。 另有優點，就是可以 hea 座到 10 點 ， 唔會趕客 ，餐廳不是太多人客 ， 可能門口位置不是很當眼，如想可以 hea 住傾計， 有唔介意食物份量，都可選擇 。每人埋單平均 $191 ， 免強可接受 ， 如果套餐能加多一個前菜，相信更 prefect 。