拉斐特 (已結業)

清明節假期，約咗朋友 shoping , 地點剛好就近餐廳，順便一試啦，網上都有睇過介紹，叫了 2 個 set dinner ，有麵包，餐湯，主菜，甜品，飲品（比較下 set 會覺得抵食）。主菜分別是……龍蝦菠菜麵 及 石班扒，先說麵包，感覺幾新鮮及暖身，2 人只得 3 個，都係迷你版，略為“吝嗇”。南瓜湯，味道剛好，可惜就是碟大份量少。龍蝦菠菜麵，其實味道不錯，忌廉汁剛掛晒上麵，有少許龍蝦做配料，有係份量偏少，女仕的話，有……可能夠飽，如果男仕，應該唔夠。石班扒，配有薯仔及西蘭花/椰菜花 ，石班較 un ， 味道有些咸，可能灑鹽不均吧 ，都係果 句，份量不大 。每人有一份甜品，好精緻，通常精緻都係小份量啦 ，味道就不過不失 ，飲品就叫了熱檸蜜 。總括整份晚餐就是精緻啦，味道合格，如果胃口唔太大，就 ok 。 另有優點，就是可以 hea 座到 10 點 ， 唔會趕客 ，餐廳不是太多人客 ， 可能門口位置不是很當眼，如想可以 hea 住傾計， 有唔介意食物份量，都可選擇 。每人埋單平均 $191 ， 免強可接受 ， 如果套餐能加多一個前菜，相信更 prefect 。