拉麺食堂 蔵

營業中

休息中

平時經過呢條街都唔覺有呢間餐廳，今日同同事一齊食先發現係日本人開。 環境唔錯，員工自己講日文，仲有日本新聞睇😂 食物好似日本住家飯的感覺，好似返左家鄉！！ 無得去日本都唔緊要，可以黎呃下自己當去左啦😂

《 啊～係日本嘅味道～》黎到拉麵店唔食拉麵咁食乜？哩間餐廳除左拉麵好味之外，定食一樣咁好味！南蠻雞肉定食 $90南蠻雞的確最優質，雞皮香脆雞肉多汁，沙律醬仲會撈埋蔬菜配雞肉食入口會無咁膩，只可惜雞扒偏細塊，唔太夠喉～味增湯偏清淡，不過咁都好，坊間好多味增都鹹到生腎石，個人偏好清淡嘅湯。雞肉和蔬菜定食 $85哩款定食就認真抵食，既有炸雞配黑醋汁又有麻婆豆腐送飯。炸雞配黑醋汁酸酸甜甜，好味又開胃。麻婆豆腐嘅豆瓣醬味好香，豬肉味濃，豆腐入味又香滑，甜甜辣辣嘅味道真係食兩碗飯先夠啦。

難得星期六得閒，諗住去食同一條街好出名嘅座X食個麵，但係因為太多人排隊，泊車又唔可以太耐，唯有速戰速決，喺隔離幾間舖度搵到呢一間，見門口店員好熱心介紹，而且都有我想食嘅拉麵，所以就坐低咗。環境都係傳統嘅拉麵舖頭特色，入面有電視播緊日本綜合節目，旁邊亦都有一啲特色嘅人物簽名板，感覺都幾似係日本食緊拉麵嘅。我叫咗醬油叉燒拉麵，份量都幾多，拉麵質地比較爽，湯底比較鹹，不過係下常口味，叉燒有驚喜竟然有5塊咁多好多塊，係我食咁多間拉麵用呢一個價錢有咁多塊叉燒，感覺都幾滿足，而且叉燒整得幾林幾入味又唔乾。我最鍾意佢隻糖心蛋，入邊好軟滑，製作時間啱啱好。整體嚟講，食物環境都幾滿意，而且服務好好，唔明白點解個個都排隔離但唔試下呢間，可能因為呢間店食物太多選擇，除咗拉麵仲有其他便當餐，相對地感覺冇咁集中，少咗一種特色，但係見到真係由日本人經營，就覺得有一種毅力同誠意，希望之後可以越做越好，可以多啲人欣賞。

日本人開拉麵館,用Openrice外買自取唔識日文都可以買到拉麵食.   準時已預備好食物, 湯底味道唔錯及一般的拉麵硬度.  如果拉麵可以選擇軟硬度就更好.   可以一食再食.

今日又途經中環, 歌賦街附近確實有好多日本拉麵店, 但行過幾間都接近滿坐。突然想起拉麵食堂, 上次試左定食, 今次決定食拉麵, 去到仲有位, 好彩!! (今日比上次晏左到, 已經坐了好幾枱客人💪💪)其實早已諗定食乜, 店員姐姐話而家做緊promotion, 如果係ig 出 post tag 埋拉麵店, 會送一杯飲品。咁著數, 何樂而不為? 我就叫左一杯細orion生啤, 同埋醬汁叉燒拉麵😋真係有好多塊叉燒, 而紫菜, 流心蛋, 荀就係基本野啦，最重要係嗰湯底, 一定要飲幾啖先: 味道好濃😂😋 (不過Uncle 嫌濃左少少😎) 真係要配啤酒飲先得。今次第二次幫襯, 仍然感覺店舖坐得好舒服, 店員好有禮貌, 相信與佢地既經營理念有關: 誠實, 規律, 勤勉, 希望愈來愈出色。Ramen Shokudo KURA地址: 中環歌賦街13號地舖

偶然行過見到有間新日式拉麵店, 已經下午3點, 係下午茶時間, 見個餐都係$52 + 10%, 就試下佢先~  係九記牛腩附近, 門口有個大紅燈籠 入面電視係播日文節目, 門口侍應係講日文,  比人感覺係日本人開既 牆上掛左餐牌, 日中對照 All day set, 望落價錢都OK下午茶餐, 我地四碗試晒 定食兩客揀餃子, 一個揀咖哩飯餃子正正常常, 個咖哩飯就幾好味 枝豆面有粗鹽堅係爆咸!半鹽拉麵半醬油拉麵半味噌拉麵半辣椒味噌拉麵4個麵份量都細, 同都係幾咸下.  最後兩碗漏左隻蛋, 店員知道後好快補番上麵就試完, 好一般, 搵日試下佢D定食,  睇下會唔會好D! 

今次介紹位於中環歌賦街既日本料理舖, 大約6點鐘行過, 有2位客人在店內等外賣。其實我係比門口既大紅燈籠吸引住, 而且裏面都好整潔, 所以入去一試。看過餐牌, 拉麵同定食都好吸引! 上星期在別家食過拉麵, 所以就試定食吧！"岡山縣名物法式肉汁吉列豬扒定食"呢個名夠晒突出😋 心諗淨係吉列豬扒太過單調,配法式肉汁只係相差$2, 咁梗係試下! 一食肉汁果然有驚喜, 甜甜酸酸的, 但又唔似中式既咕嚕汁, 我都唔知點樣形容, 總之配埋蔬菜就好餸飯😂😂 而且佢用熱鑊盛載, 肉汁唔會太快變凍。定食還包括味噌湯, 沙律, 白飯, 仲有甜品! 我最初以為係三粒荔枝, 食過才知道係糯米小丸子, 配上特製黑糖醬, 點算, 真係好好味呀！老闆係日本人, 店內播住日文電視節目, 真係有去左新宿旅行既感覺! (雖然唔識日文😌)

The hot and spicy ramen was really good, broth is flavourful and rich, and the noodles are perfectly al dente! The fried oyster and prawns were great. Very good value for the taste and the amount of food. 200HKD for two people. Large choice of food dishes.

見到OpenRice 有外賣叫又有折就試下，好可惜令我相當失望， 首先講下個便當， 個飯比我預期中出奇地少， 真係三啖就食完（我自問唔算大食既類型）， 沙律菜放到有點黃呀唔新鮮既感覺。再黎個生薑牛肉， 一個字「咸」， 太重味了， 食完要飲水， 明明個外賣list 寫包前菜， 原來就係兩片酸蘿白， 同佢外賣display 個樣既野唔同， 個甜品， 外賣display 好精美既蕨餅， 但我有三粒粉圓， 我明白前菜同甜品都有機會同display 圖不同， 但味道同賣相都相當失望。跟住講下個湯呀， 好油同咸， 飲完我都唔知咩湯黎。CP值極低！ ， 可以話我比圖畫吸引而叫外賣， 不過再幫襯既機會都唔高了。

繁忙時段上菜速度也很快點了兩個餐，對比其它拉麵店，價格相對低一點，但食物品質非常好店員推介了幾款拉麵，我選了招牌的醬油拉麵，如果喜歡較濃味的，可以選擇味噌拉麵整體來說是一家非常不錯的拉麵店，會再光顧