招點薈 (已結業)

我同好友約定到佐敦潮聖，再去附近的商場覓食，行經見到「Check Point Bistro招點薈」的餐廳好吸引，地點好方便，交通四通八達，佐敦地鐵站出口，幾分鐘巳經到達，用餐輕鬆暢快的好地方。  位於佐敦區，地理位置方便，有一份雅緻休閒，周末假日這裡十分墟冚，很多顧客前來捧埸，所以我和好友平日過來覓食。  高樓底令整間店很寛敞，用餐的空間感更舒適，店內裝修簡約，佈置優雅，周圍更添置了很多充滿風情的藝術格調。  餐牌分門別類，十分有心思的設計，詳細介紹店中的美食，食品的種類很多，食物質素良好。  餐湯餐湯是雜菜湯，入口濃度剛好，散發著濃濃的味道，香氣四溢，味道可口。  餐包蒜茸包表面很輕巧脆口，食下來感覺鬆化，熟度拿捏得很好，不會太硬或太軟，恰度好處。  卡邦尼意大利粉卡邦尼意大利粉爽口彈牙，熱辣辣令味道更昇華，十分惹味，意粉軟硬適中，煙韌度很好，芝士白汁配合得宜，芳香的味道仍在口中留戀許久，別有一番風味。  意式香草忌廉汁煎三文魚配精選薯菜煎香過的三文魚，保持新鮮結實，肉質甜美爽滑，鮮嫩剔透，配合忌廉汁，口感細膩，薯菜配搭很好，賣相吸引很開胃，齒頰留香，值得推介。Chec

作為一名健身教練，有時都會食鴨胸補充蛋白質佐敦落堂食咩好呢，上op搵吓附近有咩食先。。。睇到"招點薈"既鴨胸煙肉意粉好似唔錯啵，去到門口先探熱同消毒雙手再入場。二話不就叫煙鴨胸意粉午餐，首先黎到既係餐湯，唔好睇佢咁清，其實係非常濃, 酸酸甜甜!要讚既係呢個意粉，出面好少食到煮得靚既意粉，一係太生一係太淋，呢個就剛剛好，入面仲有少少生生地。鴨胸煎得好香有口感~ 煙肉香脆最後黎埋個餐飲，今次我食熱啡，今次呢隻咖啡豆唔錯呀，大家可以試試~好喇食飽行返屋企消化吓先~拜拜!

今年疫情關係生日都唔想出去多人地方，男友係openrice到萬萬中搵左呢間，於是去試。開頭由小巷過去周圍黑沈沈，格離店鋪都關曬，有啲頹。但見到門口個陣，有種異國風情既味道，有個bar位，於是入左去小店坐位不多，而且依嘉疫情關係座位要減半，但枱與枱之間除了隔開左之外，仲有個屏風，打卡做背景唔錯😂仲有塊枱布加分。有私隱度之餘環境都舒服。因為唔多人，可以靜靜地傾計享受ps.消毒衞生都做齊的員工亦有推介美食，服務周到好友善因為生日男友問能否在心太軟上寫字，佢地都盡力滿足，而且播生日歌，周圍既人都拍掌，很開心食物賣相好靚、乾淨俐落。西餐模樣，大大隻碟但份量係好足既！會再有下次因為整體感覺好滿意，男友都話讚，呢個係我第一個寫既「食評」相片加左效果架只供參考

行開個頭 見到有間新餐廳 門口位幾chill 記比佢吸引左入去食 舖頭唔算大 但個feel唔錯 餐湯佢係蘑菇湯 飲落好濃嘅蘑菇香味 但有啲咸牛肝菌露荀意大利粉呢個適合素食人士 勁多牛肝菌 咬落爽口 菇味濃郁 而且好香口 牛肝菌汁味濃得黎creamy 完全滲曬入去意大利粉入面 每啖意粉都充滿住牛肝菌既香味 再加上露荀 唔錯磨菇雞肉意大利麵汁香濃 意大利粉彈牙而又好掛汁 蘑菇香濃入味 雞肉嫩滑 蘑菇既爽口濃郁同雞肉既鮮嫩入味配搭得岩岩好飲品方面叫左得獎咖啡咖啡好濃帶點苦澀味 回甘 層次分明

很有傳統市場氣氛的佐敦玉器交易廣場內有一間舒適的西餐廳。-環境：門口提供戶外坐位，日間是一個打卡的好地方。內裏燈光柔和，抬頭看會看見不同牌子的紅白酒。還提供酒精搓手液給我們清潔雙手👍🏻-南瓜忌廉湯～又滑又濃的南瓜湯，脆卜卜的法包蘸上湯一起吃，好滋味。-牛肝菌露筍意大利粉～上檯的時候有一絲絲牛肝菌的味道，鮮甜爽脆的露筍配上軟硬適中的意粉，每一口也吃到牛肝菌🥰-香煎石斑配薯菜～石斑煎至外層香口，肉嫩又多汁，每啖也是肉，不怕有骨，令我放心食。配上自家醬汁更惹味。

近排朋友發現左佐敦有一間平價西餐，咁就搵左星期六，約我出黎係佐敦行街，順便就行過去食午餐依間西餐廳就比較隱蔽，係玉器交易廣場個邊，如果朋友唔帶我黎，我都未必知道，入到餐廳感覺整潔舒服，燈光柔和，加上用左酒瓶，俄羅斯娃娃，銀色金魚時鐘，裝飾設計獨特得黎，又帶d藝術色彩我地就叫左2個午市套餐，會包是日餐湯，同咖啡或茶，如果想食沙律可以加$18，甜品就$35，仲唔洗加一服務費，所以非常抵食南瓜湯味道同我出面飲開好唔同，因為依間餐廳做法，會落奶更多，奶味會更加重，但味道會更加香濃幼滑三文魚沙律三文魚鮮甜，沙律特別在用左檸檬，更加清新香甜芝士蘑菇雞肉焗意大利粉$88芝士焗完配意粉拉絲一齊食，配上嫩滑雞肉，十分惹味BBQ醬燒豬脾仔$118豬脾仔好入味，肉質鬆軟，容易咬開

🍀一個悠閒的下午，進了對的餐廳，喝了杯好咖啡☕️，坐在臨街的高椅子🪑 to see and to be seen......這就是我的連串小確幸！🍡🚏就在玉器街港澳一號的站頭，找到這家雅緻小餐廳，🏬與舊區的氛圍有點格格不入；看看餐牌👉🏼露荀spaghetti,正合我意😌，得獎咖啡☕️，非喝不可！ 😙先來個🧅洋蔥湯， 洋蔥炒至軟身，但仍帶纖維感！喜歡他有點黑椒、有點鹹香👉🏼暖胃又抗毒🔥！再來露荀秋葵忌廉意粉🍝，cream sauce 味道濃郁，質感幼滑輕盈......幼身意粉纏住好多sauce ，🎋露荀同秋葵又帶來一點小清新.....有驚喜！🦦燒黑豚法式豬鞍👉🏼真係優質🐖，Grill 得出色🔥甘香脆脆，side dish 亦不容錯過💪🏾最後，以一杯黑咖啡☕️劃上句號⋯⋯香醇帶點點苦澀，我又中了咖啡毒💆🏻‍♀️

黎到佐敦揀左呢間起無咩人既玉器廣場附近幾好顯眼既一間小規模西餐廳 估唔到裡面既環境都幾有氣氛 一入到去餐廳仲有提供酒精搓手液同紙巾俾客人用 全餐飯店主仲會留意客人需要 加水同收碟上餐方面服務都好好 晚餐黎食個dinner都幾開心 叫左兩個dinner set 首先黎左餐湯係南瓜湯附送牛油法包片 質地飲落幾香滑有口感 味道天然係好實在既餐湯 一啲都唔馬虎 Dinner set叫左份法式寳雲酥焗比目魚柳 同埋 加拿大穀飼豚肉扒 法式寳雲酥焗比目魚柳 賣相都幾精緻 旁邊魚皮煎得幾香脆 配埋旁邊香甜既忌廉醬 幾香甜 就咁食唔沾醬就可以好清楚食到魚柳無過份調味 食到魚柳原本既風味 同埋比目魚既肉質食落仲幾嫩滑 而旁邊就有幾多款油煎過既配菜 幾惹味 加拿大穀飼豚肉扒 豬扒肉質煎得啱啱好 煎得岩岩好 勁易切 入口食落夠爽脆彈牙有肉汁 豬扒配埋旁邊煎炒過既配菜 好似有切粒薯仔 菇 翠玉瓜 秋葵同車厘加上燒汁食落香甜惹味 唔錯呀招點薈 (佐敦)佐敦廣東道513號廣東道玉器交易廣場地下F號舖

呢日見得閒咪陪朋友行吓油麻地，佐敦嘅玉器市場，呢排成個香港啲生意真係唔係咁好，而玉器市場呢度情况都唔係咁樂觀，好多鋪頭都冇開吖。行行吓，肚餓想吃嘢，朋友見我陪佢咁耐，雖然冇收獲，但都話請我吃嘢，咁就近搵到『招點薈』呢間餐廳，見佢細細間，但企企理理就入咗，店員即時畀咗两杯暖水同埋洗手液我哋洗手，呢個時候係必须一定要講衛生嘅。我呢排吃咗好多大魚大肉，所以就嗌咗清清哋嘅蘆筍意大利麵，好fresh得來又青脆爽口的蘆筍非常啱我，而朋友就叫咗有點中式的牛腩飯，佢話好腍，雖然白飯有D生，但牛腩份量多已補了不足。

一向鍾情小店ge我 係一次機緣巧合之下 搵到呢間 係佐敦ge小西餐廳位置唔算偏僻 係地鐵站行5分鐘就到 小店經營模式 裝修走和諧路線 好舒服 位置唔太多 但坐得好舒服雖然係小店 野食野飲選擇十分多 由前菜 餐湯 主食 甜品 紅白酒 咖啡茶飲 樣樣都有 仲有d季節限定食品 仲有一款合你心意我地就落左是日餐湯 Carbonara 法式寶雲酥焗比目魚柳是日餐湯南瓜湯 blend到好creamy 好好飲好有南瓜味Carbonara 完全係我想食果隻口感 creamy 得黎 意粉有少少咬口 正比目魚柳非常新鮮又juicy

今日同媽媽嚟佐敦Lunch, 心血來潮想食西餐，行几下，發現到廣東道隱藏著呢間餐廳，一於試下。我倆每人揀選不同意粉。🍝卡邦尼白汁意粉，忌廉好濃厚。意粉唔會太淋，軟硬度剛剛好，好有口感。份量都算多，食咗一半已經好有飽肚嘅感覺。🍝意式香草蕃茄意大利粉，有新鮮車厘茄，酸酸甜甜好醒胃。餐廳好乾淨衛生，環境都好清幽。近期疫情嚴峻，用餐前...店員有提供搓手液，在用餐前使用，好貼心呢👍🏻食物味道好好，價錢相宜，下次都會再來👍🏻

今日晚餐食招點薈，呢度卡邦尼意粉（$88），黎到已經好有香味，忌廉汁夠曬多，好吸引，份量都唔細。入面有秋葵等蔬菜。味道好有忌廉濃郁嘅味道，意粉唔算硬身。另外一道，係意式香草忌廉汁煎三文魚（$160）。有薯仔、菇、秋葵等配菜。幾有質素。三文魚煎得微脆，入面嘅肉依然鮮嫩。忌廉汁黎味道提升。今晚有大班人book枱食飯，好熱鬧。呢度有室外位添，如果日頭黎都幾休閒感覺。餐牌選擇都唔少，下次有機會再黎食下其他食物！

2個月無見 為食既吃貨小妹終於按耐唔住要約閨蜜食飯閨蜜帶我去左佢公司附近既一間西餐廳 環境企理舒適 晚上唔算太多人 正好可以慢慢食慢慢傾當晚既菜式由食開既閨蜜揸主意一見到沙津就好開心 係小妹最鐘意食,入口即溶既"粒粒芝士"沙律亦好重橄欖油既香味兩個女仔 叫兩個main course share就夠晒有驚喜既牛肝菌波菜意大利飯意大利飯粒粒分明 波菜嫩滑 牛肝菌味好香 另一個main course係慢煮煙肉雞卷配薯菜第一次食呢個配搭 好有新鮮感 將雞肉以煙肉卷住 香口又惹味薯菜除左薯仔 仲有茄子,脆玉瓜等 balance返煙肉既油膩感

餐廳：招點薈 (佐敦)地址：佐敦廣東道513號廣東道玉器交易廣場地下F號舖油麻地玉器市場同佐敦玉器交易廣場一帶都有唔少嘅玉器店💍，依家到到經濟都唔係太好💸，所以更加要出去多啲消費（前提當然要做好防疫😷），而我選擇消費嘅行動緊係離唔開食啦去到佐敦玉器交易廣場地下嘅招點薈，本身以為係食點心果啲🥟，點知原來係一間西餐廳🍴，5點幾把握最後可以叫下午茶嘅機會🥳，又抵食又唔洗加一，仲包一杯$30以下飲品叫左個蘑菇雞肉意大利麵($58)，唔好睇佢好似好細碟，其實隻碟(碗)好深🥣，食完都幾飽😹，蘑菇同雞肉嘅份量又足，加上芝士碎同creamy嘅意大利麵，下午茶黎講都算抵食順帶一提餐廳播住台灣嘅TVBS，畢竟香港同台灣聯繫咁多，一邊嘆埋杯齋啡☕️，一邊了解下台灣嘅新聞都唔錯

今日中午約咗幾個朋友到佐敦食lunch，裝修舒適，喜歡樓底夠高，冇任何壓迫感3個人各自叫左魚、豬、牛一齋share食，不過掛住食唔記得影相，魚夠新鮮，豬同牛夠Juicy唔鞋口～最後更係唔放過自家製甜品🍮性價比唔錯！回頭率高