拳王泰國餐廳 (已結業)

呢間餐廳係一間以泰拳為主題的餐廳、椅桌以拳擊為材、電視亦播放著拳擊比賽。一邊食飯、眼睛卻離不開緊張刺激的拳賽。泰式椰汁雞湯$128- 幾重椰汁味、裡面有雞柳、車厘茄，兩個人食好飽肚。青咖哩雞 $108份量唔少、裡面仲有洋蔥、蘿蔔、雲耳、椰菜等，食得辣既朋友會喜歡。蒜蓉炒時菜 $108點左芥蘭、偏鹹同硬 香辣蟹肉夜明珠$1 （推廣價）這個是裡面釀著滿滿蟹肉的龍眼。蟹肉好鮮、龍眼清甜、加入少許辣椒調味，甜甜辣辣交錯在一起，很清新的starter。

今次黎到呢間泰國餐廳同朋友飯聚，呢間泰國餐廳幾特別，聽個名就知，係一間拳擊主題餐廳。餐廳裝修都係同拳擊有關，枱面印有餐廳招牌-拳王公仔，椅子似個重量級沙包，餐廳入面仲放左好幾條拳賽冠軍嘅金腰帶，連電視播緊嘅都係拳擊賽，睇到我地好緊張！我地叫左餐廳招牌菜-海南雞（半隻），送上黎嘅時候店員會倒湯落海南雞度，好特別嘅食法，海南雞有兩種醬汁同咸菜點配黎食，鮮黃雞皮脆得黎唔肥，雞肉大部份已經去骨，食落幾嫩滑鮮美。泰式蝦餅一向係我至愛，呢間嘅泰式蝦餅即叫即炸，口感酥脆，啖啖蝦肉，蝦味鮮濃，點d泰式辣醬，一啖一個，超級好食。泰式沙嗲串燒，我地叫左雞肉同豬肉， 串燒配上濃郁嘅泰式沙嗲醬，越食越惹味，令人回味無窮。原隻泰式菠蘿炒飯，有青口、魷魚仔、元貝等海鮮，配上豬肉鬆、腰果等多款配料入炒飯，菠蘿肉切粒，菠蘿香味融入炒飯，味道誘人。

香港其實有唔少泰國菜餐廳，不過以拳擊做主題嘅泰國餐廳都係第一次見，拳擊迷真係要黎觀摩下。餐廳裝修到好似拳館咁，裡面有面牆放左多條拳王金腰帶，好勁！餐廳入面仲有掛沙包，座椅都整到好似沙包咁，有鐵鏈裝飾，電視播放緊拳賽，連餐廳嘅logo都係拳王卡通公仔，非常有心思！海南雞海南雞用蒸籠裝住，侍應幫我地淋上熱湯，配有海南雞獨有醬汁：辣醬、甜醬、酸菜，嫩滑嘅雞肉配上醬汁同酸菜，非常好食，估唔到半隻雞份量都咁多，好食又抵食！炸蝦餅炸蝦餅外層非常香脆，內裡蝦肉彈牙，配上泰式甜辣醬，更加帶出蝦肉嘅鮮味。沙嗲串燒拼盤沙嗲串燒拼盤一盤有六串，朋友唔食牛肉，所以叫左雞肉串同豬肉串，串燒燒得啱啱好，肉質燒得香口又唔會乾身，點上沙嗲醬汁，好惹味！原個泰式菠蘿炒飯炒飯上面鋪滿配菜，有青口、魷魚、帶子、腰果、肉鬆、菠萝、紅蘿蔔粒，非常豐富，炒飯吸收左菠蘿味，食落甜甜地，青口大隻，腰果香脆，大大個原隻菠蘿，視覺同味覺都十分吸引！

今晚同朋友嚟到銅鑼灣，經過見到一間拳館，有好多人做緊宣傳，但係吸引我哋嘅係隔離嘅一間泰國餐廳，餐廳嘅設計有好多泰拳特色，最矚目就係中間有四大個電視，播緊一啲泰拳嘅比賽食泰國菜當然唔少得有菠蘿炒飯，材料非常豐富成個菠蘿都有唔同嘅海鮮。仲有個人覺得最好食嘅沙嗲串燒，一碟12條，有晒牛豬同埋雞我哋仲叫咗鐵板蠔餅最後仲叫咗一碟馬拉盞炒通菜，非常香口另外嘢飲方面我就叫左菠蘿沙冰，特別叫咗少甜，味道啱啱好如果鍾意泰拳嘅朋友，不妨嚟到呢一間泰國餐廳，係濃厚嘅泰拳氣氛底下，品嚐一餐美味嘅泰國菜！

經過一日辛苦既工作，晚餐緊係食番餐好少少既獎勵自己了，今次特登黎到呢間幾出名既拳王泰菜館食野。一入到去望下個裝修都幾有feel，四周有D泰拳比賽既照，仲有部電視播緊MMA既比賽，可以比我地等緊食物既時候打發下時間，兩個人叫左一個菠蘿炒飯，十二串串燒，一個馬拉盞炒通菜，一個蠔餅再加兩杯飲品。其中最足料既緊係個菠蘿炒飯了，極之足料，飯上有蝦有青口，味道酸酸甜甜有助開胃，仲有陣陣菠蘿香味，食落真係充滿滿足感，至於串燒拌既醬味道唔錯，蠔餅亦都新鮮滾熱辣，所有食物亦唔算太辣，唔食得辣既人都可以一試！

又到週三搵食時間今次去到銅鑼灣區食泰菜拳王泰國餐廳，一睇個名就知係同Thai boxing 有關，地點都好易搵，就係一蘭拉麵附近餐廳裝潢有別於一般泰國菜餐廳以泰拳為題，有拳套，泰拳褲掛係牆仲有大大個沙包由天花板掛到落地不過最有特色都係啲椅子真係好似置身係擂台咁前菜叫左個拳王小食拼盤都有成四人分量！（我地兩個人食唔哂，仲打包左俾屋企人食）魚餅，蝦餅，炸春捲，炸雞肉丸，香葉烤雞，蝦片配泰色辣醬同梅醬個魚餅好有驚喜，咬落勁重香茅味春卷炸到剛好，好香脆，唔會好似油浸咁值得一提係個梅醬，平時多數只見泰色辣醬，梅醬酸甜得黎好清新，配小食正食泰菜點可以唔叫冬蔭公湯2-4人分量，有兩隻大蝦唔會太辣，又係好勁香茅味我飲左一碗，其餘男朋友自己k.o哂佢話好正明爐烏頭魚有個湯附上，俾你一路加湯一路食魚好嫩，原本以為會好重香料味但食落又幾清新，又有魚嘅鮮味最後叫左原個泰式菠蘿炒飯好足料，有青口，元貝，蝦，墨魚仔，菠蘿肉個元貝好大粒菠蘿分量好多真係啖啖飯都有菠蘿肉腰果，肉鬆，提子乾，菠蘿肉加埋好有唔同口感！埋單時食唔哂個小食拼盤要打包順便個侍應姐姐可唔可以俾啲梅醬我地佢即刻入廚房裝左兩盒仔俾我地好好人

拳王今日女友話想食泰國菜，咁上完堂咪search 下有咩泰國餐廳食囉，咁岩又搵到間叫拳王的泰國餐廳所以試下。拳王係銅鑼灣一蘭隔離，入到去第一下感覺係去左個boxing的格鬥場，周圍都係金腰帶、拳套同沙包櫈，仲有個整到好似紅館四面台的電視機組合！同女友揀左好耐野食，真係泰多野揀！成個餐牌都俾我地叫哂(差啲就)！當然惜食的我們最後有限度地叫左個冬蔭公湯，小食拼盤，菠蘿炒飯同泰式明爐鄔頭魚。冬蔭公湯送上黎既時候，佢表面睇黎係一個火鍋，實際上係一個辣得黎唔嗆，咸得黎唔渴，香得黎唔搶材料鮮味的好湯。用湯匙一攪混個湯，即刻見到2隻大海蝦碌！留意返！係大海蝦碌s！不才真係無食過邊間會用大海蝦碌煮冬蔭公湯！今次真係謎底已經解開，鮮味從此而來！菠蘿炒飯係泰菜中的，要做到每粒飯都炒到乾身，有炒的口感同時有菠蘿同其他海鮮的味道一啲都唔易！但今次俾我食到喇！但點解我食到唔係海鮮的甜味呢？因為肉鬆！廚師用左肉鬆做配料令炒飯的平淡加上口感上層次感！小食拼盤最有驚喜的地方唔係佢用幾多酸料增加你胃口，而係佢的醬點樣混到令你食到一種和諧感，個梅醬真係你一試會忍唔住嘩一聲出黎！不過建議多人先叫，真係2個人食唔哂！泰式明爐

收費不便宜，味道還可但份量少得可憐，HK$138的冬陰公湯叫二至四人份量得兩隻霉蝦和幾粒草姑，叫了肉碎生菜包相片中有飯，但上菜時沒有飯，服務員説是要另外加錢叫飯，違返商品説明條例？？以後不會再去。亦不會介绍朋友去！

真心，食物質素係幾好D野係ok好食但叫好耐野先落到單又俾人呼呼喝喝要求嘅service加水嗰d你千祈唔好諗，見到當見唔到6串串燒1小碟醬，12串都係得1小碟醬，要求加醬，叫第1次ignore你，叫第2次話加5蚊冬蔭功追完又追，全餐飯幾個餸嚟完都無湯千辛萬苦先等到個湯仲要明明隔離枱遲過我地叫，都有個冬蔭功先！總結：貼錢買難受，無下次！唔想受氣就唔好嚟！呢個價錢可以有更多更好的選擇何苦要睇人面色受人氣

我想係openrice訂台，但見佢full booking咪打電話去問。都已經confirm booking,再多口問句係唔係有生日優惠。開頭只係話show身份証就有野食送。再多口問多句，要唔要print openrice coupon出黎。後面有條友係咁講經openrice訂台同佢講冇位。我都講到明我明顯唔係經openrice訂台啦！我再問多佢一次，咁依家係唔係唔做我生意。條友仲不停講冇台。咁唔鐘意留台俾openrice嘅客，咪唔好俾人經openric訂台囉！以後都black list呢間野！

野食其實可以 串燒好味菠蘿炒飯好味不過等左好耐月亮蝦餅第一次見 食落好油 蝦好少 叫返蝦餅好喇冬蔭功一般 唔夠辣 似蕃茄湯多d................2個人夜晚食左成千銀 咁既價錢可以去mango tree 都得 起碼食個裝修都抵你話好食既程度又未至於咁既價錢囉 多人去會抵d....卦/-;/(;$-(;$,)-&;@()/)/(-$;$;&)$-&;@()/)-)/&@($-$;@($-);&(@()$:@:$

老妹想吃泰国菜，搜了一下附近，就这家咯。附近基本上都是要排队的餐厅，我们到的时候还不需要排队，之后就陆续满了。服务：服务不错，服务我们的是会说粤语的泰国人，精明，能干。不论是点餐、打包、都很赞。菜色：猪颈肉稍微有点硬。芒果饭地道。空心菜味道也不错。拼盘份量很大。thai milk tea是thai味十足。

在生日的月份裡，每個人都會有不同的慶祝飯局。而在我的生日週就選擇來到拳王吃泰菜。原因很簡單，就是聽了電台的訪問，看了食評及食物的照片。雖然從電台頻道得知餐廳的食物已調校到更適合香港人口味，我還是被那名聲吸引前來試試了。餐廳其實有兩層，但那天只開下層並坐無虛席。可是座位設計不舒服，椅背很直，女生要放或掛手袋也困難，枱與枱之間也很近。食物方面，首先到來了香辣蟹肉夜明珠作為前菜。這是一道冷盤把蟹肉釀進荔枝肉內，再放到加了泰式酸辣汁的粉絲上。味道的確清新又開胃！接著是拳王小食拼盤，內有蝦餅，魚餅，炸雞肉丸，香葉烤雞及春卷。可是那蝦餅肉質偏硬，魚餅太乾不彈牙，烤雞無香葉味，肉與葉分離，雞肉表面及皮不脆，不像有烤過的。而素菜的春卷與雞肉丸的口感及味道，是不過不失吧。沙嗲串燒也是我愛吃的菜式，可是這裡的豬肉串肉質並不爽滑也沒有帶少許肥肉，令我失望。朋友說，吃了三道菜式也感覺不太突出或好吃，原本想多點一些菜式也令我們卻步了。總體驗來說，餐廳是否名過於實呢？而我這餐生日飯也是不能盡興。

上星期四見到呢間喺openrice 度有7折，又睇到D食評幾OK. 於是去試下。叫左幾樣野，蝦餅，生蝦，海南雞，青咖喱豬...大部份價錢係$138，7折完都要成舊水，之後再加左個粉絲蝦煲，成三舊幾。錢都冇理咁多，最緊要好味。第一碟上菜，生蝦6隻… 超雪味，去Aeon 買嗰D越南蝦刺身$29.9，好味過佢十倍。再黎係冬陰公湯，湯味係OK，$138係合格的。之後再上碟蝦餅，薄過紙。味可以，因食完吾知乜事。最後上嗰2碟重黎譜，青咖喱豬D豬肉比梳打粉"乸"到入口即熔。粉絲蝦煲D蝦不新鮮架！未入口，夾起時已散晒，最終粉絲蝦煲只可吃粉絲。埋單四人都要自己成千蚊(折左)，一句型容"全晚浪費Quota".

本身想叫青木瓜沙律但係睇吓睇吓見到原來有青芒果沙律老實講青木瓜沙律就食得多但係青芒果沙律真係未試過所以把心一橫叫咗個青芒果沙律去試一試雖然個沙律汁係青芒果同青木瓜應該都係一樣大家都係酸酸甜甜而且食落口有一陣辣味嘅汁但係青芒果食落去就比較淋身啲而且我個人覺得青芒果嘅吸收個沙律汁更加好所以青芒果係比較入味之後就叫咗個泰式小食拼盤最喜歡就係適合你哋小食拼盤因為叫一份餐就有齊晒咁多種唔同款嘅泰式小食我最鍾意就係嗰一種好似冬甩樣咁樣嘅炸蝦餅炸蝦餅打得爽口彈牙而且又唔會炸得過乾令到佢太硬再點埋嗰個泰式辣雞醬酸酸甜甜配合埋啲炸物完全係一大享受另外個炸魚餅都好好食睇得出係真材實料因為每一啖都食到重重的魚味而且唔會淨係落好多粉去打成魚餅另外嗰個香葉包雞都係好入味又好食可能因為用香葉包住個雞先拎去炸所以雞肉唔會炸到乾爭爭其實食完個拼盤都已經有七成飽了呢個時候就梗係叫返個甜品去作完美的句號啦最後揀咗雙色芒果糯米飯揀咗綠色嘅斑蘭糯米同埋黑糯米班蘭味都幾重配合埋個椰漿仲更加好食黑糯米膠比較硬身但係都聽得幾好而且黑糯米配合椰漿就簡直係天衣無縫嘅組合計發食下食下竟然唔記得咗仲有主角芒果芒果每一塊都好甜而且份量都好多