拾柒號冰室 (已結業)

今日放假，去柴灣找朋友，經過藍灣半島，就入去拾柒號冰室食個早餐~我叫咗個沙爹牛肉公仔麵餐+$2多士，個沙爹牛肉公仔麵味道一般啦，湯底又無特別，唯有餐廳環境尚可~ 總括，係間好普通的茶餐廳~

我不是這裡的常客, 記憶中以前食過一次, 好似唔係咁好食...但係見入面環境好似幾舒服就同老公入左去食喇中午點左2個午餐, 一個叉燒滑蛋飯(乾爭爭好難食, 食左2啖已經無再食)&一個黑椒牛排菠菜闊條面(OK 無咩問題), +2個羅宋湯, 差不多食完叫了2杯凍飲埋單要$78 , 我同個casier講計錯左$$$, 應該$32 x 2 + 2杯凍飲 ($4) =$68佢話2個羅宋湯要+$10, 因為個午餐係送湯"或"飲品, 唔係送湯"及"飲品我完全唔知個湯要+$10 !因為我不是這裡的常客, 唔知飲湯+凍飲, 要另外+$7 咁多...如果我知都唔會又叫湯又叫凍飲啦....佢個MENU上又無寫明個湯要+$5, 只係寫凍飲+$2真係硬食, 呢樣都算, 果10元8塊....都不是大問題最大問題係casier隔離個男人(唔知係咪老闆)幫口, 但係態度非常差!!佢同我講: "咁你覺得我應該點做?"我同佢講, "你應該o係我叫凍飲時同我講聲, 咁個湯要另外+$5架, 你完全無同我講, 點解你頭先唔講?"個MENU又無寫, 咁我點知要+$5???佢就話 "個湯係要+$5@, TOTAL $10" 同埋佢

今次同朋友去食下午茶價錢好合理曾經陪過朋友去食依間都幾難食..怕左佢依家越做越好蒜蓉汁撈公仔麵 :吾好睇佢好似好dry撈左之後幾好味d薯條都好好味(吾記得名)包 :新野黎朋友食..我覺得ok la.可以更脆不過會整到隻手烏糟哂未搭正2:00果個人已經比我地入其他侍應態度都幾好下午茶抵食之選

小西灣藍灣半島都有幾多餐廳,不過講平拾柒號冰室都算係數一數二埋單果陣先發現下午茶時間有得減收$5,咖哩豬柳撈公仔麵入面個豬柳都幾鬆軟,同埋幾鍾意個咖哩汁,唔會太辣之餘同個豬柳幾配合埋單$20仲有野飲真係幾抵食~

d嘢食越嚟越差. 下午茶魚蛋粉 - 雖然$17下午茶包熱都幾平, 但係唔駛咁難食掛! 碗魚蛋粉居然可以唔熱嘅 (試過幾次, 今次終於忍唔住要响度發表), 只係微温, 已經即時冇哂胃口, d河粉重要黏住一叠叠, 又靱咁. 煮嗰陣可能只係淥咗一秒鐘. 唯一可以放落口嘅係d魚片魚蛋, 雖然只係微温, 但係呢d可以唔煮嘅我先至放心擺入.凍檸茶 - 全藍灣廣埸最好飲嘅凍檸茶. 夠大杯, 多檸檬. 夠凍, 有茶味.之後嗰日去食晚飯. e家晚市冇咗以前d中式套餐. 轉咗做上海嘢. 轉唔係唔好, 但整得唔好就唔轉好過轉. 嗰次叫咗醬爆雞柳, 魚香茄子 (原來呢d係上海菜)一個字可以形容哂呢兩個餸 - 鹹!

坦白說，對好幾間在家裡附近的餐廳，已經完全投降，因為水準實在不濟，有時真的是去美心，行遠幾步去大家樂都仲好一點，你說弊不弊？是日來吃下午茶，在不寄厚望下，水準又不太差。魚柳包熱烘烘的，魚柳不算厚，但炸得脆口，吃起來香口。伴碟的炸薯條也不錯，是鋸齒款式的，新鮮炸起，好吃；另外的炸雞串汁厚且甜，雞肉本身滑到不行，包裝貨的質數吧。最後來的酸辣米線，一聞已知不錯。雖云是「酸辣」，但聞起上來明顯的是冬蔭公湯底，味道也很對辦。放了不少的紅尖椒、香茅，也有南薑、檸檬葉、青檸、月桂葉等等，非常認真。喝一口是新勁十足，又很有層次，真的很不錯。放湯的米線也爽滑有咬口，配料的雞絲是最弱的一環，如果下次再來，就這樣要酸辣湯米線已經很不錯。25蚊，交足功課的。年青侍應服務是非常的「遊魂」，問要代糖，他二話不說就拿來兩包黃糖，頭也不回的走開。絕對是「你要蝦，佢就比叉的級數」。埋單每人廿幾蚊，也不失為吃下午茶的好地方。

因為住係附近, 一直都有去食. 但自從通賬後. 佢.上一次叫羊扒時, d扒似 豬扒. 但都ok好食.今次再叫羊扒. 塊扒就唔似豬扒. 但細塊到呢....... 就好似笑緊你: "哎呀, 你又黎比我搵丁呀? 多謝曬. 下次再黎比我搵笨啦"加價 都話可以計下值唔值, 比唔比得起. 但你縮水就真係要撞過板先知. 最憎係唔夠飽麻.仲有杯餐茶(奶茶)呀. 等左成年都未黎. 可能佢要種茶葉啦. 講真d野食 味道唔錯. 但要預左 隨時唔夠飽. 隨時縮水. 隨時加價. 食m記好過. 話曬人地個包有上有下. 唔會得一半.惡劣!

十七號冰室 有得必有失尼食呢間野....叫左兩個扒餐....先尼的係紅湯同多士紅湯濃到澀喉.....太重手了吧多士係有牛油味....但係未溶晒雪的味道law...唔係咁得播...好喇....最重要係主菜...一個豬扒一個西冷扒.....又薄又un....仲要好細塊....d 薯條又林晒.....算喇....就連汁都少個人....咁點搞呀....總括來說呢間野係平....好平tim...不過野食質素就真係好差law....所以就係標題所說一樣...有得必有失

呢件已經係一個月前O既事,上個月15號,同朋友O係小西灣兜O左一個圈搵野食,行到呢度開始覺得攰,我見呢度應該幾好坐就提議入去,朋友早已經對呢間野冇乜好感,但係都順我意入去坐低,睇O左一陣餐牌決定O左食咩就叫侍應,不過成班姐姐仔圍晒O係收銀位傾計,完全冇人理我地~遠處一位正在FILL牙籤O既侍應見倒有人揮手,就叫正在傾計果班姐姐幫我地落單,然後其中一位好唔情願咁行過O黎,印象中呢位姐姐由開張已經O係度做到而家咖喇~落單全程黑口黑面一粒聲都冇出過,十足我O地阻佢傾計咁O既態度,我地叫O左一個日式肥牛漢堡,一個雙丸米線,茶走同埋凍檸茶~飲品先O黎,但係凍檸茶落錯O左凍檸樂,阿黑姐(黑口黑面的姐姐)由冇表情又再黑面...冇耐所有野O黎齊,我個包同茶走都OK,但係朋友碗粉個湯底就有陣不知明臭味,都幾難入口,見隔離檯食客叫O左應該係同系列湯麵似乎冇乜問題,就向另一位侍應詢問湯底會唔會係變O左質(亦怕係畀人惡意"整估"),轉過頭侍應提議我O地轉另一款食物,我O地就轉O左奶醬吐司,心諗咁簡單O既野睇怕都唔會有咩大問題掛~個吐司都好快到,但係O係白雪雪O既煉奶上面出現一隻黑媽媽O既蚊滋,已經冇晒胃口亦都

我上個月食過佢D早餐, 個沙爹牛柳粒米紛, 都OK丫, 牛柳好有口感下, 唔似出面茶餐廳咁"薄砌", 一般喇(早餐).我之前試過佢D LUNCH, 就好唔掂喇, 冇味道, 水汪汪咁...

今日晚飯唔知食吔，近近地去樓下17號冰室，見到有特價鐵板餐，只售＄38，除飲品外吔都唔包。2個大人加1個小孩，叫了2客，一個T骨及一個兒童餐，重加了意粉及湯。T骨塊扒勁細塊，食完好似無食。個兒童餐等得耐唔在講，條腸仔重係凍嘅，要叫waiter換過。跟餐意粉催咗幾次，等咗成個鐘都無嚟。另一個跟餐咖啡又無嚟，簡直嬲爆。比錢時叫收銀減噃飲品價錢，她一時又話無落單，一時又話個餐咁平，又送飲品，啫多推唐。我很嬲咁話個飲品係包，唔係送，最後終於打個九五折比我。總括嚟講，D侍應服務唔專業，嘢食又等得耐，又唔好食，短時間內都唔會再去。

我係拾柒號長期食客，係餐廳無論食種同價錢都好大眾化，我差唔多試過好多野食，但係我試左好多款食物，最鍾意食一煲煲野食，有紅酒牛尾煲，咖喱雞煲，仲有好多款火鍋，Ｄ野食味道都好ＯＫ啦，仲有多款小菜套餐，還有西餐食，入到去好似中西餐嘜到食，雖然服務態度好差，希望下次黎會有改善啦！

我係到都食左好多次~係第一次ok之後, 佢\既服務態度一次比一次差d野又愈來愈難食..之前個咖哩, 紅酒牛尾, 呢家真係好難食..如果去, 千其唔好坐去後面o個到, 佢\反面d風係咁吹,, 又冇人理..唔~唔會再去~

我係17號冰室都食過唔少次數大約有10次到咩時段都有早, 午, 晚都有試過平心而言其實LUNCH係12點正先開始既不過星期1 - 5 11點半會開始有大碗飯而....星期6 / 日就冇既所以先會搞到11點幾冇午餐不過我都覺得12點先有午餐又好似有D那過...早D既話就方便好多: D希望我可以解答到你個問題

本人於二零零八年一月十三日與三位友人到香港小西灣道28號藍灣廣場地下之拾柒號冰室用膳時，受到不禮貌、不尊重及被誤導的對待，情況如下：本人於上午十一時正詢問有關待應關於午餐的提供時間，當時的答覆為上午十一時三十分，與友人商討後，決定等候；但在上午十一時二十分時再詢問時，答覆為上午十一時四十五分，態度十分差劣的女待廳卻多次茅頭直指是廚房的問題；隨後再詢問有關當值主管，答覆為上午十二時正，在無法子之下，我們只好決定吃那遲了的「早餐」。本人白白等候了四十多分鐘，即使本人是太早到餐廳，但這不是問題。最重要的是餐廳一次又一次地拖延時間，一位女待應多次強調是廚房的問題，但為何餐廳不明文規定提供時間，反而按每天多變的情況去判斷所提供的膳食呢﹖總而言之，最重要的問題有兩項~一、餐廳午膳供應時間欠固定性；二、待應欠缺應有的服務態度及精神；