影片
營業時間
今日營業
11:00 - 22:00
星期一至日
11:00 - 22:00
*最後落單時間: 21:15
以上資料只供參考, 請與餐廳確認詳情
相關文章
琴日終於嚟食到大名鼎鼎嘅挽肉と米！男朋友做一個星期假定鬧鐘book枱，book咗琴日嘅晏晝兩點。其實我嗰陣時隔咗10分鐘再去睇個website都仲有位🤣而家應該冇以前咁難book-一去到門口就有大約10個人排隊等Walk in，book咗枱嘅好處就唔使天時暑熱喺度乾等😛入到去有部自動點餐機點餐，我哋就叫咗兩個set、一個薯仔沙律、一杯生啤、一杯凍烏龍茶一坐落嚟，店員就會問你有冇食過。我哋第一次食，就介紹咗少少食法同埋有啲咩配料，同時都有張紙仔俾你望住每個位置都可以見到師傅喺度燒漢堡扒，燒燶咗嗰啲佢仲會抌咗佢🥺（心諗可唔可以俾我食😆）首先嚟咗個薯仔沙律同埋兩杯飲品。薯仔沙律落咗啲吞拿魚蓉同埋洋蔥，個人認為偏鹹，配埋飲品就剛剛好，但我覺得就唔洗試都得一個餐總共有三舊漢堡扒，食到最尾唔夠你都可以出去點餐機再加漢堡扒都得😋師傅嗰邊有個wooden block mark住你食剩幾多嚿不得不說，個漢堡扒外皮少少焦脆，一咬開入邊好多汁Juicy，調味都剛剛好，一開始食覺得唔使點任何調味料都其實已經好夠味👍🏻-因為食三嚿漢堡扒，每嚿都就咁食就有啲寡，所以其實調味料都好緊要！！我每一隻調味料都試咗，我最鍾意都係豆拌醬油+蒜碎😋我男朋友就強烈推薦豆拌醬油+蒜碎+油漬青唐辛子，無論係配漢堡扒定係撈飯食都好惹味👍🏻最後嗰碗白飯攞咗隻蛋嚟撈飯，記得要分開蛋清同蛋黃，淨係用蛋黃嚟撈飯就夠啦～如果唔係個飯就會太濕。蛋黃都係推薦加埋豆拌醬油同埋蒜碎一齊撈飯，超好味，食10碗飯都得-總結：一開始好肚餓，覺得自己可以食4塊漢堡扒（本人都算係大食個邊），但最後食完3塊其實都好飽（我每塊漢堡扒都配一碗飯嚟食）。所以建議大家食完先再諗使唔使再加點漢堡扒～如果book咗枱嚟嘅話，我覺得非常值得嚟食！要排隊就不了～不過而家咁易book枱，我覺得都可以再encore
繼續閱讀
終於扚起心肝1星期前嘅早上10:00上網訂位，一早預備好姓名、電話、電郵、信用咭資料。但過程都唔係太順利，原先揀左理想嘅時間7:15pm，但入完信用咭就彈出畫面所選時段已經無位，再重新揀左8:00pm，又再重入一次資料，終於成功。睇返訂位網，大概10分鐘時間，即係大約10:10am，較理想嘅午飯同晚飯時間都已經full左，所以大家預約記得要把握時間。餐廳位置對於唔熟悉IFC嘅我真係有d難度，因為搵唔到指示點樣上天台平台，用埋google map由中環碼頭到餐廳，用左廿幾分鐘。提醒同我一樣唔熟悉IFC嘅食客記住預留時間到達，因為餐廳只留枱10分鐘，遲過10分鐘會當no show，cancel 。到達餐廳，門口都仍有人等walk-in入餐廳，到我地離座時都見到有大約3對couple 可成功入座。我地入到餐廳根據店員指示先向左，行到自助點餐機，自選食物、飲品及付款，然後先正式入座，開始朝聖之旅。吧枱設計讓你可以清楚看到烤漢堡扒嘅過程，亦方便與店員溝通、要打卡亦容易；但係坐就唔算太舒適，建議輕裝嚟食，因為無咩位可以擺手袋，大褸亦只能掛喺餐廳側邊嘅衣帽架。店員服務非常好，會先講解雞蛋、水嘅自助位置、餐枱上及坐位前櫃桶嘅擺設。期間亦可輕鬆叫到店員幫你加飯。總共有3件漢堡扒會逐一奉上，第一啖漢堡扒根從建議直接享用，但溫提係要溫柔地咬，因為肉汁真係好豐富，慢慢嘴嚼先可以感受到肉汁慢慢流入喉嚨嘅滋味，牛味極濃郁，油脂香濃而唔膩，再放回飯面，試吓唔同嘅調味，個人就覺得配埋最簡單嘅鹽，就已經可以令肉味更突出。而配上生醬油就令肉汁味更濃，撈飯就更好食。第二件漢堡扒根據指示配上蘿蔔泥及柚子醋，可能已經無左第一次食嘅驚喜，味道依然係好食嘅，但說不出特別好味之處，唯一可以講到係蘿蔔泥味道幾鮮，水份充足，混合多汁嘅漢堡扒一齊食令濃郁嘅牛味稍稍中和了，混和白飯一齊食，反而突出了飯香。最後一件漢堡扒建議混和生雞蛋一齊食，朋友唔係咁好生雞蛋，所以感覺麻麻。我自己就幾鍾意果種滑滑嘅質感，不論係肉或者飯，沾上蛋液後都更易入口，美中不足係雞蛋沒有預期嘅超級蛋香，稍稍扣了分。不過配埋生醬油一齊食，淡淡嘅鹹香又可以令雞蛋、肉汁、肉碎、飯，四者味道完美融合，既香且濃，因為蛋液、醬油嘅緣故，令每一啖入口更濕腍，感覺肉汁變得更厚。整體評價係好食嘅，漢堡扒(其實佢厚身嘅程度，我覺得形容為大肉丸會更貼切)烤熟嘅程度掌握得恰恰好，外層微焦更脆口，而咬開又會見到微微嘅嫩粉紅色，肉質嫩滑。採用了日本米，飯香果然係特別易辨識到，而且入口非常軟糯，配上肉汁豐溋嘅漢堡扒同食係會忍唔住食到兩至三碗飯。店員個個都非常有禮，面帶笑容，令整體用餐氣氛融洽。但係坐位設計唔會適合chill & relax，以及進食嘅繁忙度(意指要品嚐不同食法、不同調味配搭)令整體嘅感覺會好似有d催趕咁，縱然店員唔會催還枱，但係就係感覺無辦法慢慢嘆。
繼續閱讀
日本過江龍挽肉と米唔經唔覺又開左第二間分店，初步相信多左間應該冇之前咁爆場，趁假日即約了友人膽粗粗冇預約挑機中環分店，早點大約11:50去到，等左半個鐘到有位，同預計時間差唔多。先付款後入坐。設有衣櫃掛外套，防止弄污及吸味。餐廳係玻璃屋設計，樓底高，落地玻璃引入自然光線感覺舒適，裝潢以木系為主，圍爐座位，環形吧台設計，中心位置是炭火烤爐，可看到廚師即場烤肉，新鮮現烤，再迅速送到每台客人的烤架上，務求即時送上最新鮮的美食給客人享用，呢個格局都真係幾有心思。自助檸檬水位置。自助雞蛋位置，每位一隻。座位的櫃內有餐具、配料介紹及食用方法說明。枱底有個鈎個掛袋，前方烤架兩旁為自家製配料。(入坐後店員會略略介紹下嘅。）挽肉と米套餐，$148，有3件漢堡扒+白飯+ 味噌湯。第一件，原汁原味。100%日本牛肉的現烤漢堡扒，不加任何調味料直接食，漢堡扒多肉汁有肉香，外層有炭燒焦香味，好juicy又美味。米飯選用秋田縣秋田小町米，煙韌香軟帶黏性，漢堡扒送飯食，米飯吸收其肉汁更美味。第二件，配以蘿蔔泥和自家製柚子醋。蘿蔔泥鋪在漢堡扒上再淋上柚子醋，清爽的蘿蔔泥配合柚子香氣更增添食慾。添飯。第三件，生蛋拌飯。添多碗飯又繼續，打大佬嘅時候，大部分打卡都係生蛋打落漢堡扒上，變左個玩意，符碌咁成功左趁未跌即影🤣，打散蛋液加入醬油伴飯，口感黏稠有蛋香，十分豐富。伴食的配料試了兩款:青唐辛子鹽漬檸檬，頗酸的檸檬味，淡淡的鹹味，清香之感。香炸煎碎，蒜香味濃又脆口。梅子醋漬白菜，口感爽脆解膩。
繼續閱讀
一早喺日本食過😌非常記得嗰陣時落大雨我同朋友冒雨攞籌排隊就係為咗食呢一嚿漢堡扒！😝佢地插旗香港終於唔使飛去日本食喇避開咗佢哋一開舖嗰陣嘅墟冚而家嚟食時間啱啱好無痛book到枱😉😉😉地區黎講有IFC靚景加正宗日本餐呢個組合已經算非常唔錯價錢仲要百幾蚊搞得掂🙂真正做到價錢平民但又略帶高級享受基本上成個體驗同喺日本食一模一樣一樣有廚師哥哥喺你面燒漢堡扒俾你食一樣有熱辣辣珍珠大米（任添）一樣有超creamy 日本雞蛋撈飯（一隻）不過如果女仔嚟講齋食肉其實係有少少漏同悶而且又冇其他特別小食或者配菜可以揀只係得薯仔沙律同泡菜嗰啲仲要加錢添而個個set都係一模一樣三件漢堡扒就係咁多喇變化上嚟講係有啲少但個漢堡扒都燒得幾香嘅我自己一個食咗三碗飯先夠飽😅😅所以黎呢度我覺得真係食個日本風嘅體驗唔能夠經常過嚟半年食一次都已經夠晒皮😌
繼續閱讀
上次等咗1個幾鐘，今次等咗30分鐘就成功入座。 漢堡扒用炭火烤，肉汁豐富，口感鬆軟又帶焦香，加啲白飯啱啱好，有不同配料，有個綠色嘅麻辣醬好味，辣椒粉都好香。另外叫咗杯蘋果汁，好飲！ 但梅酒好似溝左水 味道一般。 等咗30分鐘嚟講係大滿足。
繼續閱讀