捌壹壹 (蘭芳道)

營業中

休息中

旺爆既銅鑼灣想食#川菜，#捌壹壹 望落唔錯，新式裝修舒服又闊落，餐牌主打酸菜魚、重慶魚鍋、川式小炒等，好吸引🤩仲有生啤同重慶燒烤🍖10月都仲咁熱，即刻叫杯冰凍1664生啤Chill一Chill先✨又靚又濃果香，好爽淺嚐重慶燒烤，剁椒烤生蠔，有蒜蓉揀但食重慶味道無理由唔叫剁椒既🌶️生蠔估唔到咁大隻，都幾鮮幾juicy，相當唔錯😙烤厚切牛舌芯，超厚而幾嫩，好濃牛味，依個價錢既燒烤，性價比好高😆必食冷鍋酸菜魚(小辣)，驚人咁大盤，上枱已經好香，賣相唔錯👍🏻大量花椒粒、香料，加左啲菊花瓣，清清熱😌飲下湯先，金湯既賣相，都真係幾好飲，好濃味而唔會太酸或太咸😍真係可以飲既湯，一魚幾食🐠試下主角：魚塊，份量多到爆，好少見成鍋個面充滿魚🤤完全無骨，厚肉又滑👏🏻配料有娃娃菜、金菇、萵苣、涼粉、酸菜，都好正好夾個湯🥳超正既酸菜魚，仲有高質重慶燒烤，超滿足既一餐川菜😌黎銅鑼灣想食辣既好選擇！🫶🏻

食勻香港咁多酸菜魚同乾鍋，811真係可以話數一數二。無論性價比，味道，menu選擇，服務都好出色。酸菜魚份量超多，嗌左個細嘅都多過人地所謂土豪份量，好香好有層次，辣味同酸味平衡得好好。雜錦乾鍋非常推薦，咩都有亦都好好味。已經好期待快啲再黎！

🌟1行3人銅鑼灣利園附近搵食，「捌壹壹」門口餐牌上「必食」冷鍋酸菜魚吸引咗我哋，裝修都幾骨子，決定揀呢間。***** ***** ***** ***** ***** 🐠必食冷鍋酸菜魚$268我哋揀咗走辣、辣椒另上，湯底唔覺油膩、味道微酸帶少少麻香；魚質好肥美夠新鮮嫩滑，酸酸麻麻的好正，另外湯底裡頭有金菇、寛粉同娃娃菜，份量好足。🐓王牌口水雞$98雞好嫩滑，我哋揀咗bb辣，好惹味好正。另外叫咗3款配打鞭爐食🥩手切肥牛$108金菇$38🍲稻庭烏冬$38🍺Somersby Crush$48睇見隔離檯叫，我哋都叫番杯試試，好味超解渴。

原來銅鑼灣希慎廣場外面對出條街都有好多野食，見到有間川菜好多人幫襯，於是我都入去試下～*必食冷鍋酸菜魚 $258可以揀辣度，我地揀咗小辣，大概約譚仔五小左右嘅辣度～酸菜魚嘅酸味啱啱好，仲有藤椒同泡椒嘅香味，好惹味，食完一啖會想繼續食😻入面嘅材料都有好多，有好多魚片，仲有娃娃菜、金針菇同埋薯粉，薯粉滑嫩彈牙，仲煮得好入味㗎🤤*麻辣爽耳 $68麻麻辣辣，豬耳有軟骨，仲有層骨膠原嘅皮，好爽脆，好適合做開胃菜🥰

平時成日經過呢間餐廳都唔知原來係食川菜，今次朋友介紹去，估唔到超有驚喜！😳✦ 麻辣海蜇 $48好耐無食海蜇，呢度既夠爽口入味🥰✦ 酸辣土豆絲 $75炒得夠乾身，酸辣程度啱啱好，而且份量都幾大🥔✦ 冷鍋酸菜魚 $258 🆙到左重頭戲酸菜魚😳”冷鍋”意思係煮完之後再放入冷鍋上枱，唔一路滾住就可以確保魚既肉質爽口彈牙🤓。Regular size係2-3人份量，鍋入面已經有埋萵筍、豆芽、金菇同寬粉等配料。魚好滑身同份量都好足，好似食極都仲有🤗我地叫左bb辣，覺得個調味啱啱好🫶🏻✦ 黑糖糍粑 🆙有大份同細份揀，我地3個人叫左細份已經夠😳炸到外脆內軟超煙韌，點埋黑糖食超正💯！必點👍🏻✦ 鮮果冰茶 $48超大杯+超多生果！味道清新，滿滿維他命C🆙

食辣野，酸菜魚，真係我既至愛！今日試呢間"捌壹壹"，環境幾好!一入門就見到有個大屏幕播住音樂video，收工過到黎， 聽著音樂搖擺兼食辣野，即時開心晒🥳餐廳環境好整潔，平時最驚食辣嘢嘅地方會油林林。另外抽風都做得好好，有人喺度打邊爐，都唔會好大陣味。而且店員嘅座位編排都好細心，入座之前都會問打唔打邊爐，因應需求安排較好嘅位置。有冷鍋酸菜魚或者火鍋既選擇，火鍋魚食完仲可以加湯打邊爐。不過今日人少，就無打邊爐咁heavy，今晚食冷鍋酸菜魚。🔥🐟必食冷鍋酸菜魚 $258可以選辣度：bb辣/小辣/中辣/大辣/走辣都得揀左小辣🌶🌶個名叫做冷鍋，但係其實一啲都唔"冷"，只係佢唔係有火喺下面燒住。其實咁樣好好，絕對係識食嘅做法！👍如果唔係一路滾住嘅話啲魚肉會好老，而且好容易散曬。一上枱熱辣辣已經聞到好香，蒜頭香味撲鼻！用上鮮嫩既新鮮黑魚，無骨，一掂唇感受到輕微麻嘅感覺， 酸菜分量都可以，而且好爽脆，仲有黃芽白、萵筍、芽菜，仲有粉皮添！粉皮晶瑩剔透爽滑，整體高質！一個鍋兩個人食，食得飽飽🥰😋🥢黑糖糍粑（小）$42我超愛嘅甜品!呢間整得不錯，外面整到薄薄脆脆嘅口感,內裏煙韌🥤荔枝沙冰$48唔會有粗硬嘅沙

今晚帶屋企人出黎食晚飯，因為媽媽中意食酸菜魚，所以book左呢間餐廳試一試當然，一定叫一煲酸菜魚，味道正常，不過不失另外叫左個烤魚，呢個味道就好普通了，唔太值得試反而，我地認真個大腸同炸饅頭好好味😂整體黎講水平一般，如果係行街經過呢邊都可以食下，但唔推薦特登過黎食～

上星期同兩位閨蜜試新嘢閨蜜們搵咗新開嘅四川菜中午血拼完嘅我哋超級肚餓坐低時見到有啤酒優惠$98六支細size啤酒二話不說叫咗兩set閨蜜們仲嗌咗好多嘢食《麻辣小龍蝦雞煲》煲裏面嘅小龍蝦算大隻 肉質結實新鮮裏面嘅豆卜同菜吸晒所有精華建議呢個煲一滾起就可以熄火咁就可以雞肉滑滑好味《必食冷鍋酸菜魚》好足料 魚肉滑滑又厚肉果然係必食 CP值高《麻辣海蜇》爽口入味《泡椒牛肉》呢個泡椒牛肉不得了泡椒加上配菜香到呢🤤🤤牛肉嫩滑入味 重口味人士必點《乾煸肥腸》肥腸煸得夠哂乾身食到尾聲仍然係卜卜脆送酒一流《炸小饅頭》饅頭點辣準同埋甜嘅都正炸得非常香脆罪惡感超重《黑糖糍粑》晚餐嘅最後終點一個唔小心食左3件個黑糖汁好味推薦最適合三五知己可叫多啲餸整體樣樣都好味

- ¨̮♡︎ Have been craving chinese-styled brown sugar rice cake for a while. Not a fish lover but seeing so many reviews said that this place serves very good rice cake so we decided to come here for lunch this saturday.Restaurant is spacious with only a few customers. Staff assigned us to a comfy booth seat. They brought us the menu and water once we seated, very efficient! Menu was big but we made up our mind pretty quick this time, just went for the most signature pickled vegetable fish in bb spi

今日去左銅鑼灣食野，門口大大隻字寫住食神推介必食冷鍋酸菜魚，嘿～講到咁堅，咪入去試下佢囉，裝修應該係新， 牆上裝飾左綠色的植物 ，環境都幾舒服。$98 6支 Hoegaarden or 藍妹鐘意一班朋友飲酒既，呢度酒水都幾抵下，出面叫支酒都要4-50蚊，呢度良心商人，唔係賺到盡$258 必食冷鍋酸菜魚 叫咗個 標準版 酸菜魚，四人或五人份量，佢仲有個加大版既，確實呢個 酸菜魚 係我食過 數一數二好食嘅，魚肉估計有左沙巴魚好滑， 個湯唔會淨係得個酸字， 辣味同麻味都調教得啱啱好，朋友不停讚不停夾哂我d魚， 搞到我淨係食酸菜🫠$328 小龍蝦雞煲小龍蝦應該係十三香味道， 蝦頭醃到好入味， 雞煲香辣， 仲可以叫埋火鍋料 一邊打邊爐一邊飲啤酒$52 酸辣海蜇燒味舖 買海蜇得嗰幾少少，呢度上菜勁大份 好似食緊炒麵咁， 老闆用料唔客氣， 酸辣恰到好處，好好味呀

本宮最鐘意食有鉗嘅海鮮，一通關就衝咗返大陸食小龍蝦，但實在路途太遙遠可一不可再...終於比我搵到香港有得食小龍蝦！搵返上次一齊返大陸嘅buddies陪我食🤍啲福佳都覺得呢度嘅小龍蝦好食過大陸，肉質厚實口感彈牙，加埋超濃湯汁食唔停口！最驚喜係個酸菜魚同乾肥腸，魚片超級大片而且超滑，肥腸極度乾身脆卜卜好食過小食店啲炸大腸！餐廳食物質素唔錯全部都好好食，好食到啲福佳同我爭食！封面相credit : 遲到嘅buddies一律叫福佳【我的滋美餐單】1️⃣限定藍妹 Hoegaarden(各3支）2️⃣麻辣小龍蝦雞煲（半份）小辣3️⃣必食冷鍋酸菜魚（例）小辣4️⃣麻辣海蜇〔例）中辣5️⃣泡椒牛肉（例）小辣6️⃣乾煽肥腸（例）小辣7️⃣黑糖糍粑（細)8️⃣炸小饅頭

位於銅鑼灣地道四川風味—捌壹壹，旺角亦有分店，餐廳主打各式各種酸菜魚、麻辣烤魚、雜錦香鍋、重慶雞煲，以至各種四川地道麻辣美食，岩晒對辣有所追求既食客🌶️ 而主打必食冷鍋酸菜魚，份量非常足料豐富，個人認為酸同辣既平衡拿捏得幾出色，令人胃口大開！另外，推介酸辣炒土豆絲，爽口入味，完全唔會過份油膩～ 而餐廳亦有各款消暑解渴既特飲，清爽可口，所以都唔怕食得太辣🥢 總結而言，鐘意食四川口味既朋友絕對值得一試～

📍捌壹壹 (蘭芳道) @811sichuancuisine銅鑼灣蘭芳道13號地舖魚肉爽滑，高質酸菜魚～1️⃣ 必食冷鍋酸菜魚 $258 🌕🌕🌕🌕🌑好大方！超級多料😳，有魚肉、水晶粉、娃娃菜、萵筍片、蘿蔔片、酸菜同金針菇。魚肉爽滑，連魚皮，份量多到食唔曬。酸菜酸酸甜甜，食落唔會有渣。因為有水晶粉作為主食，所以都唔需要再另外加碗飯。叫咗bb辣，食得幾舒服😚，主要係食到花椒嘅麻同埋酸菜嘅酸。覺得regular係可供四人食用嘅份量。2️⃣ 黑糖糍粑（大） $58 🌕🌕🌕🌕🌗推薦呢一個👍🏻！ 炸得好脆口，糍粑好軟滑，唔會有粒粒感。攤凍咗個皮唔脆，但係入面舊糍粑都唔會變硬。3️⃣ Coke Zero $19另收加一多謝邀請試食😋，店內環境唔錯，卡位坐得幾舒服。冷鍋酸菜魚份量好多，建議3人以上食用。

今日同老公去銅鑼灣行街，想搵地方食晚飯，見到呢間餐廳有火鍋魚，好吸引，決定試下❤️重慶青花椒火鍋魚🌶️🐟呢條魚真係好大條，嫩滑嘅魚肉，配上青花椒嘅味道，忍唔住大啖大啖係咁食😋手切肥牛用青花椒湯底嚟淥肥牛，肥牛煮得啱啱好就拎上嚟食，一啖一口肥牛，勁正😍炸嚮鈴老公至愛食炸嚮鈴，擺入青花椒湯底嚟淥一淥，炸嚮鈴索晒d湯汁，老公都話掂呀😍麻辣肥腸普普通通，冇乜特別😅黑糖糍粑我最鍾意食糍粑，煙煙韌韌嘅糍粑，作為呢餐嘅甜品，簡直係絕配😍荔枝沙冰🍧沙冰大大杯，味道普普通通，荔枝味唔夠突出😅眼見隔離枱都係食酸菜魚，有機會要再嚟試下先得❤️

喺銅鑼灣鬧市開店嘅重慶菜館，舖頭細細都有十幾枱，生意幾旺，不停有客人入座，未至於排隊。開瓶費 $50如果食火鍋烤魚嘅話，2人枱就比較窄同逼，一個長形鍋已經佔咗一半枱面新口味：青花椒重慶火鍋魚湯底可以揀辣度，我地揀咗少辣。魚已開邊，主骨麵起埋，煎完再放入湯上，湯底感覺冇味精，而且幾鮮甜。配料非常多，有青瓜片、豆卜、金菇同大豆芽，2人食好夠飽燒茄子蒜茸非常重手，味道香濃，茄子肉質夠晒淋牛肉串羊肉串肉偏細粒，牛肉串夠淋，羊肉串有筋位咬唔開！