掂檔車仔麵 (已結業)

中午約咗朋友係尖沙咀等，一見面佢就話好肚餓，早餐都未食，咁見到雞蛋仔隔離開咗呢間新嘅車仔麵🍜就一心諗住不如入去試吓啦。門面裝修都幾乾淨同埋光猛，一般嘅車仔麵鋪頭有時都幾唔衛生😰不過呢間就絕對冇呢問題💁🏼‍♀️💁🏼‍♀️座位都幾闊落，間隔亦都四正。🙆🏼‍♀️Menu都幾簡單同埋清楚，主要都係車仔麵餐 - 揀麵同埋三個餸。麵餐仲可以配飲品，加8蚊有小食，價錢係旺區來講都好合理。👌🏼我揀咗個腩汁配出前一丁，送我就揀咗雞翼尖、魚片頭同埋蘿蔔。個腩汁幾清甜、配麵都好夾，而且除左三款餸都再加兩條白菜仔畀你。雞翼尖既鹵水汁都唔錯wow 😋片頭都幾彈，如果係挑剔啲就可以話蘿蔔甜得黎有少少渣，但都可接受既😌朋友揀嗰個辣汁湯底就濃左少少，佢揀咗個豬手、王沙潤同埋豬紅。個潤最好食，粉得黎冇腥味，材料新鮮👍🏼值得一讚係車仔麵個跟一碟少少既辣菜莆，雖然叫辣但係又唔算好勁，個味道好香好醒胃！我唔係好食得辣都可以就咁食，落少少喺麵入邊一齊食都幾提香😋我哋仲叫咗個小食嘅雲耳，都幾爽、係個汁略酸左少少。整體黎講呢間新既車仔麵都唔錯，難得係尖沙咀中心地帶都有啲平平哋嘅嘢食做選擇。👌🏼👌🏼🙆🏼‍♀️

放工後趕上堂，要食餐快的，去左呢間車仔麵。之前都有食過，今日終於記得影相，可以介紹一下。位置方便，佐敦站附近。一坐低就 tick 得，已經有曬心水選擇。面底十五蚊，普通餸九蚊，高級野十三，必加小食八蚊。話咁快就有得食。我叫左墨丸、豬膶、豬皮、魷魚麵小辣。知道份量超多，不過又樣樣都想食，冇計啦，有錢就是任性的。墨丸有兩粒，唔算好重墨魚味，但勝在夠彈牙，唔會太多粉。豬皮份量足夠大片，索曬D湯，正！豬膶是緊緊熟的，新鮮好味，豬膶控必吃。魷魚亦係我至愛，咖哩味，好入味，又多又爽口。叫得太多餸，反而D麵食唔曬，浪費了，下次記得要小麵。小食叫左酸辣木耳，都幾大碟，酸酸辣辣好開胃，都係八蚊之麻。餐飲熱飲免費，特飲或罐裝加六蚊。飲品叫左珍珠紅茶，D紅茶好得好香濃，可能係錫蘭紅茶，唔會澀。而且加左少少糖，夠熱幾好飲。珍珠有咬口，唔會淋。好欣賞呢杯野

Since i was having dinner alone tonight, i just go downstairs nearby to have a quick dinner fix. When i walked past Nathan Road, i saw Dim Don, a new noodles shop opened not long ago. It was located along Nathan Road, couple of minutes walk from Jordan MTR.Besides selling their signature cart noodle soup, it served rice and set meal as well. As for the cart noodles, it had alot of choices to choose from. Iced pomelo tea - It was sweet and clear, with yuzu bits residing at the bottom. It was refr

黃金周，尖沙咀果然夠曬人山人海。沿住彌敦道行，邊行邊揾食。俾我地見到雞蛋仔舖隔離，原來開左車仔麵檔。門口有D餐牌，除左車仔麵，都有蒸飯喎！店內亦是人山人海，但似乎座位都幾闊落舒服，入啦！有套餐飯的，約 $100 左右。最後還是叫車仔麵。我叫左豬皮＋冬菇 +豬紅 + 蘿蔔 ，每款餸$9， 麵底就 $15。 豬皮夠大塊，爽口；豬紅偏實左D；冬菇同蘿蔔就好入味，而且好淋，正！粗麵底份量很多，有口感。 包熱飲，我叫左熱奶茶。夠熱，香濃又滑。仲叫左一個小食，係鮑汁鳳爪，鳳爪一客三隻，都係加 $8 咋 ！ 基本上仲抵過加一個餸。鳳爪唔會太爛，味道適中，有酒樓小菜的水準。朋友就叫左另一組合，有魷魚+魚蛋+墨丸+牛柏葉+紫菜；仲叫左$8 小食，滷水雞翼2隻。佢對個魷魚讚不絕口，我試左一片，真心不錯。魚蛋亦夠魚味又彈牙。牛柏葉就over cook 左少少，韌左。紫菜唔算多，但好香，生色不少。對比起雞腳，雞翼就瘦了點，而且雞腳有三隻，win !每人叫一碗，成十種餸可以share 食；埋單每人先六十幾，彌敦道喎！好抵。

假期又去尖沙咀，最方便就是食車仔麵~~掂檔要試下佢是否咁掂先食店空間幾大，要搵位好容易。自選套餐，最少3樣配料，送指定飲品朋友加$2的凍咖啡，讚質素不錯👍🏻我點了咖哩魷魚 $9、鮑汁鳳爪 $9、冬菇$9，鹵水汁湯底魷魚入味不過有點韌，鳳爪都好正，冬菇夠厚，而湯底也不錯，但米粉煮得太少時間，未夠腍。豬手 $13、豬大腸 $9、雞翼尖 $9豬手太多肥肉普通，豬大腸入味幾好，雞翼尖是南乳味。招牌山寨雞翼，外皮好薄好香脆，而且不油膩，雞肉也保持嫩滑，加$8抵食。

放假同朋友出尖沙咀搵食，好耐無食車仔麵，心血來潮就入左呢間山林道附近既車仔麵$50幾蚊3餸麵仲送埋熱飲，呢個地段黎講都算抵食d餸選擇都幾多，有成30幾款湯底我就揀左秘製嗱渣汁（微辣），對於食開譚仔十小辣既我黎講覺得下次可以嗌小辣，湯底幾濃味唔錯後面係飲品，轉特飲都只係加$6，唔係唔加啊嗌左珍珠百香果紅茶少甜，味道剛好，珍珠都幾有咬勁個麵底其實都幾多下唔似出面d車仔麵食兩啖就食完個牛腩必嗌啊牛肉好腍而且大大舊份量十足另外一定要嗌既就係招牌山寨雞翼跟餐加$8有兩隻，我放到差唔多最後先食都勁脆啊真心炸得好好如果唔係飽得濟我一定encore！另外不得不提呢度好好既一樣既就係每個麵都會跟一小碟菜甫。我諗呢樣配菜係香港真係有少見少

今日行過這裡本身想買份雞蛋仔食填一填肚後先再搵食，但太多人排隊要等，望吓旁邊，特色車仔麵，蒸飯，價錢都ok，便入去試試，見到個車仔麵餐牌好正，但比另外嘅晚市套餐$78吸引了一個飯，還可以選一款小食，最後選了個肉排滷肉飯，而小食就點了鹽雞翼尖，加多$6配埋杯凍503珍珠奶茶，呢個價錢又有飯又有小食同加埋杯熱飲，係呢個區真係冇得輸，而杯珍珠奶茶味道香濃，珍珠夠晒煙韌彈牙，而個鹽雞翼尖，炸得好香，咸咸地食啲雞翼尖，正！而個肉排滷肉飯就絕對推介，個飯內有兩大塊肉排，肉質軟熟，再加埋一隻開邊了嘅滷蛋，夠晒入味，混埋啲滷肉一齊入口，又係一個絕佳選擇！見到重有小食兩件$16，於是追加了份山寨雞翼，起初以為只有兩隻，上枱才見到有四隻，炸得十分香脆，真係啖啖肉，$16四隻，自己炸都真係有啲難，而這裡可以用呢個價錢食到，抵吃！如果要在街食飯，這裡就係一個絕佳嘅飯堂！

近佐敦都有間車仔麵檔，環境裏面都幾大，呢度主要係食車仔麵為主，睇下個Menu先，款式有幾多!先可以選麵，然後選擇適合自己嘅餸菜，邊度有豬手同王沙潤可以選擇!有款特別嘅醬汁要做秘製嗱喳汁仲有好多嘢飲可以選擇，台式嘢飲都有除咗係自己選擇車仔麵餸菜，本身仲有幾款特色預先配好的車仔麵，除咗車仔麵之外仲有海南雞飯呢個就係海南雞飯，啲雞都幾滑嚟到呢度梗係要試吓呢個嗱喳麵餐，嘩真係有幾多餸喎有魚蛋，魷魚，豬皮，蘿蔔。。。當然唔少得要試吓出名嘅豬手同埋黃沙潤！試埋呢個山寨雞型，有幾特別喎，炸到脆脆的外殼包着隻雞翼最後每嗰餐送一杯野飲👍🏻👍🏻結帳時價錢又唔太貴

約咗人喺佐敦地鐵站交收，時間又唔早啦！諗住附近快趣食個飯然後返新界大西北嘅屋企。行過本來想買出名雞蛋仔，點知望到隔離有間唔錯嘅車仔麵，咁不如舒舒服服坐低食碗麵。已尖沙咀山林道旁邊嘅價錢來講，佢都算抵食。我睇Menu見到一個好熟悉嘅名字，嗱渣麵！套餐價都係$68。一碗車仔麵有成八個餸，睇見都覺得好豐富。豬皮、豬紅、蘿蔔、咖喱魚蛋可以話係車仔麵嘅靈魂材料。當然我最喜愛都係咖喱魚蛋啊！入晒味又辣又刺激！其他餸都有仲有紅腸、滷水雞翼尖、咖喱魷魚、韭菜；真係應有盡有！加埋個濃郁味道的地道湯底。真係好味到食一碗都唔夠。雖然已經夠飽頭，但我都想要個小食點綴一下。一於試吓好X脆小食，炸醬芝士腸 外脆肉多汁。兩串都係$16咋！抵食又好食！追加左兩隻招牌山寨雞翼都係$8雞，脆皮香口，雞肉嫩！加多$6仲有一杯凍嘅珍珠朱古力, 咁完美嘅一餐都係 $100左右，下次經過山林道我就知去邊度開餐啊！

朋友行街經開山林道見到開咗間新嘅車仔麵，一時貪新鮮入去食返碗麵，雖然佢個名叫掂檔，我們就睇吓佢係咪真係咁掂檔😂.入面嘅環境係寬敞舒服嘅，價錢方面，麵底15蚊一個，另可加$9同埋$13兩類餸，$9餸有魚蛋，豬紅，魷魚，豆卜，冬菇，豬腸，牛腩，魚皮餃等基本上都係一啲車仔麵嘅大路嘢共二十多款。$13餸就係一啲比較特別的餸，好似秘製豬手，不見天肉片，雪花肥牛和黃沙豬潤等。佢只要叫三個餸以上就會自動成為套餐送杯野飲，咁都幾抵喎👍👍😋.我同朋友每人叫咗一個套餐，即係每人點左四個餸嘅車仔麵，咁可以交換試到六個餸，我點金菇，魚皮餃，蘿蔔同埋牛腩配油麵，朋友就點左豬手，魷魚，冬菇和豬紅陪粗麵，再叫多碟油菜，同埋加$8加多兩隻山寨炸雞翼，呢餐就勁豐富啦！😋.我碗油面都唔錯，份量都幾大碗，正常油面同腩汁湯底，蘿蔔炆得入味够稔又冇渣，但牛腩有啲痴牙，魚皮餃亦都煮得過熟。.朋友嗰碗粗麵唔錯，魷魚冬菇夠爽！豬紅正常，最正係佢嘅秘製豬手，肥瘦分明，炆得啱啱好👍加$13叫豬手好明智😋.另外加$8加小食有兩隻山寨炸雞翼真心正，炸漿夠脆，中間夠嫩，兩隻中翼大大大隻冇得輸😋.整體來講都算唔錯，重點係豐儉由人，點够三個餸仲送

係尖沙咀都有一檔幾平嘅車仔麵 餸有好多選擇 成日食譚仔嫌左今日就食下車仔麵😛-⭐️面底$15我揀咗米線配秘製哪吒汁小辣的 哪吒汁是香香辣辣，有小小沙嗲味 🤤個湯底都好油膩下～ 米線就係平時食車仔麵個種比較幼同薄身的 😇-揀咗以下嘅餸都係$9, 以下呢幾個都好食同最多人叫！-⭐️咖喱魚蛋魚蛋好彈牙咖喱汁都好濃好入味😗-⭐️牛柏葉好鍾意食牛柏葉呢個夠夠爽口🤗-⭐️柱候牛腩牛腩炆得好林☺️用柱候汁去炆好香 ！--⭐️招牌山寨雞翼（加$8 ）出面有一大舊麵粉再炸 係即叫即炸熱辣辣 所以要得耐D 好似細個係小食部會食到嗰種炸雞翼 新鮮炸出黎點都好食 好大隻多肉又唔會太鹹 👍

其實不論好壞，我們總難逃跟隨大眾的命運。越是受熱捧的餐廳，就越能吸引人去。米之蓮一星的酒店級中菜頭鑊大廚有份主理當然想去試一試如何將車仔麵的原味再次由【掂檔車仔麵】呈現出來吧！當晚到達不需要等位，入到去揀個喜歡既位置坐低就可以了！細心一想，尖沙咀區食車仔麵好像沒有太多間，一時想也想不點哪間較為吸引...呢間就位置近佐敦一點，裝潢上好光猛！原來係有別於傳統的麵食店既格局。餐紙上選擇一點也不少！除左主打既車仔都麵外，還有蒸飯、海南雞飯及撈麵，仲有小食同飲品！多元化得很！自選車仔麵套餐A $77很少吃個車仔麵點到有$77這個價錢，但突然真係好想試多一點！我既豐富車仔麵就揀左「冬菇、紅腸、豬紅、咖哩魷魚、雪花肥牛、王沙潤」，足足6款，夠豐盛吧，麵底係「油麵配祕製嗱喳汁(小辣)」，小辣既辣度較為低左一d，如果食得辣可以叫高兩級都可以嗱喳汁既味道濃，有點點沙嗲味，鐘意重味既我都好滿意，配餸舖滿滿超吸引咁多餸入面王沙潤我就最為喜愛，大大塊，份量又多，豬潤咬開有種粉嫩既感覺，漸漸溶化口入面。其次冬菇同咖哩魷魚都好滿意，冬菇夠晒入味，有點點腩汁味，而且好軟身！魷魚方面就剛好相反，爽口彈牙有咬勁，咖哩味十

一提起街坊小食其實到處都可以食到，而且款式配搭都有好多選擇，又其車仔麵檔仲可以食到更多口味，就早排去左呢間車仔麵開餐咪以為淨係食特色車仔麵咁簡單，其實一到晚飯時間除有主打車仔麵同小食外，仲有期間限定晚市套餐提供有砵仔飯同鹵肉飯連埋小食同飲品，真係夠晒多元化，眼見賣相幾豐富就點咗一個套餐品嚐一下又可以食下街坊小食，而且價錢都好大眾化，我地都點了幾串食住先，先有酥炸牛丸同酥炸章魚燒，食落特別香脆又彈牙啖啖肉之餘再灑上孜然粉更加香口輪到套餐出來小食有川辣白肉，飯係五層塔鹵肉飯，再升級埋飲品有珍珠百香果紅茶，係時候開始逐一品嚐一下先食舊五層塔肉質層次分明一肥一瘦入口嫩滑滿口肉汁，鹵水蛋味道亦不錯，再食啖香濃鹵肉飯咁先最大滿足感至於小食川辣白肉，鍾意食辣嘅人一定要點呢款來食，食落好有地道風味，最估唔到係呢到都有得食有驚喜再飲啖清香百香果紅茶又品嚐咗一餐多元化美食。

位置佐敦與尖沙咀交界 可以有一間車仔麵係價錢平 有食物質素 同有舒服既裝修環境梗係要去食啦😌門口已吸引我入去食啦 車仔麵全日套餐 @自選套套最少三個餸+麵底@淨餸最少四個餸，不包飲品A麵底$15B每餸$9C每餸$13奉送熱飲凍飲加$2珍珠奶茶系列同罐裝飲品就加$6飲品都好多選擇👍👍我叫左5個餸 都好足料每個餸都多 而且好入味😽😽同事就叫左四個餸 賣相都唔錯🙂脆脆皮雞翼 外脆內滑 而且好香口手拍青瓜 好入味陳醋黑珍珠木耳以上3款小食都只係+$8 就有得食因為我地叫左套餐 係好抵食時下次我地都會再黎食😃

佢個名咁特別、由佢開鋪已經留意住。平時行過都見呢間車仔麵好多人，今日早左少少黎，未夠12點就黎食 lunchB 款嘅餸全部都想食、不見天肉片其實係豬肉。加 $8 有呢個陳醋黑珍珠木耳，份量好多、兩個人食就啱喇，不過我勁鍾意食木耳，當然食得晒。呢個陳醋黑木耳、仲加左辣椒粒同埋蒜粒響面，好香，好惹味！陳醋係偏酸，但正正啱晒我口味，勁開胃！到車仔麵喇、麵線要左米線，跟左三個餸，有蘿蔔、章魚燒丸同咖哩魷魚。基本上我每次食車仔麵，都要食蘿蔔同埋咖喱魷魚，蘿蔔絕對可以試到真章；呢間蘿蔔超淋超入味、無渣，大力推介！章魚燒丸好特別，有好多章魚響裏面。呢間車仔麵真係好好食！下次再嚟試其他餸