掂檔車仔麵 (已結業)

話說我地幾個突然好想食車仔麵，行到去尖東，發現個間好貴，再行去近山林道嘅呢間車仔麵。幫襯個陣已經近兩點，人流唔算多。座位算係寬落同舒服，唔係平椅個啲。啲嘢都幾企理，牆上嘅壁畫都幾有風味。係彌敦道上嘅食店，價錢唔算貴。（係尖東個間真係嚇親）我最愛嘅豆卜，魚片頭同墨丸，叫嘅係粗麵，成碗真係幾正喎。好有味，魚片頭係必叫，麵唔會過淋，又夠入味。朋友叫嘅係蘿蔔韭菜蛋米線，佢滿意自己個份。另一位就點左豬手魷魚魚片頭，讚口不絕呀。推介嘅係加8元有呢支自家製無糖羅漢果水，真係唔甜，但甘，飲落好舒服，仲可以飲唔哂拎走添。

尖沙咀一向係貴價餐廳為主但行多幾步近佐敦附近 就有間好掂檔嘅車仔麵除左車仔麵之外 仲提供好多小食同飲品秘製鮑汁豬手鳳爪撈粗 $62先講豬手鳳爪 兩樣都煮得非常入味豬手好腍 而且咬落即溶 膠質好豐富粗麵好爽 加上蠔油撈 惹味十足另外亦有油菜解膩 幾貼心凍珍珠羅漢果茶 $20(跟餐加配$8)少有餐廳會提供自家製涼茶而且仲將珍珠加入涼茶不單可以清熱降火 仲有咬口羅漢果好甘甜 食濃味野必點解膩招牌推介山寨雞翼 (單件$10 雙件$16)酥炸章魚燒 (單件$10 雙件$16)小食種類多 叫左最出名的兩款山寨雞翼外皮好脆口 內裡肉質仍然好嫩章魚燒好彈牙 並非一般章魚可媲美 必點

星期六我同媽咪飲完早茶後就出左尖沙咀睇行街睇燈飾，雖然天氣都仲未凍冇咩節日氣氛，但尖沙咀唔同商場一早已經佈置好晒迎接聖誕喇。下午茶時間經過彌敦道，本身被雞蛋仔既香味吸引左，但因為要排好耐隊所以就見到呢間車仔麵入左去啦。餐廳都幾多位，唔逼夾，睇落企理。Menu 好多選擇，除左車仔麵仲有飯同小食等。我同媽咪每人叫左一個車仔麵， 一杯野飲。肥牛牛腩蘿蔔墨魚出前一丁，牛腩大舊淋身，蘿蔔入味冇渣，墨魚彈牙，肥牛都OK。媽咪既大腸豬手豬肝肥牛麵，佢話各樣都幾好。凍百香果珍珠紅茶同珍珠奶茶，飲品唔錯，可惜珍珠浸淋左冇左咬口。

星期日係澳門坐晏晝船返到尖沙咀，車多人多又肚餓，就係飢餓交迫之際，係我眼前終於閃過一間食肆，裝修光猛乾淨，我哋即刻衝我哋二話不說即刻衝入去。店名叫掂擋車仔麵，專賣車仔麵，果然好多選擇，其實主要分湯麵，同撈麵，選湯底或撈咩醬，選麵底，當然要揀埋要咩餸。我見到meun後面有好多好精彩’小‘吃，當然不可能錯過。車仔撈麵（金菇肥牛冬菇）出前一丁 川辣醬$56佢既川辣其實唔係好辣，可以問佢再要。好惹味，超鐘意，但出前一丁煮耐左，下次我會㨂其他麵底。餸既份量，比起出面既舖多。正半邊龍蝦$88好大隻，真係啖啖肉，彈牙好吃我地折尾又折頭，一DD都唔放過。超抵吃，出面買未煮既有時都唔止88。泡椒雞翼 $28超驚喜估佢唔到咁好吃，初初小小怕伏，點知超好味，小小麻小小酸小小辣，連骨都有味，好正，有人吃過更好吃的唔該話俾我知。仲叫左青瓜，也好吃。意猶未盡，我下次要挑戰打包回家！

之前路過一直沒有光顧，因為不清楚好不好吃。最近上OpenRice看食客的對該店的評價，發現７８個評價當中有７３個是好評，正評率極高，看來值得一試，所以中午時約了兩個同事到這裡吃午飯。我和同事三個人都點了三餸麵，巧合地，點的配菜都不同，我點的是「頂級墨魚丸」、咖哩魚蛋和滷水蛋；同事甲點的是「王沙潤」、柱候牛腩和韭菜；同事乙點的是魚皮餃、秘製豬手和豬大腸。我選的湯底是秘製嗱渣汁(小辣)。點了菜，期待了一會，菜便端上來了，碗很大，看起來量以為量很足，怎料事實上完全不是一回事。麵只有一點點，滷水蛋十分普通，「頂級墨魚丸」只是大顆，但味道和咬感都比丸龜先收購的那一家譚仔的差（人家的便宜你的貴呀），然後咖哩魚蛋，套用食神一句說話「沒有魚味也沒有咖哩味，失敗」。看看同事甲的「王沙潤」，根本就是普通的豬潤，何來黃沙潤呢？最失敗的是餐飲…我點的是熱檸檬茶。根據我多年喝檸檬茶的經驗，熱檸茶應該是不應該有甜味的（除了私家醫院裡的免費熱飲），甜味應該都來自顧客自行加的砂糖。我呷了一口熱檸檬茶，發現檸檬茶竟然是甜的，而且完全沒有茶味，所以我很懷疑，那個熱檸檬茶有機會是用市面上買到的包裝檸檬茶加水再加熱（或者是即

滿心期待去試這一家車仔麵，但實在太令人失望。第一湯底太稀，冇味（已選此店的招牌湯底，有大姆指在餐單的），第二，麵過「林」又過少，比起外面價錢相約的車仔麵真的少很多（只有碗大），第三，食材味道一般，豬腸冇口感，豬手肉很「霉」。飲品超「小器」，只有杯子的7成容量，糖亦是預拌好，如果想走甜或少甜要早揚聲，否則就像我一樣飲糖水...這樣的價錢絕對可以在同區吃到更好的車仔麵

朋友說想吃車仔麵，經過見到佐敦有間掂檔車仔麵，就二話不說入去。自選套餐，麵底$15，粗麵質底比平時吃的不同，粗身少許。牛百葉、柱侯牛腩各+8，手切鮮牛、王沙潤各加$13。車仔麵很少可選川辣，也很配。星級推介小食 +$8，郊外油菜，選了唐生菜，配以蠔油，份量一點也不少。人氣車仔麵餐，嗱渣麵餐$68，有韭菜、咖哩魷魚、鹵水雞翼尖、紅腸、咖哩魚蛋、蘿蔔、豬紅、豬皮。我選了河粉，好飽肚，清湯也不會很淡，餸的調味已令車仔麵湯底惹味了。川辣白肉 $28。Shake Shake 系列飲品+8，凍503珍珠奶茶，偏稀。凍珍珠蜂蜜紅茶，珍珠不吝嗇，解渴之選。

星期日嘅下晝幾位突然想食車仔麵嘅飯腳聚埋一齊咁就促成左尖沙咀尋找車仔麵嘅故事本來係去永記，但條龍太長，放棄然後記起尖東有一間，但太貴，又放棄最後我哋嚟咗呢度價錢合理，可惜食神畢弟想食嘅花膠冇咗雖然唔知佢最後嗌左啲乜野，但係佢俾咗一粒魚片頭俾我食，佢話好好食我本身諗住減肥食齋韭菜蘿蔔同埋滷水蛋點知我又忍唔到食咗佢粒魚片頭👻又真係幾好食喎推介佢嗰個魚片頭我雖然食齋但係啲蘿蔔亦都好入味滷水蛋都不錯不過要讚一讚佢個自家製羅漢果茶好好飲又唔覺得好甜只需加$8抵吖👍🏻👍🏻

記得小時候常常幫襯屋邨木頭車仔賣麵，真真正正「車仔麵」，車仔載水有限，賣撈麵為主。小時候物質零用錢短缺情況下，車仔麵可算係comfort food木頭車已經銷聲匿跡，聽到車仔麵勾起小時候十元八塊食到一個車仔撈麵成為當時小學生豐富午餐行經尖沙咀肚餓警告信號突然生效，入到掂檔車仔麵想起當年街邊大汗淋漓食車仔麵，與現在坐店內涼冷氣嘆麵有強烈對比，比起小時候，現在麵店地方乾淨舒服，食物多元化車仔麵配料選擇很多款，如果有選擇困難，可以試下廚師推介除了基本米粉、油麵、粗麵、河粉、出前一丁，還有可能揀湯麵 或 撈麵我當然揀撈麵，可以揀 XO醬 、 川辣醬 或 蠔油XO醬撈麵香辣惹味咖哩魚旦浸得入味頗辣大腸肥美又鹵得香還有我最喜歡豬手另外，+$8 有推介小食，我揀秘滷汁雞翼，滷得入味又唔會鞋加多+8有鑵汽水另外食店除車仔麵更有海南雞飯、滷肉飯供應，時代變遷連食店都要走到多元化發展，從前木頭車街邊食麵只能成為回憶

本身今日約左朋友出尖沙咀，點知佢遲大到，為有一個食住得佢出黎。一個人都係是旦搵野食，點知比我見到呢一間掂檔車仔麵。佢名乎其實真係非常掂檔。一黎係尖沙咀黎講價錢親民，二黎選擇又非常多，三黎小食正，仲有環境舒適，衛生好。由於我非常肚餓又有好多野想食嘅關係，所叫咗個全日套餐自選車仔麵我叫咗五個餸 哈哈......有豬紅，魷魚，豬腸，雞翼尖，牛栢葉配油麵小辣，跟住再加咗8蚊加碟青瓜。雖然叫左5個餸，但餸既份量唔會因為咁而少左，豬紅有咬口，唔會淋滋滋，一咬就爛；魷魚同牛栢葉都好爽口，吸晒啲湯汁好味；雞翼尖用鹵水汁整，好有鹵水香又唔會太咸，如果成碟咁上我會食晒佢；豬腸洗得乾淨，唔會啡有臭腥味。因為第一次食掂擋，所以唔知佢辣嘅程度，所以保守叫咗小辣，結果唔算太辣，下次可以再叫辣啲。青瓜小食好青甜爽口，食完個麵再食青瓜有種好清新解油浰嘅感覺。食到咁上下，見到隔離枱叫招牌推介山寨雞翼，我都忍唔住叫左2隻試下。雞翼新鮮炸起，炸到脆卜卜，肉質嫰滑面頭仲有d香草，非常惹味。

返完教會，便到附近找個地方地方吃個午餐，見到有一間車仔麵鋪，心血來潮下便入去試一試。掂檔車仔麵的餸菜和湯底選擇十分多，餸菜除了一般的魚蛋、豬皮、蘿蔔、牛腩、墨丸外，還有王沙潤、章魚燒丸可供選擇，湯底方面有清湯、腩汁、滷水汁、秘製嗱渣汁和川辣汁，不喜歡湯麵的朋友可以選擇撈麵，配上XO醬、川辣汁或蝗油汁，最後點了三碗湯和一碗撈。幾個車仔湯麵都選了腩汁，五香味濃，餸菜點了牛栢葉、魷魚、牛腩、肥牛、魚蛋，款款都製作用心，牛腩軟腍入味，牛栢葉、魷魚爽口，咖哩魚蛋味香彈牙。至於撈麵，配上XO醬，都是第一次嚐試，但效果認真一絶，能提升餸菜的鮮味，與配湯麵是兩種的感覺。整體來說，這車仔麵的賣相、味道和價錢都很好，值得再吃。

今日同朋友去咗尖吵咀搵食，行下行下就去到哩個掂檔車仔麵。舖位都幾大，比一般車仔麵檔地方寬躺得多，座位與座位之間非常闊落，坐得非常舒服。而且係彌敦道近山林道呢啲黃金地段，心諗一定唔平，點知原來價錢咁親民，真係抵佢越做越旺既。而家講下我地食左咩先，我揀左個地道麵餐之選，裡面有豬紅，豬皮，咖喱魚蛋，魷魚，白蘿蔔同白菜仔既。另外麵低揀左米線配滷水汁。滷水汁做湯真係好小有，所以就揀左黎試試。味道都幾好可以一試。材料有豬皮，白蘿蔔，魷魚煮得好冧好入味，係好食既。豬皮處理得乾淨，食得放心。而豬紅都好值得讚賞，因為佢係唔會一夾就散架，非常之好。而咖喱魚蛋就不過不失啦。而我朋友就叫咗一個自選車仔麵，材料分別係牛栢葉，魷魚，肥牛同生根。麵底揀左米粉配秘製嗱渣汁，肥牛同牛栢葉夠哂冧又唔會軔，米粉同湯底都幾正。咁親民既價錢又咁有水準既車仔麵，難得又有驚喜！我地仲叫左d小食食下，估唔到車仔麵店既小食都咁有驚喜。有酥炸牛丸同炸醬芝士腸。另外跟餐仲可以$8加兩隻山寨雞翼，加$8又真係幾扺。面頭有香草，個皮炸得好脆，啲肉好滑好嫩，好好食，而且雞翼大大隻。好抵食！黎到掂檔哩個一定一定要試。酥炸牛丸面頭都係配左香草，出奇

車仔麵是香港很久以前流傳至今的食物，說到車仔麵，它的名字確實特別，「仔」在廣東話當中是男生的意思，但車仔麵不見得和「車」或「仔」有什麼的關連，也許是有關連但我自己不清楚吧。這次選擇到訪掂檔車仔麵，主要是因為看中它位置方便，就近佐敦地鐵站D出口，也跟尖沙咀的美麗華廣場很近。車仔麵的組合大致上由三大部分組成：1) 從數款湯底中選擇一款 2) 加配數款配料 3) 從數款麵類中選擇一款。這間的配搭也是依照這樣的形式，正常來說是不會有什麼大轉變。除了車仔麵之外，最特別的是，食店亦有提供滷肉飯和一些傳統款式的蒸飯。朋友叫了一份清湯頂級墨魚丸和滷水蛋的烏冬，不知道為什麼餐廳的餐牌上要在墨魚丸前加上「頂級」兩字，如何是「頂級」呢？真的見仁見智，不過這裡的墨魚丸大概也算「高級」吧，爽口彈牙，墨魚味也很新鮮。另外，清湯也毫不油膩，是真真正正的清湯。真想不到車仔麵店除了平常的配料外，亦有提供一些平時在車仔麵店很少見的配料，如豬手、柱候牛腩、肥牛等等，我自己就點了這三款配料。豬手真的是平常我們吃小菜中的豬手，帶點黏黏的感覺，真的第一次吃車仔麵能吃到豬手呢。柱侯牛腩只有很少的肥肉，但可能亦因為這個因素，牛腩的

你唔問既話 員工唔會俾個大menu你所以如果唔想食車仔麵 記住問員工拎啦有飯亦有其他————————————————————我揀左三餸加一份小食1. 搖柱牛腩$9 失望！ 原本我一心期待會好好食 佢煮得太唔入味 肉既質感就都唔好食 總括黎講 佢係無普通牛腩既水準2. 鹵水蛋$9唔錯 係一般鹵水蛋既水準3. 豬紅 $9（推介）幾入味 質感都做得好好好麵底$15 幼麵唔夠幼。。。 個人唔太喜歡湯底 牛腩汁唔錯好有味道 夠濃+$2 有杯台式熱奶茶Umm 杯野好奇怪 佢唔係用紅茶沖奶茶飲落似係茱莉茶所以飲左幾啖就無飲 太奇怪！小食 招牌山寨雞翼+$8 有2隻炸粉太太太多就咁加調味上雞翼無咩味道唯一可以讚既係佢即時炸 夠脆Total: $52———————————————————地方夠大 自己一個人用餐都唔洗搭枱野食黎得好快 1-2mins牛腩汁唔錯推薦豬紅整體黎講貴價車仔麵 又低水準

同朋友去咗尖沙咀搵食，去到一間車仔麵鋪。店舖頗寬闊舒適, 侍應都很友善, 耐心等待我們看餐牌點餐。又會給小意見推介。原來除咗車仔麵之外仲有新出嘅蒸砵仔飯。於是我哋就叫咗一個車仔麵，同埋一個呠仔飯。車仔麵我哋揀咗川辣汁，餸就挑了牛柏葉，韭菜同埋魚餃。川辣汁味道不錯，麻麻辣辣好醒胃。至於餸的味道就一般。呠仔飯我哋點咗蟲草花蒸雞砵，加鮑魚(需另加$60)。鮑魚Size比較細，食落去冇咩鮑魚味，有啲失望。至於砵仔飯飯嘅質地比較軟，如果乾身啲會比較好吃。另外蟲草花同雞都一般無咩特別。整體來講喺尖沙咀能夠以呢一個價錢食到呢一個質素嘅食物都算係合理啦。不過整體就冇太大驚喜。