掌門重慶麻辣火鍋 (已結業)

同幾個舊同事約食飯，大家都鍾意食辣，麻辣火鍋仲唔係最好選擇？ 「重慶麻辣翡翠鍋」係呢度既招牌湯底，所以就決定試下，估唔到同平時唔一樣，望落去冇平時既咁油膩，但麻同辣既味道都好夠，兩個字：估唔到～另外叫埋豬骨湯，都幾鮮甜。 由於朋友未到齊，叫左另一「掌門招牌」麻辣炸雞翼，因為分左邊黎炸，基本上可以一啖一件，而且雞翼炸到外脆內嫩，味道都幾好，意外驚喜～ 食火鍋又點可以冇牛，今次試左「當日推介」既吊龍伴同埋牛頸脊，兩款既牛味都好濃，肉質方面各有不同，個人鐘意牛頸脊多啲 其他配料方面，首先要讚下個招牌四寶丸，全部係手打，新鮮彈牙；脆鯇片鮮味得黎又薄又爽脆，花甲同長蟹棒都好鮮甜～ 整體黎講，今次既麻辣火鍋夠特別之餘亦有質素，而最難得既係佢唔係得個別食材有質素，而係絕大部份既食材都保持到同一個水準，滿意～

今日約咗班 Friend 食飯，有人介紹去近 Element 佐敦打邊爐，我都好少去嗰邊。我哋放工時份入座，好似好靜，點知越夜越多人，仲好好生意添。蕃茄薯仔湯 ($88)有人唔食辣，所以嗌咗無辣嘅湯底。蕃茄薯仔好多舊越滾越入味。極品西班牙黑豚肉 ($88)講明極品，就梗係要試下，黑豚肉果然好嫩滑，肥瘦分佈均勻。鮮雞件 ($78)雞肉好鮮嫩，一食就知新鮮，煮耐咗都唔覺得啲肉鞋。蜂巢豆腐 ($48)索晒湯底同食材嘅精華，一咬落去咇晒啲湯汁岀嚟，超好味。韭菜餃 ($48)塞到脹卜卜嘅韭菜餃，皮薄餡靚，一睇就知係自己包，岀面買邊有咁足料. 招牌四寶丸 ($98)有四種唔到味嘅丸，唔算好大粒，但勝在夠彈牙。

就算交通不太方便，為了吃好西，行多幾步又有什麼所謂呢？今晩來了這間麻辣火鍋店，8點時很靜，但一到夜深，竟然越來越熱鬧！先叫了些小食，葱油窩荀絲 ($68) 非常特别，把窩荀切成絲，爽口無比，拌上葱油又香又好味。麻香腐皮 ($58) 就麻辣得過癮，惹味得很，但不吃辣的就唔要試了。可惜今晩有朋友喉嚨不適，所以點了非辣湯蕃茄薯仔湯 ($88)。鍋也很吸引，很有宮延的感覺。極品安格斯肩胛牛 ($218) 雖然價錢不便宜，但果然高質素，肉質鮮嫩，牛味濃郁。來自日本的葛絲 ($48) 很特别，比平時吃的粉絲更彈牙，更有咬口，很值得吃。時令蔬菜 ($38)

大熱天時，突然好想黎個辣火鍋係尖沙嘴行完街，就走過去朋友介紹呢間翡翠鍋！做低見到塊餐牌好特別，直接用可刷筆落單！好方便！呢度有好多餐前小食，上火鍋前叫左個鎮江肴肉冰冰涼涼有咬口，配合個醋好開胃！因為想有個清湯，所以就黎一個鴛鴦鍋啦無紅色油既麻辣鍋真係第一次試，好新奇飲落去啖湯係香辣既！而且無紅辣湯咁油膩！首先係黃金魚皮，望見都覺得香脆！浸落湯後都依然爽脆！同事話打邊爐一定要餐肉，呢家餐肉係炸左先既，排到賣相好吸引。店員耐心教我地兩食都得。直接食就香脆，入左湯就索左d辣味，更加正跟著係肥牛，呢個係肩甲肉，脂肪比例好平均！好鮮甜必試之選，蟹棒！非常鮮甜，真系好像食緊蟹肉咁黎到鮑魚，好新鮮，我地用筷子🥢夾落去，仲識郁好殘忍啊！總括，好滿意呢餐，上菜快，店員有耐性，態度又好！會再來！

今日有少少雨, 收工後同朋友行佐敦, 行到餓餓地就去左搵食。呢間餐廳係主打麻辣鍋, 問左店員翡翠麻辣鍋同麻辣鍋有乜分別, 原來翡翠麻辣鍋主要用綠色既材料整, 食落會無咁油, 咁就叫左一份試下, 朋友同我都叫食得辣所以揀左中麻中辣。環境都幾好, 見到有生啤機, 如果唔係閒日就一定會飲返幾杯另外仲叫左d生料同一份小食香腐皮小食首先黎到, 食落好香有小小辣, 不過咸左少少。如果用黎送酒就岩晒。翠麻辣鍋一打開個鍋就聞到好香, 見到同平時食既麻辣鍋好唔同, 首先個樣係唔會令你覺得佢好辣, 然後顏色係綠綠地色。入面有幾件鴨血, 鴨血吸收左湯既精華入口又滑又入味,好正自家炸魚皮呢個炸魚皮比較特別, 同出面唔同, 係有少少骨既, 不過炸到骨都係脆既, 比出面果d香口好多, 好味蜆蜆好新鮮, 無沙, 不過唔算好大隻極上手切肥牛(細)呢個牛肉雖然份量唔多不過佢肉質好滑,又有牛味。輕輕淥10秒左右5成熟就岩岩好, 配合埋麻辣湯入口好有幸福感覺油麥菜菜建議一開始果陣食,因為食到後期個鍋會愈黎愈辣, 咁個菜就自然變到好辣鮮雞件入口好滑唔會鞋, 吸收左湯既味道都幾好食總括黎講呢度都值得一試,我地雖然都叫食得辣,不

今晚要farewell同事，上網見有人推介呢間小店，決定黎試下！好彩都冇令我失望！小店位於佐敦，都好近地鐵站，地點都好方便!食物方面：我地點左個植物油翡翠麻辣鍋，係店主既私心推介！有別於傳統用牛油既麻辣鍋。我地再加多少少錢，黎個豬骨鍋雙併！鍋底已經有鴨血，而豬骨味更加濃郁！推介！我地點左個雞翼小食，手功九菜餃，四寶丸，魚皮，蛙蛙菜，吊龍伴，本地手切肥牛等等。唔係講笑，樣樣都好好食！個人認為食物質素相當高，係高檔次的火鍋，食到飽就人均消費$400-500。

收工同老公出咗嚟佐敦搵野食，渡船街好多餐廳都畀我哋食到熟曬，今次行咗入嚟內街 見到有間掌門重慶麻辣火鍋，在門外見到裝修幾特別，有室內同室外，方便吸煙嘅人士，而家都好小餐廳甘貼心為吸煙既人士安排，入座後，隔離枱有人生日要上蛋糕，店員和老闆都好熱情招呼，仲為佢地唱埋生日歌，氹得嗰枱客人好開心，都幾有氣氛。入返正題先，我哋叫咗沙爹湯底鍋，味道好濃好入味，岩哂重口味既我，而配料就點咗 一份細嘅手切肥牛，雪花 均勻入口即溶，好香牛味，下次真係要點大份量，因為真係好好食，停不到口，另外重點選咗兩款出面比較少見嘅菜式，分別係葛絲，係日本一種類似粉絲嘅材料，爽口彈牙，值得推介，同埋豬骨筋，店員話係好似牛筋咁樣 所以就一試，不過不失，同埋最後叫咗一碟西洋菜餃，粒粒都好大粒，餡料好豐富，味道不錯~~建意多d人去食，因為可以再叫多d不同款式，岩哂吃貨一族

入到去，地方都幾骨子，檯唔係太多，去食記住要訂位一坐底，店員就送上小食，呢個麻辣腐皮幾開胃，辣度適中，岩哂唔太食得辣既朋友呢個小食必推，炸豬肉卷，好好味，望落去以為好乾，點知唔係，食落幾脆幾juicy店員爲我地推介呢到既皇牌鍋，叫非翠鍋，店員話有別於一般既麻辣火鍋，無噤多油，用青辣椒，噤我地就叫左大辣，大麻，同豬骨湯，一黎到，就聞到好香，真係唔會勁油，再飲一啖佢既豬骨湯底，幾濃郁打邊爐點少得手切肥牛，牛味香，唔會un呢個好胸爽好鬼正，唔使淥太耐，拖一拖水就食得 ，充滿油香，我同朋友好快KO酸菜白肉餃，呢到d 水餃全部自己包，必食，好特別，同埋d 酸菜又係好開胃，愈食愈肚餓😂蟹棒夠大條佢d 丸都好出色，都係自家出品，個牛丸同墨魚丸個個都讚不絕口。堅彈牙，唔會覺得好多粉，好新鮮平時打邊爐我麻麻地豚肉 ，但朋友叫左就試下啦，又幾好食喎，配個麻辣湯底，正豬腰，好食 ，唔使擔心佢有陣內臓味，處理得好乾淨麻辣鍋點少得箇筍，簡直絕配，索哂d 辣汁午餐肉，炸過，脆卜卜，就噤食都好食總括黎講好鬼正，個湯底又特別，岩哂想食麻辣又怕好油既朋友仔

服務態度好麻麻，食完叫第三次稻亭烏冬，居然變左唔駛雪藏嘅普通即食烏冬，一上枱就知有好明顯嘅分別，再加上同之前食嘅兩份完全唔同。一問先講稻亭烏冬賣哂，完全唔會知會一聲就直接換貨不對辦嘅野頂上，感覺唔太好.... 食材OK, 但大份牛肩脊嘅份量少得太離譜。除左上菜慢(當時得我哋一張枱，等左成30分鐘先上湯底同食材)，上菜次序亦亂，一開始叫左下酒小吃炸雞中翼，諗住食火鍋前食下小食先，點知居然食哂野先上... 一邊食一邊已經覺得好口渴，現場已經飲左3罐野，一走又要買野飲，返到屋企再飲兩大杯水，食火鍋已經係好飽嘅事，仲要口渴要狂飲野，好痛苦.....

呢排好似食極都唔飽咁，啱啱食完晚餐，轉個頭十點幾又肚餓，所以捉咗男朋友落嚟食宵夜， 本身諗住食串燒， 但經過哩間掌門 重慶 麻辣火鍋， 又畀佢吸引到，所以決定入嚟食，可能因為 都夜啦，所以 都係得一兩枱客， 店員都好熱情招待， 不停介紹 店舖出名嘅菜式， 我哋就點咗一個 店舖推介嘅麻辣火鍋湯底， 然後嗌咗啲墨魚丸 蔬菜籃 同埋店員推介嘅牛肩脊，雖然點咗三款配料加個湯底，埋單 都唔平喔， 都要四百蚊鬆啲，不過佢啲嘢食都唔差嘅， 下次可以叫埋一大班朋友嚟試， 咁樣可以食多啲款式

是日同老婆去左圓方拍拖睇戲，睇完之後行返落佐敦搵食，經過呢到見到老婆最愛既麻辣火鍋，就二話不說，立即入去試試佢。呢到地方雖小，但座位算闊落，舒適。首先黎左個前菜小食：辣辣地，麻辣味剛剛好，我地好快就食哂重慶麻辣翡翠鍋：我地選擇左呢個重慶麻辣翡翠鍋，開頭食感覺唔太辣，耐左之後越食越辣，越食越麻山根：極品西班牙黑豚肉：黑豚肉肉質鮮嫩，唔鞋口手打墨魚丸：墨魚丸勁爽口彈牙韓國炸餐肉條：餐肉熱辣辣，唔洗放落火鍋到滾都已經好好食西洋菜餃：好小地方有得食西洋菜餃的，食落味道不錯出前一丁：總結：呢到既食物非常新鮮，麻辣鍋底越滾越正，值得推介

朋友是重慶人，想找一些重慶地道鍋底，亦有香港特色火鍋配菜，例如手打丸類、海鮮、潮汕鮮牛肉等等，都可以在佐敦道「掌門重慶火鍋亅找到。 這裏的火鍋湯底不採用常見的紅色辣椒，而選擇用五種青辣椒及其他配料做湯底，較為少見和特別 。這個湯鍋器皿好有派頭。重慶麻辣翡翠鍋$148， 不能太吃辣的我們當然點選了小麻同小辣，綠色辣椒的翡翠鍋比起傳統用紅色辣椒做湯底，油花沒有太重，青花椒同香料滾起時，但麻辣香味比較突出。肉眼邊$178，又稱吊龍伴，每一隻牛只有一條，十分珍貴。輕灼灼幾秒就可以食，非常爽甜嫩滑。海蝦$88，上枱時仲好生猛紮紮跳，灼熟之後食，爽口又鮮甜。墨魚丸同牛丸，每份均$78。五色菜籃 $58 有五種蔬菜，分別有娃娃菜、生菜、鮮冬菇、金菇等，份量足夠且非常新鮮。

朋友上網睇到哩間餐廳既麻辣火鍋好特別，因為湯底唔係紅卜卜，而係綠色呀！所以今日收工我地就約埋一齊去食啦！我地嗌左個重慶翡翠麻辣鍋，仲有得揀辣度嘎！我地就選左小麻小辣啦，個湯底有好多青花椒，裡面仲有鴨血添！好特別喔！食落有驚喜！來個餐前小食先！哩個醉雞卷酒味香濃，唔錯！一定要推介哩個安格斯肩胛牛！高質牛好有牛味，唔會好多脂肪，好好味！長腳蟹好長一條，食落口好正，啖啖肉！哩個韓國炸午餐肉條都唔錯喔，味道很香，擺落湯底去滾一滾，吸收左D辣湯底，好正！哩個麻辣炸雞翼都正呀，仲剪開左單邊，食落好方便，好香脆，外脆內嫩！唔錯味道唔錯，值得一試！會再來！

重慶出名就是食麻辣火鍋，但一般都是食用紅色辣椒及其他香菜製成的紅色湯底， 今晚朋友帶我去到 佐敦道，「掌門重慶麻辣火鍋亅 這小店座位不多，但很有中國風的設計，好似去到舊式的重慶老店舖，今晚果然搵到驚喜。重慶麻辣翡翠鍋$148，喜歡食麻辣味道的我，今次要試這個用綠色青椒及香菜的配料，製成的麻辣翡翠綠色火鍋。用這個中國風的湯煲器皿，打邊爐， 湯底仲可保持到濃郁味道。新鮮牛肉，好有牛味，又唔會太多脂肪，好嫩滑，牛魔王的我要再加多兩碟。雞件$78 ，份量都算大，雞件又好鮮嫩。炸午餐肉條$48，午餐肉炸至微焦，而內面又保持到好軟，非常常香口，可即食啦！火鍋必選烏冬$38及出前一丁$18，食埋就畫上完滿句號。

朋友帶了我來這間店子，位置有點隱閉，要查google map才會主動來的店子，如果好像我地，只有兩個人食火鍋，這間店子略為有點貴，因為湯底都已經百多元，還未計其他餸，多人會比較化算。我們叫了麻辣湯底和蕃茄湯底，也叫了雞肉、魚滑等等，蕃茄湯底好甜，麻辣湯底夠野味而又唔嗆喉，適合喜歡食辣的人。