摩芽雞蛋仔

營業中

休息中

.📍摩芽雞蛋仔📍 #饅頭去太子 #饅頭的掃街系列 ------------------------------星星朱古力 ($28)即叫即整所以溫度上就絕對合格；味道其實都係唔係差嘅，咬開會見到入面係有半流質嘅朱古力醬，但基本上就冇乜軟熟雞蛋糕嘅成份，整體口感就係食緊空殼加醬🤔，而且佢嘅蜜糖星星係淋嘅😑，同我預想有極大落差咁貴嘅價錢除咗造型之外其實都冇咩特別，所小編係非常唔推薦，除非你相打卡(？)------------------------------整體評分：5.5/10小編回頭率：4/10

🇭🇰摩芽雞蛋仔·紫菜粟米肉鬆雞蛋仔$27呢個我之前係葵廣好中意食架 但係自從個間分店執左之後 我就一路都無再食過啦😢😢今次專登行去太子個邊食 點知有D失望 佢個雞蛋仔蛋味比較淡 而且佢唔脆 傷心 之後佢入面既肉鬆都無好鹹香 明明之前好好味架😭😭·#rbyeat#rby港式#rby太子 #rby新蒲崗 #rby荃灣·📍太子汝州街17號地舖📍新蒲崗康強街32-34號康強洋樓地下16A舖📍荃灣荃興徑31號地下4A號舖

💛黃店🔱今次要介紹嘅食物就係位於太子！📜”摩芽雞蛋仔 (太子)📌 地址:太子汝州街17號地舖🕐營業時間:12:00-23:00📍分店地區: 太子📝評價💬📢 星星朱古力雞蛋仔🤩每粒雞蛋仔都有蜜糖星星🌟🌟 呢個係抵讚👍🏻👍🏻朱古力味道吾算好突出 見佢啲相好靚咁🤣🤣有好多吾同口味都幾特別 望落去都吸引😝🏵環境指數:⭐️⭐️⭐️🏵味道指數:👅👅👅🏵抵食指數：💰💰💰🏵回購指數:❤️❤️#美食推介 #太子美食 #太子黃店 #黃色經濟圈 #黃店推介 #黃店 #黃店系列#instafood #美食分享 #hkfood #食好西 #吃貨 #hkfoodig #懲罰黃店 #foodiehk #良心小店 #foodieshk #hkfoodies #Yellowfood #852food #相機食先 #香港美食指南 #hkfoodblog #一路食一路post #美食地圖 #foodieksk黃店 #yellow太子 #foodieksk太子

之前一直見人推介, 所以我懷抱一個"佢一定超好食"既心去買, 食完有啲失望...我唔排除係人手製造質素有啲參差啦, 我個舊真係麻麻😿餐牌有好多款, 雞蛋仔價格比以前高左好多, 以前原味$8底咋嘛(老靈魂出左黎), 不過我都係乖乖地交左個銀包出黎😹<星星朱古力>味道其實ok既, met開雞蛋仔, 入面有啲啲半流質既朱古力醬, 所以我覺得朱古力味幾正既🙌🏻但係口感麻麻地, 一開始摸到個雞蛋仔咁淋, 我仲諗應該係因為岩岩整起啫, 我5分鐘內食,發現佢係真係淋....🙈我幻想中佢個皮係脆既, 蜜糖星星都係脆既, 唔係囉, 成個都好淋, 蜜糖星星仲有啲硬添🥲見有啲餓叫多左個燒賣魚蛋雙拼, 幾好味, 我唔係燒賣關注組, 但燒賣幾好食既, 幾煙韌👐🏻魚蛋正正常常呀👐🏻

20蚊一份格仔餅真係賺到笑呵呵呀，果啲特別少少既雞蛋仔成28蚊，直頭可以買到兩餸飯，依家咁既時勢仲企到，梗係有佢原因既，請啲妹妹做野，成日坐店面打機溝仔，梗係多人幫襯啦，當然塊野係熱既，而且非常足料，就算你唔食，賣相都已經靚仔到不得了。同出面啲有鄉音阿姨整出來，好自然班後生仔自然識幫襯啦。 好多時請啲鄉音阿姨真係好影響心理，今次來親都係妹妹仔，絕對係賣點之一，新鮮都係重要，足料更加係加分位，仲要係熱既。掂

特登去拜訪呢一間嘅雞蛋仔，聽聞種類有好多，而且又好好味！最尾我哋叫咗雙重朱古力味，由於佢係即叫即整，再加埋前面都有幾個人喺度買緊，所以俾咗錢之後都要等10幾分鐘。如果大家想食都係要有啲耐性。攞到手之後，因為疫情關係我哋帶咗佢返屋企先食。相信呢個係一個好錯誤嘅決定，因為返到屋企佢已經林晒😢😢😢😢😢好好彩嘅係，佢嘅朱古力味真係幾濃！我諗如果即刻食嘅話味道會更加好！價錢方面就唔係以前10幾蚊嘅價，冇記錯都好似係要30幾蚊。抵唔抵食就見仁見智啦！

行開呢頭買野，見有啲餓，想買啲街頭小食醫下肚仔。打開wolipay app見呢間黃店就係附近，即刻去幫襯下。見menu有好多創新既雞蛋仔款式，不過最後都係揀普通啲。.雙重朱古力($23)分數: (6.5/10)👍🏽味道不錯，👎🏽可惜一搣開，兩邊分離。除左用朱古力味蛋漿整之外，仲落左啲朱古力粒，朱古力味算濃。但整得唔太好，兩邊痴唔實，兩邊分開食咁，sosad.......💈太子汝州街17號地舖

世紀大難題，究竟大家鍾意食雞蛋仔多啲定格仔餅多啲呢？我同寶寶不約而同都鍾意食格仔餅多啲🤤不過做得好食嘅又少之又少。之前比我搵到一間雞蛋仔嘅黃店，上次去咗新蒲崗總店，今次就試吓佢哋太子嘅分店食下新潮格仔餅💛·估唔到平日排隊同總店一樣都要等下位，證明真係好受歡迎，冇計啦唯有等吓啦～💁🏻‍♀️💁🏻‍♂️·佢有超級多款嘅選擇，我揀咗紫菜肉鬆格仔餅～🤤·睇到仲以為個格仔餅係原味格仔餅夾住啲紫菜同肉鬆。點知原來係個格仔餅皮已經本身包含左啲紫菜肉鬆係入面，再配上牛油🧈、砂糖🧂、花生醬、煉奶🍼，一齊食，會唔會太爽啊？🥳·口感方面，格仔餅皮偏硬，一定要趁熱食先好🤯。另外紫菜肉鬆嘅鹹同埋平常雞蛋仔花生醬煉奶嘅甜令到個口感好複雜，究竟係畫龍點睛定係畫蛇添足就見仁見智啦～🤪不過初體驗表示幾特別，口痕叫返一底食都唔錯～🥳·你哋知道邊間格仔餅係黃店就話我知啦🤘🏻🤘🏻💛💛黃色經濟圈萬歲😎-紫菜肉鬆格仔餅｜$26-摩芽雞蛋仔 (太子)太子汝州街17號地舖-

雞蛋仔和格仔餅肯定代表到香港最地道的小食,價錢實惠又好味又飽肚,好多人細細個都一定食過,當然是我最喜歡的小食之一。可是,附近的小店,不是預先做好,就是沒有足夠的蛋味,就算賣15元也吃不下去,所以今次見到有一間在太子的黃店有賣,就想試啦~24元的抹茶紅豆格仔餅    4.5/5分即叫即做,要等大約10分鐘(如果人不多會更多),格仔餅本身好有蛋味又夠脆,好食!抹茶紅豆融入到格仔餅之內,好味!無想過今次吃到如此美味的抹茶紅豆格仔餅,下次再遇到想食流心蜂蜜雞蛋仔或雙重朱古力格仔餅!!!!!!!!!!!

我嘀朋友話細個果陣時，雞蛋係可以半底或者四分一底買㗎！但可能由冇哂手推車，鋪租又急升開始....連南山邨檔雞蛋仔都迫住入鋪，就已經冇呢支歌仔唱！食得雞蛋仔，一食食一底根本就唔合乎人體力學！空肚食又唔飽！食完飯食又太多！除非你有另一半！如果唔係就明恰單身狗！重有呀！唔知你有冇食過！空心雞蛋仔！價錢家下都17-8蚊起跳啦！嘩！嘀呀姐手勢好呀！落嘅蛋漿可以僅僅將成個模複製出嚟！其實佢手藝好我欽敬嘅！但嘀雞蛋仔脆到片到我個口損哂！我自己其實食雞蛋仔，我係鍾意外脆內軟，入面重有舊軟熟嘅蛋糕仔嘅雞蛋仔！不過我唔排除有人係鍾意脆脆空心版，畢竟百貨應百客！摩芽佢係新蒲崗開始我已經有食，佢地對自己要求好高，因為佢足料，所以會整得耐，佢都有叫人俾嘀耐性等，可能俾人催得多啦！我重記得佢係第一間加星星餅入雞蛋仔，甜甜脆脆係幾得意，但有次試過佢個爆珠，就不敢恭維，都係原味最穩陣Ps：我的朋友不是我

個日夜晚經過呢間鋪，個fd好想食呢個紫薯雞蛋仔，於是三個人係寒風中凌亂了十五分鐘 先拎到呢個雞蛋仔。🌸紫薯星星 HKD | 30首先個樣真係好吸引 佈滿咗星星✨～好濃郁嘅紫薯味 外脆內軟 入邊一半空心 咬落Q彈Q彈～ 口感超正.🌸魚蛋 HKD | 10(8粒)我鍾意呢個度嘅魚蛋。大粒而且唔乾身 十蚊有八粒 真係好抵食～.呢間鋪仲有部細細機可以夾公仔🧸應該係驚大家等得有d悶 所以供大家解悶下～如果冇記錯的話 好似係2蚊一次。

一粒鐘前喺深水埗食完嗱喳麵，路經太子附近、見到呢間雞蛋仔小店有好多人排隊，呢個情境攪到我都即刻走埋去排隊買底試吓先，我買左奶茶星星雞蛋仔，都唔係等太耐啫！大約10-15分鐘就有啦！個賣相好得意咬落鬆化、入面帶少少流心，真係有奶茶味㗎！唔太甜、適中

這檔雞蛋仔開了很多年。我還是第一次嘗試， 它的星星雞蛋仔很有名。太多款式不知吃什麼好 ， 便叫了土鳳梨酥雞蛋仔($27)。雞蛋仔 質感光滑，軟脆適中(不會太軟又不是脆口那種)。據說以前的雞蛋仔是偏淋身，脆的其實是後來所發展。如果追求外脆內軟，就未必適合。內裏的餡料的菠蘿味很突出，的確讓人聯想起台灣的鳳梨酥， 而不會是罐頭菠蘿。總括然而， 不錯。 如有機會也會再想嘗試其他味道。看到其他食評說店員很親切， 看到其他食評說店員很親切，但好像是位女店員。 而且是次我遇到的是位年輕的男店員 談不上親切，也談不上態度不好。 只是像機械人搬， 我覺得他或許嘗試找出工作中的熱情會比較好。

其實我就住喺樓上，平時夜晚放工見到好多人排隊等，所以好耐冇食過了……有時跑完步經過，做完運動又唔想食甜野，所以應該有超過一年冇幫襯🤪今日放假，去完打拳返嚟又唔係好肚餓，所以食個雞蛋仔就啱啱好，哈🥳見到冇人排隊，即刻order一個原味雞蛋仔，以前食過佢好多其他味道，最普遍係朱古力味、綠茶味加星星，今日唔係太肚餓，所以都係簡單原味🥰靚女姐姐10分鐘左右就整好咗俾我，又整得幾靚喎😝忍唔住即刻一啖咬落去，入面脹卜卜蛋糕仔，好耐冇食過入面有蛋糕仔嘅雞蛋仔，而家出面啲鋪頭整嘅雞蛋仔好多都係空心嘅👍🏻👍🏻前面後面都咁靚🥰

抹茶紅豆格仔餅$24抹茶味唔係好濃，因為比啲花生醬遮左，佢嘅花生醬味仲濃過啲抹茶味，但係都有食到紅豆嘅味，佢嘅紅豆口感唔會好粉，而且唔會好甜，整體個抹茶格仔餅都好好味，亦唔會好甜