摩芽雞蛋仔

營業中

休息中

珍珠奶茶雞蛋仔$28佢嘅奶茶味超香🥰🤤，佢每一啖都好香濃奶茶味，佢而且每一粒都有珍珠，啲珍珠都好彈，不過整個珍珠奶茶雞蛋仔味道比較偏甜，但係真係好香珍珠奶茶味👍🏻🤤

原先諗住去太子嘅另一間，不過原來已經執左。之後我行左一陣就搵到呢間，買左原味嘅雞蛋仔。即刻整，又夠熱同夠脆，仲好足料。食完真係好滿足。員工嘅服務態度都好好。希望可以繼續保持水準💪🏻💪🏻

等左20分鐘忍唔住追佢，佢先話整緊，頭先整錯左，最後等左接近30分鐘，竟然收到一底穿晒窿既雞蛋仔，一心諗住幫襯黃店，但黃店都要質素有個譜架，真心離譜，唔會再幫襯

實在令我太失望為支持黃色經濟圈而幫襯的我等咗over 30min 收到嘅雞蛋仔竟然喺微暖上一號碼一直叫無人攞唔識俾下一個先嗎？為何要放冷咗先俾下一個客人希望你哋好好改善

其實跟💛💛黃色經濟地圖食嘢真係唔難，個圈有好多菜式同食物種類，除左有日式魚生飯, 港式冰室，燒烤店等等，仲有雞蛋仔 - 摩芽雞蛋仔, 佢哋本身最出名嘅係星星雞蛋仔同雪糕雞蛋仔，個兩隻味我之前都食過, 雪糕加雞蛋仔真係好正，外面嘅雞蛋仔真係無比脆，暖暖地，加埋冰凍雪糕形成嗰種對比，依家都記得。今次想試新嘅味道，我就選左咖啡朱古力味，雖然咖啡味唔係好夠，但粒粒雞蛋仔都充滿朱古力，溶溶地有流心感，外層夠脆。 除左流心仲好窩心! 店員好有禮貌，有笑容. 雖然都要等，但唔會等好耐！ 大家都有耐性支持💪💪

今日路過太子，見到這一間小食店有極多款雞蛋仔可供選擇，每款都好有創意，而且價錢大部分比出面其他食店平$1-$2，所以就即管試一試。因為實在有太多選擇，同埋有啲味我都睇唔明，店員都非常快睇得出我臉上的疑惑，好主動同我解釋每種口味的特別之處。最後我就選擇左佢地做緊期間限定的珍珠奶茶雞蛋仔。佢哋係即叫即做的，所以等的時間都要大約6-7分鐘左右。雞蛋仔到手係熱身的，但唔算真係好熱，咬落去後係有少少失望的。平心而論，奶茶味係有的，雖然唔係好出，而且亦都落重料，每粒雞蛋仔都有1-2粒珍珠，但完全係唔香脆，冇咬口。

之前幫趁魚蛋燒賣真係伏到你唔信，叫辣，佢係白烚拎起，仲要俾人客由清寡狀態，等你自己加辣油仲要唔辣嗰下堅好嘢！自從嗰次之後，就再無幫趁佢d其實食物，點知呢晚，俾個佢平反既機會，果真有大跳躍既驚喜連連，首先收錢妹妹比之前我來那次的男店員態度好，又識同客打成一片，真感受到佢的誠意。點解呢？叫左份雙重芝士格仔餅，賣26元，佢知我好想要多d芝士，又話幫我加多點，雖然唔知係咪有加多左，但個心聽到已經開心左，後來到手，熱辣蛋糕質地，又有花生醬，原來仲有肉鬆，其實啲芝士味我唔係太食得出係咪芝士味，因為同啲花生醬鹹鹹地嘅味道完全融合，加埋肉鬆有啲咬口，成件事好完美👏🏻加晒分，有下次，即刻想叫第二份😃

冬天好想念新鮮出爐熱辣辣既雞蛋仔，經過太子一帶，很想找一間特色一點的雞蛋仔店，不經不覺看到這間摩芽雞蛋仔😍其實之前已經光顧光，印象中樣貌吸睛，但味道不太討好，看看餐牌，突然想改變主意嘗試一下很久沒吃的格仔餅🥰 這間店所有雞蛋仔和格仔餅都是即叫即整的，不像街邊檔，尤其是原味既雞蛋仔，通常都是是先弄好然後放置放架上。落單後大概等了十分鐘就拿到食物💕格仔餅十分厚身，蛋香亦很突出，無論是花生醬還是紫菜和肉鬆的份量都很多，一口咬下去很滿足呢💕重點是即整，熱辣辣加了不少分，不過略嫌有點過甜，麵團質感略欠彈性，粉粉的😳外脆內軟也能做到，不過這效果稍稍即逝，所以整過體內說不算十分出色，但也是不錯吃的👍🏻

自從食開果間雞蛋仔汁左粒之後，就不段試區內唔同店既雞蛋仔.試左4-5間街頭小食既都好失望.呢間係太子，算係比較正常.起碼外面唔油，入面料係空心各佔一半.不過都未算係好味.蛋唔夠香，同埋外皮唔係脆口.做唔到內脆內軟的口感.不過食到唔難食已經好恩惠....原味雞蛋仔$18.環境🎖🎖衛生🎖🎖🎖人手🎖🎖🎖可逗留時間 🎖🎖🎖食物質素🎖🎖禮貌🎖🎖🎖選擇🎖🎖🎖🎖送菜速度🎖🎖🎖座位數量 0攝影環境🎖.5🎖為滿分.

放工突然心血來潮想食雞蛋仔！即刻相約男朋友在太子D出口等我。這裡的雞蛋仔或是格仔餅款式特別多，我每一次來都會嘗試新口味，暫時食過原味、朱古力、雙重朱古力、雙重芝士、紫薯，今次試下⭐️星夜雞蛋仔⭐️即叫即做⋯⋯ 熱辣辣！每一粒雞蛋仔中間都夾住星星形狀的早餐脆片，賣相固然突出！相機食先！餡料是大人細路都鐘意的榛子朱古力醬 榛子醬的份量不多，食起來不會覺得漏，每一啖都好滿足，好快己經俾我食清光！有時候傳統有傳統好食，但偶爾轉轉新口味都不錯

突登黎太子試黎間雞蛋仔都係因為佢個外形好吸引，星期六下午三，四點，排左只係差唔多10分鐘，唔算耐，一攞到手當然要影下相先，個look同顏色真係好特別，值得黎打一打卡紫色香芋味都幾香，每粒中間都夾左星星早餐片，不過個粒星星好似有d過硬，令到粒雞蛋仔好口感唔係太好，甜度個方面適中，而且香芋味都唔係咁普遍，所以都值得一試除左星星雞蛋仔，仲有其他原味，朱古力等，等緊既時候都好香，唔算食到粒星星早餐片，可以選擇普通的

同朋友去汝洲街睇布板 ，經過見到有雞蛋仔就心血來潮諗住試下 見到咁多款口味好似好多都好吸引 同朋友最後決定叫一個叫流心蜂蜜同珍珠奶茶一齊開心分享下！等左一陣 終於到我地 攞上手都熱辣辣既 但好明顯你會知道個雞蛋仔係軟身的 朋友講左一句 雞蛋仔唔係脆既咩？我腦海只出現左謝霆鋒整雞蛋仔個幕...到食落口...-流心雞蛋仔$23流心？蜂蜜？好後悔無影相 點解會有啲啫喱咁既野係入面 仲要熱左 個感覺相當嘔心 同埋口味好似蛋糕仔 如果鐘意食蛋糕既朋友都可以試下既-珍珠奶茶$22佢地既台式珍珠奶茶更加令我打左個凸好難飲呀！！我唔知自己飲緊茶落肚定奶落肚！so confuse！珍珠都叫正常 但味道好明顯唔係一般貢茶會飲到既奶茶味 其實係香港要搵一杯難飲既珍珠奶茶都幾難 但我今日搵到 飲到一半就忍唔住掉左

賣到二三十蚊嘅雞蛋仔，冇錯係好多花款，又唔同顏色又喺中間擺唔同嘢咁，可惜本末倒置，連普通小食檔賣緊$13嗰底都不如。出色嘅雞蛋仔係可以一粒一粒咁啪出嚟，而呢個價值廿幾蚊同等咗十幾分鐘嘅產物，係要用搣嘅。拎上手已經知唔對路，睇相都feel到個口感同熱香餅係冇分別（攝於出爐後一分鐘內），一食果然不出所料，淋過毛巾。咁嘅質素已經唔expect入面嘅蛋漿會幾香濃，而事實亦係完全食唔到。所謂嘅流心蜂蜜，原來係疑似蜜糖味嘅爆珠，又唔流心，又唔蜂蜜，得個甜字。順帶一提，珍珠奶茶質素亦奇低，係溝淡咗嘅茶味+稀稀地嘅奶水，實在大開眼界。

A street food that deserves waiting:1. Made upon ordering and hence a bit of waiting time2. Orange flavoured for real3. Chocolate bits in each eggetts4. Crunhy honey stars in each eggetts5. Served hot and crunchy, nom nom

今日等緊friend又有d肚餓諗住搵d小食店食少少野先行過見到呢間雞蛋仔好似幾吸引我記得之前有人介紹過喺葵廣既分店只要係介紹d星星雞蛋仔本身我都想食星星雞蛋仔覺得入面有d脆脆地既星星 口感應該幾好但轉個頭就比土鳳梨雞蛋仔吸引左呢個口味我真係第一次間唔太想像到個口味係點所以想試下食左第一啖就知自己冇揀錯啦唔食落個味其實有d似鳳梨酥酸酸甜甜咁樣但個口感唔係鳳梨酥咁鬆軟雞蛋仔既皮好脆入面就軟軟地有少少煙un而且土鳳梨一d都唔少真係每一啖都會食到呢種口感配埋呢個味好新奇而且係超級好食我以前食過好多味eg斑斕 芋頭 芝士等等但都覺得土鳳梨贏曬佢地$25黎講我覺得唔算太貴 性價比都算ok