摩豆

營業中

休息中

喺旺角等朋友食飯期間有啲肚餓，經過旺角中心就睇吓有冇啲掃街嘢食可以買嚟頂一頂肚先。見到2樓有一間小食店有雞蛋仔同格仔餅，而且雞蛋仔有幾款口味例如伯爵茶斑斕，鳳梨味等等，今次就試吓斑斕味先。落單嘅時候店員問需唔需要加麻糬，只需要加$6就每粒雞蛋仔入邊都有麻糬，加埋麻糬就一共$30，我就好鍾意食煙韌食物所以就加咗麻糬。落咗單之後大約等咗10分鐘就有得食，新鮮食都幾趣，入邊麻糬口感都唔錯，不過我就略嫌斑斕味唔算好重，以今日嘅物價嚟講， $30一底有味道嘅雞蛋仔包埋麻糬都算係咁嘅。

之前喺新蒲崗買過呢間都幾好味，所以就一次過買咗金莎朱古力格仔餅，流心蜂蜜雞蛋仔，同埋問我加唔加套餐嘅飲品 嘅西柚綠茶。飲品會減4蚊，佢自動幫你揀左大杯。變相都係16蚊，冇減到。其實係嘥左14蚊，建議唔好買。或者試下其他飲品(可能好飲)但個人覺得所有嘢都唔好食🥲🥲唔會有下次😂平時snack express 嘅格仔餅同雞蛋仔都好味過佢，只係冇咁多口味選擇最後，杯嘢飲同水冇乜分別，我仲寧願飲水添然後我飲左2啖就掉左，雞蛋仔同格仔餅都冇食哂，轉頭仲立即去咗青玉買多杯嘢飲

呢間雞蛋仔有好多創新口味，上次食過羅宋湯味真係幾特別，冇係其他地方見過。今次試土鳳梨味，等左十分鐘左右就有，不過今次有少少失望，因為個雞蛋仔得半邊咁😅同埋有啲硬，不過個餡就同食鳳梨酥個餡一樣，都算幾OK。下次再試吓其他口味先。

雞蛋仔係香港人最愛街頭小食之一而今時今日最傳統嘅味道已經滿足唔到呢間小食店有超多款唔同口味啲雞蛋仔同格仔餅款款都好吸引，揀食咩都已經流晒口水啦最後揀咗羅宋湯雞蛋仔，睇落幾得意就試試佢，落單個陣店員仲會問要唔要加麻糬或者肉鬆，最後店員推薦調加肉鬆配羅宋湯雞蛋仔超好食就聽咗佢建議！因為雞蛋仔係即叫即整，落單後等咗大概10分鐘左右就拎得！一拎上手好香噴噴熱辣辣，所以忍唔住口咬咗2啖先記得要影張相羅宋湯味原來就係有淡淡嘅蕃茄香，而雞蛋仔入面仲會有啲羅宋湯配料例如係薯仔咁，食落都幾過癮同埋加肉鬆真係生息不少！建議去食嘅朋友仔都試吓加～～

哇！旺角中心的雞蛋仔真是讓我驚艷不已！在這裡，我找到了一家讓我舌頭為之倒戈的絕品雞蛋仔店！這家店已經在旺角中心開店多年，而且他們的美味令人難以置信，絲毫沒有衰退的跡象。我點了他們的招牌口味：土鳳梨酥雞蛋仔。等候時間不太長，當我拿起它們時，它們還燙手燙手的，散發出迷人的香氣。每一粒雞蛋仔都充滿了滿滿的土鳳梨果蓉，咬下去時，那濃郁的鳳梨味讓我為之驚艷！而且，外皮酥脆，內裡卻柔軟綿密，這種口感的對比簡直是一種神奇的享受！這家雞蛋仔店的美味程度超乎我的想像，絕對是讓人垂涎欲滴的食物！無論你是當地居民還是遊客，都不能錯過這個絕佳的雞蛋仔體驗。別再猶豫了，快來旺角中心找到這家令人欲罷不能的雞蛋仔店，讓你的味蕾感受到前所未有的美食盛宴！😋

老實說，幫襯過超過六七次，係好味先翻食。但今天非常不愉快，我的號碼是170他們叫號用機顯示號碼，到166號時我見到有一個格仔餅（即是本人想點的食物）已經放了出來，但由於號碼是166所以我沒有前去拿。然後那塊格仔餅，一直放放到170店員把那一塊放到變涼的格仔餅交給我我咬了一口，跟他投訴格仔餅變到很涼，要求他們換過。但店員聲稱他已經叫了170 ，只是我沒有拿取。大佬呀，我就一直站在旁邊，比你那位應該剛去完廁所的店頭員工應該還要清楚吧？Fine, 你們店家為了那少少金錢就跟我諸多解釋？所以我也不跟他們交涉，只是放下那塊變涼的格仔餅在他們枱上。而他們的店員也沒有作出任何行為。只可以講，這道氣吞不下。食物質素是有的，但我也永遠不會再來。而我之前所介紹過前來的朋友，我也會和他們說聲叫去他們不要再來。在此也勸介各位一聲，要有心理準備可能有不愉快待遇。

嘿，吃貨們！今天我要帶你們進入一個美食愛好者和甜蜜情侶的浪漫天堂！這裡有一道絕妙的甜點，是朱古力格仔餅與麻薯的完美結合， 旺角中心係係每個人的童年回憶，是一個每個香港人都必去的地方，每一次行都會有一種想當年甜蜜的回憶，亦係學生時代拍拖的一個地方，今次餐廳位於2/f小食街， 連我為食嘅朋友話未試過，吃貨們，立即帶大家去試下。朱古力格仔餅：朱古力散發出濃郁的巧克力香氣，烤得金黃酥脆，麻薯則是外脆內軟，嚼勁十足。

次次黎旺中都會搵下小食😃今次聞到好香雞蛋仔味就即刻排隊買人龍唔算太長但係因為即刻整所以要等耐小小～～～～～～～～～～～～～～～～～～～～原味雞蛋仔 $20老闆會問你加唔加麻糬（+$6）雞蛋仔即叫即製當我咬下第一啖時，好明顯感受到麻薯的鬆化口感，而且口感相對黏黏較軟geh咬口。雞蛋仔的外皮金黃酥脆雞蛋仔邊緣脆卜卜好香好好味但係相比其他雞蛋仔店geh 雞蛋仔 呢間味道相對沒有那麼偏淡dd😄如果蛋漿味道再濃d 會更好

➲ 旺角 摩豆➳ 班蘭麻糬雞蛋仔 ⁽⁴/¹⁰⁾外皮微脆，但蛋漿超級少，咬開中間好空心，如果唔係加咗麻糬，有啲咬口，應該淨係得雞蛋仔殼食。班蘭味都唔係好出，食完好空虛。⤵ 摩豆旺角彌敦道688號旺角中心一期2樓SA27A

週末喺旺角上完瑜伽堂，有啲口痕～想食好鍾意嘅雞蛋仔🥚同朋友行咗去旺中食雞蛋仔🧇· - - · - - · - - ·🔸 斑蘭雞蛋仔 $24· - - · - - · - - ·竟然今日人流唔多，同朋友爭紮好耐食咩味！個個味都好特色，最後猜包剪揼✌🏻決定食個斑蘭雞蛋仔🌿個店員姐姐有建議我哋加麻糬，不過由於我哋仲想繼續掃街，留返啲quota 繼續食😛～人唔多嘅關係，佢整得幾好食外脆內軟斑蘭味都幾香，熱辣辣好好食💚瞬間清左～值得好評一個👅· - - · - - · - - ·

返嚟食呢間店嘅雞蛋仔又一輪，今次試呢個土鳳梨口味，真係新鮮！🍍 超級鍾意佢啲雞蛋仔啱啱熟嘅時候，邊食邊噴煙，啖啖香脆，等佢再涼啲就會失去嗰陣勁！內裡夾咗土鳳梨酥，每啖都嚐到帶點酸酸哋嘅鳳梨味，酸中帶甜，爽口得嚟又惹味，啱晒鐘意嘗新嘅食客。而家講吓個沙冰同埋特選芝士雞蛋仔，個益利多沙冰真係解渴得嚟又解暑，酸味啱啱好，唔會過喉。而啲芝士雞蛋仔，外皮金黃香脆，熟到啱啱好，面頭嗰層芝士香味撲鼻，軟滑得滯！雞蛋仔嘅蛋香同芝士嘅絲滑完美融合，食落去正到彈！總括來講，呢度啲雞蛋仔真係有特色，每款新口味都值得試吓，一啲都唔單調。下次還要嚟試埋其他款！🥚🎉👍🏻

呢間我成日見到要排隊，門口成日聞到好香，今日終於得閒試下～我叫左斑蘭加麻薯雞蛋仔當我咬下第一啖時，我能明顯感受到麻薯的蓬鬆口感，而且口感相對較軟。雞蛋仔的外皮金黃酥脆，內部則帶有一絲絲的斑蘭香氣，新鮮整起，拎上手都好熱～味道唔錯，加左麻薯，估唔到都幾夾～我第一次食斑蘭味～斑蘭麻薯雞蛋仔都幾特別，起碼出面好少見有呢款味道～創新小吃，但是在味道和價格上還有一些改進的空間。如果你對異國風味的小吃有興趣，可以一試。不過，如果你對傳統的雞蛋仔更為偏愛，可能會覺得這款稍微有些不同以往的口感。

一底好食嘅雞蛋仔要有好嘅蛋漿，麵粉、雞蛋比例要均稱，烘出嚟先外脆內軟，仲要有陣陣蛋香🥚🥰而今除咗原味，仲有五花八門嘅特色口味～ 而且加錢嘅話，仲可以加麻糬、加朱古力、加肉鬆等等～ 鹹又得，甜又得，真係想要咩口味都有咩口味～呢日食咗土鳳梨酥味，即係喺每粒雞蛋仔心都加入咗一小粒糖漬菠蘿乾，每粒都甜到入心呀，值得一試❣️同朋友share就最啱～而且即叫即整，新鮮熱辣超香脆～不過雞蛋仔略厭太細粒～ 如果大粒啲會好好多～

嗌咗個金莎朱古力味同原味格仔餅。唯二好處係塊餅平且新鮮，但係兩塊餅都冇蛋味（仲要睇落白白地，明顯冇乜落蛋），而且好薄金莎朱古力格仔餅$29朱古力味明明叫金莎但完全冇脆脆，而且醬雖然多但好淡原味格仔餅$20原味係啲花生醬救咗佢，不過味道都係一樣單薄。整體嗌嘢食經歷不錯，店主態度幾好，而且人多但整得好快，當時有6張飛但淨係等咗10分鐘。唯獨嘢食質素真係好失望。。。 ̷̛̘̣̣̲̻͍́̀̅̀̓̇̈́̑̓̔̊͌̄̽͗̇̈́́̐̃̅́̐̾̿̒͘̚͝

中學個陣最中意去旺中掃街，大個都唔例外~~~~去到二樓見到呢間雞蛋仔有好多款唔同口味,D味都幾吸引~~我就叫左一底奶黃雞蛋仔~仲加左雙球雪糕!!!!!!!!!因為雞蛋仔係即刻整，所以我地都等左一段時間~~不過價錢黎講都真係幾唔抵.....一底雞蛋仔加左雙球雪糕要$47.....雞蛋仔$32都還接受到...但佢的雙球雪糕要15$，建議想加雪糕可以行多兩步佢隔離PANCAKE店買見佢價錢都唔平,諗住質素可成正比,雞蛋仔味道都OK,唔會太甜,但雪糕只係普通10$有幾球個D質素...可以唔加