撈得喜火鍋冰室

營業中

休息中

之前已經試過呢間火鍋店既雞煲, 呢日就試下椰子雞椰子雞煲裡面非常足料, 有椰子、粟米, 蘿蔔等配料, 店員都好細心提示我地滾起先落雞, 再合上蓋, 用埋佢俾嘅漏斗, 漏完就可以食得😆第一時間我就梗係先飲裡面嘅椰子湯. 啖啖都好鮮甜, 又重椰子香, 加上雞嘅肉質好鮮嫩滑滑, 超正😍除左主菜係椰子雞外, 就係食物吧拎海鮮類, 主要有蝦, 蜆, 蠔, 係任食架!!!! 店員refill得好密, 另外, 都有多款菜類丸類, 選擇夠多, 樣樣都試下😂飲品櫃除左罐裝/紙包飲品, 仲有佢地自家製嘅白桃無糖烏龍茶, 好有茶香又解膩, 好好飲👍呢間嘅雞煲同椰子雞我都試過哂, 都整得好入味, 雞肉又嫩滑, 住元朗嘅朋友真係要去試下, 就算搭車都值得去😝😝

鍾意食魚🐟嘅我點可以錯過烤魚呢, 淨係食烤魚當然唔夠飽😂俾我搵到間餐廳有烤魚同埋打邊爐放題😍🫶🏻而且價錢相當親民, 除咗肉類🥩同蔬菜🥕🥦🍅之外海鮮都係任食㗎尋晚我就滿足晒三個願望第一我好鍾意食魚第二鍾意食蜆第三鍾意食蝦🥳🥳🥳打邊爐放題食材都好多種類㗎, 而且好新鮮, 同埋店員refill啲食物都好快手, 因為餐廳入座率相當高🤪🫶🏻地點都好方便啦喺正朗屏西鐵站樓下, 鍾意食烤魚同放題嘅朋友真係唔好錯過佢哋仲有雞煲同酸菜魚😚

去左朗屏站附近既任食火鍋，佢同一個價錢可以揀火鍋或者烤魚，兩者都可以任食火鍋配料，咁我唔食徥辣，就叫左鍋酸菜魚。佢正價時段$198 /人，早/晏啲食就$178。人均二百可以有烤魚同任飲任食好抵了。火鍋料區都好多選擇，最抵係有海鮮：魷魚、蝦、蠔同蜆。牛都有肥牛同唔知咩部位既牛。條烤魚好巨型，魚肉夠滑👍🏻海鮮幾新鮮，烚完無乜縮水。飲品除左罐裝仲有茶，食食下伙記仲推左一車水果茶出黎，夏天飲好消暑。佢地拎醬料個位仲有得拎麻辣雲耳、秋葵、響鈴同魚皮。甜品就係多款口味既雪糕，幾好食。就連平日晚上都坐滿人，走完一枱又黎一枱人，建議黎前先訂枱。

在這裡$178元起便能享用兩小時隨你吃隨你喝超級豐富的雞煲/烤魚，我們想吃清淡一些所以點了椰子🥥雞煲。湯底很鮮甜，有淡淡的椰子水香，湯底有馬蹄、紅蘿蔔、椰子肉和玉米。雞件很嫩滑，椰子湯能保持雞的鮮味，吃完雞後，便可以在冷凍櫃拿不同的食材，十分推薦大家一個吃法，就是拿豆腐串滲入湯底，豆腐串吸收大量鮮甜湯底，美味得很！冷凍櫃的食材每樣都很新鮮，特別是生蠔、蝦和大蜆，大蜆一粒沙也沒有！飲料方便也有很多選擇，有無糖茶、可樂、各品牌的啤酒。甜品有香港品牌-維記牛奶的冰淇淋，口味有，芒果、抹茶、巧克力、曲奇🍪、紅豆、香草。

行過見到人氣好旺又想打邊爐就入咗黎，估唔到抵食得黎又好高質👍🏻$178有得食烤魚+任飲任食火鍋😍而且乾淨衛生，實在值得一黎👍🏻首先揀左番茄味烤魚，可以揀辣同唔辣都得👍🏻烤魚實在令人驚喜😍份量超多，魚肉超多，配上番茄湯底好開胃🤤🤤嫩滑得黎亦好鮮甜，食極都仲有咁濟🤤食完烤魚就可以加湯打邊爐🍲自助區食物同飲品種類都好多👍🏻最出色係咁抵食嘅價錢仲有唔同既海鮮任食😍😍😍鮮蝦、魷魚、蠔仔🦪仲有唔同肉類🥩鵝腸、丸類、蔬菜類等等😍全部都好新鮮👍🏻而且 refill 得好快👍🏻食到超飽超滿足🤤最後仲有甜品同雪糕，不過可惜太飽食唔落了😂飲品方面除咗一般汽水同紙包飲品外，仲有冷泡茶同水果茶👍🏻其中水果茶好有驚喜，入面有啖啖鮮甜果肉，落足料👍🏻又解膩又開胃🤤呢個價錢黎講真係好多野食👍🏻抵！

#鼠尾草食飲玩 #sagefoodiehk平價😍 × 烤魚😋 × 火鍋🔥呢間喺元朗朗屏站附近嘅街坊火鍋放題舖，夜晚真係勁多人🥰！正價時段每位$198，任食兩個鐘，真心超級平🥺。而且呢度冇分級，所有食材都可以自己任拎，仲可以食埋烤魚😋。今次揀咗酸菜味烤魚，仲可以自選辣度，BB辣對鼠尾草🌱嚟講啱啱好。味道超香濃，而且裏面魚肉嫩滑，仲要外層加多超級香脆，食條魚嘅魚鰭、魚尾，都脆到好似食緊炸魚皮咁💖。食完條魚，仲可以用咁惹味嘅湯底打邊爐，肉類、蔬菜、海鮮，放滿咗兩大個雪櫃，全部任拎真係好滿足✨。亦都有唔同嘅主食，同埋雪糕、甜品、飲品、啤酒放題😚。💰正價時段($198/位)

[✨元朗撈得喜火鍋冰室•抵食烤魚加邊爐放題🥘]#元朗 #撈得喜火鍋冰室🔸任食2小時❤️‍🔥7點至9點 成人$198/小童$138，7點前離座或9點後入座 成人$178/小童$118🔸蕃茄味烤魚濃郁蕃茄味，啖啖肉勁入味，肉質都好緊實，魚皮炸過，外脆內軟好香口，水準好高🤩🔸任食火鍋配料食完魚之後就可以開發打邊爐，一般嘅火鍋配料好似肥牛、雞肉、豆卜丸類等等都應有盡有，更加有提供海鮮類鮮蝦、魷魚、生蠔等等，選擇好豐富🤤甜品同汽水🥤飲品種類亦算豐富😊💕————————♡♡♡♡♡♡————————✨總結餐廳座位舒適，食物方面烤魚水準真係好高，食完都好回味，再加上200蚊左右就可以享用到有提供海鮮嘅火鍋放題，CP值真係勁高！無論你係烤魚愛好者，定係火鍋控，都值得一試👍💯📍撈得喜火鍋冰室🏠元朗屏昌徑14-48號聯發樓地下9-10號舖 #元朗 #撈得喜火鍋冰室 #香港美食 #探店 #香港必吃 #香港吃甚麼 #火鍋 #打邊爐 #椰子雞煲 #水煮魚 #酸菜魚 #秘製麻辣雞煲 #正宗四川麻辣 #川味菜式 #辣 #麻辣 #必食雞煲 #必食之選 #元朗美食 #香港必打卡 #laodexiyl

呢間餐廳只需要每位$198加一就可以食自助火鍋，有唔同嘅雞煲同烤魚選擇。我哋揀咗椰子雞😋湯底放咗啲紅蘿蔔粟米同埋新鮮椰子🥥好清甜雞件新鮮自助拎野食，好方便有各樣唔同嘅食物，有好多唔同肉丸、蔬菜同埋海鮮。有蠔仔、蝦、蜆、魷魚…….海鮮都好新鮮調味料有蒜蓉、蔥粒、辣椒、芫荽粒同埋豉油等等呢度嘅雪糕好好味😋一定要食呀!!!總括嚟講呢間餐廳都幾抵食，每個人$198就可以任食咁多嘢，餐廳乾淨衛生，職員態度亦都唔錯。

夏天熱辣辣，當然要開大冷氣打邊爐😂今日出開元朗經過呢一間嘅舖頭，見到佢打邊爐都幾抵食，兩個鐘任飲任，所以就入去試吓！佢有好多個鍋底款式可以揀，麻辣雞煲、酸菜魚、水煮魚、麻辣烤魚同埋牛蛙都有，因為我哋食唔得辣，所以就叫咗椰子雞！職員佢喺比湯底我哋嘅時候，拎咗大半隻雞出嚟，冇諗過原來係咁豐富，個湯入邊仲要有好多嘅椰子、粟米同埋蘿蔔，超級足料！佢仲要有個計時器俾你，又唔會驚啲雞煮到老晒👍🏻所以開頭未開始打邊爐食呢個椰子雞都覺得啲雞好滑，仲要已經吸晒啲椰子味😋而椰子湯底係非常非常非常之甜🤤我忍唔住都係咁飲！而佢嘅配料呢係有好多種選擇，包括有丸類、菜類、菇類、海鮮、鮮牛肉、肥牛、雞肉、手打鯪魚球、麵食！飲品除咗罐裝嘢飲之外，佢哋都有自家製嘅水果茶、同埋冰凍嘅無糖茶🤤佢哋仲有一啲自家製嘅布甸同埋雪糕可以任食😚最重要有兩個鐘俾我哋慢慢食，所以我同朋友都食得非常之滿足！

即使天氣熱辣辣，亦無阻我想打邊爐既心癮。同事推薦了一間火鍋冰室，叫「撈得喜火鍋冰室」，於是約上閨蜜一齊去試下！火鍋冰室外表裝修樸實，但卻唔簡單！入到去香氣撲鼻，除左打邊爐，仲提供烤魚，雞煲，更有多款口味選擇。閨蜜唔食得辣，所以今次我地選左番茄味烤魚(BB辣)+打邊爐。烤魚係一大鍋，分量十足！入面配料亦都唔偷工減料，有蓮藕、冬瓜、薯仔、芽菜，配上番茄、洋蔥、大蔥和香菜調味，香味濃郁。當然唔少得主角，魚皮烤得焦香，魚肉卻嫩滑，裹滿酸酸辣辣既湯汁，非常惹味開胃。食完烤魚，可以打邊爐，餐廳係自助式的，有各款菜式，蔬菜、海鮮、肉類、丸類應有盡有，飲品包括啤酒，汽水，烏龍茶等等。今次我揀左餐廳手調飲品-玫瑰荔枝茶，冰冰涼涼的，和打邊爐係絕配！📍 撈得喜火鍋冰室元朗屏昌徑14-48號聯發樓地下9-10號舖

訂了3位7:30pm，準時到了，安排了一張5-6人枱給我們，食了1小時，服務員要求我們換另一張4人枱，雖然事先有說明，但訂了枱沒有預留合適的枱給我們，這也是不愉悅的感受。地方非常迫，卡位的椅子的深度只有一般餐廳的2/3。除了雞煲和烤魚，其他食物都是自助自取的，承載食物的盤子比較小，所以需要取食咗的次數相對多，做成店舖內的通常非常擠。當服務員添加食材時又不會顧及客人，有幾次我被他們弄濕衣服。食物其實是ok的，但因為環境及服務…真係好難再有下次！

平時收工見依間都幾多人食加埋一，二百幾蚊有烤魚同埋任食火鍋！非繁忙直頭唔駛二百蚊都幾抵入面有圓台，岩哂同fd 傾計吹水我地點左香辣味烤魚BB 辣都幾辣下～條魚好大條～而且外皮炸到好脆食落外脆內軟個人食得辣，梗係要點辣一齊食食完烤魚再加d 湯底就可以直接打邊爐採取自助式任拎多款配料選擇估唔到仲有海鮮，例如蜆，大蝦，蠔仔依個價錢真係抵！丸類，蔬菜都一應俱全仲有牛肉添！再入d 有埋小食區有埋拍青瓜，炸魚皮依d 拎添唔怪之得甘多人幫襯啦！我地走個陣已經坐滿哂～

雖然而家天氣日日30幾度，但係都阻止唔到我打邊爐嘅想法😂呢間餐廳係我朋友極力推介，抵食之衛生👍🏻咁我當然要去試吓啦環境好光猛，座位好闊落👍🏻👍🏻可以揀烤魚/雞煲由於我食唔到辣，所以嗌左椰子雞煲，一上枱好香椰子味雞件好新鮮，令到湯底好鮮甜😋而配料就係自己出去雪櫃嗰度夾選擇好多，海鮮類都有幾款我就拎咗蜆、蝦同蠔，最欣賞係全部都好新鮮無沙，好鮮甜🩷所以配料都好乾淨，擺放得好整齊👍🏻飲品都係自己拎，選擇好多，我最估唔到竟然有水果茶，而且啤酒有幾款，啱晒打邊爐，真係好爽呀😍最尾食到太飽啦，所以試唔到佢嘅雪糕😭以$200唔使既價錢黎講，今餐真係超級抵食，而且可以食兩小時，真係夠晒時間唔使食得咁趕😋😋

雞煲食得多 但任食又平既雞煲就好少見😆誤打誤撞黎到元朗呢間任食雞煲 人均都唔使$200！環境都幾大 又光猛 冷氣都好充足唔怕成間餐廳都好勁既邊爐味😆先食雞 後倒湯打邊爐 我地叫左bb辣味道都好好食😋連入面d洋蔥都唔放過 食埋去！爽爽脆脆好味出面有自助醬料 同邊爐配料基本上打邊爐見到有既丸類、菇類、蔬菜你都會見到食完雞煲再倒湯入去打邊爐 仍然都食到果浸麻辣味 唔使怕會變到好淡而無味飲品方面 都係出面雪櫃有既都可以任飲，而且仲有啤酒！雖然我地唔飲 但見到格離枱狂飲嘉士伯就知呢個價錢幾抵玩😆不得不提 侍應態度都好好 keep住幫我地清枱面！

撈得喜火鍋冰室 (元朗)CP值勁高 任食海鮮烤魚🥰今日放工同朋友仔去咗元朗人氣必食的烤魚/雞煲 任食打邊爐😻😻仲有有埋海鮮任食！😋😋😋每個時段有唔同嘅價錢🥰$198（另加一）有不同類型嘅湯底選擇 今次揀嘅湯底係酸菜味烤魚😝🤣味道濃郁 要選用鮮活海鱸魚🤩好惹味😋😋除此之外，仲有好多款唔同嘅打邊爐款式可以選擇😎😎包括肉類🥩蔬菜類🥗海鮮🦞甜品🍧全部都好高質☺️非常之好的味覺享受😚下次會再嚟繼續食😚😚😚食物：🌕🌕🌕🌕🌑價錢： 🌕🌕🌕🌕🌑回頭指數 ：🌕🌕🌕🌕🌗📍元朗屏昌徑14-48號聯發樓地下9-10號舖