故鄉俱樂部

營業中

休息中

冇記錯好似只係＄6嘅紅豆餅，喺海灘附近有得賣，口感鬆化而且裏面有好多紅豆，紅豆每一粒都好甜而且整到碎晒，如果冇記錯最出名都係佢呢間，仲有手卷賣，整體質素真不錯！而且來到的時候仲要熱呼呼的～不過外皮就冇咩味道，如果甜多少少就更加好啦。

每次來長洲都一定會黎探下日本婆婆，食返個手卷。雖然呢度嘅手卷用了唔係矜貴，只係普通蟹柳，蟹籽同埋腸仔，但係有時味道喜好係好個人，酸度十足既壽司飯令到成個手卷味道好特別。

其實只是一個超普通平價既手卷，如果講味道只可說家居式味道，講材料有腸仔揀（九唔搭八），有蟹柳，蟹子揀，單款廿幾蚊太貴，去到四十幾都係食啲咁既嘢，紫菜不是新鮮，是咬不斷的，爆紅全因造勢遮，紅豆餅簡直垃圾，一樣是沒有整食物既心，有時推介食物都要講出心底話，不是排隊就好，太麻目喇

尼到長洲,緊係要去呢間朝下聖!由於係假期,周圍都好多人,呢間更加有條長龍買野食~好熱好熱!不過為左美食等下都值既!終於到我地,選擇看似多,但其實係芝士,蟹子,腸仔配搭,一場尼到就緊係食個最豐富的芝士蟹子腸仔手卷!!芝士蟹子腸仔手卷-等左一陣~終於有得食~一拎上手暖暖地,一咬洛去..嗯,好普通,其實係芝士蟹子腸仔飯,不過係手卷樣,真心係屋企都整到..唔可以話唔好食,因為腸仔呢D本身都好有味,只能說用廿幾蚊係屋企整到幾倍分量GE芝士蟹子腸仔飯‧

來到長洲點會唔去海灘附近呢間鋪頭度食手捲呢 佢嘅手捲款式唔係刺身壽司 只係好普通嘅腸仔蟹柳 我叫咗蟹柳壽卷 即叫即 整壽司飯比一般嘅冇咁酸醋味中間加左沙律醬 面頭再淋上豉油 個沙律醬同個蟹柳非常之夾超級好食不過價錢嚟講算有少少貴 都要16蚊一個反而紅豆餅就抵買 六蚊一個又夠熱有鬆軟 中間個紅豆餡 甜度適中個餅皮好香 超級抵食

之前去長洲旅遊時看到這間店，所以試一試，估唔到啲手卷同紅豆餅好好味，買咗好多番去食，不過都係即買即食好啲，我比較喜歡腸仔手卷多啲，因為我啲口味囉，我只會去呢間食！

上船前突然想食啲野..咁岩起附近既紅豆餅就成為我既首選。以前都食過其他鋪頭既紅豆餅，唯有呢間我最情有獨鍾望著店員打開個箱拎比我既時候，箱入面有煙飄出黎..有點像阿拉丁入面，燈神出現前的樣子，令人好奇。紅豆餅簡單用一張紙盛著，方便遊人買完馬上食，也比用膠袋包裝來得環保。不過如果想攞走，都可以要求用膠袋袋走。一買完就飛奔上船，將餅握在手心，隔著膠袋仍然感到微暖，如果冬天雙手冰冷時捧著，應該更有溫暖的感覺外層散發著微微的蛋香，紅豆餡毫不吝嗇，甜度剛好，一口氣吃了兩個竟然沒有膩的感覺

鍾意黎長洲食野既，呢間食紅豆餅同壽司既就好似芒果糯米糍一樣，無咩邊個唔識。我個人間中都會口癢食個壽司，但其實真係無咩特別，而且唔算平。但紅豆餅既性價比就真係高，普通版至抵食，$6個，熱辣辣，重要夠哂多紅豆！但我今次沒有食普通版，食了貴一倍的芝士紅豆餅！芝士紅豆餅，$12，抵唔抵就見仁見智，但的確和普通版一樣，多紅豆，芝士一樣多，加了芝士成個餅更香！每啖都有已溶化的芝士流出來，但芝士又不會太過水汪汪，控制得很好。當然，要貴一倍不是人人接受得到，但轉個想法，$12就有得食好野，係值得再試既！

入長洲好多人都會黎呢間食紅豆餅我就第一次食呢間認真失望見到新口味，諗住試下12蚊件，比原味紅豆餅貴一倍不值首先一拎上手唔熱個皮唔香，冇咩蛋香，，似乎溝得太希到個含，紅豆蓉就好好味，好香，起紅豆沙口感但夾埋芝士就好怪完全唔夾，失望

難得放假,約埋朋友去下長洲行下,食下野,行行下見到呢間幾多人排隊,諗住有好野,見好多人都叫紅豆餅黎食,又唔係太貴就每人1件,結果都係普普通通,無咩特別,不過朋友話呢間好似出名壽司手卷,但因為太飽,所以無試到.原味紅豆餅:紅豆餡微熱，甜度岩岩好，但無咩紅豆，餅皮無蛋味亦無牛油味，無咩特別，不過不失，可以試試。,

這間店小小的, 但原來係有壽司手卷的, 即刻做好新鮮, 不過我們冇食, 還有出名的紅豆餅, 買了一個試下, 都唔算好熱, 暖身的, 出面的皮都好薄身的, 好軟, 入面的紅豆好大粒, 唔會好甜, 幾香, 幾好味, 唔會好多, 份量啱啱好的. 大小都係適中的. 又係好多人排隊的.

黎到長洲食薯片串之後轉個彎食紅豆餅好似係指定動作，呢間小食店係長洲都好多年，亦都係全長洲唯一一間賣紅豆餅既地方，所以一直都生意唔錯，但咁樣唔代表可以唔保持質素架喎涷冰冰既皮，完全無又熱又脆既感覺，第一時間已經扣哂分啦，同時欠缺蛋香味，似係食緊放左兩三日既蛋糕，呢個餅唔係薄皮果種，所以個皮難食的確會扣左好多分，唯一可以接受既係個紅豆饀甜度適中，而且份量都唔算少，因為紅豆饀其實好易過甜，呢到就無呢個問題，就算旺角街邊買都好食過佢，記得每次係台本東京食都好味到叫救命!!!!呢到完全係兩回事，以前食都無咁差架喎！另外見佢出左芝士紅豆餅，試完原味咁既質素更加唔會比多一倍錢食

最近聽朋友講話原來長洲紅豆餅都有d名氣，黎過幾次都未試過，咁就試試啦叫左個原味紅豆餅$6～拎上手暖暖地。雖然入面既紅豆餡仲微熱而且尚算綿密，只係食到1-2粒硬既紅豆。但係餅皮完全無味，無蛋味，無牛油味。。。反而只係食到紅豆餡既微薄既甜味，似係齋食緊紅豆 ，而唔係紅豆餅。。。。不過確實紅豆餡甜度剛好 唔會似出面街加左糖精既甜味。

手卷~ 比起市區的連鎖壽司店還好！這五六年平時有時間優惠走入長洲行下，店裏的員工都認得我，甚至記得我買手卷係買咩味，我唔洗講已經知道我要乜。老闆娘是日本人，有無平日無乜人，她都沒有所謂的出來跟我閒聊幾句。甚至教我買紅豆餅回家後，點整熱先最好食，離島上的人情味真係無得頂！講番食物，我都係叫蟹子蟹柳手卷，這個配搭真係無得頂！個人認為如果加埋腸仔就會過咸。蟹子個沙拉醬夾埋蟹柳味道一流，少少甜味在中和返後加的醬油味，無得彈！唯一可以改善的是紫菜有點軟，不夠脆。紅豆餅餡料很多，外皮也夠脆口，不厚。最難得係紅豆餡不會很甜！紅豆蓉中有一粒粒的紅豆！一級棒！

放假除左行街食飯睇戲都可以諗下去離島行下啦鍾意食野呢，就最好去長洲啦依間小食店，每次去長洲都一定會食其實製作係好簡單，但佢紫菜又脆，飯又唔硬的確好好味，記得最初細個黎幫襯都只係十幾蚊宜家已經要HKD23 嚕🙊🙊.