敍·龍閣

營業中

休息中

昨晚同屋企人去食飯，因為商場抽中咗張鮑魚卷首先講味道嘢食係OK嘅，都算正正常常 一入到去冇人帶位，客唔多我地4個走咗去卡位坐，坐低拎張鮑魚比佢地然後慢慢揀嘢食，因為有選擇困難症，所以都揀咗差唔多10分鐘之後洗杯碗，見到筷子托十分污糟，唔係一般污糟，有好多乾咗嘅污漬，乾咗嘅汁，四個有三個都有污糟咁我就同經理講有污跡幫我哋收咗去之後佢見到咁污糟，就真係收咗去無講唔好意思咁唔緊要，但見佢哋放埋一邊，諗住再重用😂衛生十分差，疫情期間咁唔注重衛生等左15分鐘啲餸開始嚟，就叫咗3個白飯啲餸食到一半都未上白飯，問題係唔多客，都咁耐啲飯食咗一半白飯都未到都幾係野講到全場最耐一定係個鮑魚食晒三味餸都未上鮑魚，但係我一坐低就俾咗張券佢，佢亦都有落單大家如果唔介意衛生咁差嘅可以去食，服務態度就算數啦：）全程冇人跟d野食，一直同佢地講白飯未到，唔多客，但見到最少六個樓面無野做hahaha最後奉勸大家唔好食冷盆，即係啲唔使廚房加工嘅食物，例如啲醃製鳳爪，什麼凍肉因為佢哋放咗喺個鋪面度，冇嘢蓋住嫁，一路sales你地食，問你試唔試吓～哈哈哈我起碼見到佢哋每枱客都問佢地試唔試吓4、5、6次以上🤣我地都比人問咗4、5

入到黎，佢地安排左張大枱（我地6個人）坐低左之後，啲職員就話張格太大，幫我哋轉左另一張，但轉左之後嗰張枱都未執，仲要等左差唔多20-30分鐘，仲要係我哋叫人黎執佢地先執。🙂🙂🙂之後嘢食個方面，冇一樣嘢食係熱嘅，買咗個茄子炆米，入面得兩三條茄子 同 少少肉碎，又唔熱，咁都要買成$98🙂🙂🙂難得限聚令放寬左，諗住同屋企人開開心心出嚟慶祝母親節，但都係係屋企自己煮嘢食仲好。🙂🙂🙂我就以後都唔會黎食㗎啦🙃🙃🙃