敏華冰廳 (德福廣場1期)

營業中

休息中

敏華據聞好出名既菠蘿包之前見咁多人排 難得今日又唔算多人就諗住買個黎試下啦食落去其實我又唔覺得好特別 7蚊一個 13蚊兩個同普通面包店既價錢差唔多但係如果要我排隊買既話 咁我都係去面包店買算啦

餐廳黯然銷魂飯用金鳳香米，荷包流心蛋打孖上，食個陣撈勻佢令到每粒米飯沾上蛋黃汁女4香蛋黃味😋😋😋，再淋上混有香葱油的甜豉油，淨係食飯都夠開心！加上四塊厚切梅頭肉叉燒，肉邊燒得焦脆，一咬開滿滿肉汁必哂出尼好jucy香口，真係大叫左幾聲好…好…味呀😆😆😆一碗看似普通 叉燒炒蛋飯 當中嘅材料做法都十分講究😋其本上尼到5使諗要一碗就係指定動作另外叫左碟炸雞翼即叫即炸得香脆可口😚😚😚 同朋友開心share就啱曬

今日睇完戲唔知食咩好就入商場行下 見到敏華冰室排隊人數唔多 就決定去試下佢好出名嘅黯然銷魂飯 餐廳有個建議食法 要將流心蛋篤穿 將蛋汁撈埋佢哋自家製嘅頭抽 同埋飯撈埋一齊嚟食 再配上佢嘅燶邊叉燒 又真係好好食 叉燒厚切得哩易入口 叉燒掛邊蜜汁非常濃郁見到佢有個 big men 菠蘿包 係有蕃茄芝士餐肉炒蛋 好似好正咁 今日太飽食唔落下次要試下

今天早上特登來這裏吃早餐，因為上次人多，所以放棄等位。旺角冰火菠蘿油外面脆而牛油凍，咬落去真係好好食，雞蛋也煎得很香，加上一杯熱奶茶，已經很滿足。沙嗲牛肉公仔麵也不過不失，配上熱辣辣的多士和雞蛋，新鮮熱辣，都是一個不錯的選擇。

忽然好想食黯然銷魂叉燒飯，所以又忍唔住過咗嚟敏華冰廳嘆番吓。今日嚟到發現佢最新嘅招牌菜式轉咗做Big Men菠蘿包，其實就係菠蘿包入面再夾咗炒蛋、餐肉、蕃茄同埋芝士，睇圖好似好吸引咁，當然叫返個試吓啦！首先食嘅仍然係令我念念不忘嘅黯然銷魂叉燒飯，最鍾意佢嘅燶邊叉燒，同埋流心嘅荷包蛋，再配埋佢嘅甜豉油，真係無敵啊個菠蘿包實物同張相分別唔大，都相當之高大，果然份量十足見到個橫切面就知道個包有幾厚同幾咁真材實料，不過我就覺得芝士同菠蘿包嘅味道唔係好夾，如果俾我下次再嚟食嘅話我就會選擇走芝士喇！另外叫咗一份花生醬多士，佢嘅麵包烘得好靚，所以簡單搽少少花生醬就已經好好味喇我哋仲叫咗一杯杏仁霜同埋一杯薑檸樂，原來煲咗嘅可樂加埋薑同埋檸檬係咁夾嘅，呢個特飲真係冇得彈敏華冰廳嘅食物質素真係從來唔會令我失望，唔怪得佢成日都座無虛席啦！

難得見到平時大排長龍嘅敏華冇乜人排隊就去試吓，平時返工日日都大排長龍試唔到，今日終於可以試吓。叫咗個沙茶牛肉公仔麵配火腿炒蛋，見佢個鮮奶加3蚊又幾抵咁我又加嚟飲吓。個沙茶牛肉好濃沙茶味，牛肉又軟香，可惜公仔麵有啲淋。火腿幾有普通茶記嗰隻火腿香，個炒蛋表面軟滑但係中間有啲熟。而個多士就中規中矩。雖然唔可以算係好好但係其實都唔差，個味道好有懷舊冰室嘅味道同埋裝修環境唔錯，又清潔，可以再去，但係就未必真係有需要大排長龍咁入去食。

當大家都趕住去 搶米、搶廁紙 ... 小秘書 就襯自己仲係清醒，都係先去醫飽個肚再算🥱 朋友話好想去 敏華冰廳 試吓佢哋個 #黯然銷魂飯，難得當時唔使排隊，一於奉陪🥳敏華嘅叉燒 外貌跟傳統嘅有啲唔同，燶邊叉燒 配上 流心蛋，蛋醬 加上甜甜嘅醬油 喺飯面🍽 叉燒 有啲焦燶嘅味道，好香口😋 唔知係咪少咗人幫襯，服務員態度特別親切，就算我唔要餐飲，淨係要求杯熱水都特別有禮貌😅 不過我依然比較起喜歡 燒味檔師傅 嘅手勢... 新派嘅口味，一試無妨😃

年三十晚經開九龍灣做野，順便就去左德福搵食😎同事話呢間「敏華冰廳」係「文華冰廳」啲Fd😂估計水準都唔差得去邊😂🔹超級雜扒飯$60 ：包括有雞扒、豬扒、午餐肉、腸仔🙄塊雞扒絕對係大過我塊面呀❗飯嘅份量又多😲一個人跟本冇可能食得晒😂雞扒同豬扒都煎都唔錯👍🏻兩塊扒都唔會乾😌豬扒仲都幾腍身，一啲都唔韌😍佢本身只係配豉油汁比你，如果有得比你揀汁就更加好啦！雜扒一定要配黑椒汁或者係蒜蓉汁先至完美😌🔹三叔公馬來咖央多士$15 ：咖央多已經唔係好多茶餐廳有得食😌呢到竟然有🤩諗都唔諗即刻叫返一份😍麵包烘到金黃色，睇起嚟唔錯🤤內有牛油，食起上嚟咖央醬更具層次👍🏻咖央醬仲好香椰子味☺整體唔會過甜😎同埋咖央醬都塗得算厚！一啲都唔孤寒😆其實「 三叔公 」係馬六甲老字號嘅香蘭葉咖央醬，絕對係成份咖央多士的靈魂😎唔錯唔錯👍🏻評分味道：4/5環境：4/5服務：4/5性價比：4/5回頭率：4/5

由文華吃到變敏華，德福一期的分店幾乎排隊人龍長有，今天中午要去九展上課，來個早午餐，11:15到，幸運地不用排隊，拿到最後一個的卡位拼座。炒滑蛋配歐陸軟多士，沒拍照🙈蛋不僅滑還香，多士雖然很厚，但還是很脆，塗上牛油，滿滿的罪惡感。沙爹牛肉公仔麵，沙爹既香且少辣，喝了好幾口湯，牛肉滑溜不Chi牙，公仔麵略嫌Lum，可能我比較喜歡吃沒那麼熟的，有QQ口感的。餐茶叫了熱奶茶，茶香但感覺不夠濃，口感層次單薄。我入座後門外人龍再現，值得一提的是早餐供應到12點，是週末晚起的人兒們的好選擇。基本上不論什麼時間經過，不論是排隊堂食還是外賣新鮮出爐麵包的人龍總不間斷，之前試過叉燒包，的確皮酥餡足，熱辣好味道。

沙嗲牛肉麵亦沒有驚喜，基本的大光麵，配以典型味道的沙茶沙嗲味道，牛肉亦不覺有肉味。另外點了一個快餐，每款餐均伴以一個小菠蘿包。火腿奄列沒有什麼特別，蛋煎得比較熟，沒有蛋漿。菠蘿包有點失望，皮不夠酥，麵包亦比較黏口，可能是早了少許出爐。不過整體黎講，都係可以接受嘅水平，普通茶餐廳水準，不過不失啦，唔會話太好，都唔會話太壞嘅，就係普普通通，求求其其，想搵d野食簡簡單單，咁就安安樂樂嘅一個午餐囉！對不對？

前幾日經過九龍灣見到敏華冰室，在門口經過的時候見到剛出爐嘅菠蘿包、雞尾包已經好想想食，忍唔住口入去坐低食咗個下午茶餐一坐低即刻叫咗個冰鎮菠蘿包加一杯薑煲可樂。小小嘅餐廳已經滿晒坐我都要搭位。呢個菠蘿包簡直冇得頂好鬆脆好好味我未食過咁鬆脆嘅菠蘿包最尾都仲要打包一個返屋企😅另外杯煲薑可樂，我嫌佢太甜不過啱啱喉嚨痛入口好舒服。而家好少餐廳有得飲

侍應態度180度變，一聽到話食下午茶。事原: 17:55 歩入店侍應(本身有笑容)問: 幾位呀？我:有無下午茶？侍應:18:00無啦(轉身走同另一侍應悄悄話再望我)well ...我不是貪平食下午茶，只係食想少少野。

當日聽到話個爐壞左整唔到叉燒，無暗燃燒魂飯，但唔知點解我嗌個叉燒意粉，又會有喎，真係好迷，究竟佢地既既叉燒意粉既叉燒係點整？有咩唔同😓 講返個叉燒意粉，味道正常，半肥瘦，意粉份量其實唔算多，但因為必須配常餐既蛋腸多士，所以整體份量係多既！但我想講下兩條煎香腸，顏色有啲淺色，外貌唔係太討好，好彩味道正正常。而蛋就幾滑，有蛋香既，方包係正常。整體就係普普通通一間茶記既質素，無咩特別。經過今次食完依間敏華冰廳，真心唔明點解平時會有甘多人排隊😱

好耐無幫襯，係條人龍太長，值唔值得等就見人見智喇。D野食OK嘅，但係個多士就差左，鞋口嘅，但最差係個姚姓經理，鬧人鬧到由㕑房到門口坐嘅我都聽到，仲要長氣到死，大佬呀!比餐安樂茶飯大家食下都得啩。幾次都係咁，睇黎，下次見到你，都係走為上著好D

今日約左朋友去參觀位於九龍灣機電署，所以我們約定在德福廣場食早餐。每次來到德福，我都會不其然的望一望這間冰廳，因為平時經過都見人頭湧湧，都想找機會來試下這裡的早餐。可能今天是星期六，早上沒有想像咁多人，故我就走去排隊，等了10分鐘，終於到我們。由於食客眾多，所以我們都快快點餐。朋友點了一個忌廉雞湯火腿通粉拼炒蛋配歐式軟多士。火腿通粉口感可以，忌廉雞湯濃郁，炒蛋好滑，多士厚而軟，好食！而我就點了沙茶牛肉公仔麵拼炒滑蛋配歐式軟多士，沙茶牛肉我覺得味道麻麻，公仔麵煮得還可以，唔會太腍，炒蛋好香滑，軟多士都烘得好好，又夠厚。餐飲是熱檸水和熱咖啡，熱檸水冇特別，熱咖啡朋友說唔夠香。其實味道同一般茶餐廳差不多，只是個炒蛋比較滑，但唔明點解會咁多人咁心排長龍。