影片
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
優惠
95折
[太興、靠得住、敏華冰廳] $50 現金券 (即買即用)
$47.5
$50
一入門就感受到濃濃嘅港式茶餐廳氛圍，環境簡單乾淨，人聲鼎沸，好有煙火氣。🌟招牌黯然銷魂飯呢個真係招牌必點！大大舊嘅叉燒鋪喺飯上面，叉燒燒得恰到好處，外皮金黃微焦，咬落去又嫩又多汁，蜜汁滲入每粒飯入面，食落好滿足。太陽蛋嘅火候亦都控制得一絕，半生熟嘅蛋黃，戳破嘅瞬間，蛋液緩緩流出，將整碗飯嘅味道又提升咗一個層次。🌟牛油西多士西多士煎得金黃酥脆，醇香而不膩，黃油嘅味道完全突出咗。有兩種食法，第一種係等黃油融化咗再食，但個人覺得會比較破壞咗本味，更推薦係啱上就連著未融化嘅黃油一大啖食，絕對正!!!💎阿華田、凍檸茶阿華田好濃郁，一飲就知用料十足，入口綿滑，巧克力味同麥芽味完美融合。凍檸茶茶味濃郁，檸檬嘅清香又可以中和茶嘅澀味，飲落好清爽解膩。
繼續閱讀
今朝食咗敏華嘅早餐，點咗兩樣嘢試，包括沙嗲牛肉米粉同雞湯火腿通粉。沙嗲牛肉米粉嘅湯底非常濃郁，入口香辣惹味，牛肉質感亦唔錯，唔會一咬就散晒，保持住彈性，算係今次餐中嘅亮點之一。米粉方面夠滑，唔會過腍，岩岩好。另一邊嘅雞湯火腿通粉就冇咁出色。雞湯嘅味道偏鹹，而火腿亦係普通貨色，冇太多驚喜，感覺有啲失色。通粉煮得唔錯，口感唔會過腍，但整體嚟講，雞湯火腿通粉表現平平，無咩特別亮點。以價錢嚟講，每份大概$38，喺呢類茶餐廳嘅早餐價錢範圍內屬於合理，唔算偏貴。如果要我推薦，我會建議大家試吓沙嗲牛肉米粉，係比較值得一試嘅選擇，特別係對嗰啲鍾意重口味嘅朋友。整體而言，呢餐早餐中規中矩，唔會話太出色，但價錢合理，當一個簡單早餐嚟講都算ok。
繼續閱讀
排隊等位 見到你冇人理只係望住你 有個呀嬸直入比位佢 我問係咪唔使排隊？佢答我要 我問咁頭先入去果個唔使排隊？佢就即刻搵到個位比你 原來我前面有個叔叔都等緊位 其實裡面一直都有位 冇人安排完全
繼續閱讀
今日突然好想食沙嗲牛麵，咁啱附近有間敏華，係天意啊咁啱去到又冇人排隊，大把卡位任我哋揀。我哋叫咗兩份早餐，一個係榨菜肉絲米，另一個就係我嘅至愛沙嗲牛麵啦！雖然牛肉唔係好嫩滑，但係整體都食得下 $38有麵有蛋有包仲有嘢飲，我都唔會要求太多🤭而家好似周圍都係QR code落單，冇諗到呢度仲有code自助埋單，真係啱晒我呢啲鍾意貪方便既人。不過呢間餐廳入邊訊號唔係咁好， QR code落單有啲慢。我都係鍾意人手落單多啲
繼續閱讀
家人今日無胃口，晚餐想食湯飯，用網上平台揾到元朗Yoho的敏華落單外賣自取。敏華於Yoho開咗咁耐，今次係第一次幫襯。- 陳皮米鴨湯窩配白飯，呢個合格，不過真係好普通。- 超級什扒飯就唔掂，塊雞扒的皮燶晒，都仲可以照出餐俾客，品質管理方面唔合格，一間連鎖集團唔應該有呢個問題。要檢討！職員的服務方面反而做得幾好，有禮。話說我去到餐廳攞外賣自取時，開頭職員係話並無我個order, 跟住就即刻幫我check, 同埋亦好快同我講番廚房準備緊。整個過程都主動及有禮！
繼續閱讀