敏華冰廳 (新達廣場)

營業中

休息中

大埔墟火車站樓上的港式飲茶餐廳，夠哂就腳，唔洗出到九龍同人迫過！兩個人，分別點了一份早餐，一份常餐。常餐有叉燒意份，半肥瘦既叉燒，意粉唔會過熟，夠哂有口感！早餐點了沙茶牛肉公仔麵，濃郁既沙茶醬令普通既公仔麵加上特色。一定要order凍奶茶，只需要加3蚊，大大杯，因為不加冰既原因，比出面普通既茶餐廳更有奶茶味！

呢幾個月屋企樓下開咗一間新嘅茶餐廳，所以我同屋企人都有落去試吓。可能因為真係暫時附近冇其他嘢食，排隊排得超耐，而且我哋因為係四個人所以就更加耐。因為佢哋會比晒啲兩個人入去先不過屋企人話都幾好食咁就照等啦。入到去屋企人帶咗暗然銷魂飯，網絡真係幾好食我都是左幾啖，都得OK下次可能會試呢個。我就叫咗牛扒，比我想像中好食好多！食落去一啲都唔會硬，而且仲好有牛肉嘅味，唔會比啲黑椒汁搶哂d味！我最鍾意係佢比薯格唔係比薯條另外羅宋湯都係一般正常嘢

D野食買晒唔緊要，你同人講10分鐘後有，等左45分鐘，中間不停問，直到等到火滾先追問，仲話唔知叫我等多30分鐘，以後唔會再黎食物質素唔知，因為我等左45分鐘（未計門口等左20分鐘）都食唔到，佢依家有幾好食我都唔想知

大埔墟站上的新達廣場新開了一家敏華冰廳，到了午餐時間大排長龍，外面的透明櫃擺滿了新鮮出爐的麵包，排隊時太餓先擺買一個菠蘿包墊墊胃菠蘿包 7不是空心包，外型烤的金黃色，酥皮不易掉，是好吃的菠蘿包酥皮蛋撻 7終於入座了！點完餐後聽到鈴聲響起，原來是蛋撻出爐了，立刻點一個來吃，不到兩分鐘就售罄了，非常熱銷新鮮熱辣辣的非常好吃，撻皮一層層的很鬆化，黃黃的蛋漿帶蛋香，吃起來滑滑嫩嫩的黯然銷魂飯 63配熱飲現點現燒的叉燒，所以要等待比較久實在是厚度十足，咬下去很有份量，整碗飯很飽足叉燒總共有四塊，燒到焦焦脆脆的邊邊，帶有焦香味和蜜汁甜甜的味道，而且叉燒選用帶一點肥肉的，增添油脂的香氣，肉質吃起來有嚼勁，軟嫩度恰到好處，果然是文華冰室的招牌將蛋黃戳破和飯拌再在一起吃，泰國香米帶獨特的香氣，再淋上豉油非常下飯，米飯不會太硬或太軟側面一看，叉燒真的好厚常餐 57包含叉燒湯意粉和炒滑蛋腸仔多士，奶茶喝起來普通偏水這晚的叉燒切的細條狀的，意外的很好吃，意粉湯底只有鹹味炒蛋值得一讚，有奶油香又滑嫩多士的口感跟普通的很不一樣，有大大的氣孔在上面，吃起來格外的脆

暑假的第一天辛苦了成年，梗要對自己好D，先整個肉丁米，太陽蛋，多士，凍啡作為我假期既序幕多士香脆，肉丁米份量大，太陽蛋煎得靚凍啡係冰鎮，抵讚👍🏼餐牌敏華多人排隊就聽得多了，今日親身體會到真！係！好！多！人！不過實力派茶記係受歡迎D既

喺度食就經常漏單, 然後啲夥計就九唔搭八咁等好耐好耐好耐.....都唔會有嘢食.食物質素就正常啦, 同一般冰室食緊, 但係等待嘅時間係極耐, 例如等一個早餐外賣可能都要等半個鐘4-5次都係咁係樓面同埋分單嘅次序好有問題, 員工問題極大, 管理的工作做得不太好. 得可行的就是面對客人的態度都算有禮貌講多少少食物啦, 叉燒比我想像中難食. 因為冇乜其他食肆, 所以暫時生意都比較好. 商場現在改變裝修有更加多嘅選擇我相信一個生意唔會識

新開試試佢嘅黯然銷魂飯招牌菜，單點盛惠$52叫菠蘿油，塊牛油好厚，超肥又嗌咗個咖央多試下，又有牛油但反而咖央味唔重，冇乜特別，搞到好似淨係嗌咗兩個牛油麵包咁重點來了，呢個飯都等左好耐下，叉燒算厚身，有燒焦，蜜糖味幾重下雞蛋係幾出色嘅，流汁，加埋少少豉油好送飯

大埔敏華冰室 精品化港式冰室快餐店蛋撻不錯，蛋漿夠香甜，雞翼公仔麵普通，叉燒蛋飯煎蛋有流心，價錢偏貴，尚可一試另有多款港式快餐菜選擇奶茶夠濃香，少甜味道會更加突出檸檬茶也可以，整體水準合格沒太太亮點而已

話說近日大埔新開左間敏華餐廳，最初唔熟悉呢間野嘅時候，仲以為佢係文華餐廳啲frd ，點知原來敏華前身就係文華。真係傻傻分不清了。可能係因為大埔已經冇咩野食嘅緣故，又新開嘅關係，所以lunch time 都幾多人。我同朋友大概等左10分鐘左右先入到入到去其實都係嗌番啲招牌野。咁我同朋友都各自嗌左個常餐，落左單冇耐啲野食就到了先講左呢個配餐先，個方包都烘得幾好，做到個外脆內軟ge感覺。平時d茶餐廳塊包一係就好硬ge多士，一係就係軟綿綿ge方包。所以呢個外脆內軟ge包就真係比較少見。不過個炒蛋同腸仔就非常非常之油!!!!d油多到可以倒出黎咁.... 食完成個口都油淋淋至於呢個叉燒意粉就同平時個d茶餐廳差唔多，並冇咩特別。整體黎講，覺得以常餐為賣點ge茶餐廳黎講真係有少少遜色。而且都賣住文華個名，所以價錢都偏貴。不過今次我剩係食左個常餐，無試到佢地招牌ge蛋撻、菠蘿包同墨西哥包，所以都唔能夠一概而論話唔好食。另外因為新開ge關係，環境都好乾淨而且鋪面都好寬敞。而且門口仲會有個timer 倒數，幾時有新解ge蛋撻、菠蘿包同墨西哥包，感覺都好新鮮同幾得意!到真係新鮮出爐個陣仲會開咪宣佈添，的確幾吸

今日去左食早餐, 個侍應落錯單唔肯換俾番我地, 我地叫牛肉米粉, 佢來左沙嗲牛肉公仔麵, 同佢好聲好氣叫佢換番, 因為真係唔係叫呢款, 佢走左入去, 唔夠10秒, 出番來又話冇米粉, 用呢個借口唔肯換俾我地, 真係荒謬到極點, 全部人都見到佢地不斷出餐出緊米粉, 之後我地堅持叫佢換, 點知又出錯, 來左另一款豬潤牛肉米粉, 再同佢講唔係呢款, 點知佢話我地冇講個餐全名"沙嗲"牛肉米粉搞到佢落左另一款米粉, 我地聽到O晒嘴, 同佢理論佢如果唔清楚可以問, 點知佢最後講粗口閙我, 真係火都來,  即時超大聲閙爆佢, 全場都靜晒, 呢間野真係cracy, 除左佢出餐超慢之外, 服務態度真係差到得人驚, D待應超級唔helpful, 第一次來的時候, 落左order幾分鐘後想改, 佢地話入左機冇得改, 呢樣唔係話佢地錯, 只後覺得佢地唔helpful, 第二次叫左個飯等左30 分鐘, 叫個待應跟跟, 佢又唔跟, 就咁話好快, 問仲要等幾耐, 又唔答, 其實人地等左30分鐘, 佢地有責任同客人交代番仲要等幾耐, 第二次經驗唔helpful, 到呢次第三次, 搞到要閙爆間野, 真係唔會再來呢間野度

晚上八時相當多人在店外等候，排隊半小時才能有位。侍應勤快。點咗黯然消魂飯(叉烧蛋飯)及豬扒煎蛋飯，但廚房出得好慢。終於上菜，食得出係每碟新鮮做，可能需要等耐一點。黯然消魂飯的叉燒略太甜，食材有肉汁不硬，肥瘦適中。至於豬扒蛋飯，飯粒過冧有點濕，豬扒不似用坊間雪藏豬，有肉味，惟味精多得濟。餐奶茶失望，微微偏老而不香滑。平均碟頭套餐每位六十元，比普通餐廳略貴，故此期望亦較高，整體中中上，下次會再試其他。

晩上八點半左右進入餐廳，餐廳客人大概八成左右，點了一個超級雜扒飯，等了60分鐘才到，每隔20分鐘問過一次，每次都話5分鐘到，5分鐘到，極之失望。廚房出菜時間極不可接受

今日和朋友路過新達行街，見商埸裝修咗便入去行吓。行到六㸃有點肚餓，剛剛路過見到有間新店叫敏華，未試過便和朋友試試。到門口我們已排第四，但都不用十五分鐘便入坐，看餐牌見有龍蝦牛柳我最愛（龍蝦），第一時間即㸃。原來個餐都幾抵食，$114有一片厚多士/湯/飲品/龍蝦牛柳。鐵板來到服務員會提供紙巾遮住以防比汁彈到，一落汁嗰吓渣渣聲，正明嗰鐡板好夠熱。香草汁好濃，牛柳咬落有質感，唔會太硬。龍蝦面頭有芝士，食落更加美味。原本想試其他食品，但食完一個鐵板實在太飽，唯有和朋友下次再嚟試。

今天第一天開門就來試一下！大約在門口等了15分鐘便可以安排入座，原本我們打算點常餐嘅豬潤米及特餐嘅暗然銷魂飯，但當時侍應講話賣晒，當時係12:15 所以我哋改為常餐嘅沙茶牛肉米及特餐嘅豬扒雙煎蛋飯，但實際上我平時食茶餐廳都係食榨菜肉絲米或豬潤米，但為咗試吓佢常餐嘅多士，好無奈咁揀咗沙茶牛肉米！飲品好快就送到，熱奶茶算係正常，但相比華立既奶茶，就左差d。腸仔炒蛋多士，腸仔炒蛋都係正常，多士就比想像中好食，不過個牛油就自己擦既！沙茶牛肉米就比較鹹，我返到屋企飲咗三杯水！豬扒雙煎蛋飯差不多等了半小時先到，豬扒味道有少少奇怪！就在等煎蛋飯時，附近有一枱比我們遲少少入座嘅，竟然點左暗然銷魂飯，真係O左嘴！之後旁邊再有一台新入座嘅，就叫咗豬潤米&暗然銷魂飯，之後個侍應又話暗然銷魂飯賣晒！當時係13:45！可能第一天新開張比較亂，但都唔好老點我話冇囉，如果係要等得耐就應該話比客戶知要等得耐，你話賣晒轉個頭其他剛入坐嘅又叫到喎，最後我食咗樣我根本唔想食嘅嘢！早知我就去大埔墟嘅茶餐廳食啦！