敏華冰廳 (新達廣場)

營業中

休息中

今日有啲事要去大埔，就喺新達廣場搵食。朋友食雞扒飯，我就食咗咖喱豬扒飯，因為我個咖喱豬扒飯等咗好耐好耐好耐，所以一嚟到就即刻食冇影到相。兩個飯都正正常常，不過比較少餸咗啲。雞扒同埋豬扒都唔算大塊，雞扒相對大少少。另外就再冇雞蛋或者其他配件。60幾蚊嚟講，比多兩隻煎蛋會好啲。兩塊扒都係醃到淋晒嗰種，唔係睇住個樣其實食唔出變塊豬，邊塊雞。咖喱汁少少甜，唔辣。食過好多次唔同嘅敏華，都係沙嗲牛肉麵，同埋菠蘿包靠得住。服務都可以，啲阿姐都叫幫到手，會幫你追吓餐。

火腿通配腸，牛油多士沙茶牛肉麵配太陽蛋多士食落去同沙爹牛差唔多一般茶記味道比茶記貴幾蚊環境都唔錯服務就無杯水都係自己來快d本來想去樓上茶樓飲茶，見太多人轉敏華算數

完全唔明點解要等。服務態度差，叫個咖喱雜菜飯個汁同啲餸竟然係凍既。我同個侍應講，凍嫁喎，佢竟然話隻蛋係凍嫁喎。我問佢咁呢度既咖喱飯係咪出名凍？佢唔講嘢，我都以為我睇漏餐牌，呢個係冷凍咖喱雜菜蛋飯。咁check 真啲啦廢事話錯人，吖，原來又唔係喎。咁佢轉頭想去換俾我啦，但你知茶記既㕑房，碟餸入左去再出番黎，就一定多左好多個性化調味，咁我當然即刻走人。未試過咁差既茶記。可能係我唔好彩，今日師傅心情唔好，雖然以後一定唔會再幫襯，希望佢心情快啲好番。仲有，希望快啲執笠，唔好霸住個靚位，開間好少少嫁啦。

我都很久沒寫食評了，敏華都係我幾鐘意的餐廳，但質量越來越差，速度越來越慢，首先講下個豬潤越來越老，每食一次就失望一次，牛肉也是，我可以食一碗潤牛麵，淨係食個麵作為快餐店黎講菜品已經少得可憐，速度都重可以咁慢，坐唔滿的情況下，豬扒飯等左25分鐘，最想講的問題來了，現在這個環境，大家都想有個健康的飲食，整個餐單無蔬菜食的，兩星期前我知道跟餐有一個上湯浸蔬菜是(售罄)的，這次過來又售罄，所以一間可以發展很好的餐廳，現在一天比一天差，心裏都非常難受，因為經營一個品牌真的不簡單，我自己也是做餐飲的，感覺真的非常可惜

約左人行早山，去左商場搵野食先一去到門口，前面已經要等3張台呢間敏華都算快、 等左一陣就有位叫左雞湯火腿通心粉，太陽蛋，烘底包仲加左錢要埋午餐肉， 呢間午餐肉都好脆整體都好好味😋係d野食比較耐

今日好開心同屋企人去咗大埔嘅間敏華餐廳度食飯，我哋去到大埔呢一間餐廳覺得食物質素好高，一定要推介比大埔嘅朋友，一間餐廳嘅裝修好靚，光線好足夠，而且空間好大，感覺好舒服，好整齊，地方亦都好衛生，感覺到呢間餐廳好注意整潔，而且食物方面，都好高質素，我哋叫咗個晚餐，豬扒飯，你到嘅時候豬扒好新鮮，食物熱呼呼的，整，而且豬扒嘅份量都好足夠，每塊都好大，我覺得好抵食呀，配合埋個飯汁，我覺得真係一流呀，啲飯是軟綿綿的，我覺得呢間餐廳好有誠意，好有心對客人好好，另外我屋企人都叫咗個常餐，沙嗲牛肉公仔麵，佢都會配一個麵包蛋，我覺得成個感覺都好好，啲牛肉係好入味，足夠嘅份量，所以同屋企人都食得好開心呀，而且佢嘅招呼都非常好，侍應好專業，非常之主動遞水，我覺得呢一間餐廳真係有賓至如歸的感覺，所以嚟到大埔的話，一定要食呀！

有時就鍾意去啲茶餐廳，飲杯鴛鴦，食份三文治，今日嚟咗敏華呢度，貪呢度食物款式夠多，最後叫咗茶餐新產品三文治，係用叉燒沙律蛋嘅三文治，好厚又軟熟嘅麵包，配上熱嘅叉燒，再加上凍嘅沙律蛋，宜家先知點解叫「冰火三文治」😋我就略嫌叉燒唔夠多，下次都係食返傳統三文治比較穩陣😆鴛鴦一落單冇幾耐就到，但我覺得唔夠熱，所以今次好失望，特登嚟食嘅嘢同埋飲嘅嘢都唔係好理想😥值得讚嘅係餐廳乾淨，服務員都好醒目，落單快。

因為想食到啖啖肉所以就揀咗呢一間冰室入去坐低食午餐叫咗一個暗然銷魂飯係餐廳嘅王牌美食就係有叉燒啦同埋蛋同埋豉油份量夠大另外仲叫咗個個薑蔥集扒飯入邊呢就包括有香腸啦午餐肉啦雞扒同埋豬扒最好食就係塊豬扒夠口又夠大肉又夠實我哋就覺得豉油同埋薑蔥唔夠所以額外就問咗服務員再俾我哋飲品方面呢一個就係配凍奶茶一個呢就係配熱可樂薑檸檬 其實都係第一次入去呢間餐廳度食飯原來係要自己手動喺QR code度落單同埋最特別嘅地方呢就係有啲新鮮出爐嘅食品例如菠蘿包蛋撻雞尾包呢啲一差唔多夠鐘出爐佢就會有廣播勁得意最後買單嘅時候原來我哋分開咗點啲嘢食冇嗌套餐服務員好好佢特登幫我哋轉返做套餐可以平返少少

呢間餐廳近年開到周圍都係，今日終於一試！價錢就偏貴，不過食物質素都有翻咁上下，尚算可以接受。🔺黯然銷魂飯 (叉燒煎蛋飯)呢個叉燒煎蛋飯係出乎意料地非常好味！🤩食叉燒煎蛋飯最驚個飯好乾，但呢個就唔會，因為隻蛋係流心蛋嚟嘅，輕輕一篤個蛋黃，啲蛋汁就流曬出嚟！蛋汁+佢嘅自家頭抽一齊食，甜甜地又鹹鹹地，食到我舔舔脷。😋主角叉燒就更加抵讚！叉燒雖然偏瘦，而且都幾厚，但係食落卻一啲都唔韌。我覺得叉燒嘅調味比市面一般嘅叉燒鹹，但連埋佢甜甜地嘅醬汁一齊食就啱啱好。唯一美中不足嘅係只係得四嚿叉燒，略少。價錢 ($65) 偏貴，但係個人認為值得，推薦！

試過一次堂食，感覺一般，自此沒再光顧, 這次卻被門口的菠蘿包吸引着，就買來試試，果然沒令人失望，大大個的菠蘿包面層脆脆，咬落去不會有像食風的感覺，很實在，甜度亦剛好，而且價格相宜，$7一個，$13兩個

今日去咗大埔新達廣場嘅敏華冰室食早餐。呢度係用QR code落單，埋單都係睇個QR code。炒滑蛋，歐式軟多士炒滑蛋蛋味都幾香同埋都幾滑嘅，多士外脆內軟，加埋牛油嘅香味，好好食，其他茶餐廳好少食到呢款軟多士👍潮式沙茶牛肉公仔麵香港大部分嘅茶餐廳早餐都係沙嗲牛肉多，但呢度係主打潮式沙茶牛肉，沙茶味道唔錯，湯底都OK濃；牛肉食落有少少咬口，但又唔韌喎；至於公仔麵食落好爽口，麵質唔軟唔硬，完全係我鍾意嘅口感，整碗麵都好食😋。凍奶茶凍奶茶奶味都幾重幾滑，鍾意飲開多奶就啱晒啦。整體唔錯呀，絕對值得再嚟支持。

企喺度等咗20分鐘外賣先講冇常餐，仲問你會唔會轉其他野食，即係再等20分鐘？！又問係咪只退主食錢，成個餐主菜都冇你仲想收野飲錢？等外賣係冇得坐的，點解可以咁唔識做？

10:45左右點咗兩個早餐，兩個粉麵好快到，但只係暖嘅。而跟餐嘅多士則要三催四催愛理不理之下先送到，但已等咗十多分鐘。餐茶又係一催再催三催先喺十分鐘後送到，好彩仲係熱嘅，但上齊整份早餐足足要成大半個鐘，真經典！隔籬枱客都係同一遭遇，於是齊齊呻！莫非呢間餐廳等摺埋！

一黃一白 一樣好食去冰室，食下午茶，最鍾意就係食蛋撻，呢款地道港式美食，不能錯過。敏華冰廳除咗有鬆脆而且蛋味香濃嘅酥皮蛋撻，仲可以配埋由新鮮蛋白同鮮奶製成嘅酥皮鮮奶蛋白撻，加埋杯凍華田就完美。

今天來到大埔敏華餐廳吃晚餐。點了個叉燒通粉跟火腿炒蛋多士及凍奶荼。叉燒通粉的叉燒肉質軟腍，味道香蜜。由於肉索了湯汁的原故，因此肉不會乾身，反而充滿湯香。叉燒經紅燒後有焦香，燒的火侯掌握得好，因此不會燒燶，但亦能保有焦脆感。通粉是爽口的，不會糊掉。爽口的通粉配上軟腍的叉燒，十分美妙至於火腿多士，多士是厚多士，口感厚實，而且經過烘烤，因此食下去感覺微脆。炒蛋口感甚是細滑，蛋香味香濃。火腿經微微煎過，好味。凍奶茶是沒有冰的，茶濃奶香，令人回味。