敏華冰廳 (瀝源廣場)

營業中

休息中

上次同個friend無無聊聊唔知食咩早餐好，咁就求其搵咗間冰室，敏華冰室差唔多依家開到周街都係，咁其實佢嘅嘢食質量都唔差嘅😆咁上次就揀咗早餐食沙嗲牛肉麵，配腸仔蛋加個多士，之後飲個凍奶茶😂😂咁其實個沙嗲牛肉麵啲沙嗲牛肉都幾濃郁，伊麵我覺得嘅面嘅質量太普通，唔夠彈牙，辛辣麵嘅麵好食啲😂😂😂如果用辛辣麵嘅面就正☺️而腸仔蛋同埋多士其實都係好common嘅嘢，所以正正常常冇乜特別😄杯凍奶茶都幾有茶味，不過冇乜太大特別同普通出邊飲嘅凍奶茶一樣價錢方面都OK唔算太貴

預早20分鐘打電話落單。唸住唔使等咁耐。點知除左要等之外，個收銀簡直就係不知所謂。收一個人都可以搞成5分鐘。本身得2個人埋單，結果8個人等緊佢都未埋到一個人。終於有人頂佢唔順先出黎幫手。笑死人

今天和朋友經過敏華冰廳，這間比起其他敏華小人些，不知道是否地方不好，我們見有位就入去試下。我點了黯然銷魂飯，我朋友點了豬扒飯叉燒得4塊大大舊，有燶邊，食落有口感，而且有甜味又夠淋，口感很豐富，加咪蛋黃汁，味道更加好，如果是半肥瘦會更加正豬扒我都試左小小，都夠淋和嫩滑，而且都大塊敏華冰廳食物質素是ok的，不過價錢就比一般餐廳貴，性價比一般，不過都是可以接受範圍，下次再間中經過又有位的話，我都會再幫襯的。

敏華連鎖式茶餐廳試吓呢間嘅水準質素去到邊先之前喺沙田第一城試過今次嚟到沙田瀝源邨都係果句只會食早餐唔會喺呢間連鎖式茶餐廳 食午餐晚餐一句講晒太貴 性價比好低發現咗唔同分店 Menu上都有唔同價錢呢一間平過第一城少少。。。沙茶牛肉通 一上枱同樣係敏華特色 啲湯勁多😆又要人估吓裏面有幾多塊牛肉有四至五塊牛通粉 佢哋係用細粒版硬身少少嗰隻有啲茶餐廳用嘅 係發漲版嗰隻唔啱我滑蛋 都係敏華嘅水準呢間嘅熱阿華田要讚味濃 唔係水華田

食早餐用手機點餐：沙茶牛肉麵配太陽蛋麵包 (加飲品)蛋治三色雜菜除了麵，其他食物在20分鐘內已經到，麵等了40分鐘，期間追了兩次，最後個阿姐拎住人哋碗麵話俾我哋先。咩叫"俾你哋先"? 比我遲入座遲落單嘅都有麵到，我唔係打人哋尖喎。本來寫過一次好評，但今次的體驗非常差。舖頭打住懷舊旗號，不過效率差過傳統茶餐廳多多聲。食物方面，唔知係咪啲鹽唔值錢，所有食物都係偏鹹。之前食過一次覺得幾好食，但今次的水準，真係毫不突出。

今日去咗沙田瀝源村，見到有間敏華冰廳，之前都有食黯然銷魂飯，好好食呀😋😋😋今次試吓佢啲常餐，我叫咗個忌廉雞湯叉燒湯意粉🧡🧡🧡我覺得好似常餐嘅叉燒係唔同黯然銷魂飯嘅叉燒🧡🧡🧡不過味道都OK，意粉好味😋😋😋唔會太淋🧡拼炒滑蛋雙腸歐式軟多士，❤️好有驚喜❤️連個碟都熱嘅，個多士好好味，裏面軟熟面頭脆的，熱辣辣❤️滑蛋同腸就正常，一般味道😬之後我梗係叫我至愛嘅熱奶茶啦，整體環境服務OK😊😊😊

行過發現開左敏華，加上好耐冇食，就同朋友黎食下！1️⃣煎蛋免治牛肉飯（$49）其實佢最特色既係黯然銷魂飯，但本人唔食叉燒，所以就點左去茶記時會食既免治牛肉飯。碟飯正正常常咁啦～冇乜特別。2️⃣超級雜扒飯（雞扒、豬扒、腸仔、餐肉）（$51）朋友食完呢份咁大既飯，仲食左個蛋撻！🤣3️⃣黯然銷魂飯（$66）呢度既特色賣點！朋友話叉燒肥瘦適中。4️⃣蛋撻（$13/2個）呢度得酥皮蛋撻，唔係我至愛，但唔錯～

之前喺其他地區有經過敏華冰廳，見到大排長龍，所以從來未惠顧過，直到瀝源邨分店開業了一段時間後，有一晚經過見到毋須排隊就去試下。晚上唔太想食飯麵，所以叫了一客 荷蘭煉奶西多士 ($29) 及 忌廉雞湯三色雜菜 ($16)。本身對西多士無大期望，因為現在不論在連鎖食店或舊式茶餐廳，經常都食到啲唔夠熱唔夠脆口而且好韌的西多士。但在敏華冰廳叫的這份西多士，除了熱辣辣，也有蛋香，外層微脆，咬落都唔會死實實，已經合格有餘。美中不足係內層無花生醬 (可能就算有都食唔出)。至於個忌廉雞湯三色雜菜，唔明白點解叫忌廉雞湯，因為似清雞湯。但還好啲雜菜份量唔少，$16 已經算有個交代。

這間敏華在香港都開了幾年，雖然不算是歷史悠久，不過之前聽它那間文華改做敏華，變了集團式生意，計起以前舊舖，都已經有一段歷史。這是在瀝源開了一間分店，才首次幫襯敏華。雖說是集團式生意，店員還算不錯，因為她不會一味硬銷你要套餐的黯然銷魂飯，因為已經是晚黑，我覺得不用再喝奶茶提神，她仲提點我可以單點黯然銷魂飯。黯然銷魂飯，其實就是叉蛋飯，專登叫了肥叉，果然沒有令我失望，叉燒夠肥，但又不算極之油膩，邊皮烤到有點焦香，旁邊還有趣地放了少許烤趣的麥芽糖，有甜味，又有焦香味，相當之香濃。另外兩隻蛋都見到剛剛好，不會太熟，中間還呈少許流心狀態，一野吉開，蛋黃汁聯同頭抽，流到飯內。另一次再去叫早餐，還是點了沙茶牛肉麵以及炒蛋多士的早餐，份量還比平時的餐廳多，沙茶味都算香濃，不至於太多味精，牛都算比較大塊，但又不至於全部是醃肉粉的感覺，還有少許肉香，而且牛肉中間你可以見到少許粉紅色，即是師傅專登煮得比較生，等到食客將牛肉掉落湯內就會弄熟。麵條因為分湯上，都不至於太過軟林炒蛋用一個盒子分開裝，非常之 滑溜的炒蛋，完全沒有過熟的感覺。多士亦都非常厚身，我點了的茶走，用煉奶去搽多士，好像下午茶的西多士，有點兒甜

唔記得相機食先已經食咗好幾啖啦沙茶牛肉公仔麵 沙茶湯底係偏甜同茶記沙嗲牛有啲唔同雖然公仔麵唔係出前一丁但店舖煮個麵 係爽身唔諗細盒裝牛油比你自己選擇搽唔搽黎食成塊厚多士 細盒裝對我來講唔足夠只夠我搽半塊 加上我係一個牛油控下次會問店舖可唔可以比多嚿我😆仲有 我都係為佢個炒蛋而黎喺沙田瀝源邨來講 $38個早餐轉凍飲加$3相比起其他店舖係貴咗幾蚊但係連鎖式餐廳來講都係呢個價錢大x樂 大x活 同敏華 麵類型嘅早餐我會選擇敏華 如果食牛扒 炸魚柳 呢度就冇啦

係葵芳就食過好多次，嗰邊有新鮮出爐嘅包食，呢到就得蛋撻😕 我諗大家一去到呢間分店，第一嗰感覺一定係亂😅 我未見過一間連鎖餐廳🍴會咁亂😅 但間舖頭其實員工唔少！我早20分鐘前就叫定嘢食，去到等俾錢都要等成5分鐘😑 如果唔中意打電話，可以scan嗰QR code係網頁到叫定講返嘢食了，飲品係偏甜，飲唔到咁甜就記得叫少少甜👅 我叫咗黯然銷魂飯，唔知係咪因為我叫外賣焗咗一陣，隻蛋就熟咗少少，啲叉燒都okay，但係價錢都算貴($66)包飲品，我覺得$50以下先合理😅想試都等8月/9月先食，因為真係太亂😕

同朋友去食茶餐，見新開所以試下。 叫左個雜扒飯，欣賞件豬扒好厚切同大件，其他就一般，雞扒相反細件。另外叫左份招牌三叔公咖吔多，味道同出面差唔多，無咩特別。總括黎講不過不失，但價錢貴過出面茶記。

首先，教育屋企人、街坊別再幫襯，搵笨實！大把早餐店選擇。出黎食野，大部分時間不分顏色，除非深藍到好似富臨美心咁嘅，放棄呢一代人，咁呢一代人自然放棄番你！（btw 敏華、瓊芳 under 太興集團）新店開張故意營造「追捧」效果，有3張吉檯都唔肯放食客內進，好乞兒！究竟管理層諗乜能嘢？！早上想食個早餐only, 搞咁多”marketing” 何必呢，苦左班街坊囉！食物有質素自然得到客人青睞。要知道，瀝源商場非密封式，無冷氣凝聚，企喺度好辛苦💦⋯⋯又熱又餓潮式沙茶牛肉麵，有別於一般香港食到嘅沙爹牛麵，醬料味道偏甜，我食唔慣...完！本人點了潮式沙茶牛肉麵： 潮洲口味嘅沙茶醬，味道偏甜。值得讚賞牛肉有肉嘅質感面質正常，無咩特別。茶餐廳嘅大光麵餅腸仔 唔係食開嘅啦 廚師牌腸，依家嘅廚師腸其實來貨貴左，呢條係其它牌子，質感正常，對於追求低納好適合，完全無鹽無味。奶茶味道正常，順口。服務正常不過，就係茶餐廳。環境乾淨，因為暫時仲係新開張