敏華冰廳 (V Walk)

營業中

休息中

Tea time 系列喺門口排隊嘅時候已經見到佢整緊菠蘿包，所以突然間就好想食菠蘿包，排隊排咗大約15分鐘左右，入到去時間啱啱好，叫咗一個菠蘿配檸檬水其實配奶茶好啲嘅，只係今朝飲咗杯咖啡，就唔係好想再飲奶茶菠蘿包個表皮非常之香脆，而且麵包相當鬆軟，唯一我唔太鍾意嘅就係落咗椰子油，會有陣椰子味我都係比較鍾意用牛油整嘅菠蘿包，傳統嘅味道敏華始終都係整一啲創新嘅包類，我就不太接受椰子味啦，如果冇咗呢個椰子味就完美喇。

Happy new year, welcome 2021.An alternative if you are living closed by and looking for typical HK style tea Cafe type of food.We arrived at approx. 1100 and therr were still good selections of tables available despite social distancing and 2ppl per table remain effective. Breakfast till 12 and afterward prices can increase up to 50-60$ while BF remains at below 40$. Please consider you scheduling. Frankly nothing much to comment in particular as franchise type of foods and standard taste acro

在新樓盤下的餐廳，其價格尚算不貴，早餐都是30元至37 元，極抵。今日食了五香肉丁麵， 個麵就不過不失; 但佢個軟多士， 就非常之掂，微熱兼外脆，正; 我見好多食客都係要炒蛋 ， 我就叫了太陽旦， 師傅啲手勢都煎得好好; 由於有蛋撻啱啱出爐， 所以都叫咗一隻品嚐， 初初以為好熱， 其實都只係微暖， 酥皮好薄，冇咬口😔, 由於我覺得奶茶杯比較大杯, 所以加三蚊要咗個凍奶茶。 但值得一提就係佢哋啲胡椒樽 ，鹽樽好有心思， 用個薑蓉盒蓋住， 符合宜家衛生要求。

成日聽人講呢間冰室好味，一直未有機會試，疫情下星期五唔駛番工，lunch時間去咗南昌V-Walk, 見難得冇人排隊，就同友人入去試吓，我哋order咗佢哋馳名常餐，姜絲豬潤牛肉米，同姜絲豬潤牛肉麵各一，跟多士炒蛋同凍奶茶。多士，炒蛋算好味，但其實同正常冰室差唔多，凍奶茶都唔錯，因為冇冰唔會淡咗。但主角真係好唔得...豬潤超硬，仲要帶苦味，唔新鮮，牛肉亦好一般，湯底第一啖有薑味可以啦，但唔知點解成碗嘢越食越鹹，冇食曬就走。問題係而家咁唔繁忙，可唔可以整得好味啲？

第一次食嘅時候係舊年, 當時叫咗個暗然銷魂飯, 十分之有驚喜,非常喜歡食. 佢嘅叉燒又話肥瘦適中又好入味，雞蛋液都煎得好香； 但係之後每次黎都覺得越嚟越難食， 有時超級肥有時好硬有時燒到好窿，直情係個表面變晒黑色， 之後去少左。 最重要系d 姐姐成日做錯野（試過轉左台後， 提左三次， d野食都仲系去左舊台）； 我望過佢既落單機， d字細到眼盲， 極吾user friendly, 唔怪得知啲姐姐成日落單好慢又要我地重複又重複。 上個禮拜老公，買左外賣俾我食， 竟然去返我第一次嗰陣時咁好食！ 所以今日又去左堂食， 都吾錯， 之後可以食返。d姐姐又醒目左少少， 竟然識拎杯熱水俾我（之前要三吹四請 有時又扮見吾到我，逼到我自己親自拎熱水）希望一切吾系假象，如果吾系又少左個飯堂。

《香港南昌 敏華冰廳》第一次吃敏華，已經被敏華的黯然銷魂飯深深吸引😍本來看到價格並不吸引也沒特別愛吃叉燒，想說吃別的，但朋友說只要吃話敏華的黯然銷魂飯就再也不會吃別家的。結果...真的沒有誇張！雖然65元的一碗叉燒煎蛋飯沒有特別便宜，肉也沒有很多，但叉燒跟一般紅紅的那種不一樣，肥瘦也剛好，超級好吃！煎蛋也是煎得恰到好處，流心蛋黃汁加上醬油拌飯😍終於明白黯然的精神餐飲也要讚一下，凍咖啡奶茶都不加冰，確保不會因冰塊讓味道變淡，奶茶也很高質，到敏華一定要喝凍奶茶就是了。蛋撻也是大家排隊的主因！我們沒有吃到新鮮出爐的，但味道已經很不錯。

去左敏華食飯，叫左下午茶榨菜肉絲雞翼公仔麵，自己未食過黯然銷魂飯所以都貪得意叫左一碗。公仔麵頗大碗，榨菜醃得夠入味，有鹹香。雞翼有兩隻，皮炸得夠脆，見到人地原來可以分開碟上，下次都咁做。$39包埋飲品，本人覺得好抵食！黯然銷魂飯色香味俱全，叉燒得4塊就覺得少左一啲。第一樣做嘅嘢當然就係跟指示將隻蛋整穿，蛋汁流出嚟好治癒～叉燒有焦香，都算易咬，同食得出原本嘅豬肉味，但係始終都未到超鬆軟嗰種。到此一遊都應該要試一試嘅，臨走先望到餐牌原來可以散叫，唔要飲品可以便$12啊...整體不錯，尤其係下午茶餐，下次再來！

V Walk入面有間敏華餐廳，我都未食過，好似都幾多嘢食，看下看下有乜食，見有芙蓉蛋飯，然後有豬潤麵，叫了一份奶油多。芙蓉蛋飯好大碟呀，d蛋包住全部飯，感覺好正，好香添呀，有叉燒，洋葱，豆芽，火腿等材，加上雞蛋，好似pancake咁，好味呀，啖啖也是料，有d豉油，然後加埋飯一齊食，好Good！夠薑豬潤米粉，好大碗呀，勁多薑絲，仲有豬潤米粉，個湯好熱同好薑，米粉係幼身架，吸晒d湯好正，豬潤夠粉身好味。

個別員工嘅服務態度真係估你唔到，我都未叫齊野就走都走唔切幫我落單，絕塵而去，效率果然高，我知我唔啱要滾攪妳幫我加返單，妳語氣親切到好似唔憂做，令人羨慕，上碟飯好似擲彩虹一樣，神乎其技，有奮鬥心嘅你一定要嚟挑戰吓 👍

叫極都唔啋，食嘢食到咁勞氣。走。。。。啲人明明睇到你，又扮睇唔到，跟住睇到，又話轉頭，幾個人經過你張枱，送完餐去隔離枱，又走咗去，終於好大聲叫到人到落單，又話已經冇早餐，之前坐低問左係有早餐的，我哋係咁叫人都冇人理，叫都叫到過時間，又話疫情生意差既，啲人咁既態度

11點幾去揾早餐食，居然揾到哩間12 點前仲可叫早餐，4人行，3個都係食沙茶牛面配滑蛋多士，另一位叫奶醬多，先黎多士及滑蛋，滑蛋好咪，好滑同埋大份，另外沙茶牛面就無咁驚喜，牛唔係特別滑，面都係一貫水準，但最值得係杯原味凍奶茶，茶味同奶味都夠，大大杯，好香滑，而且都keep到幾凍，食完嘢飲埋杯嘢又可以坐下又夠飽，奶醬多我無食，但見友人食時好多醬，都係高質系列，整體$37+$3(凍飲) 都算抵食，最方便係vwalk平日$100 消費已可有兩小時泊車，hea行隨食之選

很喜愛港式茶餐廳, 特別是杯奶茶或鴛鴦. 近幾個月認識了新歡敏華茶餐廳而且越來越多分店. 敏華有着我的舊愛影子( 太興）它們應該是同一集團吧😃敏華餐牌選擇不是很多但都有我喜歡的食物而且杯奶茶很啱我口味😋😋早餐通粉用我至愛的🐔湯而多士又夠厚及鬆軟多數都會要求多炕🍞敏華比較新所以基本上都感覺衞生而服務質素也很不錯. 另外招牌义燒飯也是我們的至愛😄😃雖然從家去到v walk 分店要步行二十分鐘，但都很值🉐️👍🏻👍🏻

之前去銅鑼灣店食常餐幾失望，今次南昌店挽回不少分數。多士 - 歐式軟包，味道同普通多士冇大分別，包邊薄薄的，唔會好似平時果d硬到想切走。炒蛋 - 可以再稍為炒杰身少少就perfect火腿通 - 個湯偏油，火腿係深粉紅易斷果款。奶茶 - 水準一樣keep到👍🏻好飲

一坐低我就已經同朋友點左一個芙蓉蛋飯我落單嘅時候同佢講走飯個侍應個樣非常驚訝因為持續生酮嘅關係，不能吃飯！所以俾咗50幾蚊都只可以食個蛋總括嚟講佢呢個飛蛋都算好大塊我都食得好飽而且入面都算多料，比起其他茶記已經算出色

今日嚟到敏華冰廳食lunch...門口排咗一條幾長嘅人龍，等咗一陣終於有位啦~敏華冰廳出名嘅有黯然銷魂飯、沙茶牛肉麵同豬膶米😋由於前兩樣已經試過嘅關係，今次就嗌咗豬膶米嘅常餐🤗包括有豬膶米、歐式軟多士同炒滑蛋，我仲加配咗一杯紅豆冰特飲☺️豬膶米湯底清甜，豬膶亦比出面嘅切得厚身，由於煮嘅時間應該啱啱好，所以入口唔會覺得好硬👍🏼多士鬆軟，連麵包皮都食埋都無問題！滑蛋亦都係煮得啱啱好，好滿意呢個常餐啊😆😆同事就嗌咗黯然銷魂飯，主角叉燒真係好吸引同好好味，厚切叉燒，即叫即燒，仲帶啲燶邊，一個字，正！加埋有佢哋自家製嘅生抽同香蔥油，真係好滿足㗎！惟一不足嘅地方係無做到聲稱嘅流心蛋😟