敏華冰廳 (新都會廣場)

營業中

休息中

_____好味指數：🌟🌟🌟抵食指數：🤑🤑返Office好多時候朝早都淨係可以買個包買杯咖啡就返去做野。難得有時間可以坐低慢慢食自然會諗到茶記，而敏華勁嘅地方就係佢為佢係唯一一間進駐到新都會廣場嘅茶餐廳，果然財力雄厚。佢哋嘅早餐係幾抵食嘅，不過去到午餐就會貴過出面茶記一截✅蔥油豬扒煎雙蛋飯塊豬扒真係幾大塊，肉質結實，配埋甜豉油食幾唔錯，而佢哋嘅蔥油真係幾油又幾濃，每次用少少送飯就夠啦；蛋就唔講啦，係熟嘅，流唔流心就好睇廚房師傅嗰日心情，整體來講不過不失

等早餐30分鐘，尚欠（沙爹牛肉麵），其間只追單一次(過20 分鐘）,終於到，重要說比咗人哋嗰碗你先，話我地催佢，火起三丈，佢地漏單2次，完全唔覺得有問題？不會再去

未入去係門口，職員已經好冇禮貌。即時離開唔駛諗！希望快啲執！咁既時勢，啲職員態度可以咁差，呢間餐廳有幾好都唔駛諗！第一次去，諗住試下，門口好多人，企係門口睇下個餐牌，一個阿姐走出來問我幾多位，講完比佢知，佢再問有冇排隊？我問佢點排隊？攞飛？定點安排？佢話要排隊先入得，佢跟住走返入餐廳裡面冇理我，呢啲餐廳唔駛諗即刻走啦，咁既態度，先發現門口對面原來有條繩係排隊，個阿姐完全冇講清楚… 個個都日日來既？好清楚？

今晚本來想試試牛肉米粉茶餐，怎樣7点左右已售清，沒法試。我們最後叫了招牌义燒蛋飯和雜扒飯。招牌蛋飯還可以，蛋汁混和义燒汁有協同味覺效應，還不錯。但是雜扒飯無汁，也沒任何配菜，整碟飯，一丁点蔬菜也沒有。我們的小朋友對此也吃不下，感到很失望。還有，我們点了杯龍鳳檸樂，走冰，侍應像聽不到般，依然拿杯滿冰過來，都沒用心聆聽。期望這餐廳能增加多些營養菜式、或加入紅米飯，都2021年了，香港人飲食習慣已改變，即使冰室，也要與時並進。

每朝都有幫襯開，但近這兩星期每朝唔準時開門，外面人龍排長龍都唔理，過鐘打電話去餐廳又唔接電話，員工在內食早餐傾談，07:05都唔開門比客人進入，你唔夠人手未準備好，就唔好話開07:00，不如改話開07:30啦，起碼客人會自己預時間，人客食完要趕車返工，員工態度好差，內部員工不和，成日嘈，如果唔改善，就算食物質素好，早餐唔會再排長龍，今朝已經排排吓過左5分鐘仲未開門，排隊客人已經各自走了，轉去其他餐廳食

已有半年無再進食敏華了， 原因是义燒 / 雞冀水準走下坡。 今日再嘗試開餐，希望品嘗到初開鋪的味道。 下午茶餐雞翼麵，水準還是走下波，雞翼有騷味， 真不明，最基本食物味道可以有騷味再搶朋友碗中的义燒， 質素下降了。义燒味道沒有從前香軟， 甜道跟以前一樣檸茶還可以， 水準無變包的質素也變差， 從前雞尾包煙韌偏軟身， 現較乾同硬， 餡料質沒變

下午茶有個選項係唔同顏色，一睇就知係推薦嘅食物，雖然等咗好耐，但係一見到佢放低就知道一定係好好食嘅。食入口果然有驚喜，色香味俱全，賣相得體，茶餐廳來講有咁嘅賣相質素，實在唔簡單。特別你望吓嗰個牛油，真係一啲都唔簡單。未食都已經覺得有視覺嘅衝擊，食落口嗰一下， 未咬已經聞到好香，咬落去牛油係你個口裏面散開，直頭係人生一大樂趣。

嚟到敏華，我早午晚都係食呢一個BigMen菠蘿包，我喺度試過早餐，性價比好底，午餐嗰個暗然銷魂飯都好食，但要好肚餓先會叫，叉燒份量亦都少但係呢嗰BigMen令我聯想到元朗或者觀塘嗰間華嫂冰室嘅菠蘿包，唔知大家有冇食過，觀塘嗰間仲出色過元朗嗰間🤪🤪 個菠蘿包係脆，而入面所有料都係熱嘅，有餐肉，芝士，蕃茄同埋炒蛋夾喺入面，本人覺得好好食😋但係一定要洗咗手先食😂 因為炒蛋係早餐食嗰種，會坐得好碎！咬到最尾嗰陣好容易咇哂出嚟😂 不過順帶一提，呢間要喺門口排隊，同埋奶茶相對上比較甜

成日見到敏華門口有好多人排隊等位🤭🤭心諗 真係咁好食？🤔🤔🤔今次終於等到位啦😭😢等我一試探個究竟🤗🤗A3：沙茶牛肉麵🐂拼炒滑蛋雙腸及軟多士🍞💰$53🌟食後感·普通茶記都食到😅😅😀·牛肉質地都好嫩 份量都好多‼️但係個湯嘅唔夠濃 沙茶嘅醬料少左d‼️S7：(流心蛋)黯然銷魂叉燒飯🐖🔥💰$65 🌟食後感.好勁嘅焦香味🤭🤭🤭.勁多蜜汁抱住舊叉燒👍🏻🤤🤤🤤‼️鍾意食肥叉嘅你地就可能滿足唔到你地la 因為佢大部分都係瘦叉‼️酥皮蛋黃蛋撻🥚🥧🌟食後感.d酥皮酥脆 唔會變軟原味凍奶茶🥛🍵❌ 唔加冰🧊✔️完全得奶茶🌟飲後感🤤👍🏻👍🏻👍🏻簡直係無得頂la❤️佢哋嘅奶茶好重茶味奶同茶嘅比例啱啱好完全fit曬我口味❤️‼️鍾意奶味重d嘅你地呢杯未必適合你地喔🤭‼️

🔻黯然銷魂飯 ($65)老實講 一個叉蛋飯要咁嘅價錢點都係唔值㗎喇 但奈何人總是犯賤 見佢改個咁特別嘅名又忍唔住想叫嚟試下(｡･ω･｡) 叉燒唔算多 但件件都好大舊又厚切 撈埋蛋汁係幾好食 邊食腦海邊諗起家燕姐喺上面碌的畫面哈 有興趣嘅朋友可以試下～

岩岩做完運動已經好肚餓應該食咩都會覺得好食，上年都有食過佢地既暗然銷魂飯，個陣時都覺得幾好食，但係隔咗咁耐之後左叫返佢地所謂既招牌黯然銷魂飯，點知等左成半個鐘咁耐，仲同我講因為係即刻order即刻整既原因，所以先咁耐，仲話個個都係咁等嫁喇，等下喇咁喎.. 好喇等左咁耐終於都黎左了，嘩，隻蛋又話流心，又唔流，叉燒又太熟又好”un”, 成個package都唔討好，服務態度又差，d姐姐又成日傾偈，真係無下次

計早兩日提過試食完「唔夠攝牙罅嘅雞翼」之後，我哋轉個頭真係去咗搵嘢食😅 難得 敏華冰廳 條人龍當時得兩三個客喺度等緊，我哋都嚟湊吓熱鬧啦。餐廳嘅座位被一度又一度嘅紙板相隔，感覺好侷促😏 好在都安排到個卡位俾我哋，起碼唔使搭枱先啦😉 其實一場嚟到，#小秘書 好想食 #黯然叉燒飯 㗎，不過 #下午茶時間 唔食 #茶餐，似乎有啲過份，而且我哋都係貪口癮啫，叫咗個 #BigMen菠蘿包餐，再加兩個 #凍啡 咪夠囉🤪等咗大概10分鐘，#BigMen菠蘿包 終於嚟到我哋面前，Size同我想像中嘅差唔多，不過勢估唔到有塊咁厚嘅 #午餐肉，整體同餐牌上嘅相都相同嘅，不過件 #午餐肉 似乎冇煎過，咬落去口感好古怪，我認為煎得香口啲會更加夾😏 至於個菠蘿包係幾鬆軟嘅，但係一咬落去啲「菠蘿皮」幾乎已經散到一枱都係🤔 我唔識呢啲係咪叫正宗啦，但係對我來講就叫論盡囉😅🤣🤣

基於疫情關係，商場做左個大優惠有張100蚊現金卷，但商場其他餐廳太太貴，食得飽既應該得呢間連鎖式餐廳(利申: 一蚊都無比到)黯然銷魂飯($53)作為香港人，點會唔知係黎自食神套戲?咪就係煎雙蛋叉燒飯，平心而輪，平熟煎蛋用蛋汁伴飯加頭抽，點會唔好食😂叉燒就麻麻地，太咸，最正既叉燒位係啲肥膏爽爽地，肉位超淋...呢碗叉燒飯啲叉燒就應該係梅頭位，就係普通既叉燒，真係普通之中既普通叉燒...下午茶: 脆皮雞中翼($36)雞翼就非常脆口，的確生炸...而醃料就...算啦，醃到啲肉質變左，典型低少少檔次既茶餐廳，但真係貴，36蚊3隻雞中翼，香港既物價表現，有幾多去左租金人工，其實有幾多係利潤? 凍檸茶($3) 我飲檸茶有一套諗法，因為餐廳既冰機一般好少洗，想飲凍飲又想安全啲就走甜，事關餐廳既凍飲茶底係一早加糖，走甜就可以迫佢地用熱茶底再撞落冰，起碼都叫可以滾下啲冰殺下菌墨西哥奶黃包($8)為左夠100蚊而特登叫，再拎走...一般茶餐廳有自信即場整麵包會有一定水準，但可惜...真係好難食，個味怪怪地總括而言，53+36+3+8=100，剛剛好100蚊，剛剛好100蚊現金卷但物價高昂嘅情況下我唔會自己

因為疫情嘅關係宜家啲餐廳都會在座位之間整塊膠板隔住感觀都幾麻麻仲坐得不太舒服不過都無計 由於非常想食敏華嘅蛋撻雖然蛋撻係可以就咁外賣嘅但係冇理由出門只係為左食一件蛋撻咁唯有坐低另外都嗌其他嘢食-咁當然其實重點係講吓件蛋撻個人更喜歡白色那一個鮮奶撻的因為很嫩滑而且有一點甜甜的不過無乜奶香味 另外黃色應該用左蛋黃為主比較挺身 無白色咁滑 不過就唔甜不喜歡甜的可以選這一個而且蛋撻外觀都好靚 好賞心悅目食都食得開心啲

應該就係一味黯然銷魂叉燒飯令到敏華餐廳每間分店都大排長龍，年多前第一次喺鰂魚涌食過，果然係高質茶餐廳，今次試埋葵芳，味道確係有保證！老婆就食茶餐，都係揀就是叉燒，此叉燒當然不及彼叉燒喇，爭好遠，所以話，一味暗然銷魂飯就夠做成間餐廳了。我食茶餐廳就好睇奶茶味道嘅，呢間敏華餐廳嘅凍奶茶係唔會落冰嘅，味道唔錯，可以再食。