敏華冰廳 (新都會廣場)

營業中

休息中

睇過周星馳嘅「食神」嘅呢套戲，都會知道「暗然銷魂飯」有幾legendary。今晚dinner就去呢間茶餐廳食呢個「暗然銷魂飯」呢個「暗然銷魂飯」個賣相都ok，有幾塊都幾厚嘅叉燒，叉燒嘅味道就有啲特別，因為同一般燒味舖買嘅叉燒嘅味道係明顯有分別嘅; 叉燒燒得燶燶哋都幾香口，不過就好咸; 荷包蛋外表的煎得幾靚，不過就熟咗，流唔到黃，大扣分; 最勁揪就係豉油，師傅落得好重手。 唔係講笑真係好咸。呢個黯然銷魂飯都唔係好黯然，因為少咗洋蔥，成件事唔同曬。

平時成日去葵芳呢間敏華食早餐晚餐，都食過好幾次黯然銷魂飯，一開食，個煎蛋係流心蛋甘，半熟！但今次呢個蛋真係好唔得，又熟又穿左，令我好失望！其實早餐既煎蛋都越來越差，煎到穿晒，令人失望

之前啱啱開業時經常來吃，嗰陣時九點都要排隊，啲嘢確實係幾好食，尤其食鹹牛肉蛋治，蛋及鹹牛肉都多料，新鮮好食。隔咗一排突然間冇食依家返嚟，8点半左右唔止冇人排仲好多位，都覺得奇怪，我仍然點返嚟鹹牛肉蛋治，等左10幾分鐘，蛋同喊牛肉D料少左勁多，塊面包好鞋口，好似附圖咁-咁勁多窿，明明冇加烘底，但麵包邊係乾硬嘅，好明顯係隔夜麵包唔新鮮，唔怪之得佢哋客少左咁多啦，一開始幾好食都無用，質素保持唔到，好失望冇下次

今日同客傾完嘢，決定食個tea先返公司搏殺。入咗呢間茶記食菠蘿油炒蛋加個鮮奶。坐係度等嘅時候聽到『叮』一聲，以為係咩事，原來係提醒大家菠蘿油夠鐘出爐，真係笑咗！ 等咗無耐就有嘢食。菠蘿油皮夠脆，牛油大大舊啱晒我呢啲肥佬。個滑蛋冇得彈，好滑同唔會死實實，唔知係咪落咗日本牛乳落去炒。鮮奶就維記原裝鮮奶，冇嘢可以challenge。唔駛10分鐘，我就ko咗呢份下午茶。我決定下次要夜晚收工嚟試下佢個鐵板餐！

食得多西餐，總會掛住熱辣辣嘅港式茶餐廳同奶茶🥰所以今日就去到新都會嘅敏華冰廳食啦！敏華冰廳原本叫文華🤭🤭同屋企人慣咗叫佢文華，到而家都仲未習慣到叫敏華呢個名🤭而敏華因為性價比高同埋係商場僅有嘅茶餐廳，所以一直都係大排長龍嘅餐廳🙈今次我好好彩！竟然冇人排隊，等咗一陣就有店員招呼我入去坐了。由敏華嘅門面就可以睇得出佢想模仿以前冰室嘅感覺，門口有一排排新鮮出爐嘅麵包，好吸引！個電子牌仲寫住麵包出爐時間，好方便！入面多數係卡位嘅setting，如果你得一兩個人，咁就多數要同人搭枱啦🙈枱面就貼著餐牌，方便大家睇。而我今日就叫咗個茶餐，榨菜肉絲雞翼公仔麵黎食啦！$38包埋野飲係新都會黎講係超抵！而根據我以往嘅經驗，本來茶餐多啲麵嘅選會，仲會有五香肉丁揀，不過可能成本上漲而家就淨係可以係常餐到叫啦🙈不過順帶一提，敏華嘅炒蛋超好食！！！強烈推薦大家食！主角登場了！榨菜肉絲湯底好濃，雞翼都熱辣辣，係純正嘅港式風味🤣食得多西餐食返茶餐廳真係會好開心！最後配埋茶走～🥰完美！總體黎講，敏華嘅服務同食物都好唔錯！而且性價比又高，想食香港原味道就要黎試下啦！

這裏的招牌飯之一是黯然消魂飯，我也慕名來嚐嚐。在午市時叫了一個黯然消魂飯，一杯凍檸茶，共68元，在這區而言確實貴了些，但如果超好味也是值的。我也是星爺迷，很期待這飯有沒有食神的黯然，這飯共有四片不算細的义燒，兩個煎荷包蛋，並加上一些醬油。但我把整個飯吃完，卻找不到主角一洋蔥，令人傷心黯然的正是洋蔥，但這飯卻沒有，只是一碗普通不過的义蛋飯，根本不配用這名字！

話說前幾日喺另外一間敏華冰廳食晚飯， 諗住叫返個蛋撻食，點知過七點半之後冇了。 跟住第二日行新都會廣場， 見到又有敏華冰廳立即衝入去買蛋撻， 因為拎返屋企，所以要買四個先有盒（$26四個酥皮蛋撻）， 買嘅時候熱辣辣，真係好想即刻食番個， 可惜要揸車返屋企，所以都係等一等先。講下點解我咁鍾意食呢度嘅酥皮蛋撻， 記得有一次向敏華冰廳同屋企人食午餐， 突然有新鮮出爐酥皮蛋撻， 全場客人搶住要， 當時有位店員問我要唔要兩件試下， 咁我當然試下啦， 點知一試難忘。 這裏的酥皮蛋撻除咗熱辣辣之外， 酥皮鬆化， 蛋漿香濃， 非常新鮮好味， 如果鍾意食蛋撻嘅朋友一定要嚟試下！

今日下午茶想了解多一些葵芳附近的茶記美食，首站去葵芳新都會，我行了兩行就見到有一間名為敏華冰廳的茶記，見外在裝潢不錯，於是入内點了個常餐set叫惹味五香肉丁公仔麵。首先要超讚的是其丁麵，邪惡中帶點辣，其味無比呀，不愧名為惹味，至於其他配搭，例如多士、雙腸及蛋，就有些少平凡，不需用筆墨來形容了。整體上是可以，仍要多謝廚師之用心，把五香肉丁麵滲入精彩絶妙。

#敏華冰廳 #黯然銷魂飯 $52以自家製厚切叉燒配埋半熟流心荷包蛋，叉燒多汁肉質亦軟身，份量好足！加埋自家製頭抽同秘製香蔥油簡直一流🤤🤤🤤好味指數：9.1/10抵食程度：8/10回頭度： 8.9/10——————————————————————📍地點：葵芳興芳路223號新都會廣場1樓165號📞電話：28872760⏰營業時間：星期一至星期日 07:00-22:00

今日我呢 就準時放工 原本就諗住返屋企食飯誰不知 有人要係葵芳上堂 好啦我就陪下你啦 行過一間冰室夷？今日無乜人既？內心覺得係機會了因為食飯時間永遠都要排隊敏華冰廳過左1分鐘 已經無哂下午茶餐好啦 提早食飯黯然銷魂飯餐叉燒質地厚而且軟林 表面充滿蜜汁蛋兩隻 刺穿蛋汁慢慢流出 另淋上豉油叉燒加蛋加豉油飯又幾好食wor凍奶茶好飲 夠滑 茶味濃郁超大雞扒飯即叫即煎雞扒 可惜呢個飯 我哋等左20分鐘先上菜雞扒尚算大塊雞肉肉質滑但食完上堂已經遲到最後成為$130門外亦開始慢慢出現長龍雖然我哋嚟得早 但出餐比較耐

食物質素唔錯 ，香蔥豬扒蛋飯，豬扒多汁，口感鬆軟，隻蛋係炒到小小濃邊加流心果種 蛋橽層酥皮好脆，蛋味濃，仲要熱到燙手，絕無誇張成份 常餐炒蛋好味，其他無咩特別（差不多既野貴過澳牛，華星）但服務同清潔度係三間最好經常要排隊，值唔值見仁見智

茶餐廳是香港的特色之一，而且有很多美食，方便快捷，特別是奶茶及公仔麵，代表了香港的飲食文化之一，所以近期都有很多新開的茶餐廳出現。今日來到敏華，這裡的下午茶餐不錯，價錢不貴，所以就叫了榨菜肉絲雞翼公仔麵，雞翼味道好好，加入榨菜，相當豐富，而公仔麵硬度適中。而朋友就叫了惹味五香肉丁公仔麵併炒滑蛋雙腸歐式軟多士，滑蛋幼嫩可口，及軟綿綿的多士，相當不錯，但五香肉丁公仔麵，而五香肉丁的油比較多，頗為油膩。

食物水準不過不失，不算出色。侍應服務態度奇差，而且只顧聊天閑談，並有在客人走後，說客人壞話的情況，更因不斷搭枱拆枱，有多於一次送錯餐的情況。環境方面，座位太迫太少，不斷強迫客人搭枱，態度強硬無禮。很不愉快的用餐經歷，不會再光顧此店！

食個早餐最黎兩啖先發現條黑髮定毛髮， 黑仔! 通知侍應佢想幫我換過碟。 但我決定埋單走人! 去到收銀比錢我話張單比全數。 你照收啦。咁我係有食過當然要比錢。但姐姐見我通粉都未黎只收我飲品錢。 其實我都鍾意食依間茶記。 因為近公司。 下午茶都成日幫襯。

放假經開新都會，諗住求奇搵個地方食個Tea☕️行過呢間 敏華 見咁耐無食過，條人龍又唔算好長咪排陣囉！咁辛苦先入到，當然要叫返個招牌暗然銷魂飯啦！不過咁耐無食，覺得質素下降咗一大截喎🧐首先叉燒嘅味道依然係幾好食嘅，但好似切得有點hea，3-4塊叉燒大大舊咁⋯唔係讚緊佢大舊抵食呀！係切得樣衰難入口呀😒之後枱面張介紹說好的流心蛋唔流心...另外叫咗下午茶餐有個榨菜肉絲雞翼麵，不過不失吧！最抵讚嘅係杯🍋手拍有皮老薑煲檸樂🍋因為真係落足料，滿滿薑味！辣辣地！好正🤤最後望住個Mon，見住有新鮮出爐嘅酥皮蛋撻，即刻叫返2個食先，好彩依然keep到個水準！個撻皮整得好好食💕