文化烘焙 (黃大仙中心南館)

營業中

休息中

黃大仙嘅麵包舖已經好多，兩個商場加埋一隻手都數唔晒, 仲未計茶餐廳都有整麵包，所以真係好唔明點解仲有麵包舖會揀呢個地點開，對於有餅房嘅bakery 我一向都欣賞，所以琴日都去幫襯下，原來唔止麵包咁簡單，仲有pizza 同3D蛋糕，所以好多人。舖細細over 10 個staff , cashier 有6個職員，條龍好長，不過得一部收銀機，仲要用新嘅機，即一機可收Ali pay , 八達通同visa 嗰種，其實呢種機係唔適合密集式收款，排咗好耐先到我，然後話俾電子貨幣要再等一陣，有時新野未必一定好😑，新不如舊, 最後我俾現金算😏睇返啲蛋糕真係好靚，有Elsa 造型🤣，不過好似要成六百幾蚊，麵包同樣都唔平，8蚊起跳，我買咗個合桃軟法包就28蚊，曾經為基層服務嘅商場而家一啲都唔基層。麵包長大概7寸吧, 不過職員無幫我切，今早焗返，外脆內軟，合桃好少，另有少少芝麻，食得出麵粉幾靚👍, 隔咗一晚都覺得幾新鮮， 其實好食感覺又健康，不過咁嘅價錢同效率性價比就唔高。

已經好想去吃那邊的pizza好大件，然後八月嘛去買買看，可惜我拿支付寶的他們只有八達通，唯有借家人，趕他上班前過去買，七點多去到，他們說十二點後⋯⋯幸好可以先訂店説我可以叫他整先整大概半小時我預5點去拿4點半叫他們整，20吋挺大，不過拿到家大概5點幾，但吃下去又不感覺好熱⋯⋯拿回去打開即食兩件已好飽🤣其他用好多保鮮紙包好大概兩個人至三個人，分了兩天三天吃～不過挺麻煩的，試一次就好

以前係西貢幫襯過，聽講老闆係海外比賽都有得獎，個陣已經對佢哋嘅蛋糕念念不忘估唔到依家黃大仙南館開咗分店，更加方便咗有別於其他連鎖麵包店，佢哋嘅廚房就係店內， 麵包真係新鮮出爐同埋見到個製作過程都好乾淨衛生，食得放心卷蛋質素一如既往地好， 高質！另外蛋撻超靚又好香， 減緊肥都忍唔到要食真係好香滑。 仲有好少見嘅紅豆餅、綠豆餅皮薄料靚， 連我老公咁嘴刁都話中意！！ 其他麵包都好新鮮好吸引， 又大隻又香， 好想快啲試晒全部包呀

最近係黃大仙中心新開左間麵包舖🍞，麵包舖地方都幾大幾寬闊，不過d麵包就無咩特色，都係d普通港式麵包🥖🍞🥯，價格就大概$8-$12到我買咗個朱古力包食，麵包份量都ok；味道來講，都幾鬆軟，幾多朱古力🍫⋯⋯麵包外面有啲朱古力粒，𥚃面有少少朱古力餡醬，唔會話太甜👌🏻朱古力麵包盛惠$9，性價比一般啦；不過，我覺得付款方式可以再改進下，現時只係得現金同八達通付款💰，同埋早上店員得一個，收銀、放新鮮麵包上架、執野抹野都係佢，如果人多真係應接不下😂

終於係黃大仙開咗，所以決定去幫襯下。價錢好似比一般包鋪貴。態度幾好。同埋keep住有麵包/糕點新鮮出爐。Mufiins鬆軟，但係偏油，易散。味道正常，但朱古力味偏甜。會咬到唔少朱古力粒。鬆餅，都ok，算多cranberry，味道唔算甜。雞尾包個樣幾靚，不過味道真係一般。小編覺得性價比極低，a1麵包舖價錢，不過質素幾低，一般包鋪好食d。另外就係個衛生可能要好d，好多麵包都係就咁放係到，冇野cover。

上星期五試業的麵包店，終於有一間不是連鎖麵包店，可以品嘗港式麵包，見選擇都不少仲有西貢店人氣蛋糕，遲些再試。第一次當然先試菠蘿包，每個7元熱辣辣，價錢都算合理。菠蘿皮不太甜和結構夠堅固，不會未食先脱皮，值得追捧，正☺放工再經過買了一條法包18元，這款法包是又長又軟，唔多對路，翌日打開切，港式長麵包，不算是法包，超失望。希望麵包店要改善法包配方最後是八達通機，由第一天到今天第四天都話有問題不能服務，要付現金

黃大仙中心開咗間新嘅麵包店呀，唔知大家有冇聽過，叫culture bakery，文化烘焙，之前裝修塊板好似寫住係台灣烘焙冠軍之類嘅字眼，所以期待咗好耐🤣位置係南館最下面嗰層，近地鐵站出口，好易搵。唔知係咪因為新開，人都幾多，全場好熱鬧咁。一行入南館，已經聞到香味，我先俾出面凍櫃嘅香芋奶凍卷吸引咗，芋泥控一定要試，呢個都幾大個，眼見至少可以切四件，價錢亦好平，35一大個，出面講緊d卷都過百，所以呢個真心抵食，不過芋泥再多啲就更好。另外仲有抹茶味、牛乳味同朱古力味，要試晒幾隻味需要d時間，建議可以切開一件件，俾我呢啲一個人住嘅人可以多啲選擇🤣買一個返黎要食幾日，救命吖🤣