文康食堂 (學生飯堂II)

營業中

休息中

由於幾星期前於香港大學的美心飯堂吃過的兩餸飯非常好吃，令我對同樣是由美心主理的理工大學文兩餸飯有好大期望。但世事總是不似預期，有期望必有失望。兩餸飯（雜菜和南瓜雞）連中湯$23額外加$6配凍橙汁雜菜：冇乜調味的健康雜菜，夠熟但不會過淋。南瓜：切得好大件，有三大快塊。中心偏硬，如果可以炆淋D就好了！雞：重點來了！有三大塊南瓜係咪好開心先？南瓜雞只有大南瓜，D雞唔多見到嘅？因為只有碎碎一兩件埋藏係D汁度……食唔到雞。白飯：ok ，正常啊～中湯：正常快餐店湯，不要有特別期望啊～凍橙汁：ok啦～整體感覺：一切味道正常，日日吃也可以，不過不會叫做好味啦～ 雖然比係港大平兩忟，食完令我掛住港大canteen 的兩餸飯呢～By the way, 中午時分，係呢個理大canteen 裡面，大部份人都係幫襯兩餸飯呀～ 總有長長的人龍在排隊呢！我諗因為這個是最抵吃的了！

在理工食下午茶很多人都會想起要落樓下的舊can 即現在又名美食坊。隨住美心集團的勢力在理工大學落地開花 其實美食坊和在文康樓的二號學生飯堂都是美心的。所以在美食坊找到非常抵食價值21個半 又有雜菜螺絲粉或肉將意粉+炒蛋腸仔+多士+熱飲的下午茶餐，一樣可以在民康樓食堂找到。不過在文康樓找到的樣式有一點不同：就是變成叉燒湯意或羅宋湯意。叉燒來說都算有誠意的，因為叉燒都是燒味部來的，叉燒穩陣味道不錯。而羅宋湯意，大家要留意，他真的是羅宋湯有辣椒的，有一點微辣跟美味坊的雜菜螺絲粉不同。另外都是配炒蛋一條腸仔和多士。和美食坊一樣，都可以配低糖綠茶，這個是很多茶餐廳在外面都沒有的悅耳不喜歡茶餐打這裏還有一個「三寶」就是炸雞翼+西多士+碗仔翅。炸雞翼除非你準時230-3點落堂衝過來，否則呢都不會太香脆。西多士雖然只有一個三角形但內裏有花生醬味道都不錯。所以宏觀來說，在理工食下午茶餐不論在美食坊或是在文康食堂，本人認為最抵食好味的都是「粉加炒蛋加腸仔蛋加多士」的組合。兩邊都有，各有風味，冇得輸。

咁啱去開理工大學做完嘢又啱啱放食下午飯去咗學生食堂試下有兩餸飯 有燒味飯 有西餐 大部分都係自助 跟住買咗個三寶飯有鹹蛋 有紅腸 有叉燒 有燒鴨最緊要D薑油夠新鮮 豉油夠入味 食落真係好好味

冇錢就會想食兩送飯 因為真係仲平過m記🙈 有成6樣送簡 我簡左咖喱雞同南瓜豬肉 咖喱有小小辣 雞都好食 但南瓜切到好大件😂 要自己整細💁🏼 平時會叫茄子 好食過我呀媽整 辣辣地咁🙈可以自己叫多飯 不過呢個份量我已經好飽了😂最鍾意呢度嘅凍檸茶 好好飲！ 熱檸蜜都唔錯👍👍 又可以簡中湯😆

餓餓下餓到TEA TIME, 食TEA 會平D 是常識吧走左上CANTEEN 食燒鴨米粉, 仲有包埋杯野飲, 廿蚊左右, 幾抵!!!!燒鴨真係要睇手神, 好彩的話就有脾位, 肉位食, 其實都好少有鴨背O既...食中鴨背就真係bad luck la米粉份量唔細, 我食O既話O岩O岩好, 仲配左D 椰菜, 椰菜就麻麻地, 有D 草青味..野飲嗌左熱可力

POLY Freshman注意喇~POLY平食之選~poly最平嘅飯係新CAN白汁雞粒飯$11，份量冇細到。如果唔大胃口又唔想食呢個唔會轉款嘅飯，可以揀下面嘅飯...迷你焗茄汁豬扒飯 $13估吓有幾大?仲細過張單XD 其實真係冇可能食得飽架。廿蚊多啲就可以買都full size飯，係迷你嘅3倍，但價錢就2倍都唔洗。但我慳得一蚊得一蚊，焗飯又冇得少飯，所以我唔會叫full size~迷你都有兩件豬扒，算係唔錯。不過就太鹹喇，要狂灌水。有少量蘑菇，都唔算單調嘅~比較特別嘅發現~雖然唔係炒飯底，但焗飯嘅飯係比較飽滿煙韌，似係珍珠米。但買兩餸燒味嗰啲都係中國又長又尖嘅幼身米。當然係焗飯嘅飯好食啲啦~焗飯系列仲有白汁雜菜同葡汁雞粒，3款食過都係葡汁雞最好。不過一日入面焗豬同葡雞只會賣其中一樣，葡雞大啲probi，所以今日焗豬都幾多人捧場架。

講起嚟真係有啲搞笑，已經讀到Year 3喇，我先第一次食新can沙律。考完DSE後成日坐，又日日食canteen，搞到我肥咗唔少。所以近年開始識得欣賞沙律。本來諗住去食早餐，但11點都未到已經冇得賣(Year 1嗰陣1130都仲有)。沙律都仲prepare緊，所以未出齊啲款，但都有五款揀喇。喺度買沙律分細盒($26)同大盒($31)，基本上揀幾多款都OK，但如果你叫咗啲好佔位嘅菜，裝唔落就冇架喇。今次個份量比我想像中多，姨姨都肯將啲輕嘢菜放底，上面用重嘅嘢壓住，咁就可以裝多啲喇，幾nice~哈蜜瓜好甜好稔，而且叫呢款佢會最後放，通常唔會點減少其他菜喺份量~似係羽衣甘藍? (google 過，但都係唔太識分)拌菠蘿汁，帶少少菠蘿肉，味道酸甜開胃，而且比沙律醬低脂得多~菜好爽脆，質地有啲似油炸紫菜，味道微甘，不論味道定質感都相當吸引。長通粉比較厚身，有煙韌有咬口，係我鍾意嘅軟硬度~一入口已經嚐到濃濃嘅橄欖油香，長通粉仲拌有杏仁片同香草碎。估唔到canteen salad都咁講究。原來通粉仲混入咗少量豌豆。大粒、飽滿，加咗入去絕對係明智決定~仲有一半係生菜，但就係拌沙律醬。味道都唔錯，但就驚

畢業多年, 重回舊地, 為左重拾當年窮苦學生O既感覺, 去CANTEEN 嗌個十仔飯!十仔飯, 故名思義, 就係十蚊一個飯.  時至今日, 已經加到去十一蚊! 足足加左10個%, 實在令人髮指!諗起畢左業咁多年都唔知有冇加到10%人工, 都覺得好悲哀, 望住同伴食28蚊O既四寶河咁豐富, 簡直感受到香港地O既貧富懸殊!嗌個十仔飯, 例牌都係叫多汁多飯, 務求塞飽自己, 可以努力工作, 賣相竟然比得上出面餐廳O既午餐ABCD!  實在令人感動汁多, 肉粒又淋又多, 水無限供應, 簡直係業界O既清泉! 

今日因為趕時間，而且無咩選擇，所以揀左喺新can'文康'食下午茶。我3點半入飯堂，無咩人，所以好快就搵到位今日叫左肉醬意粉同炸雞脾。肉醬好重味，食落唔錯而且開胃，開句聲呀姐仲會俾多少少醬你添不過意粉就做得麻麻地，雖然係過左水，但係仍然硬硬地。而炸雞脾，其實真係炸得唔錯，好脆而且雞肉唔老。就服務黎講，我就已經無對PolyU新舊Can嘅服務態度有任何期望喇員工完全唔會對你有任何交流，可以一句聲都唔岀，亦一句基本嘅'thank you'亦未有過。希望PolyU 新舊Canteen即使無好食嘅餐，但會有良好嘅服務態度啦

今日呢間餐廳，喺理工大學，人稱'新Can'。我一直都覺得無論新can、定舊can，其實都係頹can！今日我試新野，所以叫左咖哩炸魚柳飯。飯所落嘅水份剛剛好，唔會太軟。而咖哩，叫做辣得剛剛好，不過如果連埋薄餅一齊食，就會搶左薄餅嘅味分開食嘅話，其實薄餅都幾香、幾脆皮。我今日呢個薄餅係即叫即整嘅，所以幾好食，而薄餅亦係呢間餐廳稍為特色啲嘅野。因為佢係拎住學生飯堂個名，所以我覺得價錢並唔係學生價，亦都唔係話抵過外面好多而服務黎講，我認為'新舊can'都係差架喇，個個員工都無黎精神可能係工作量大掛？有待改善啦

理大新can的燒味部lunch time是排長龍的今日一個人，都易搵位嘅點了$23蚊鹽焗雞扒飯，叫了少飯，送不討好的椰菜一篤5大件雞塊，絕對夠送飯但吃過幾次始終諗唔明點解佢叫鹽焗雞扒(因為我覺得佢似蜜汁燒雞扒多啲)可能我大鄉里啦~~成日assume佢應該似鹽焗雞咁款CP值1:1$23，女仔嚟講絕對夠但係少左蔥蓉係爭左啲

是日卡米拉想喝杯飲料，來到最近剛完成裝修的文康大樓學生飯堂II。不過單點飲品已要$9，那不如點$19 的碗仔翅下午茶餐吧，包括自選小食2款、碗仔翅及飲品！怎料燒賣幾乎完全是冷的，加上是硬實及沒有煮透。炸雞翼的熱度稍為好一些，不過都是不脆。只有碗仔翅及飲品比較正常。總括而言，大學飯堂往往給人的印象就是難吃。就算價錢再便宜，食品也不能太馬虎了事。

今日又去理工大學找朋友，今次佢帶左我去學生飯堂。下午茶時段，都唔少選擇，但我獨愛炸雞脾。大大隻，即炸熱辣辣，新鮮出爐，香氣撲鼻，好多人夾。即刻拎一件去俾錢。只係$11.5，無睇錯，大學福利雞脾，$11.5。一切開，好juicy，肉質仲係好滑。可惜調味方便差少少，唔夠入味，而雞味亦有輕微的焦味。

#夠熱便滿足.............腸仔炒蛋厚多士火腿通粉 $17.5👍👍👍👍 (5分滿分).............#理工 學生 的專利 平價早餐😚只需17.5就食飽飽了😁可惜我一直很想食的粥無晒😢腸粉都無埋😂😢我仲未試過嫁最正常的#常餐 中伏機會大大減低😇#腸仔#sausage ： 熱的 已滿足😁#炒蛋#egg ：明明要雙蛋但無晒 炒蛋好水😢吾開心#多士#toast ：熱的 有焗過 滿足😁#火腿#通粉 ：熱的 夠味 都滿滿一碗 滿足😁吾記得拎#牛油 番去拎 比個姐姐話😢😂好彩我狂講吾好意思 搞到佢都吾好意思咁🙈所以佢最尾態度好轉

見工經過, 想不到在一個月內就光臨此飯堂兩次。這次是午飯時間, 一年前的水牌變成了今天的電子版。以往常叫的焗飯, 相隔一年依然價錢不變, 有細份量供各位選擇。最後選了兩餸飯-- 西芹雞柳, 南瓜炆雞連凍低糖綠茶 ($21.5) , 貪其有得選擇餸。由於兩點才到逹, 大部份飯餸賣光, 連湯也沒有, 轉飲凍綠茶不用加錢。南瓜炆雞: 南瓜汁多, 配上嫩滑雞肉粒, 成為最受歡迎的餸。最喜歡以大量南瓜汁伴飯, 醬汁濃得像吃南瓜茸, 濃濃的南瓜味。西芹雞柳: 西芹爽脆, 跟南瓜是相反配搭, 減少飽滯感。如有例湯更好, 秋天需要一點滋潤。