文記傳統車仔麵茶餐廳 (已結業)

早上11:30到了，點左豬腸豬紅蘿蔔米粉，碗麵嚟到已經聞到一股豬腸臭膻壓味，顔色好似冇乜點煮過，試試豬腸一咬落去堅臭完全未炆夠吐了出來，試豬紅正常，不過都係冇乜味，再食米粉正常，試湯底完全冇味，所謂辣汁完全唔知係乜，最後食蘿蔔，慘過白烚，好了！立即比錢埋單三餸麵加可樂$43走人，我之前晚上食過，唔算好味不過都唔係差到咁，我明白早上食車仔麵，配料未炆好可能冇咁入味，但都唔係差都咁吖！我第一次出街食嘢會咬兩啖就走，呢間係我人生第一間

尼到文記炸魚蛋係必叫，佢用左鯪魚再加海魚溝成，同出面食到個啲與別不同，外皮脆𥚃面彈牙！因為有好多人叫，所以通常都即炸。而煎釀三寶價錢方面，$14有4件$20有6件，如果要四件炸魚蛋以上就要加多$1。另外仲試左車仔麵，我就叫左螺肉、生菜、豬紅、蘿蔔、米粉。朋友叫左通菜、咖哩魷魚、豆卜、水餃、油麵。大家都叫左腩汁加辣汁。個人認為餸方面味道普通，餸嘅分量都多，而豆卜佢地係用左咖哩汁煮，所以好夠味！如果叫車仔麵最好叫腩汁加秘汁/辣汁，如果無左腩汁個湯底就較為淡味。

住九龍灣附近嘅一定聽過呢間車仔麵，車仔麵屬中上水準，但最重要嘅係佢地嘅煎釀三寶！車仔麵有多餸選擇，今次叫左冬菇，蘿蔔，生菜，魷魚加秘醬。冬菇醃得入味，蘿蔔新鮮，魷魚好爽脆，一定要加秘醬或者辣醬落車仔麵，味道升級不少呢！兩個人叫左十舊煎釀三寶，分別係兩舊茄子，兩舊豆腐，兩舊青椒，兩粒魚蛋同兩舊紅腸。十五蚊有四舊，三十蚊有十舊，抵食又大件，一啖都食唔哂，正！就算唔餓唔食車仔麵，經過都要買幾舊煎釀三寶走！

嚟到呢度應該食車仔麵但我唔係好肚餓只系陪朋友食下野咁我朋友就叫咗一碗麵但佢話呢度好抵食因為呢間嘅配料同埋價錢係比出面車仔麵平好多佢個車仔麵有好多餸先至$57不過冇影低佢個面。我就好少食車仔麵嘅，就叫咗個碗仔翅凍豆漿同埋魚蛋我哋覺得呢度嘅碗仔翅入面嘅材料好充足而且唔會好似食糊仔咁碗仔翅入面有好多肉同埋菇加少少醋，即時變得好開胃個人對呢度嘅碗仔翅都幾鍾情另外仲叫咗魚蛋想講佢哋嘅魚蛋都幾爽口彈牙而且佢哋嘅秘製醬汁煮得好香我朋友就落咗小小秘製醬汁落佢哋個碗車仔麵度等我下次食車仔麵嘅時候再同大家分享佢地嘅車仔麵係咪真係咁抵食啦

呢間已經係第二次食，識佢係因為住附近朋友介紹過。一坐低叫左碗車仔麵先，牛肚係草肚同得個鹹字（唔等於入味), 美中不足。豬紅同豬皮好食，唔會死鹹交貨. 不過啲餸剪得太碎，感覺仲少左。個湯食到有落陳皮，本人不嬲唔喜歡陳皮，但係佢咁落又好好味喎！三餸一麵$33, 今日無豆漿送，失望。見食完仲未飽，見煎釀三寶好多人排，又唔係成日嚟，就再食！食左魚蛋，茄子同豆腐。四件$15, 魚蛋同茄子比别家大舊，但係鼔油係鹹䜴油，慳成本慳到咁，無下次。總結，食完唔似得其他車仔麵檔咁口渴，抵讚！但價錢唔叫做平。

一research車仔麵就見到呢間小店彈左出黎咁岩經過一於試一試新嘢先點左白蘿蔔咖哩魷魚豬紅 伊麵底秘製咖哩醬汁好惹味 食完一啖又一啖白蘿蔔處理得好好 無渣又夠甜 豬紅夠林 三樣加埋都好好味 叫夠$28會送杯豆漿 但送完就無 所以唔好太晏過去食 事關呢間小店都幾多人去 食完車仔麵已經7成飽 但點都要嗌埋煎釀三寶先叫完美 全部新鮮出爐一炸起即刻好多人落單 有豆腐茄子青椒芋頭等炸物 外脆內軟 超級好味 煎釀三寶好考功力 炸得唔好就會食落好油

今日嚟到九龍灣揀咗文記車仔麵。佢位置喺淘大花園英皇教育條巷仔鋪頭骨子得來亦都十分企理！😏點左兩款嘅車仔麵，價錢十分之抵！暫時係我食過咁多間車仔麵性價比最高嘅一間！仲有仲有！呢度有得點我最鍾意食柚皮！索晒湯底嘅味道非常之入味！🤭值得一提，係堂食消費滿$29就會送一杯豆漿！喺門口見到有煎釀三寶亦都忍唔住叫咗$20 6件！啱啱炸出係十分之香口！最後見到除咗車仔麵同煎釀三寶之外其實佢亦都有做午市飯，下次有機會可以再嚟試一次（老闆娘亦都非常之好人同埋細心！）——————————食物質素：8.5/10環境衛生：7.5/10舒適度：7/10服務：8/10 性價比：9/10總評分：8/10——————————#foodblogger #foodlover #foodie #hkfoodie #相機食先 #九龍灣

上次陪阿婆喺淘大商場附近睇醫生，經過見到呢一間文記傳統車仔麵茶餐廳，見到超級多人幫襯，就好有興趣～阿婆睇完醫生之後，我就去咗買外賣，見佢煎釀三寶好香，所以就買咗，佢仲要即叫即整，叫咗炸雲吞皮同魚蛋，都即整，所以拎上手都熱辣辣，好正又好香🙈😊 外賣佢包裝勁細心，用一張紙墊住，隔咗啲油，冇咁油淋淋～佢嘅炸雲吞皮仲有好脆😍 超級香口😋 魚蛋仲要好大粒，成個乒乓波咁大😊👍🏻 外脆內軟～ 食到裡面都係熱既👍🏻超正😋

朋友介紹食煎釀三寶一定要去淘大廣場附近呢一間叫文記傳統車仔麵茶餐廳👍🏻佢真係好傳統嘅嗰個設計！圓枱，圓櫈，要搭枱！佢嘅車仔麵我就未試過啦！我就對佢嘅煎釀三寶好高評價🤣！之前去淘大廣場搵朋友嘅時候，佢就話帶我食好嘢，就嚟咗！本身我唔係太鍾意食煎釀三寶！因為覺得好熱氣，凍左又唔好食，好多都就咁夾俾你，冷冰冰！不過呢一間文記就完全唔同～ 最好食嘅係佢嘅炸雲吞皮，即刻炸，脆卜卜，我每次都叫10塊🤣🤣 今次又同朋友食，冇要到炸雲吞皮，叫咗豆腐，茄子，紅腸！佢好平！所以我地叫得特別多！豆腐好大舊，係我嘅至愛！佢會即刻整俾你！有時仲會即刻炸，超正！拎上手係熱，食落口係會熱親！好香口👍🏻

此店位於返淘大的窄巷位置，比較難搵，由於位置不便，價錢就相對大街的店舖便宜，28蚊有三餸一麵，還付送豆漿，可惜送完止，我落完單佢話送晒，重等我專登叫夠28蚊，有點取巧吧。味道就總算可以接受，但無咩必要我都未必再去

相信在九龍灣住的朋友們，都應該知道「文記」這家店！這裡的車仔麵跟煎釀三寶都很有名！我超愛他們的煎釀三寶！ ❤️❤️❤️炸魚旦非常大粒，好像兵乓球般，炸得香口又有魚味！豆腐炸得外脆內軟，非常之滑！大愛❤️❤️車仔麵：點了秘汁，很辣很惹味！配上可樂實在很爽！但午餐肉味道有點怪怪的🤨

兒時最喜歡的就是雞蛋仔及車仔麵！現在很多舊店都已沒有了！要找回小時候的味道也有點難度！走過九龍灣淘大時，無意發現小行內有間小店，進去看了一下，原來是吃車仔麵的，在門外已傳來陣陣香味，再次激發起我的味雷！原來他們除了車仔麵外，還有位老伯在賣煎釀三寶，真的很香啊！我點了生菜、辣魚旦、炸菜肉絲、午餐肉，粗麵，要秘汁！只需$30，還有一杯豆漿送，真是抵吃👍🏻秘汁：很辣，但很惹味魚旦：爽口彈牙，好味午餐肉：尚算大塊炸菜肉絲：比較少豆漿：不會太甜，味道不錯

一個人唔知食乜好，見到呢間車仔麵店賣煎釀三寶好多人排隊就試下。一坐低就叫我移位，ok，我配合。跟住想點煎釀三寶加一碟油菜，疑似老闆嘅大叔灑手扭頭話唔賣，佢話一定要車仔麵表上面點夠26元先可以點油菜。但我一個人又真係食唔到碗麵加一碗煎釀三寶，咁我唯有放棄煎釀三寶啦.....跟住想點車仔麵，一直都無店員理我，於是我自己行出去點，店員又叫我唔好行出嚟.....啲服務認真無得頂！未食嘢已經食咗一肚氣飽晒！

拍拖時代的牛下💭每次跟老公去九龍灣看電影, 之後便會到牛頭角下邨吃車仔麵!轉眼間, 牛頭角下邨已拆卸多年, 車仔麵檔亦已搬遷!這天突然很想回味! 便與笨爸到九龍灣品嚐一下!店舖搬了, 風味不見了, 而車仔麵亦剩下回憶的味道...!我點了: 豬腸 雞尖 酸齋 米粉豬腸變了大腸😔雞尖麵一般酸齋的份量最多笨爸點了: 冬菇 豬紅 咖哩魷魚翼 伊麵豬紅都滑溜其他一般車仔麵檔還有煎釀三寶, 值得推薦!👍但吃了麵實在太飽, 吃不下!評分: 5⭐最好食物: ⭐⭐⭐環境: ⭐⭐⭐價錢: ⭐⭐⭐服務: ⭐⭐⭐

今日行開九龍灣，昔日的車仔麵，很多地方都已經今非昔比。時移世易，再次踏足九龍灣的文記炸魚蛋，辣汁蟹柳冬菇米線，不消十分鐘，上菜！一索，是當年遺忘已久的味道，憶起當天隨便的回憶，辣汁冇香辣味，但米線很熱。食落去，果然並非在家能煮到的味到，是陳年的味到，不消5分鐘，食完，走人魚蛋炸得趣，但沒有魚味，只有蛋味，豉油很配魚蛋的味道，如果沒有豉油，魚蛋就慘了。青椒和紅腸還可以。如太喜歡衛生的食家，會不太喜歡這裡。