文記火鍋

營業中

休息中

好正好好味！唔單止打邉爐用來做湯底，齋飲湯也飲到濃濃藥材味，諗起都好回味，我今次是自取，本身住荃灣，所以靠google map 搵.哈哈好在唔難搵到，希望疫情後，帶埋朋友到店慢慢品嘗其他湯鍋及其他食品。另外也叫了個熟食炸枝丸，我相信啱啱整起脆卜卜會好好味奈何外賣炸物，過了水氣欠小小咁啦⋯⋯另一推介醉蝦，超香酒味，打邊爐吃好特別，另一個是手打蝦膠，不錯真希望疫情快過，大家捱過去⋯⋯牢牢記着︰「前面是絕路，希望在轉角。」黑暗過會是晨曦，懷着樂觀總有轉機---陳奕迅《今日》老闆加油💪🏻⋯⋯祝各位身體健康

朋友同我都係火鍋怪,成日周圍去打邊爐,去佢屋企又係打邊粒爐,重點係唔洗諗食乜,咁今年又停夜市堂食,就外賣試試佢咁就叫咗下面張單嘅嘢(4人餐),散叫有7折,送貨就要比運費($85),咁我地自己就再買咗小小菜,豬肉,牛肉同埋午餐肉呢pack大嘅豬肉同埋午餐肉係我地自己加嘅,其他都係文記叫,但我都想讚下文記嘅豬肉同埋手切牛幾好味,仲有豬潤同鵝腸都超爽口,桶豪正,但得3隻帶子刺身好鮮甜,響鈴就真係小咗D得4條,鮑魚好食,但蜆就唔得啦,好似就嚟壞咁同埋有好多沙,整體一般,有折就可以試下嘅

無得出街食飯又想打邊爐就諗起文記呀WHATSAPP落單好方更STAFF 好HELPFUL既點左~海鮮二人餐再單點揀左醉雞湯底呢個堅要讚呀一打開包裝係好香酒味呀成個湯好濃郁我地一黎到飲左半碗湯先開始邊爐仲要個湯愈滾愈鮮好鍾意呀雞件又唔會好鞋~(餐有)炸魚皮響鈴響鈴係一向都必點估唔到個炸魚皮都咁出色呀脆口得黎唔會好干加埋炸蒜真係PERFECT~(餐有)丸同餃丸就正正常常呀餃有九菜餃魚皮餃水餃只係好似細粒左D咁(餐有)蝦蟹花甲蟹係好多羔鍾意食羔既要試呀蝦就肉質麻麻花甲鮑魚OK呀~(另點)黑柏葉好爽~(另點)鵝腸屋企人好鍾意話夠肥美呀~(另點)北海道蟹柳一般

香港人最鍾意係咩？緊係打邊爐啦😎真係一年四季都咁想食 不過好食既材料都唔易揾嫁依家 我覺得大圍黎講呢間文記性價比都不錯嫁 可以試下 而因為疫情 我都一段時間無來了趁最近好似好啲 我又約友人們出嚟聚下喇🌹湯底揀左胡椒卜卜蜆湯，湯底淡咗啲 ，不過都胡椒香，蜆肉鮮甜，兩三隻有沙醉雞件 啖啖肉 有少少膏不會柴 yum（上）鵝腸 新鮮帶小小肥 正（中）西班牙豬肉片 肉味香濃（下）貴妃蚌 一淥就食得 爽脆又鮮甜鱔片 切得薄薄地 唔會𡁻好耐 入口即化呢個水餃拼盤 有鮮蝦雲吞 文記水餃 同埋魚皮餃 三樣都鮮爽好味 正豬肉無臊臭味，不過容易一夾就散即炸響鈴 勁正一咬鬆化 旁邊有個芝麻醬點多個口味 happy同樣地魚皮都係即炸 脆卜卜熱辣辣 送酒絕配Overall今晚嘅配料都新鮮好吃 哥哥仔侍應們都好勤快 期待下一次再嚟試多啲配料

行晒成個大圍到到都要排隊見到OpenRice 有73折訂枱優惠重要即訂即有 終定試試伏先🚁鴛鴦鍋揀左 四川麻辣湯🌶&皮蛋芫茜湯🥬滿足想食辣又想下火既需要😂菜式1. 醉雞 係雞髀肉 啖啖肉非常唔錯 但係冇酒味2. 厚切午餐肉 午餐肉都係咁既味😂 食得出結實唔係cheap cheap牌 但係最靚果幾個牌子又唔係🤨3. 鬼馬油炸鬼真係幾鬼馬 上面係墨魚滑 下面係鬼炸鬼墨魚滑係幾彈牙好食不過問題係...我等到d墨魚滑熟左既時候下面油炸鬼淋到成pat野咁..😑熟與脆口不可兼得😓4.肥牛 不過不失 尚算新鮮 就係有d貴不過打邊爐又點可以冇肥牛呢4.雜菜 ok新鮮 有洗係重點🤣 水餃 彈牙 好味😋👍🏻5. 魚蛋都係香港仔四海魚蛋啦兩個人 食到超級飽埋單691😮重要已經折左😦只可以話我地太大食😓✴️推薦位✴️唔駛等位 野食新鮮❤️更多試伏實錄💛真心分享唔做假💚

想試好耐，今日終於嚟試下，果然冇失望。環境舒適，服務殷勤，食材新鲜好味，好滿意。叫了胡椒蜆湯底，牛頸脊，非常肥美嘅鵝腸，好爽口嘅墨魚滑，好精致嘅水餃拼雲吞，還有一碟炸支竹，非常滿足。

在家抗疫一段時間，一直都唔敢出去打邊爐。今日邊爐癮起，真係頂唔住。即刻試下文記有無位。好彩有位！即刻換衫沖落去。安排左坐係2樓，果然安排妥當，枱同枱有擋板，同埋枱同枱距離都幾遠，感覺安心。到文記緊係要食牛肉，真係好正！基本上唔駛叫其他野食，兩個人食左兩碟牛肉，再加少少丸類同響鈴。仲要有得自隊青島啤酒。真係成年無飲過啤酒。雖然一個自隊有d悶。可以食咁正既牛肉，再隊成支青島，真係夫復何求呀！希望疫情減退，可以打番多d邊爐！

疫情期間，六點後禁堂食，加上二人限聚令，想打邊爐又唔想去街市買餸，買完返嚟又要洗材料，整黎整去都幾麻煩。見到而家市面上都有外賣火鍋自取套餐 ，就試下火鍋外賣係點樣，買返嚟唔使準備咁多嘢，仲有埋湯底。自取回家就食得，方便。 呢間鋪的海鮮上算新鮮。湯底夠味！

因為疫情關係外賣自取有折或者可以叫餐廳代搵車送到樓下都好方便呀點左:清洒卜卜蜆湯底炸響鈴牛骨髓桂花蚌油麥菜牛頸脊鵝腸桶蠔韮菜餃花枝片鯇魚腩個湯底一打開時聞到濃郁清酒味D蜆唔係好瘦削果D肉質都叫合格蜆既份量都正常呢個湯底都可以ENCORE其他配料都叫OK雖望落好似好細份咁(其實係擺得好靚)但三個人都夠食食完都好飽下特別一讚個桶蠔雖然得三隻但真係超級珍寶係出面食SIZE既兩至三倍質地仲要係NOT BAD仲有個炸響鈴知道佢係即炸黎到仲係暖粒粒架浸一浸湯好鬆化脆得黎唔會干我一個人可以食四個

早兩日心血來潮勁想打邊爐，於是近近地去左大圍文記💁🏿‍♂️首先叫咗一個鴛鴦湯底，沙爹加清湯。揀咗牛小排、生蠔、北海道海膽、文記醉翁蝦、西班牙黑毛豚肉、珊瑚蚌、娃娃菜、萵筍、冬瓜片仲有蘿蔔片。牛小排勁大碟，超級有牛味、口感一流👍🏿一放落個湯幾下就食得，好嫩口😋😋生蠔勁勁勁大隻，勁鮮甜👍🏿北海道海膽一客四件👍🏿 入口即溶。醉翁蝦份量多，新鮮，食落有酒香又鮮甜，下次要Encore👍🏽珊瑚蚌好鮮甜，而且好爽口👍🏿👍🏿好食。佢地既食物俾我感覺到佢地好認真去做，環境都乾淨衛生舒適🙂真係食完一次會想再去食既火鍋餐廳👍🏿👍🏿👍🏿👍🏿值得推薦俾鐘意打邊爐既朋友仔

近近附打個邊邊先。就算飲多左都唔怕😂😂😂呢間野用料很新鮮，物超所值。又多選擇，有海鮮餐同有得散叫。不過叫餐就無折既。所以我多數都散叫。講番食物先。Yummy😋牛肉超有牛味。牛小排口感一流。🥩🥩🥩響鈴新鮮即炸很鬆脆。無幾多間火鍋咁有心係即炸。真心讚。最鐘意食既象拔蚌超新鮮😍真係好鐘意食。仲有海膽呀呀呀呀呀🌊🌊🌊🌊再加個蠔🦪🦪🦪超大隻😍😍😍好正呀再跟2L 64🍺🍺🍺🍺😍😍😍Full左喇😂😂😂

打邊爐最緊要新鮮大圍文記火鍋出名新鮮，今日網上訂座又有折，一於走去試下先。一行入鋪，原來樓上仲有一層，正都謂打邊爐要食好野，當然要食牛肉🐂什少見到有牛邊抓，一於就試下先！一食落口，就知道牛香肉嫩一間火鍋店，食材新唔新鮮，當然要食埋海鮮🐟🦐🦞，響聆/魚皮原來都即叫即炸桶蠔都好飽滿，田雞都即叫即劏仲有其它食材都未能盡錄我本人打邊爐最要夠精😋總括黎講打邊爐必食我都覺好好味，食材好新鮮，店員都非常細心，收得哩個價錢都好合理埋單平均每人$3xx！

超耐無寫食評 今次真係頂唔順要再寫 有朋友介紹 再見到有7折 三人早前晚上光顧 點了豬肚湯底 頸脊牛肉 三寶丸 鮮腐竹 粟米 生菜 炸魚皮 首先講講個湯底 唔知點解一滾起個湯就勁多泡 多既程度就好似D豬骨出水咁 係D啡啡地色勁污糟的泡泡 一路食一路要「不」走 重有就係D豬肚 超超超勁雪味 質感勁梅 勁脊牛肉 唔知係咪我哋係第一倫客 D牛肉一攞出嚟D顏色已經唔對路 唔似係即切而係切定咁 重要D肉超乾硬難咬 全碟野三舊水只食咗半碟 三寶丸九粒$108勁普通 味道一般 鮮腐竹係滾唔開果隻 開始食就滾到完都重係超硬 其餘都係普普通通咁 到埋單諗住有七折應該唔會太貴 點知打個凸 重要計多左個開胃小吃 加埋三支CHEAP啤 折完每人三舊幾 真係多謝晒 下次有人請都唔會再嚟. . . . . 

疫情持續大半年,現時稍為緩和,.限聚令放寬為4人,"火鍋"便成為我倆的不二之選.今次揀選了大圍積信街的文記火鍋,從大圍港鐵站,步行約6分鐘便到達. 鋪面不算很大,坐下後,店員便遞上餐單,供我們選擇.桌面放置了醬料架,給我們自行配搭合適的調味料.我們揀選了"香茜皮蛋鍋"作為湯底,接著店員奉上"前菜",先來的是"手切雪花牛小扒PRIME",牛小扒雪花分佈平均,稍為在湯內拖一拖便可進食,口感不錯.再來的是"爽脆白膳片",膳片新鮮嫩滑.接著是"花雕野生田雞",看見碟子上的田雞尚會跳動,感覺有點殘忍.田雞肉質鮮嫩,味道不錯.緊接的是"蘇格蘭聖子,鮑魚",店員叮囑我們烹調的時間."蘇格蘭聖子"是半分鐘,"鮑魚"則是2至3分鐘."蘇格蘭聖子"彈牙爽口,鮑魚"肉厚肥美.跟著的"雜菜",包含不同款式的蔬菜,解除食肉類的油膩感.最後再渴一杯"竹庶茅根",預先雪凍的杯子,加上冰涼的"竹庶茅根",即時清除火鍋熱氣的感覺.總括來說,食物材料新鮮,質數有水準.店員的招待週到,不時為我們加添火鍋的湯,值得推薦給您們一試.

星期六/日乖乖安坐家中最好活動緊係打邊邊🍲 蟹🦀套餐都係 $197🥰 大圍 文記火鍋海鮮刺身專門店 仲洗咩自己落手買 保證新鮮🦀🦞🦐 ♥️文記火鍋海鮮刺身專門店♥️ 大圍👉🏻13:00～21:00外賣火鍋6️⃣折🍲🏎（套餐除外）套餐每位$197