文記車仔麵 (福榮街)

營業中

休息中

**深水埗文記車仔麵食評** 今日專程去深水埗試吓人氣爆燈嘅「文記車仔麵」，三間分店中揀咗中間嗰間，店面光猛乾淨，而且好方便，可以用信用卡、支付寶同微信支付，唔使特登撳錢！ 我自選咗蠔皇小花菇、魚片頭、龍蝦丸、牛腩、清甜蘿蔔同腸仔，配烏冬同牛腩汁湯底。小花菇入味厚身，魚片頭彈牙，龍蝦丸鮮味十足，牛腩軟嫩唔韌，蘿卜清甜無渣，腸仔就係經典童年味道！牛腩汁湯底濃郁得嚟唔會過鹹，撈烏冬一流。飲品加咗杯凍檸檬茶，茶底夠濃，酸甜解膩。 埋單$97，價錢合理，份量足料，難怪長期大排長龍！下次再嚟要試吓其他配料！

深水埗的文記車仔麵已經係深水埗出哂名要排隊，但每日仲係有好多人去排隊食。首先，文記的車仔麵選擇性非常多，可以選擇不同的粉麵、配料和湯底。我今次揀左呢d送，玻璃魷魚，手打魚肉，蘿蔔，生菜，仲有每次都嗌既炸墨魚卷配料方面，玻璃魷魚新鮮，口感滑嫩，咬落去有一種海鮮的鮮味。手打魚肉則非常滑口。蘿蔔吸收了湯底的精華，食落去清甜，為整碗麵增添了一份清新感。而生菜更係脆口。至於炸墨魚卷，因為岩岩新鮮炸起外脆內軟，口感特別，真係好好味！另外，今次等候時間亦唔算長。總括來講，文記車仔麵無論係味道、選擇都令我非常滿意，下次一定會再來，試下其他配料！如果你係深水埗，記得一定要試下呢個地道的美食啊！

個麵裝完放枱面 後面排隊人人落單就對住啲嘢食噴口水🤢一啲間隔都冇 勁唔衛生 手掂完錢又掂嘢食 眼見運送餐不是時常有蓋着 食物直接由一間鋪吹住塵拎去隔離分店收銀較年輕個位員工態度勁惡劣 表達能力差 唔係期望咩服務態度好 但語氣暴躁 令人難以接受麻煩你下次啲嘢冇得賣or 唔賣 請你表達清晰啲 講一次「冇」 ，而唔係講三次「仲未有」 令人誤會需要等候 中文表達能力有代改進🙄價錢上漲 但食物質素下降

食咗好多年嘅文記車仔麵質素冇變！變咗好多間分店同埋升咗價😖不過我依然間唔時都會食佢，天水圍出嚟真係好遠！因為實在好食啦～好鍾意佢哋自家製嘅酸菜，酸酸辣辣好開胃！每次必點餸菜一定少不了瑞士雞翼同埋豬大腸～佢哋嘅豬大腸真係洗得好乾淨同埋大大嚿好彈牙～車仔麵嘅醬汁一定要揀腩汁或者瑞士汁！兩款都令到湯底好濃郁鮮甜美味😋夏天炎熱一定要點返一杯鹹柑桔七喜！

夜麻麻喺深水埗食咩好？行咗去高登嗰邊見到最多人排隊就係呢間傳說中嘅車仔麵。見有啲肚餓就揀咗三餸：瑞士雞翼、蘿蔔同埋酸齋，整體都係好食嘅，餸嘅份量都算多；最特別係佢有腐皮麵揀；第一次食，其實應該就係烚熟左嘅腐皮，不過夜晚食覺得幾健康同冇咁高卡路里，推介比健身同減肥人士選擇。

每次去親深水埗的文記車仔麵，次次都見到大排長龍。文記有好多餸任選，我點左一碗四個餸的油麵麵的口感幾彈牙，餸就揀左豬大腸、豬紅、玻璃辣魷魚、瑞士雞翼。豬大腸其實唔似大腸似小腸多d，但都夠彈牙，仲有少少油脂，肥美甘香又冇怪味，必食推介。 豬紅口感偏脆口都幾滑溜。玻璃辣魷魚口感爽彈，但唔太入味，只靠個汁好在個汁辣辣地幾惹味。必食的大熱之選瑞士雞翼，我係為咗佢而去～ 雞翼夠入味，味道帶甜，肉質軟嫩，可惜縮左水好多～

大年初二來到深水埗附近拜年⋯順道帶媽媽一探星級米芝蓮文記車仔麵一嚐…😋正值大年初二，週圍食肆都沒開舖，文記當然如常大排長龍⋯沒事做就順道一試吧！價目如下：首先食物環境欠奉⋯沿著人龍逐人先點餐後付款⋯麵有職工為客人奉上，不過會指定客人用餐位置⋯不得選位，有欠自由車仔湯底尚算出色，不過又未至於勁好食，可能期望太大吧！人稱車仔麵天花板嘛⋯⋯鹵水雞翼是招牌餸⋯食得出鹵水的應該都是本店出色之作⋯不過又未至於勁好食牛孖筋夠冧，牛腩雖冧but有少渣⋯價錢略貴⋯正正常常的一家不太差的車仔麵餐，一試無妨吧！👌🏻

Man Kee Cart Noodles, located in the vibrant Sham Shui Po district, is a standout gem in the Hong Kong street food scene and has earned a coveted spot in the 2024 Michelin Guide Hong Kong. Known for its authentic che zai meen (cart noodles), this restaurant brings a rich history and a deep love for Hong Kong’s street food culture to every bowl served. What started as a mobile cart in the 1950s has since evolved into a Michelin-recognized dining experience, maintaining the essence of its humble b

被譽為米芝蓮嘅車仔麵，專誠遠到而來。食第一口就覺得中伏，湯底十分「重口味」。食完飲咗兩支解茶才沒有咁口渴。餸菜一般跟其他店舖沒有大分別，只係多選擇。職員態度麻麻不會再光顧

我哋今日一家三口朝頭早就去食文記車仔麵，因為順便經過就想食，都唔算好多人排隊，等咗大約10分鐘就到我哋。我就嗌咗一碗粗麵，叫咗蘿蔔，瑞士雞翼同埋玻璃魷魚🦑其實啲餸都真係幾好食，因為我經已唔係第一次幫襯，所以耐唔耐我都會想食吓佢個車仔麵，佢嘅辣真係調得唔錯👍🏻但係今次個粗麵就真係有啲失準，食嘅時候夾起嚟仲會有一餅餅嘅感覺，都未將啲面完全分開晒，仲有啲硬，真係有啲失望😖另外我叫咗一杯熱菜蜜，嚟到個杯邊係好污糟，抹極都抹唔甩，咁我就再叫佢換多另一杯俾我，再換過一杯嚟，個杯邊仍然都係好污糟，我唔知佢係有換，定係攞返原本個杯嚟俾我😅咁我最後就冇用過杯嚟飲，倒咗落另一個杯用飲管飲。今次整體嘅感覺真係有啲失準，希望只是今次失準，如果唔係就真係配唔上米芝蓮呢個稱號。

❣️久唔久經開就會想食嘅文記，出名多菜式、湯底濃，醬料同餸夠多配搭，以前食開經常排長龍，而家開多咗幾間堂食店，開到零晨，仲有得掃code 落order，有得電子支付👍🏻 推薦瑞士汁雞翼、西洋菜餃、玻璃魷魚🤤 招牌瑞士湯底甜甜地味道一流👅

18:51落單，19:32都未有野食！催咗幾次話煮緊，都唔知煮咗去邊？？？最後拎過黎比我既仲要係隔離枱食物，即係根本冇煮過！！！滿口謊言！仲話叫我20分鐘既時候應該催下！隔離個男仔一催又話整緊，到我催既時候又話返我轉頭🙄🙄🙄等到隔離枱都食完催咗3次都係話煮緊🙄幫襯咗十幾年既街坊表示極度失望！睇住佢分店愈開愈多，但管理同食材愈來愈差！！！仲話叫我下次幫襯？？？唔好玩啦？等唔到食物點幫襯？？永久Blacklist🤬🤬🤬

深水埗文記車仔麵，大約每個送$10到$15左右，推介:墨魚角，糖心蛋，雞翼，花菇，咖喱魚蛋，呢幾個我成日叫，另外仲可以加購嘢飲，嗰度仲有豆漿蔗汁，同埋普通奶茶檸茶嗰啲，每次我都一定會叫油面加花椒油，人均大約50到60左右，有時叫得多餸大約都需要$80左右，衛生環境一般，但我覺得幾好食，間唔中食吓都OK，而且文記開得好夜，我當宵夜食，每次見到都覺得幾多人食，不過排隊都排得好快，唔需要等太耐，車仔麵嚟講，都幾有車仔麵特色

這間出名的車仔麵店，讓人一試成主顧。豬紅鮮嫩，搭配特製醬汁，口感滑順；豬大腸則香口，味道濃郁，令人欲罷不能。魚蛋彈牙，湯底清甜，完美融合各種食材的風味。店內氣氛熱鬧，服務迅速，絕對是喜愛地道小吃的好去處，無論是平日午餐，下午茶或宵夜，總能讓人滿足！

味道還可以，只是估唔到，食完咁口干。點了鹵水豬大腸、雞中翼、蠔皇冬菇仔，鹵水豬大腸同以前食開嘅唔同，顏色淺好多，食落有d彈牙，都ok嘅，最出色就是雞中翼喇會不會再光顧需要再三思考味精落得太過分