文記車仔麵 (福榮街)

營業中

休息中

同T先生行左陣鴨寮街，又行埋黃金商場睇電腦周邊用品，順便涼冷氣。既然過來深水埗，不得不試<文記車仔麵>。我聽聞過係米芝蓮推介，同埋好多人都會慕名而來，令我都好奇亦想試下嘛。原來同一條街已經有4間鋪，有一間可接受現金，另外果幾間就要電子支付😮 時間關係，揀左用電子支付呢間分店，加上又即時有位呀。📍懷舊咖喱四寶(豬皮、魚蛋、豬紅、蘿蔔) + 玻璃辣魷魚 $60由於店員忘記放辣魷魚，於是另上比我地。豬皮煮得腍，爽口而且入味；魚蛋正常，是我鍾意既陳皮魚蛋，配上咖喱醬好夾好入味；豬紅亦都發揮正常；最後係蘿蔔，鮮甜冇苦澀味，而且爽口。另上既玻璃辣魷魚，份量都多，我又係嘩左一聲😲😆 愈食愈辣，食後果種辣味after taste，要飲野降溫降辣呀😆 魷魚煮得都彈牙，有魷魚味⋯唔錯的😇📍自選車仔麵(油麵+瑞士雞翼+滷水大腸，跟辣汁)食車仔麵，我主打食油麵，因為這樣才有風味。首先飲啖湯，再食一口麵，油麵煮得剛剛好；繼續食大腸，滷水入晒味而且腍，同時亦有咬口，好好食，不得不讚 而瑞士雞翼都入晒味亦都腍，分別就一大一細，我地都收貨呀。而我地有3個碗，分別盛起唔同既醬汁或湯，因而我地有3款食法😂

見佢同一條街有幾間舖，但呢間無人等位，入到去先知道伏……用手機落單，等足廿分鐘先有嘢食，外賣單就見佢不斷出……佢有一邊係用輸送帶送麵，而埋單都係用手機支付，咁其實啲服務員都唔係好重工作量啫，但佢哋係連枱都唔抹，上手食到成枱汁，仲有筷子套喺度佢哋都唔會清理……如果住附近外賣算喇……食物方面佢啲推介嘅係唔錯，例如牛筋、玻璃魷魚……豬紅亦算入味……分量足，亦有辣菜圃任加，係環境同服務唔理想….希望佢會審視吓呢方面啦

依間是我每次想吃車仔麵的首選。對上一次去需要等安排入座再用寫reuse下單牌下單，於門口等候時間很久。今次去已轉用下單機，於門口點餐機先下單付款，再由店員安排入座，很快就可以坐定定等餐了。擠擁坐位都係依家店特色之一由於人多入座等咗大概20分鐘才有今次叫咗3個餸包括瑞士雞翼尖、酸齋及牛膀，麵底方面揀咗米粉。湯底加了腩汁十分香濃，重中之重係秘製辣汁，辣得嚟十分衝擊，後勁不會太強持續很耐，喜歡食辣追求短暫刺激口感的一定要試米粉爽口不太腍，每次都必點牛膀，沙沙口感再沾滿湯汁十分開胃店家十大推介嘅酸齋一吃就愛上，吸湯一流另外瑞士雞翼尖十分鹵得十分腍及入味，一咬脫骨，連骨頭都可以食很快就ko整個麵，如果上菜速度可加快就更好

真係好耐好耐無去過深水埗，疫情期間都減少特登走去其他地區搵食。近日又突然間好掛住一碗夠熱又大碗又好味嘅車仔麵🍜，當然又走去拜會一下🥹———————————————————————————🥢雞翼🐔、酸齋、花菇🍄、靚菜🥬💬配嘅係腩汁湯底，叫咗四款嘅餸料，油麵作麵底係最喜愛嘅其中一部分，當然仲有魷魚🦑、豬大腸🐽等等，每款嘅醃製同調味都唔會千篇一律嘅味道。如果兩個人以上就可以交換晒啲餸，食到多幾款😅.🗣感覺人氣好似弱咗少少🤏，可能改晒唔堂食，味道好似以前好食啲咁🥹，分店改咗只限用電子八達通APP付款，比較唔太方便，引致流失部分顧客🤔

食車仔麵，去到深水埗，一定要食文記！味道比一般車仔麵豐富！文記總店通常太多人排隊，所以今日食文記附近的分店！這間店的特色是QR code落單，用八達通即時付款，最後用一條運輸帶將食物送上，都幾新穎的做法！叫了一杯凍檸茶少冰少甜及魚片頭牛柏葉米線，選擇了腩汁及特辣！牛柏葉乾淨及爽口，份量適中！魚片頭都幾有魚味，份量適中！腩汁味道豐富！加上任落辣菜譜，味道可進一步提升！由於自己食開辣的關係，這裏的特辣沒有想像特辣！與譚仔三哥的小辣差不多，但整體味道一定俾三哥譚仔好好多！由於大部份人都會去總店排隊等食，所以口痕想試文記的朋友仔可到附近分店一嚐美食，環境亦比總店舒適！

由大學時期開始認識文記，一試愛上咁多年水準依舊keep到，仍然係我心目中嘅第一位食文記最緊要係要落呢支秘製花椒油真係無可取替！麻而不辣！！！ 食完嘴唇有種輕輕麻痹嘅感覺好爽😆哈哈哈😆凍檸茶大大杯次次都會叫個菜底，配上湯嘅瑞士汁 今日叫咗西洋菜、瑞士雞中翼同白菜餃瑞士雞翼好入味，瑞士汁亦都濃而不喊白菜餃皮薄餡靚，想食多幾隻😋😋😋依家新鋪全自助落單，掃枱上QR code，自助點單，直接手機支付比錢，十分方便👍🏻👍🏻👍🏻如果要用現金就要去舊鋪了

文記車仔麵（Sham Shui Po）⌖ 自選車仔麵（西洋菜、招牌自製韭菜餃、瑞士雞中翼）🍜💰$45（油麵$10 + $9 + $12 + $14）原來車仔麵都玩緊科技嘢喇～ 同樣係福榮街嘅文記 其中一間已經安裝左自動上菜嘅機器🤖️ 廚房製作完後會自動傳送到點菜嘅檯前 真係估佢唔到～🤨 油麵係車仔麵必嗌嘅麵底 腩汁味道岩好 整體份量都幾夠嘅！😗😗餓底小編諗住麵一到即刻試下個招牌自製韭菜餃🥟 點知。。伏左。😟 真係非常失望 因為三隻餃子完全未熟 仲食到麵粉味 入面仲係粉色嘅豬肉 嚇死人。。🤯🤯 之後同店員處理完一輪 檢查清楚先安落繼續食。。 餃子都大隻嘅 大量韭菜 可惜完全無爆湯汁嘅感覺 所以味道比較普通🤧雞翼大大隻好入味 推介嘅！😌 西洋菜都係正常發揮 幾嫩嘅⚠️強烈建議嗌韭菜餃要睇清楚先好食（雖然唔推介） 嗚嗚。。🥲🥲☻ 回頭指數：6 / 10#Fatshit_ami #Dinnertime #香港美食 #深水埗美食 #港式車仔麵 #食好西 #文記 #文記車仔麵 #腩汁油麵 #自製韭菜餃 #瑞士雞翼

全香港最好食的車仔麵(好像係) 每次黎文記都要排隊 今次都唔例外 但係排咗一陣就買到啦😍今次試左生根、雞翼同豬腸， 全部都好好食，豬腸超級肥！ 但其實我最欣賞嘅都係佢個湯底 甜甜地配米粉真係好入味 你哋去到記得一定要加腩汁啊🤤

今日經開深水埗當然要試下深水埗美食冬天凍冰冰最岩就係食碗熱辣辣既車仔麵呢間文記車仔麵同區開左幾間又曾經得到米豬連推介我今次去呢間係較新裝修個間呢間應參考左一蘭 x 元氣既裝修首先門口有自動販賣機自己禁再俾$個種入到去大部分位都係對住幅牆位與位心間有隔板隔住面前有一條軌道送餐用但最後碗麵都係阿姐人手送過來所以好適合一個孤獨精黎食我今次點了三餸 ，清湯，凍咖啡三餸我點了店推介的瑞士雞翼，羅白 同9菜餃瑞士雞翼同9菜餃係好食的相對之下羅白就無咩特別份量正常其實清湯已好濃太濃食完好口渴，味精重所以我想像唔到揀腩汁同瑞士汁會點飲品好普通，完全no comment價錢方面下午茶時間$6x 一碗麵加凍飲同區黎講下午茶算貴感覺唔似係有心做深水埗基層生意可能因為有米豬連人氣加持感覺呢間係做慕名而來的人生意總體而言我認為CP值正常，唔伏但又無好wow既感覺有食過平過呢間但好食/有心過呢間

一直都知文記車仔麵好出名, 因為每次經過, 無論邊間分舖都係大排長龍!😏 咁啱今日路過人唔多, 所以即刻入去試下有幾好食先!😋我唔係去本店, 所以用手機自助點餐, 之後喺門口用電子payment, 跟住坐低就會送餐! (店員非常貼心, 見我有小朋友, 就安排左無咁凍同入啲既位俾我!)講番車仔麵, 叫有豬紅, 牛腩, 豬油渣, 包心丸, 墨魚丸! 個湯底好濃好香, 牛腩極腍, 墨魚丸非常彈牙, 豬油渣卜囗好正!不論服務, 野食, 環境都好高質, 怪唔得成日都咁多人排隊喇!😏

深水埗_文記車仔麵平日晚餐時段經過都大排長龍，想一嚐車仔麵都是外賣，今日7點半經過見到人少少，就去試一試堂食！香港小女孩👩🏻花膠牛柏葉白菜餃河粉（清湯_少辣）香港小男孩👦🏻牛腩韭菜餃墨魚頭角紫菜油麵（楠汁_中辣）疫情關係，長枱中間放了隔板，好擠迫！枱面上有一排調味料，好賞心悅目，重點放在辣菜甫和見了底的炸蒜，果然辣菜甫搶了Fo~本店十大推介之一的花膠'麻麻地'，秘制辣醬不過不失，說是香辣又不是很辣，'ok la'。🥤羅漢果龍眼茶味道清甜，甜度合適。(5分滿分）環境：🧡🧡味道：💚💚💚賣相：💙💙💙服務：💛💛💛性價比：💜💜💜

成條街都係文記車仔麵鋪，你就知佢有幾勵害因為真係太多人食，所以佢愈開愈多分店，客人唔需要再長時間等位，又坐得鬆動舒服😌。先去總店揀餸買麵付款，拎住個號碼再去新店坐定定等食，店員就會叫你的號碼送上碗麵。招牌菜必叫的餸有五香牛腩，真係肉汁豐富質地好淋；陳皮魚蛋夠彈口又有魚香我都一定會叫；其餘餸大部分都試過無中伏，就睇個人口味，自由發揮啦！介紹下車仔麵唔一定要配肉，配菜類都一樣好好味👍🏻，例如爆汁蘿蔔，健康波菜等等。怕辣的朋友仔就唔好溝調羹🥄上的辣醬啦，不過個啖辣椒醬先係🌶️惹味精華

約住在太子的朋友，到附近瀏覽。地膽帶我去深水埗非常有人氣的文記車仔麵試吓。中午12點多，門外已經有人在排隊，有的等外賣，有的排隊等候堂食。幸好我們只是等了約5分鐘，便可進入。揀你喜歡食的麪底，揀你喜歡的餸，揀你喜歡的辣度，辣醬會另外用匙羹上，到時可以再選擇落幾多辣。我們兩人，都分別點了四餸，分別為$54及$56。整碗車仔麵分量很generous! 大大碗，份量比一向在灣仔工作的我，見開灣仔的車仔麵，這裡最少多三份一。食完，好滿足。我們沒有叫飲品，留返個肚，晏少少行去揾豆漿或者咖啡飲。

車仔麵一向喺香港不能取代嘅地道美食，數到各大車仔麵店，文記算係我 list 上數一數二 🏆「文記車仔麵」喺深水埗福榮街就有四間店舖，可見十分受歡迎。部分客人買外賣拎走，所以人龍集中喺路口嗰一間。因為人流眾多，而家堂食變為類似 canteen 形式；先到最入嗰間店👉🏼（109號地鋪）排隊買飛後，就可以去隔離分店搵位。眼見現場好多食客都唔知呢個新玩法，入到店內都被遮遮帶去買咗飛先。枱面放上多種調味料、餐具。「文記車仔麵」供應配料多達62款，每款由$9-$14不等。餐廳十大必食推介有：瑞士雞中翼、滷水豬大腸、蠔皇小花菇等等。麵底有油麵、河粉、公仔麵、銀針粉、瀨粉等14款選擇。湯底有腩汁、瑞士汁、清湯，仲有得「走湯」😂  調味醬料有秘製辣汁、咖喱汁、沙嗲汁、麻辣汁，辣到分為微、小、中、大、勁辣；設有最低消費，每位$30。=========================玻璃魷魚+五香牛肚+菜心+腩汁+秘製辣汁中辣（淨餸）$37牛肚每次必點，有6至7塊，入味，煮得腍身亦保留口感 👌🏼魷魚爽口彈牙，醬汁香，帶微辣，不過蓋唔到魷魚些少雪氣味；菜心正常水平，有7至8條 👍 濃郁腩汁 balance 微

車仔麵真係無得輸，平時等位閒閒地要1小時今晚8點零，竟然唔使點等；5-10分鐘已安排入座😙門外等候時間，侍應遞上點菜卡給我哋先點菜後付款再安排入座長蟹柳$10爽脆豬耳+西洋菜餃+公仔麵🍜$46雞中翼+蘿蔔+牛孖筋+河粉$48雞翼+魚角+牛柏葉+生菜$47特別喜歡這裡的醬料疫情嚴重左，店內只可有一半位置可坐店內有十大推介食物，初初嚟我都有跟住點幾樣，確認一下此店之品質新店之裝修簡潔，照明設備較好，座位整齊🤗