文記車仔麵 (福榮街)

營業中

休息中

食車仔麵，去到深水埗，一定要食文記！味道比一般車仔麵豐富！文記總店通常太多人排隊，所以今日食文記附近的分店！這間店的特色是QR code落單，用八達通即時付款，最後用一條運輸帶將食物送上，都幾新穎的做法！叫了一杯凍檸茶少冰少甜及魚片頭牛柏葉米線，選擇了腩汁及特辣！牛柏葉乾淨及爽口，份量適中！魚片頭都幾有魚味，份量適中！腩汁味道豐富！加上任落辣菜譜，味道可進一步提升！由於自己食開辣的關係，這裏的特辣沒有想像特辣！與譚仔三哥的小辣差不多，但整體味道一定俾三哥譚仔好好多！由於大部份人都會去總店排隊等食，所以口痕想試文記的朋友仔可到附近分店一嚐美食，環境亦比總店舒適！