斗來香 (已結業)

本人排隊等候叫外賣，在我等緊的時候，姐姐只做沒有排隊的人外賣,，我同姐姐講他們沒有排隊，我排隊點解冇人理，我仲要呆企等到幾時，眼見唔對路之後太嬲走了，以後唔會來。

朋友你話想食點平民小食，我今日就去咗間有口皆碑嘅飲食店，試吓佢哋嘅拿手好戲。第一樣我點嘅係黑豆豆漿，想點碗心思思咁，飲落去重有個溫哄哄，豆香撲鼻，真係正到彈起！隨手攞咗只粢飯，簡單嘅傳統好味道。飄香嘅糯米緊緊包裹嗮油條同肉鬆，油條雖然有啲濕，但係哩款小憩溫暖，有黑椒嗌嘴，食落感覺暖笠笠，一啖咬落去，酥脆油條同肉鬆嘅鮮香令人一次過滿足到口腹之慾。行到甜品檔前，眼前一亮，個多豆缽仔糕齋睇個樣已經引人入勝，Q彈得嚟不會過於甜膩。再點咗杯芒果椰汁紫米露，杯渣香甜，紫米糯滑，芒果珍珠嗌得咁硬淨，彈牙滋味滿足晒我哋愛甜嘅心。無錯，咁嘅地方就係我哋尋常百姓家尋味嘅地方，唔洋氣但真摯，適合懷念好味道。讓人食落去，滿足感🥰霎時間充實哂成個味蕾世界！下次，我一定會再番嚟，試多啲佢哋嘅美食。🍽️👌🏻😋

//斗來香 //砵仔糕$10/2個(優惠價)原價$18/3個又係食回憶系列😹😹由幼稚園食到大由$5/2個$10/3個食到依家$18/3個依然係滿滿嘅大大粒紅豆同埋厚實嘅質感呢種係小編最鍾意食嘅砵仔糕質感不過依家味道就偏甜可能人大咗食唔到甜嘢😹😹但依然係小編每次經過必買嘅食物！評分(五星為滿分)⭐️⭐️⭐️斗來香 (筲箕灣)筲箕灣筲箕灣道360A天悅廣場旁邊大家有咩想小編去試食或者想推薦小編去食嘅不妨留言或者DM小編推薦俾我啊🫶🏻🫶🏻🫶🏻🫶🏻 最緊要記住like👍🏻同埋share比朋友知筲箕灣原來有間咁正嘅小食店 😎📢

十年前左右不時也幫襯斗來香，但後來覺得食物麻麻，服務態度不大好，就很少再去買食物。最近可能天氣轉涼，心血來潮，想起可以在斗來香買熱辣辣的食物。這晚九時許，我選了辣魚蛋和蘿蔔。辣魚蛋十蚊好似五粒定六粒，真係好熱好正，而且又係真辣！啖啖都嘗到辣汁！店員將兩樣食物放在一起，所以蘿蔔都沾了辣汁。蘿蔔好夠熱，十蚊有六舊，可惜有兩舊未淋身，但淋果幾舊就好好味！我覺得現在的店員比以前那些有禮貌，又唔會好煩咁叫你搭呢樣搭果樣~而且好多食店都好早收，好難得好似斗來香咁，九點幾仲真係賣緊熱野～～

之前喺網上見過斗來香嘅砵仔糕，非常之多豆，啱晒鍾意食紅豆嘅我，加上而家嘅砵仔糕越嚟越貴，$7，8一個，見到呢度價錢咁平，當然要買嚟試吓啦我買咗三個砵仔糕，只係$13，成個砵仔糕都鋪滿左紅豆，而且拎上手仲係熱辣辣同埋好重手，未食已經覺得好期待，但係食一啖就發現嗰個粉身太重，成個砵仔糕都好淋，同埋一直食到個粉感，冇砵仔糕應該有嘅彈牙口感同朋友食完都覺得有少少失望，雖然價錢比較平，但係都應該唔會再買嚟試了

回家的途中經常都會經過斜路上一間賣豆漿，腸粉，粢飯及糖水的小店， 一路都沒有幫襯過， 後來才失覺的發覺 原來這間斗來香在港島東區已經開設了三間分店。 今次決定試試 他用作招來的粢飯及一個腸粉跟牛肉球套餐。還沒有試味前發生了一段小插曲， 原來有家人之前幫襯過西灣河分店， 當時店員的態度極差， 而且賣的腸粉還沒有完全煮透， 所以名副其實的非常生硬。 好在今次 買外賣的筲箕灣分店完全沒有這問題， 而且店員態度都不錯。 而味道上，推介的粢飯味道還可以， 表面飯糰不算過厚身， 餡料包括大量的菜脯，肉鬆及油炸鬼。 粢飯可以選擇熱的或者是室溫待客人買回家後加熱 ( 熱的會比室溫貴$2）， 但由於買回家後會即食 ，所以選了熱的粢飯 ， 但可惜粢飯在買後的十分鐘只是保持微暖， 有點貨不對辦。反而腸粉加牛肉球得到了全家人的歡心， 之前在西灣河分店有不愉快經歷的一員也讚好這間的腸粉， 吃得出很香米漿的味道， 而且做得非常軟滑， 醬料也非常充足， 一份簡單但滋味的味道。 牛肉球也非常彈牙， 牛肉味亦見香濃。之後回家如果有少少口痕， 也可以多一個選擇。

眼見那麼多款式，真的有點花多眼亂，有很多懷舊小食，亦有不少豆品、糖水，還有粽、炒麵、碗仔翅等熱食。勁多豆缽仔糕♥♥♥聽名字沒什麼特別，但實物多豆的程度....真的多得有點嚇人，大概能引發密集恐懼症。不過除此之外，它的甜度適中、非常Q彈，也很大顆。芒果椰汁紫米露♥♥♥♥♥雖然帶回家的途中可能有點顛簸，不過看著層次分明的三層，感覺比例真的不錯，至少喜歡的芒果都是果肉，還不少。大部分紫米很綿，少量顆粒可以過下口癮，最花時間的應該是把三層完全拌均勻。而飲品或是甜品的角度看，這杯都是非常超值!

夜麻麻見咁耐冇幫襯，就去買個外賣甜品食。初頭諗住叫咋喳，但又好似太飽所以最後都係叫咗個芝麻糊拎走。返到屋企，一食嘅時候覺得有啲酸，我都盡量食咗好幾啖，然後越食越唔對路。怕肚痛既我最後都係掉咗佢。。唔知係我唔識野定係咩，但我真係未食過酸酸地嘅芝麻糊。我都只係想食個甜品開心下姐，點知咁都賴嘢。其實掉碗野嗰時真係覺得好浪費，但係我諗緊如果聽朝肚all 都唔知邊個救我， 下次都唔知仲幫唔幫親佢好，救命呀！！！

今天來到香港島的最東面，看到一間小店，他的門外大排長龍，看到十分多的街坊幫襯，因此就一齊排隊，門外張貼很多食物相片和有清楚的價錢。雖然人多，但店舖的姐姐工作很俐落，不用10分鐘就可以點餐，我選了魚蛋燒賣砵仔糕，三樣都很好吃。辣魚蛋夠晒辣，燒賣豉油香甜，砵仔糕很多豆。10分值得推介，原來西灣河都有分店，下次去西灣河都可以試試。下次經過都會想試試門外貼出的甜品。

行過口痕想食d嘢，見到間斗來香，鋪仔細細但有好多嘢食賣，而且仲要排隊，見有時間我就排埋一份😆大概5分鐘就排到，叫左份腸粉+燒賣，返到屋企開黎食，腸粉好滑，夠醬夠豉油，燒賣都大粒，食落又唔會一糰粉，$14有3條腸粉+5粒燒賣，好啱食👍🏼(我公司附近嗰檔要$19/4條腸粉+4粒燒賣，貴d兼且次次都食唔晒d腸粉)排隊嗰陣見到前面嗰位買佢嘅蕃薯糖水，份量都好足，佢仲有好多款糖水同小食，下次行過要試下唔同嘅嘢食先😋

這一間店舖在筲箕灣已經開業多年，看到店舖外面長身貼滿了很多的相片貼滿了很多的相片，原來他的餐牌亦貼在牆上。而在牆壁上的貼有很多名人的照片。吃了魚蛋和燒賣，我認為燒賣比魚蛋好吃。不過價錢合理。不錯不錯👍🏽

筲箕灣有好多出名嘅美食餐廳，呢間「斗來香」就係其中一間。見到佢鋪頭出面黏咗好多張明星試食嘅相片，就知道佢好把炮！佢出名嘅係「得獎豆腐花」因爲佢曾經喺「心水香港特色美食店」嘅「豆腐花組別」，拎到「銅獎」，認真犀利！！所以咁難得嚟到筲箕灣，梗係要試吓呢個「得獎豆腐花」。豆腐花一碗賣$12 ，兩碗就買$20。一碗嘅份量都唔細㗎（見下面圖片）。如果試食一碗豆腐花，梗係要試吓佢嘅：豆香味、口感、同埋配搭嘅糖水。逐點黎睇吓呢碗「得獎豆腐花」：1）係豆香味方面⋯朋友同我都唔係好食得出啲豆嘅香味，對於我哩種追求有豆香味嘅人士就覺得不被滿足；2）但係口感方面，佢就真係冇得彈入口即溶，滑到冇得頂（滑過百X豆腐花)，唔知佢係呢方面有咩技巧，可以令豆腐花做到咁滑。3）最後，佢配搭嘅糖水唔會太濃味，幾清甜，哩個幾岩我（我個人比較鍾意清淡啲口味，所以好適合）！

在屋企附近的外賣小食店，幾乎咩時間都會有人龍...混醤腸粉，共4條，香滑，可飽肚，＄10 黐飯，即叫即做，飯結實，沒有散開，炸菜肉鬆或油條肉鬆，都好味道獨愛桑寄生蛋茶，糖水料很豐富，如： 黑棗、紅棗、蓮子、桂圓及雞旦，味道很濃郁，很潤，飲落喉嚨很舒服，飲完後，果然，寧神安睡...一覺瞓到天光！夠膽講 「可能係全區之冠，最佳的桑寄生蛋茶」＄20！好抵！

今晚屋企冇人，最啱當然成班朋友上嚟打機。話說去到9點幾突然有兩位朋友話想食甜品，最近真係只諗到東大街，所以我哋就落咗去樓下睇下有冇咩食。估唔到樓下間斗來香仲未收鋪，而且選擇仲有好多，魚蛋燒賣，簡單甜品基本上都有，另外連腸粉粢飯黃糖糕白糖糕，就連我細個最鍾意食嘅砵仔糕都有我哋今次七個人都只係用咗$120左右，即刻買上樓食，唔可以浪費打機的一分一秒。而食物質素方面都唔算太差。個砵仔糕好多豆，非常喜歡。估唔到夜媽媽都可以揾到童年回憶呀！

呢間舖頭真係好特別， 佢有著唔同嘅小食。 由魚蛋去到糖水， 佢呢度都有得賣。 可能做番街坊生意， 服務親切有禮。 呢度都算係一間好有特色既街坊小食。 大家如果經過可以一試。 基本上乜嘢小食都有得賣。