斗來香 (已結業)

臨返到公司之前，見到有間小食店叫斗來香，鋪面面前蒸氣騰騰，立即食指大動。醒起自己原來冇買早餐，就停低買咗兩隻潮州粉果返公司食。粉果熱辣辣，再加上粉皮軟糯，餡料亦都多，配辣椒油加豉油食真係正到爆炸，唔使2分鐘已經搞掂，而且仲要$8有兩隻，抵到爛。

斗來香在有筲箕灣天悅廣場地下，已經開左好耐啦，附近店鋪不斷搬走，它卻能仍然留在這裡，當然有一定道理！作為街坊，我地幾鐘意食魚蛋、燒賣及飯團，大約$1X，有4條腸粉及幾粒燒賣魚旦，份量多又入味，長時間都有幾個人排隊，他們快手快腳，唔駛等好耐架～～～這裡選擇好多，傳統中式糕點、小食、飲品等，什麼也有，而我喜歡食什麼？就是蜂蜜意米水，小甜清爽，飲完好快去廁所，今次仲試埋豆腐花紅豆，$30/兩杯，大大杯，很不錯！每次經過也會買架，變左長期粉絲了

久不久行過都會幫趁一下，早餐不二之選，一枝熱豆漿，豆味重，好香滑，混醬腸粉，配魚旦或粉果，味道很夾，很正，又飽肚，所費$30左右...經濟實惠！可以撐到午餐！番薯糖水，份量足，薑味重，不太甜，渴一口薑湯好暖胃桑寄生蛋茶，超正！ 夠濃郁，夠香，蛋入味及柔軟，比美同區的甜品店！

朝朝番工系南康街落車，見到呢間野都幾多人排隊買早餐，食麵包食到悶既我都走去買下腸粉轉下口味，仲配埋支熱豆漿👍🏻$9-有4條腸粉，好滑，麻醬好香😋 $10-大大枝豆漿都夠豆味，吾算甜，但個人喜好來講再少d甜仲好😁

到左三、四點，有啲肚餓落街買野食斗來香唔單止有燒賣魚蛋，仲有糖水豆漿，總有一款岩你今日叫左個細雜錦，即係豬皮、蘿蔔、魚蛋雖然係細雜錦，樣樣都有三、四件，份量一啲都唔細架！另外就係燒賣、腸粉，溝埋甜醬花生醬，美食就形成左喇！另外大熱天時，整返啲凍野就最岩啦，呢杯係芒果椰汁西米露，唔算太甜，超多芒果肉，都只係$22，食個糖水既價錢呢度仲有好多好野食架！白糖糕，黃糖糕，豆腐花，牛肉球，就連糭都有得賣添架👍

今天行過想買支豆漿飲，佢話$25一支！梗係唔飮啦！有冇攪錯！有沒有人飲過，喺咪真的$25？好離譜，豆腐花都是$18兩碗，又唔喺特別大支，我估大概喺700ml 左右

今天是復活節假期第三天，我和屋企人到筲箕灣行下，筲箕灣真是一個好地方，食店臨立， 好多都想試下，但一個人只有一個胃，雖然話女仔食甜品時有另一個，但都胃量畢竟有限，唔可能食甘多，只可選其中一些來食，於是就試下這間豆腐花。我要了兩個豆腐花和兩支凍豆漿，因為豆漿買一送一，豆腐花亦是兩個有特價，所以買多一個會抵一些。說回正題，這兒的豆腐花新鮮嫩滑，賣相雖然一般，但味道幾好，豆味濃郁，豆腐花很嫩滑，入口細膩，令人一試難忘，只可惜沒有薑糖，只有黃糖和糖水可供選擇，如果可以配薑糖會更好， 我選了黃糖，黃糖有點淡，不夠甜味，感覺有點美中不足，食完豆花之後，我們繼續遊筲箕灣。

逛街時，有點餓，諗住邊行邊掃街...見到呢間小店個門面大大張食物相，好吸引細看相片，發現還有些藝人光顧的，可能是有點名氣... 即時有點保留... 因為很多時店太有名氣，人流多了，質素下降，價格又上升，最後名過其實...👍粢飯$16:大小約手掌+一節手指，份量不算多$16尚算合理價格 (不過我認識筲箕灣算老區，應該可以再平點)店舖姐姐沒有拿店面的粢飯(可能係陳列品，但都放了5件)，在鍋中取出暖笠笠的粢飯，在天冷時，這是很好的暖包。溫度剛好，暖暖已可入口。包裝實正，包裝的保鮮紙很厚的，不易穿透，亦很乾爽，不會滿是水氣，或黏立立，方便隨行隨吃。剛咬了兩口，見到有肉鬆、炸菜，都份量很多，飯不會太黏太軟，有點口感(不過個人喜歡軟少少的)...有點失望還未見油炸鬼...原來多咬兩口，是有油炸鬼的!! Yeah! 咁樣先最好食!! 油炸鬼未至於完全軟化狀，尚有少少脆口，不錯不錯。還記得從前在某店吃過油炸鬼還很脆的，超讚!! 初時以為這粢飯份量偏少，不夠飽肚，但最後吃完都很足夠，不太需要補加其他小吃了。P.S.相信這小店也是街坊熱店，由一開始沒有顧客，站著一會兒，四五人經過便光顧，開始要排起隊來呢！

買碗臭草海帶綠豆沙，想清吓熱氣，購買過程很好。但打開就知中伏，無錯臭草海帶係材料之一，但係似乎太過多，而且臭草係鮮綠色的，幾乎每啖都食到，其實綠豆沙攞佢個味道就ok, 我唔係買臭草羹啊~。再黎，D豆肉係白色嘅，有咬口，好似有皮嘅西米咁，成碗野 真係搵唔到平時我理解嘅"綠豆"係咪我呢30年食過嘅綠豆沙 做法有問題？我完全唔明 貴店嘅產品點解係咁嘅樣。。。？

本來係要去搵餐廳食晚飯，經過呢間小食店竟然停低左，明明趕住去食飯都要買個小食，究竟係咩咁吸引我試呢？登登登登！原來就係呢個砵仔糕喇！$4都係街坊價，但點解吸引到我目光？就係因為佢面完全滿佈哂紅豆粒粒！！砵仔糕價錢其實四圍都唔差得遠，但質素就可以差好遠，成日都食到啲得十粒八粒紅豆粒架乍但呢到本身已經係勁大個，仲要全部都佈滿豆，真係唔買都對唔住自己咬落同想像中有少少分別，因為佢明顯係低糖左，平時成日食既都幾甜，因為始終由黃糖整，甜都走唔甩，反而呢到可以係話食過咁耐最唔甜既砵仔糕，但由於佢既糖本身都香，唔會覺得好淡口，加埋啖啖都有紅豆，口感唔會單調，至於砵仔糕另一個重點就係煙韌度，我份人中意食煙韌既砵仔糕，不過呢到既就唔多煙韌，比較稔身，但同樣佢有少少黏口，同平時時面上純稔身既砵仔糕有啲分別，整體黎講口感都味道都獨特，少甜亦都令人罪惡感無咁多添嘻嘻驚喜之作！

聖誕食得太豐富，想簡單清淡D。到差不多11點，依然沒有肚餓感覺。落街去街坊小點，買1份腸粉，啱啱好。腸粉本身蒸得軟熟，而且乾身，吾會有倒汗水濕泣泣，我吾要鼓油怕太咸，只要甜醬和芝麻醬，店員毫不孤寒加了大量芝麻舖面，腸粉熱辣辣送入口，充滿甜醬及芝麻香味，咬落仲有芝麻粒的口感及香味，份量啱啱好，又吾肥膩，不消2份鐘就消滅了一份腸粉，感覺滿足。

昨晚6點狂掃放題，到今天中午才想食野，天氣轉涼，想食D暖野。放狗落樓順便去街坊小店買個粢飯，上星期仲賣緊$13，今天去加左價，吾知係咪天氣轉涼有關，這小店的腸粉、燒賣、糕點、薏米水...售賣食品多款式，門口常有不少不同年紀的客人買野食。粢飯應是早上包好，放在蒸籠恒溫，客人要就把用透明厚膠紙包裹好的粢飯，放於膠袋盛載好。我覺得衛生企理。接過暖笠笠的粢飯，很幸福溫暖，小狗也在崩跳要搶我手中的粢飯。2分鐘返到屋企，打開膠紙，貴了$2的粢飯水準進步了，外面的糯米薄薄一層，比以前厚厚的一層感覺健康多了，相對餡料豐富左，除了熱騰騰的蒸氣冒出，還有油條、肉鬆、炸菜的香味，互相溶匯，彼此提升味道，扺讚的是餡料放了小小黑椒粉，食落令人身體更加暖和，也豐富了味蕾的層次，令一貫傳統的粢飯餡料生色了也點綴了不少。唯獨炸菜份量略為少了一點，而油條有小小濕左，可能係蒸籠的倒汗水所致。

斗來香位處天悅廣場的一側，家庭式小規模經營，售賣豆漿、豆花、西米撈、大菜糕、白糖糕、黃糖糕、中式糖水、腸粉、魚蛋、燒賣、牛肉球、粉果、瓷飯、砵仔糕和碗仔翅等港式地道小吃，由$6-$14不等，頗受附近街坊歡迎。是日，因家中電腦故障，被逼到K家中借用。先到斗來香買個簡便午餐祭五臟廟……腸粉(4條)配燒賣(5粒)$13這兒的腸雖然沒有新鮮即製腸粉那樣有著薄薄的粉皮和麵粉味，然腸粉仍算幼滑、充滿咬口，軟硬度適中。腸粉混入豉油、甜醬和花生醬後，再撒上白芝麻拌勻，挾一條入口，美味非常，煞是滿足。小店的腸粉是以一張厚身的透明膠紙包裹，故絕對不是出現漏汁的狼狽情況。先前幫襯過一次，小店的魚肉燒賣與坊間一般麵粉魚肉燒賣不大一樣，咬下有著魚肉的味兒，蘸上豉油同吃，絕佳組合。然而，是日不知怎的，燒賣咬下極為乾身，且帶陣酸縮味，懷疑變壞了，只好全部棄掉﹗腐竹薏米糖水$14小妹蠻喜歡小店的豆腐竹薏米糖水，豆漿味濃，入口可感到豆漿的稠密度，上次那碗又頗足料，白果和薏米均給得闊綽。可是，是日這碗糖水水汪汪的，用匙往碗底不斷撈，才撈出一少匙的白果和薏米，極為失望，幸豆漿味仍濃郁非常，且有少量未全然融解的腐竹殘渣。 

食物款式好大路, 但質素實在不俗, 價錢也合理, 屬街坊小店.燒賣: 大大粒, 夠彈牙, 口感非常好, 少辣的話更惹味 魚蛋: 我向來不太愛吃魚蛋, 但仍覺得質素OK 粢飯: 味道及份量OK, 有時不太有胃口的話, 吃一件可當LUNCH. 腸粉: 正常, 好味. 雜錦: 有豬皮魚蛋蘿蔔, 勁辣~ 都幾入味~

由吉之屋出來之後，有點美中不足，於是到此再次回憶那些年……記得當年同學仔去完天悅廣場最喜歡到此買些小吃，由於價錢實惠，許多時零用錢不夠用的日子都會到這買東西吃，今次買了久違的好多豆砵仔糕，店員稍稍問了一次要不要買多些，我回答只要一個就好了。另外，男友則買了一份腸粉套餐(腸粉+兩顆牛肉球)。忘記了要黃糖味的砵仔糕，店員剛好給了一個(lucky)，一拿在手中就忍不住地吃了一口，很美味，而且真的很便宜(3蚊!!)，一邊走到公園用餐一邊地吃著美味的砵仔糕，未到公園已經吃完了，早知道多買一個啦！一起分享剩餘的腸粉和牛肉球，腸粉(除了辣醬甚麼也混進了)很香的芝麻味，特別喜歡甜醬的味道，滑滑的腸粉即使已吃飽也可以一口氣吃下，另外牛肉球不失當年的味道，內有馬蹄(荸薺)增加口感，牛肉調味剛好，一陣陣香料的味道，沾了些腸粉的混醬也不會搶去牛肉球原有的味道，反而更加添了幾分有趣的感覺，令人回味無窮，讚啦~~~