斗來香 (已結業)

今晚屋企冇人，最啱當然成班朋友上嚟打機。話說去到9點幾突然有兩位朋友話想食甜品，最近真係只諗到東大街，所以我哋就落咗去樓下睇下有冇咩食。估唔到樓下間斗來香仲未收鋪，而且選擇仲有好多，魚蛋燒賣，簡單甜品基本上都有，另外連腸粉粢飯黃糖糕白糖糕，就連我細個最鍾意食嘅砵仔糕都有我哋今次七個人都只係用咗$120左右，即刻買上樓食，唔可以浪費打機的一分一秒。而食物質素方面都唔算太差。個砵仔糕好多豆，非常喜歡。估唔到夜媽媽都可以揾到童年回憶呀！