斗滾 (寶輝閣)

營業中

休息中

一行11人食，食完兩次都有人腸胃炎。第一次食完其中有人嘔，有朋友未試過，所以決定第二次再俾機會佢。11個人入面，有一半人以上第二日又屙又嘔，已經成個禮拜仲未好返。同埋咁短時間內又要食雞煲、海鮮、飲湯、邊爐，我哋另外再加錢要咗刺身，要咗象拔蚌、章紅同馬刀貝，根本唔夠時間食。再加上佢個蒸海鮮係一早蒸好，上到嚟根本已經係唔熱，只係有小小微暖，飲完湯之後竟然用返個瓦煲去打邊爐，個瓦煲煲咗15分鐘都仲未滾，仲要得返45分鐘去打邊爐，根本上係無可能食得晒所有嘢。如果想清腸胃同埋有便秘嘅問題，呢間真係首選，一定會腸胃炎。

今日想同大家介紹返呢間餐廳真係非常之抵食尤其係星期一至星期四價錢仲抵 所以上到去都好多人首先一開始會有個雞煲服務員會介紹返焗幾耐炒幾耐所以啲雞煲唔會過老雞煲味道整體嚟講唔差而且仲係可以無限添加可以食到夠為止之後就食一個一次性嘅海鮮拼盤海鮮選擇都幾多蒜蓉蒸幾惹味臨尾有一份烏冬包你食得飽如果要另外加海鮮咁就要額外俾錢之後就可以轉打邊爐打邊爐湯底我哋叫咗椰子雞湯底非常之鮮甜可以飲咗湯先然後慢慢打邊爐之後就係到咗個人認為最出色嘅環節就係瘋狂吊打牛肉佢呢個係標榜手切牛頸脊肉質鮮嫩 厚薄適中因為唔係機切 相對有口感我個人差唔多食咗六七碟非常之好味如果你係牛迷嘅話呢度非常值得之推介齋食牛肉都回返本下次有聚會都會選擇呢度抵讚！

集齊曬雞煲、海鮮同埋打邊爐既斗滾之前聽唔少朋友去食過，都話唔錯，今次預早訂左位，去試下係咪真係咁抵食先！今次去嘅係佐敦分店，上到去已經好多人等緊，好熱鬧，佢哋主打分4 part嘅食法，首先係雞煲，然後海鮮鍋，最後打邊爐同埋手切牛，雞煲味道幾惹味，份量唔算多，但可以過下口癮，食完之後職員仲問我哋要唔要加，最後我哋嗌咗一個辣一個唔辣嘅雞煲，我比較鍾意辣嘅，因為較開胃。然後就係佢哋最出名嘅海鮮鍋，按人頭每人一份鮑魚、蟶子等海鮮，味道唔錯，都幾新鮮，整體嚟講都合格。最後係火鍋任食，佢哋嘅手切牛肉唔差，仲有啲蝦滑、魷魚等其他菜品，食到最尾已經好飽，一餐可以品嚐晒雞煲、海鮮同埋打邊爐，真係幾滿足。不過佢限時90分鐘，時間真係唔係幾夠，如果食得慢嘅朋友就會有啲趕，但整體嚟講都唔差，如果又想食雞煲又想打邊爐嘅朋友，不妨嚟試一試。

電池爐插蘇無啦啦彈火花💥插蘇位係地下，出入小心kick到。Kick到、踩到插蘇位都算。食食下，聽到啲奇怪「霹靂啪啦」聲，揾緊聲源時，隔離枱突然大叫「走！走！走！」。（情況緊急到，都唔知可以走去邊）後黎先知係插蘇位爆緊火花，電線穿咗。好彩爆緊火花時，隔離枱睇到提醒！我個frd先識縮開。（只係縮開，無位走）否則後果不堪設想，燒著褲/裙。後來諗返，其實當下萬一要逃生，係唔會夠位迅速離開。真係好險。發生事情後，我哋幾個frd都嚇到freeze咗，整晚都唔太process到。職員雖然幫我哋換咗位，不過之後都食唔安坐唔落。第一件事係check插蘇位係邊、諗定逃生路線。加上地方窄、地下滑、冷氣機滴水。以後都唔會再去食。我唔質疑食物抵食，有蒸海鮮係吸引。不過如果為咗食而燒傷真係好唔抵。希望餐廳真係好好留意環境安全！！例如：餐桌間預留合適空間走動（其實唔知符唔符合消防要求？）。職員需要定期檢查電池爐安全。定時拖地（我哋行嘅時候都跣咗幾鑊），同時保障員工安全。勸喻大家如果真係去食，起碼望下個插蘇是否安全。聽到怪聲要留意插蘇位。事件唔係餐廳賠唔賠償問題，況且佢本身都堅持要我哋比返正價。而係要注意安全！！！

星期五晚要搵一個有得食，又可以坐得耐嘅地方同朋友吹吹水，價錢又要大眾化，選擇不多。今次推介吓搵咗呢間得閒食火鍋任吃。我記得他的前身也是一間火鍋店，而且經常滿座。疫情之後再到這個地點，原來已經換成另一間新店。我們一行數人，坐咗近門口位置，座位間尚算闊落。自助食物區及飲品區選擇不太多，不過已經足夠。這間火鍋店賣點就先食雞煲，然後再吃蒸海鮮，再飲靚湯、最後火鍋。雞煲份量不多，很快便吃完第一轉，然後我哋再encore。雞煲味道惹味，可能大家都肚餓，所以好快食完。蒸海鮮，一大盤有鮑魚，蒜蓉蝦、蟶子蜆，海班魚，一人一件，可能食得雞煲太多，所以蒸海鮮的份量剛剛好。靚湯就普普通通，我們點了椰子雞湯。最後火鍋配料雖然不多，但係他的主食手切牛，質素比想像中的好。如果喜歡吃牛的朋友其實也是一個不錯的選擇。整體上環境一般，但係勝在有一個好地方，跟朋友邊吃邊吹水。星期五晚以這個價錢，有這樣的食物，也是一個值得推介嘅地方。

限時1.5小時內完成雞煲、海鮮、飲湯、打邊爐！先唔講食物質素如何，個半鐘本人就真係覺得完全唔夠時間。正正常常食完頭3part，得返半個鐘多啲嘅時間去打邊爐，你會覺得個爐都未滾，你個人就要滾了。其次就係店員不斷不斷不斷咁重複提你，8.30走人（我地7點入座），好似趕客咁，去到後段叫佢加湯打邊爐，都唔肯加，又來一句：你地8.30完了。總之成餐飯，就係不停咁俾佢崔你食快啲，快啲滾！如果食嘢慢嘅朋友仔，就真係唔建議了。

一行四人，幸運地臨時訂到位，位置在佐敦道廟街交界，地點方便。上到去見人頭湧湧，已經知道差極有限，坐低先嚟一個雞煲，出奇意料地好食，味道媲美貴價雞煲，啲雞好滑，野味十足。原本諗住留肚可以食其他，點知忍唔住食晒。海鮮盛宴跟住出場，海鮮款式算多，有鮑魚聖子石斑蜆，中間仲有啲索晒味嘅烏冬，味道正常發揮，冇驚喜。再嚟一個足料燉湯，竟然有成隻烏雞喺裏面，味道唔似落咗味精，好似屋企煲咗三個鐘嗰啲老火湯咁，甜到黐咗線！飲完湯再任食牛肉打邊爐，d牛肉絕對對得住個價錢，出邊仲有芝心丸魚皮菜豬紅鵝腸等等！當然唔少得我最愛嘅韓國公仔麵，出前一丁和烏冬。呢個價錢完全係大陸嘅價錢，只能夠講性價比十足，味道唔錯👍

昨晚去斗滾食火煱，網上好評如潮！但弟一次食覺得雞煲好咸好乾，4个人食剩半煲！湯底選冬瓜花膠雞湯，花膠好細件，似魚肚多d，冇咩材料，但湯底好咸！蒸海鮮也覺得好咸😓如果海鮮新鮮，唔需要落咁多調味料，味精！勁失望，冇下次☹️

朋友介紹呢間打邊爐好抵真係好抵！$300都唔使首先已經有雞煲任食先揀咗中辣 辣度剛剛好你教我哋煮幾多分鐘可以開始食啲雞入味，而且嫩滑有少少孜然香食完雞煲就到戲肉！雖然唔係任食但係份量都超多嘅蒸海鮮拼盤以下係三個人嘅份量有蟶子扇貝鮑魚蜆蝦魚味道鮮甜完全食得出係新鮮而且無沙中間嗰個烏冬本身以為係普通嘢原來係超好食，好入味！最後嚟個椰子雞湯底打邊爐like咗佢哋嘅社交平台就可以任食牛！椰子雞湯本身就咁飲已經好清甜啲雞份量多飲湯都飲咗差唔多一半😂跟住先捨得拎嚟打邊爐同埋因為前面都已經食到好飽開始戰鬥力下降仲有啲任食嘅丸類蔬菜麵食每樣試過小小就飽到傻意想不到係最後竟然仲送甜品！！係椰汁雪燕！最後超級滿足之後一定會同啲朋友一齊再嚟食勁抵！

其實都真係唔洗多講，個個人黎到呢度差不多都係為咗呢一盤霸氣海鮮鍋，按人頭每人一份鮑魚、蟶子皇、大扇貝、花甲、海蝦及班腩片，極鮮味十足，簡簡單單用蒜茸粉絲蒸已經好滿足，個烏冬同粉絲吸曬海鮮嘅精華千祈唔好放過，真係超抵食無限時放題。其實呢盤無敵海鮮出場之前仲要食吓雞煲嘅，雞肉好嫩滑惹味，雞肉斬得細細件，入晒味，完全唔比食雞煲專門店差，雞煲可以揀辣度，我哋揀左BB辣，唔係好食得辣嘅我都覺得下次可以試小辣，雞煲點都要有少少辣先夠惹味。

🥘成餐飯分四部分1. 雞煲本身對佢冇乜期待，點知d雞出乎意料地滑，想留肚食其他野結果我地一口氣清曬成個雞煲我地揀左小辣，辣度岩岩好連我呢d唔食得辣既人都接受到😂同埋唔夠食仲可以追加🤤2. 海鮮盛宴有鮑魚蟶子扇貝海蝦龍躉花蜆，加埋海量蒜蓉，個烏冬墊底索曬d汁勁正3. 養生燉湯個湯勁真材實料，有成隻烏雞係入面，飲完湯就可以直接攞黎打邊爐4. 打邊爐我地果日去有個優惠like佢地個post就可以任食手切牛頸脊😍配料都好齊全，有菜菇丸豆腐等等，我最鍾意係麻糬丸同芝心丸子🤤整體黎講都我地平日去$268加一呢個價錢可以食到咁多樣野性價比真係好高，推薦一大班人去😍最驚艷係雞煲同燉湯，其他野就正常發揮😌Overall: 8/10

呢度真係性價比高，實在太豐富，我哋直程同服務員質疑，究竟佢哋點樣賺錢？😂首先一坐低，就嚟咗一個雞煲先，份量真係太多，我哋3個人都食唔到一半，可惜唔可以拎走，我哋問咗服務員，如果下次食我哋可以叫少啲份量，因為唔想太浪費，味道好好，雖然叫咗小辣，但係其實都幾辣㗎！食完雞煲之後，就上咗一大盆海鮮，包括有鮑魚、帶子、蝦、蜆，蟶子，仲有好入味嘅烏冬，雖然唔算得係好新鮮嘅海鮮，但係味道都OK，勝在份量多。之後又上咗一鍋湯俾我哋打邊爐，我哋揀咗烏雞，未食嘢之前一人飲咗碗湯先，十分之好味，跟住就開始任食打邊爐。由於今日朋友生日我哋就預訂咗個「和牛蛋糕」，期待嘅打卡位😂最後仲有糖水送，清甜好味。呢間餐廳都有多打卡位嘅，坐滿晒人，好熱鬧，服務員好好態度，值得讚！

一行九人book左間房，頭輪黎個雞煲先，雞煲啲量唔算多，但bb辣又幾惹味，食到小小辣既野大推，之後食哂再問原來可以加雞煲，第2煲叫左個唔辣，味道差好多，都係bb辣好食好多。第二輪上左海鮮，CP值好高👍🏻👍🏻之後就到邊爐，野食要出邊拎，都係個啲基本野，肉好似得牛1款，食哂可以再叫。質數都還好，呢個價錢對得起啲食物有突

朋友由外國返嚟，想食斗滾呢間一直都係我bookmark咗好耐嘅餐廳，但位置對我嚟講有啲遠，所以一直都冇食難得朋友想食，我時間又OK，終於可以出去食提提大家，如果想食的話，一定要預早book位，我食前三日先book, 只有8:30pm 嘅時間去到已經見到好多人，全場滿座，超級熱鬧第一道菜就係雞煲任食我唔鍾意食雞，但係入邊啲配料又辣又香，我都忍唔住食咗幾舊菇之後就到我最期待嘅海鮮，不得不說，真係好好食，雖然只係每人一件海鮮，但係都好夠之後再嚟一煲湯超！好！飲！拍得住屋企人煲嘅靚湯我係飲咗三碗的最後就係火鍋任食，配料都好足，有埋蝦滑同墨魚滑，又有魷魚等但係呢個時候，我哋四個已經好飽所以就冇食好多火鍋但係啲嘢飲，配料，醬都好正平均一人埋單加埋一300頭，食到四樣唔同嘅嘢，又好食，又夠，好抵啦！有機會，都想再去食🤣🤣🤣(唯一缺點就係，張枱太大，周圍又好熱鬧同朋友傾偈有啲難，聽到好辛苦)

首先食咗雞煲先，佢有雞煲非常惹味，而且有鑊氣，我覺得雞煲嘅調味非常好食，辣辣地唔會太搶！雞煲嘅份量亦都非常多， 我同朋友都好鍾意食，真係每人食完一舊又一舊！辣辣地其實亦都非常開胃，好味！蒜蓉粉絲蒸海鮮，非常適合打卡，排好晒好靚仔，鮑魚真係幾好食，幾爽口，而且食得出非常新鮮 ，絕對唔係隔夜嘅！粉絲亦都吸晒海鮮本身嘅精華，我同朋友都非常鍾意食佢嘅粉絲！亦都有聖子，聖子非常有咬口，幾好食！蒜蓉蝦就有啲失色，因為啲蝦本身可能唔係太新鮮有少少梅，不過整體呢一個海鮮都幾好嘅，我覺得都合格！