影片
營業時間
今日營業
16:30 - 01:00
星期一至五
16:30 - 01:00
星期六至日
12:00 - 01:00
公眾假期
12:00 - 01:00
以上資料只供參考, 請與餐廳確認詳情
星期五晚要搵一個有得食，又可以坐得耐嘅地方同朋友吹吹水，價錢又要大眾化，選擇不多。今次推介吓搵咗呢間得閒食火鍋任吃。我記得他的前身也是一間火鍋店，而且經常滿座。疫情之後再到這個地點，原來已經換成另一間新店。我們一行數人，坐咗近門口位置，座位間尚算闊落。自助食物區及飲品區選擇不太多，不過已經足夠。這間火鍋店賣點就先食雞煲，然後再吃蒸海鮮，再飲靚湯、最後火鍋。雞煲份量不多，很快便吃完第一轉，然後我哋再encore。雞煲味道惹味，可能大家都肚餓，所以好快食完。蒸海鮮，一大盤有鮑魚，蒜蓉蝦、蟶子蜆，海班魚，一人一件，可能食得雞煲太多，所以蒸海鮮的份量剛剛好。靚湯就普普通通，我們點了椰子雞湯。最後火鍋配料雖然不多，但係他的主食手切牛，質素比想像中的好。如果喜歡吃牛的朋友其實也是一個不錯的選擇。整體上環境一般，但係勝在有一個好地方，跟朋友邊吃邊吹水。星期五晚以這個價錢，有這樣的食物，也是一個值得推介嘅地方。
繼續閱讀
限時1.5小時內完成雞煲、海鮮、飲湯、打邊爐！先唔講食物質素如何，個半鐘本人就真係覺得完全唔夠時間。正正常常食完頭3part，得返半個鐘多啲嘅時間去打邊爐，你會覺得個爐都未滾，你個人就要滾了。其次就係店員不斷不斷不斷咁重複提你，8.30走人（我地7點入座），好似趕客咁，去到後段叫佢加湯打邊爐，都唔肯加，又來一句：你地8.30完了。總之成餐飯，就係不停咁俾佢崔你食快啲，快啲滾！如果食嘢慢嘅朋友仔，就真係唔建議了。
繼續閱讀
一行四人，幸運地臨時訂到位，位置在佐敦道廟街交界，地點方便。上到去見人頭湧湧，已經知道差極有限，坐低先嚟一個雞煲，出奇意料地好食，味道媲美貴價雞煲，啲雞好滑，野味十足。原本諗住留肚可以食其他，點知忍唔住食晒。海鮮盛宴跟住出場，海鮮款式算多，有鮑魚聖子石斑蜆，中間仲有啲索晒味嘅烏冬，味道正常發揮，冇驚喜。再嚟一個足料燉湯，竟然有成隻烏雞喺裏面，味道唔似落咗味精，好似屋企煲咗三個鐘嗰啲老火湯咁，甜到黐咗線！飲完湯再任食牛肉打邊爐，d牛肉絕對對得住個價錢，出邊仲有芝心丸魚皮菜豬紅鵝腸等等！當然唔少得我最愛嘅韓國公仔麵，出前一丁和烏冬。呢個價錢完全係大陸嘅價錢，只能夠講性價比十足，味道唔錯👍
繼續閱讀
昨晚去斗滾食火煱，網上好評如潮！但弟一次食覺得雞煲好咸好乾，4个人食剩半煲！湯底選冬瓜花膠雞湯，花膠好細件，似魚肚多d，冇咩材料，但湯底好咸！蒸海鮮也覺得好咸😓如果海鮮新鮮，唔需要落咁多調味料，味精！勁失望，冇下次☹️
繼續閱讀
朋友介紹呢間打邊爐好抵真係好抵！$300都唔使首先已經有雞煲任食先揀咗中辣 辣度剛剛好你教我哋煮幾多分鐘可以開始食啲雞入味，而且嫩滑有少少孜然香食完雞煲就到戲肉！雖然唔係任食但係份量都超多嘅蒸海鮮拼盤以下係三個人嘅份量有蟶子扇貝鮑魚蜆蝦魚味道鮮甜完全食得出係新鮮而且無沙中間嗰個烏冬本身以為係普通嘢原來係超好食，好入味！最後嚟個椰子雞湯底打邊爐like咗佢哋嘅社交平台就可以任食牛！椰子雞湯本身就咁飲已經好清甜啲雞份量多飲湯都飲咗差唔多一半😂跟住先捨得拎嚟打邊爐同埋因為前面都已經食到好飽開始戰鬥力下降仲有啲任食嘅丸類蔬菜麵食每樣試過小小就飽到傻意想不到係最後竟然仲送甜品！！係椰汁雪燕！最後超級滿足之後一定會同啲朋友一齊再嚟食勁抵！
繼續閱讀