影片
港鐵灣仔站 A3 出口, 步行約7分鐘
繼續閱讀
營業時間
星期一至日
10:00 - 22:30
以上資料只供參考, 請與餐廳確認詳情
同屋企人去開灣仔，openrice搵食，見到呢間好評都唔少，一於試試，叫了幾個牛腩小菜，其中清湯崩沙腩印象最深。老實講牛腩真係煮得好軟身、嫩滑，十分容易咬開，牛肉味也很重，其實整體來說係ok的，水準頗高，但好似有D味精，但都很好食。另外都點了咖喱牛腩配薄餅，咖喱味很濃，不會太辣，適合我們這些喜歡辣又吃不到太辣的人，脆脆薄餅沾濃濃的咖哩汁，的確是一流的配搭。希望下次再來的時候，會再有進步！
繼續閱讀
之前係成日去食野好去處自從轉左新MENU, D員工都唔同, 連D野食都冇以前開初咁好味, 擬似轉左手出名既咖哩以前有香濃既香料味D汁仲有D香葉係到十分之有風味, 而家咖哩冇香料味但都比返D咖哩味我呀, D味勁淡, 失望。講泡飯, 之前都有得唔使清湯可以加錢加辣, 而家冇埋, 冇灑樂趣, 加左價但D野食缩灑水問多次以前都有得加, 而家係咪冇左, D態度勁差咁回應, 一直都冇得加個啵, 心諗: 你舊個MENU都寫明可轉麻辣湯底加$3, 咁我個時食係張單到加我錢一定係我眼花啦?牛腩只能講還好, 攪成咁真係唔使再去到場地, 一陣勁耐冇洗既地拖味, 一路食一路頂住, 你都咪話唔爽
繼續閱讀
月頭和朋友去婚紗展看資料(因為雙方男友都在上班，所以我們結伴先去看了)去前先在灣仔區找點東西吃，看到集成有間新仙清湯腩，還得過米芝蓮而且剛開門不久人還不算多，就決定吃這間了套餐選擇不少，有一人餐二人餐的，但我們每人叫了一個一人常餐特級蝦籽豬潤撈麵 HK$46想不到豬潤很嫩滑蝦籽超多配上煙韌的撈麵，絕配鎮店牛雙寶湯河(牛腩、雲吞) HK$52牛腩很腍，而且很重牛味，果然是鎮店之寶雲吞其實也不錯，蝦很彈牙，只是比較細少而已腩汁淋甜蘿蔔 HK$16蘿蔔清甜，不會煮得太腍而且沒有渣滓，不過份量就覺得有點少上湯芥蘭 跟餐HK$15原本想要西洋菜的，但店員很好地說西洋菜不合時，所以轉了要芥蘭芥蘭很翠綠而且爽甜其實跟餐還有飲品，和朋友每人都加了HK$6轉特飲一杯蜂蜜姜汁薏米，一杯冰糖姜汁薏米但忘了拍照，薏米份量不少
繼續閱讀
質素很好的一間小店~!星期日晚上, 想食湯類的晚餐.來到集成中心, 新仙如常一樣, 人流不多. 與男友點了2人餐.番茄牛肉湯X1 (牛肉超滑&林, 番茄味足)蘿蔔清湯腩X1 (蘿蔔:超入味, 超林, 清湯腩:香, 軟, 有絲)麻手撕雞(SPICY)X1 (麻味足, 少SPICY, 對我來說剛剛好) 灼菜X1 (正常, 如果湯是牛腩湯更好)飯X2熱飲X2=HKD 188 價錢岩岩好, 有質素, 唔算貴.會再光顧!
繼續閱讀
初相識是油麻地店，店名寫明清湯腩，但有10個食牛腩的客人，有6-7人會選擇咖喱，何解？對於我兩次光顧都點咖喱，不能公平提供原因 （≧∇≦）過海的機會又到，自然與朋友要求又到此一嘗。灣仔店坐落集成中心內地舖，地鐵站行7分鐘左右，星期六下午人流比平日少，容易有位。全店有不少卡位，環境闊落舒適。一心食咖喱的我，一看主餐牌已屬意金牌咖喱薯仔三寶飯，朋友見我已點咖喱，就點麻辣手撕雞套餐，大家可享用不同種類的美食，兩人午餐都有好處吧！下午茶選擇都不少，而且一般只需28-34蚊，更配飲品，好抵食。蔡生及車軚人都有推介這店，証明食物質素好高。事實要食到牛的一些特別部位如坑腩，爽腩，面珠等，並非易事，尤其一頭牛只得少部分，絕對物以罕為貴。友人的套餐可其多食物！先上白飯、蕃茄濃湯及腩汁蘿白，再黎手撕雞及酥炸雲吞(5只), 更有配飲品，全餐只需88蚊，非常超值！而我為三寶(牛腩、牛肚、牛脷)，放棄一人套餐，這個作常餐(供應時間:11:00-18:00)配熱飲都只需62蚊，不錯！金牌咖喱薯仔三寶飯($62)三寶包括招牌牛腩、牛肚及牛脷，全碟都有每款各三至四件，份量不少。咖喱為巴基斯坦式，本以為味道極重，但原來雖香料繁多，但乳酪及蕃茄，令香料味混和有致，入口仍有香料調配出的咖喱味外, 更會有不少渣, 與比時食的茶記咖喱少了一份稠感, 但多了味道的層次感。以這稀身的汁料送飯會令飯變得水汪汪, 如果整碟咖喱與飯混合一定會變湯飯, 所以上枱都會分開上, 讓食客可逐口自行混合。三寶令我有驚喜, 因為炆得非常透, 三樣入口都非常淋身, 入口即化, 如果要有爽勁的口感就比較難滿足, 但魚與熊掌不可兼得, 淋的牛內臟才可完全入味, 令調味完全滲入其中, 這碟相信亦會是好多長者的愛好之作。友人套餐先上蕃茄濃湯、蘿白、靚仔一碗, 濃湯聞到好重的蕃茄味, 完全不酸, 更有豐富的蕃茄蓉腩汁蘿白相對比下去, 味道淡淡, 唯蘿白炆得都頗透無渣。酥炸雲吞小食有成5件, 套餐真係好平, 原本都要賣成28蚊, 件件新鮮即炸, 熱辣辣上碟, 不太油膩。入口先有雲吞皮炸後的酥香, 涵料與皮位不會過厚而炸得過硬, 香脆鬆口, 涵料有原隻蝦及肉碎, 啖啖肉之餘, 更有少量大地魚的清香, 令炸的雲吞都可以感受到一般在雲吞麵湯底才會發現的清甜魚香。麻辣手撕雞- 味道略過偏鹹, 小辣的麻辣味過輕, 辣味食不出來, 不過份量有不少, 送飯不錯。友人加6蚊轉左一杯特飲--咸檸蜜, 而我就簡單選擇檸水, 為我食過味道濃而豐富的咖喱清一清口腔。不時同朋友選擇套餐, 配有不同類型的食物, 比起大家各點一個碟頭飯, 令大家能分享食物, 多一些互動~
繼續閱讀