新仙清湯腩 (已結業)

初相識是油麻地店，店名寫明清湯腩，但有10個食牛腩的客人，有6-7人會選擇咖喱，何解？對於我兩次光顧都點咖喱，不能公平提供原因 （≧∇≦）過海的機會又到，自然與朋友要求又到此一嘗。灣仔店坐落集成中心內地舖，地鐵站行7分鐘左右，星期六下午人流比平日少，容易有位。全店有不少卡位，環境闊落舒適。一心食咖喱的我，一看主餐牌已屬意金牌咖喱薯仔三寶飯，朋友見我已點咖喱，就點麻辣手撕雞套餐，大家可享用不同種類的美食，兩人午餐都有好處吧！下午茶選擇都不少，而且一般只需28-34蚊，更配飲品，好抵食。蔡生及車軚人都有推介這店，証明食物質素好高。事實要食到牛的一些特別部位如坑腩，爽腩，面珠等，並非易事，尤其一頭牛只得少部分，絕對物以罕為貴。友人的套餐可其多食物！先上白飯、蕃茄濃湯及腩汁蘿白，再黎手撕雞及酥炸雲吞(5只), 更有配飲品，全餐只需88蚊，非常超值！而我為三寶(牛腩、牛肚、牛脷)，放棄一人套餐，這個作常餐(供應時間:11:00-18:00)配熱飲都只需62蚊，不錯！金牌咖喱薯仔三寶飯($62)三寶包括招牌牛腩、牛肚及牛脷，全碟都有每款各三至四件，份量不少。咖喱為巴基斯坦式，本以為味道極重，但原來

啱啱學完車，一條冷又要自己食晏，因為一陣想去灣仔買少少野，路過集成行入去睇下有咩啱食先。 呢間新仙清湯腩係近灣仔道個邊的入口，門面四四正正一眼睇晒。入去睇餐牌，價錢唔算貴，而且仲連續四年當選米芝蓮指南的推介食府，唔野少喎，淨係牛腩都有幾個部位可以揀，店員細心為我介紹佢地的招牌菜，我揀左肥瘦適中的坑腩。 $46坑腩肥瘦適中，有牛肉的肉香，軟淋淋無渣，果然係推介食品。入面的蘿白清甜，吸收了腩汁的味道。 $28酥炸雲吞一客5件，入面有豬肉碎同蝦仁，餡料調味剛剛好，食得出係即叫即炸，外面好脆，熱辣辣唔油膩。 $28鯪魚肉釀青椒，食中其中兩隻辣到飛起，可能啲辣椒籽未去清，但辣野又啱晒我口味喎；鯪魚肉新鮮，上枱時仲係熱辣辣，點少少豉油已經好好味。 $16 蜂蜜姜汁薏米，入面有大量薏米，姜汁啱晒呢種又濕又凍的天氣下飲，再加埋少少蜂蜜中和了姜汁的微辣，夠晒清甜潤喉。食完晒已經係下午一點鐘，餐廳都已經坐滿晒人客了，而我都要快啲閃去買野了。

素有聽聞新仙清湯腩之大名 不僅有米之蓮坐陣 更有蔡San推介 正因如此本人與家人特意前往品嚐一番是次光顧灣仔分店 正值晚市 未算多人 內裹裝潢與茶記無異為求方便快捷 本人等各叫一晚市套餐先黎蕃茄雲吞湯 感覺頗為新穎 皆因以雲吞作湯料雖然雲吞飽滿而且材料新鮮 可是湯底味道太濃及蕃茄湯與雲吞之組合並無相扶相乘再黎鯪魚肉釀青椒及麻辣牛肚兩者皆辣得出色 為兩者平淡嘅味道帶上色彩鯪魚本為極腥之食物 可是在新仙嘅炮製下 只嚐出鯪魚嘅香及鮮味 加上青椒嘅口感 此小食頓時成為「黑馬」 令人喜出望外呀麻辣牛肚頗為柔軟而無腥味 加上醬油 咸中帶辣 成為不嘅前菜金黃色嘅炸物奉上台中 原本無暇問津「卡勒」清脆嘅聲音傳到各人耳中 焦點瞬間落在眼前新鮮製起嘅酥炸雲吞口感外脆內軟 原隻富彈性嘅蝦肉及豬肉配上泰式酸醬 甜酸辣味正好成為其最佳拍檔最後 全晚嘅主角清湯爽腩駕到爽腩嘅肉被脂肪包圍 油香較重蘿蔔無渣並充分吸引清湯清湯正如其名 味道適中 清甜可口 令人想一飲再飲兩字總結：「上品」

今天應約和好友在灣仔吃飯，試了一間主打清湯腩的餐廳「新仙清湯腩」。餐廳格局和一般茶餐廳差不多，食品以粉麵咖哩為主，亦有飯品小吃供應。一場來到，當然要試試這兒的牛腩，幾經選擇，最後要了一份例牌半肥瘦的一級坑腩。雖說是半肥瘦，但出品顯然比預期肥了很多。去掉牛脂部分，剩下的腩肉其實不多。論味道，腩肉肉香普通喇，因連上牛脂或多或少帶少許羶味。因每件實質腩肉部分比較細件，口感上亦試得不夠充分。咖哩是此店的另一主打，跟餐點上一份咖哩薯仔雞扒飯（小辣）。此店的咖哩汁口味有點獨特，不像一般的印度咖哩汁，香料味重，味道很濃，不會太辣。當中的雞扒嫩度雞香普通喇，始終菜式的亮點落在味濃的咖哩汁身上。想再試真醬汁真味，配上一件酥香薄餅吃亦是不錯的選擇。另一主食鮮蝦雲吞麵，雲吞體積小巧，肉餡份量比蝦肉重，口味一般。麵條質感稍稍腍身一點，但仍屬合理範圍。同樣是雲吞，相比之下酥炸雲吞食味好多了。縱然餡料選材或許一樣，但雲吞經炸煮後明顯香口多了，脆感十足。另一小食鯪魚肉釀青椒亦是好吃之選，小吃即點即煎，出品熱辣。輕咬一口，先吃到魚肉味道，繼而是青椒的一股辛辣湧現出來，是一道帶少許刺激的小品。跟餐加 $6 享用特飲柑桔