新光宴會廳

營業中

休息中

我本身好鐘意食柴魚花生粥，宜家已經好少地方有，比我係新光搵到好難得。材料就係柴魚，花生🥜，簡簡單單，味道不太濃，好啱早餐食。鳳爪好食，其實間間茶樓都差唔多係呢款味😹兩樣加埋都係50幾蚊👍🏻

作為老牌酒樓集團，富豪新光的出品還是不會失望，早茶點心孖寶超抵食，傳統的蝦餃焼賣用料ok，鮻魚球與山竹牛肉新鮮份量足。午市套餐片皮鸭龍蝦伊麵都超抵食，小區泊車方便，妥妥的御用飯堂。

長輩於酒樓舉辦結婚藍寶石周年晚宴派對。長輩作為資深音樂人，所以到來的朋友嘉賓，大部分同樣係音樂人。新光宴會廳 (原來前身為新光夜總會)有一個大型舞台及樂隊的設施，呢個就係長輩選擇新光的原因。是晚長輩各好友都主動負責樂隊部分，同時又有其他好友即席聞歌起舞。食物的質素坦白講就一般，除咗條魚真係較“鞋”外，其餘大致上都合格。乳豬整體較肥，皮唔夠脆。鮑魚唔錯，夠淋，同時亦保持口感。炸蝦亦都唔錯，唔會太多粉。瑤柱節瓜OK

前幾日去咗沙田富豪花園唯一一間食肆餐廳酒家，因為附近真係冇其他選擇，諗住試吓嗰度啲炒小菜或者碟頭飯，所以冇叫到點心。上到去同一般舊式酒樓差唔多，但可能因為幫襯開嘅都係啲街坊街里，所以都見到好多街坊喺度做自己嘢，有啲開住部電腦，有啲就拎晒啲功課出嚟補習，唔真正嘅食客反而唔多。跟住魚缸嗰邊有一間房，我去廁所嗰陣時偷望到入邊應該係搞緊一啲跳舞嘅活動，因為廁所位都有啲更衣室同埋locker比佢哋跳開舞嘅老朋友放佢哋嘅用品。咁我同兩位朋友叫咗唔同嘅食物都係啲碟頭飯，但就冇特登影佢哋嗰兩疊啦，而我就叫咗呢一個南瓜排骨陳村粉，因為出邊好少有，點知佢唔單止要整好耐先嚟到，而且仲非常難食，所以非常失望。因為佢要加茶界同埋服務費嘅關係我哋幾個人食咗幾百蚊，但大家討論過都係唔會再嚟。

唱完卡拉ok餓餓哋, 知道呢度有間酒樓, 所以決定試下😝🥢特式蒸海上鮮$25👍初頭問侍應話海上鮮可能喺倉魚, 結果嚟咗呢條類似白鱈魚嘅雪藏魚, 用咗蒜蓉蒸, 幾惹味, 豉油味道剛剛好, 魚嘅質地嫩滑, 蒸到唔會太鬆散, 無腥味, 幾好食🥢腰果萵筍海皇鮮$118👍好多不同種類嘅材料炒埋一碟, 睇落好豐富, 材料有萵筍, 帶子, 蚌片, 虾, 腰果, 蝦乾及紅黃辣椒, 味道適中, 唔錯🥢欖角骨$98👍排骨質地好趙頭, 肉質紮實唔梅, 欖角味道出色, 濃而不咸, 正白飯$13晚市茶位$15呢個富豪花園有卡拉ok及保齡球場, 玩完就可以直接過嚟食飯都幾好, 晚市非常少人, 因為呢個屋苑位置唔旺場, 不過, 正因為少人, 所以坐得好舒服, 唔會嘈雜, 而且食物質素都算高😋, 侍應嘅工作態度就一般般, 見佢哋比較鍾意招呼熟客😏🙄魚堅總評性價比 4👍(以5👍為滿分)

嚟咗富豪花園呢邊，呢度其實無咩食店，如果唔計埋佢保齡球場或者攀石場入面有少少嘢食，就得新光酒樓叫做有嘢食。個商場本身都無咩人，入到酒樓人流都好少，一入就有位坐，唔使等。正常酒樓樣，有點歲月痕跡。我哋人少得兩個，叫咗5個點心。一個叉燒包，一個灌湯餃，一個XO醬炒腸粉，一個枝竹牛肉球，一個粟米南瓜粥。牛肉球幾好，都幾多汁。叉燒包正常，記憶中佢有款假日先有嘅雪山叉燒包正d。XO醬炒腸粉，味幾好，但腸粉林咗d。粥味道好，多料，亦都大碗。係個湯餃唔係好啱口味，d料有d hea。大部份都係中點，落樓連茶位大約160，酒樓嚟講ok la。

到這屋苑探友人，一時多在這酒樓午膳，可能地點較偏僻，相信幫襯的多是屋苑住客，閒日不太多人。客流不算多，但菜式選擇也充足！由於不太餓，只點了一客迷你瑤柱疍白炒飯 ($53) 和湯灼唐生菜 (特點 $26.8)，飯炒得有水準，清淡而不油膩，用料份量適中。灼唐生菜，事先已寫明豉油另上，怎知來到全碟菜已淋了豉油，樓面阿姐都好好人，替我們更換！往洗手間處見到這酒樓有歌廳，令人聯想起昔日的茶舞，充滿懷舊feel  ，無想過仲有酒樓跳茶舞！第一次來這裡飲茶，酒樓給我的感覺是有種不想明言的遲暮！

幫趁過無數法，這裡的茶葉算不錯，點心款式也不少，馬拉糕就最好，不會太甜，夠鬆軟，但最近幫襯的次數多了，發覺超差，假日點心要等半小時以上，催侍應就推說不敢催廚房，最終等了一小時，十個點心，製作時間真的須要等那麼久嗎？以後再光顧的話，我要確保各人有足夠耐性和時間才敢再來。

沙田區的屋苑，除隧道口的世界花園之外，位於圓洲角山邊的富豪花園，可以算是另一個孤獨的屋苑。不過，富豪花園有一個好處，就是附設了一個小型的商場，這兒，有保齡球場、有酒吧、補習社同便利商店，仲有為大眾服務的酒樓，而且是集團式經營的《新光酒樓》。平日，時常地經過，但從來未有拜會過，這一天的早上時間夠，就不如來飲下茶再上路回公司吧。以前是夜總會酒樓，聽說有即場的歌舞表演，現在是宴會廳，把格局推高少少，場地可用來擺酒或社團團拜。早上的我，目的是飲茶，一壺靚普洱是早上除奶茶外的提神所需。飲早茶，普洱加點心，是飲食的常識吧。是日沒有吃盅飯，因為盅飯要搶，我的時間不多，亦不想同阿伯阿婆搶，所以只點了早晨孖寶的粥。簡單肉片粥，入口細滑味道香，米味同肉味也合襯，感覺不錯。孖寶的另一員，是棉花雞，棉花，即魚肚，香口爽口，而且又非常之入味，吸收了所有的肉汁餸汁，邪惡感沒有，但美味感十足，而雞件也夠香夠滑，很是惹味。燒賣，也是極香口惹味，肉感豐富，味道豐富，份量又夠大，絕對可以大叫好。人不多，環境舒適，孤獨屋苑的孤獨酒樓，水準好，環境好，客人好，只是地點不好而已。