影片
營業時間
今日營業
09:00 - 22:00
星期一至日
09:00 - 22:00
以上資料只供參考, 請與餐廳確認詳情
影片
相片
+27
喺 poly 培訓嘅時候被社交平台🌿嘅一間小麵館，只收現金同八達通，亦都係一間睇落比較多當地人食嘅店。呢間店仲可以單獨買雲吞同水餃返去自己煮，食嘅時候聽到有唔少人會嚟買水餃帶走，折算起嚟會平唔少。🍽 ️ 招牌雲吞淨食 $ 35⭐⭐⭐⭐ ️一碗五個，餡料好足，係經典嘅鮮蝦配豬肉。味道同性價比都可以，冇踩雷亦冇特別驚喜，值得一試。🍽 ️ 鳳城水餃淨食 $ 35⭐⭐⭐ ️一碗三個，真係好大個，但個人唔係好鍾意呢種口感。鯪魚➕筍、木耳等配料，鍾意呢種搭配嘅可以試下。
繼續閱讀
轉手前有食過一次粥，都唔錯，之後都係食雲吞麵炸醬麵等等。轉手之後雖然雲吞、面底、湯頭味道都改變咗，冇以前咁好食，但係都可以接受，每次經過都會去食雲吞麵。今次心血來潮，叫咗一碗及第粥，真係嚇親😨🫣個粥潮州粥咁一粒粒米，好多冇爆花，唔綿唔甜唔香。阿姐用左好少粥去煮熟d料，之後d粥再填上面，因為粥底本身冇乜味，此做法好似叫咗碗白粥咁。重點來了，$32 及弟粥包括2 條粉腸，2 小片豬肝，及1 件豬肚。未食過咁少料的及第粥🫠🫠，因為粥冇味又少料去煲，真係以為自己去左打冷叫白粥
繼續閱讀
【九龍城區】【新占記麵食】上次講咗喺紅磡啱啱搬咗新舖嘅榮發，反應唔錯。老店就係有呢個魔力，就算喺黃藍嘅鬥爭之中被指係藍店，但係憑食物質素，一樣能得到區內街坊支持，晚晚門庭若市。連帶我個 post 都有人講得出佢出名嘅係豬手，呢啲就係口碑。今次要講呢間叫新占記，之前同一個舖位明明係沾仔記，但係格局完全冇變之下換咗個招牌，就算連政府「安心出行」都仲係顯示佢係沾仔記，唔知咩玩法。不過我諗既然乜嘢都冇變咁嘅款，都走入去試一試佢，可能都會有唔錯嘅體驗呢。叫咗碗「牛腩牛筋粗麵」，本身係一個雙拼麵嚟，不過阿姐話冇乜牛筋，咁就咁寫咗牛腩麵，我竟然冇睇 menu 所以係唔知價錢上嘅分別，真係第一次。呢碗嘢 $38 唔算平，而且都係啲牛腩碎，有啲頭頭尾尾嘅 feel，所以感覺麻麻哋。我為咗個 post 可以全面啲，叫多個 $41 嘅「雲呑拼水餃」淨食，果然冇令我失望，雲呑真係沾仔記名物之一，皮薄餡靚大大隻，食落去啖啖肉之餘又冇鹼水 feel，正。水餃都承繼到雲呑嘅份量，都係好大，口感都好豐富，都好值得試。期間我有叫嘢飲嘅，唔想飲汽水之下叫咗杯價值 $10 嘅「凍檸茶」走甜，但係有青檸加檸檬，幾有趣。上次食榮發粉麵就唔記得影張單，今次食新占記就一如以往咁記得影，所以都清楚知道全單係 $89，唔使好似上次咁要即刻搵地方 mark 低。搵資料時見到餐廳英文名叫 James Noodles 就諗起「Come on James」嘅故事，本來想打啲嘢學 Miss Ding 咁玩無縫切入，但係大家都見我呢排又唔記得影單，又唔記得影 menu，都知道我嘅狀態真係好差，所以好難做到高水平嘅嘢。一直以來，我都好想畀到大家一個平台去睇啲餐廳，唔使吓吓去到先揭 menu，盡量都想影多啲實況畀大家。之前都試過大頭蝦唔記得影啲嘢搞到要特登再去，甚至再食一次。但係以今時今日我嘅狀態嚟講，喺公司保持唔好成日做錯嘢已經贏。。。（地址：紅磡湖光街1-7號聯盛大廈龍圖閣地下17C號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #1ambackup #1am0507 #globaleats #tastyfood #foodpics #followforfollowback #love #eat #1am九龍城區 #紅磡 #1am紅館 #新占記麵食 #JamesNoodle #沾仔記麵食 #牛腩 #牛筋 #雲呑 #水餃 #粉麵 #粉麵店
繼續閱讀
紅磡要搵啲平民又好味嘅街坊店🤓就要試下呢間 雖然環境就一般般衛生嚟講就係一般魚蛋粉店嘅感覺囉但佢係一間我好欣賞嘅魚蛋粉麵老字號！👍🏼水餃足料 除左蝦肉等 亦用左木耳等材料令到口感十足每日新鮮包製 佢地嘅雲吞都一樣正 區內幾有名氣有時我仲會買啲生水餃返屋企自己煮特別喜歡佢嘅河粉 好幼滑軟身得黎有口感 好味！仲有就係佢地連杯凍檸茶都有誠意過人除咗檸檬仲有加成粒青檸而且已經幫我拮爆埋粒青檸 唔驚自己要再用手揸啲汁出黎下午茶去連埋野飲同一碟小生菜都係$38 +涷飲加$2
繼續閱讀
係我有使以來覺得最好食嘅雲吞，皮薄餡靚、d蝦新鮮爽口彈牙，湯底清甜，唔覺好重味精，食完唔會好口乾。 依杯係非一般嘅《凍檸水》，檸檬🍋3塊大大片，重點，係加埋《青檸》！超好飲回頭率極高 店員又有友善，服務又好。喺度除咗食到食物嘅好味，仲食到一陣人情味一句講晒，性價比勁高，我會成日過嚟食，同埋帶埋朋友同埋介紹比其他人嚟
繼續閱讀