新合成燒臘飯店

營業中

休息中

叉燒丶油雞丶燒腩冇得輸！我好少寫評論，但係呢間真係要promotion！因為真係好好食，識食一定係食佢！朋友介紹話呢間好好食，老遠都行幾條街黎試吓。今日第一次嚟食燒腩丶叉燒丶油雞，都係精明之選，非常好味，只係$45覺得好抵食，呢間燒臘唔錯。個人覺得香港唔係好多間燒臘同埋油雞好食，依家係其中一間好食，叉燒唔需要肥已經好好味，燒腩香脆丶油雞仲係鷄脾，下次一定會再過嚟食，大家都不妨行過試吓👍👍👍👍

呢日去探朋友班 突然落雨仲要搵嘢食 有啲狼狽醒起附近呢間餐廳有又平又好食嘅蒸魚飯好似30幾蚊就有交易就不如去呢間啦店員見到我地避雨好狼狽 主動出聲關心我地斬料哥哥都好友善我哋就知道我哋冇揀錯我叫左個叉雞飯跟多個湯啲飯真係好多無論係飯定係湯都好 啲料都好足好感恩遇上好嘅人祝願小店生意興隆

叫咗個燒鵝油雞飯加咸蛋，燒鵝有少少蘇臭味，油雞就冇乜味，隻咸蛋好硬。。。唯一可以讚嘅，係個例湯。至於服務，基本上燒臘舖都唔會要求佢有 d 咩服務，但係個阿姐真係幾冇禮貌，我叫唔該寫嘢，佢叫我坐吓先，但係又唔係忙。然後到收錢，找錢個態度好似俾錢乞兒咁。。。認真差。

今日受命母親大人要求斬料返屋企加餸，黎到尼間叫新合成燒臘飯店，我就奇怪點解阿媽點名要尼間，今日黎到終於明白哂，4點幾佢地岩岩出緊爐，啲燒味係鋪頭自己燒，好多街坊已經排緊隊買，啲燒鴨皮燒得好均勻一睇就知好夠火喉，見到都想食，不過今日係受命買叉燒同腩骨，唯有下次先買鴨啦，佢地真係良心小店，半斤肥叉先賣40蚊，加多條腩骨，睇住師傅斬條骨出黎先收五十幾六十蚊，講真出面邊到搵，埋單都唔洗100蚊。ps 食後感： 叉燒夠哂淋，又入味，真係好好食。😋燒腩⻣岩岩好又夠juicy，皮又脆，唔會得過死咸，阿媽話街坊同佢講話啲豬鋪頭自己醃自己燒，所以咁好食，價錢仲要平出面咁多，值得支持。👍🏻👍🏻

之前同朋友傾開燒味既話題，佢話佢屋企附近有間食燒味好好味，但係上網見到本身openrice評分唔係好高，所以有啲疑問。因此今日專登約埋幾個朋友去食。環境係好老式既格局，環境都乾淨。不過唔係朋友介紹，我應該係行過就算唔會入去。🙈同老闆傾計先知道原來係轉左手而家係班後生仔做。今日我地一行四人環境係好老式既格局，環境都乾淨既，所以樣樣都有叫啲，食品質素係真係幾好，叉燒半肥瘦，醃得入味又夠淋，燒鵝唔會好肥，但係又夠油香，食落仲有肉汁，幾好。燒肉脆卜卜唔會硬到柴咁，啲雞又唔會好重味，肉質都好滑，食品黎講好過我樓下果啲好多，而且仲要係平，鐘意食燒味既可以試下。

今日同女朋友去食燒味飯，叫左個叉燒飯食，叉燒意外地好食，堂食只系需要三十幾蚊，仲包野飲。女朋友叫左一碟四寶燒肉飯，燒肉皮脆肉嫩，之後再加叫一碟雞胸同鴨胸。另外發現外賣燒味飯都只系＄25，仲有送可樂，依加咁既時候仲有＄25既外賣燒味飯，真系好難得😌😌

今日走經佐敦一帶，到下午二時許才吃飯。由於肚餓關係...於路口位置見到燒臘店掛起的燒肉頗吸引，咁就二話不說便入內一試。小店如一般舊式燒臘店般缺乏豪裝，位置很細，做外賣為主如果堂食客滿不超過十人由於已過午飯時間，是日客人不算多！得一個，坐十分鐘左右就得一我一個因為見到門外燒肉很靚，一心想吃燒肉，見雙併價錢相若，就加個切雞吧。燒肉肥瘦適中，味道不會過份鹹最出色的是外層那片脆皮，入口非常香脆，咬開像吃薯片般發聲，而且份量也不少切雞給了雞翼位置，而雖用上新鮮雞，但雞味不太明顯，有幸雞肉嫩滑例湯是眉豆花生雞腳湯。以跟餐的例水而言，味道算是不差！吃不出味精，就算有，份量也不會多雙併飯連例湯索價 $34比大型燒臘店便宜，而且質素絕不遜色。路經碰巧想吃燒臘飯，不妨試試

我係油麻地果頭返工，行岩依間野，見便便地，唸住入去試下啦，叫左碟叉雞飯，首先D飯就已經吾熱， D叉燒又硬又難食，色水又差，附近條後巷又好污穢，有老鼠，D垃圾又周圍放，衛生好差(已向食環署投訴，可致電查問)真係千甚吾好試依間野，食物差，衛生差，賣相差，吾建議試!

合成廿蚊燒鵝 唔使咦依哦哦叫左個雙拼外賣紅腸燒鵝賣相同環境係冇嫁喇始終果一帶都係舊區嘛~不過...廿蚊雞....d 送多到咁...真係冇得要求d 咩law~~值回票價啦!!