新吉洞激辛辣麵 (已結業)

夜晚放工.諗住去試下旺角間新吉洞.因為係報紙睇到係新開.自己就沖左過去食.入左去心裡已經有中伏既感覺.因為間野冇人.有點靜.但佢地比既鐵杯仲要係有陣味.呢點我已經覺得中左伏.之後我叫左三級麵.係辣.但味道一般.有些少腥味.有名男帶眼鏡既待應係咁介紹佢地既飲品.本身想試下佢地所講既美人醋.但係真係太貴.叫唔洛手.加上環境我覺得唔係太好(好細).服務都還可以.但最後都係急急腳埋單閃人.出去OK買支野飲好過飲佢地既野~.~總結我對呢間野有點失望..加衛生上唔係太好!灰上加灰-.-

睇到前排報紙講咩良心韓國麵，又見前兩個食評講到幾好咁，咪來試下囉，本人又中意食辣。同兩個朋友來，覺得都唔平。叫左二級辣麵，來到已經覺得麻麻地，只係見到一堆蝦同青口，感覺顏色唔太新鮮。d麵質地幾好，無奈個湯，除左辣，我食唔到有其他味。原本打算試下個麵先再睇下試小食，不過已經辣到唔想食其他野。

第一次黎呢道食，亦絕對係最後一次，呢間野令我馬上開個開飯啦黎打我人生第一次食評。本身係睇左蘋果既報導介紹，懷著好期待既心情黎食，食堂外表唔錯，心諗今次蘋果應該無介紹錯啦。坐低之後叫左個招牌激辛辣湯面二級，黑蒜炸醬麵同糖醋排骨(豬)再加一柸美人醋soda.辛辣麵辣嘅程度好辣，但只局限係辣，感覺完全係將辣油倒落熱水入面，係熱水並唔係湯，一碗麵每個材料都唔入味啦 個炸醬麵算係最好食，分量係小啲，味道咸啲，不過都可以食哂!!!!最後仲有個糖醋豬肉個賣相都可以嘅，不過個后加醬凍之如仲酸到不得了，啲肥豬肉係冇調過味就加生粉炸，真係食到想反枱，真係好失望!!!識真同佢say goodbye.

是看到報紙和openrice上食評才去試一試的。去的時候人不多的，店是新開的。店裡主打的韓國拉麵分四級辣。我和朋友兩人一個要了二級辣，一個要了三級辣。端上來的時候看起來紅紅的一碗分量很小，也沒什麽預想中的海鮮，已經覺得很失望。吃一口以後發現湯里也有股很怪的味道。並且三級辣是我在香港三年吃到過最辣而且最無意義的辣，只是一個辣味道，和腥的怪味，完全沒有辣的香味。本來以為是有點甜甜的炒年糕，結果尼瑪也是辣的，真是不得不註冊一個帳號來吐槽這次非常不愉快的經歷。最後，買單的時候。兩碗面，兩杯飲品，一小份辣年糕，收了我們兩百多接近三百塊。靠，再也不會去了。

當日小弟生日，友人提議相約聚餐，就預訂了位於旺角花園街入面新開業既韓國麵店，叫新吉洞激辛辣麵。本人一向對韓國野既認知都係燒肉同韓式料理 亦好少係香港聽到有一間係專營韓國既麵店，聽老闆講暫時係試業階段 十月中先會正式開門做生意 所以如果要試既話大家就要電話預約 亦有幸朋友能夠預約成功。好喇，廢話唔多講，入番正題先咁當日8：00PM 坐底等食，等食期間亦見老闆親力親為 落手落腳去做 亦因為得我地一枱客 都同老闆嗲左幾句，佢話湯底分為一至四級 四級為最辣 如果有人有幸能夠完成四級湯底 而將麵食哂，湯飲哂就能夠影相貼在鋪頭留念 咁當然小弟個日只係試過一級。 好，去圖先紫菜麻香飯團（集紫菜同芝味既香味，神奇既係能夠解辣，非常有效，推介！！）傳統韓式炒年糕 （除了年糕亦有魚片，辣中有少少甜，年糕有咬口而不油利，魚片彈口 。）糖醋炸雞（香濃醋味，擺落口，口水分泌爆升，雞炸得外脆內軟，唔會炸得太粗身，炸粉亦見薄身）野味燒酒煮蜆 （清酒煮蜆就食得多，燒酒煮 ，我都係第一次食，先食第一淡蜆，蜆肉入面滲透左濃厚既燒酒香 其次就係本身蜆既鮮味 跟住就係辛辣既味，而燒酒煮過蜆既湯 味道鮮甜 辣而不過 味道適中）

尋日睇蘋動，見佢介紹咗間食“辣炒馬麵”嘅韓式料理店，今日晏晝即捉埋Dear一齊去試（就算中伏，至少都有人陪吖）“辣炒馬麵”嘅辣度分咗4Lv，今次同Dear只係試咗Lv1馬麵，湯底勁鮮甜，飲得出佢哋堅係用咗好多海鮮嚟淆，好正！不過真係好Q辣，好在有解辣孖寶“紫菜飯糰”同“美人醋梳打”幫拖，唔係都幾難食得哂個麵！之後個型棍Chef重走過嚟同我哋傾計，問我哋覺得依餐好唔好食？（唔知重以為去咗5星級餐廳 ￣∇￣lll）p.S.型棍Chef重同我哋講食得哂Lv4又死唔去將會有幸同型棍Chef影張靚靚車頭相表揚你夠命硬！之不過連花樣男張根碩都被KO嘅Lv4，型棍Chef當初都要食咗3次至食得完，食Lv1都食到成頭汗嘅我哋都係自動收皮好喇！