影片
更多
2013-10-06
24 瀏覽
當日小弟生日，友人提議相約聚餐，就預訂了位於旺角花園街入面新開業既韓國麵店，叫新吉洞激辛辣麵。本人一向對韓國野既認知都係燒肉同韓式料理 亦好少係香港聽到有一間係專營韓國既麵店，聽老闆講暫時係試業階段 十月中先會正式開門做生意 所以如果要試既話大家就要電話預約 亦有幸朋友能夠預約成功。好喇，廢話唔多講，入番正題先咁當日8：00PM 坐底等食，等食期間亦見老闆親力親為 落手落腳去做 亦因為得我地一枱客 都同老闆嗲左幾句，佢話湯底分為一至四級 四級為最辣 如果有人有幸能夠完成四級湯底 而將麵食哂，湯飲哂就能夠影相貼在鋪頭留念 咁當然小弟個日只係試過一級。 好，去圖先紫菜麻香飯團（集紫菜同芝味既香味，神奇既係能夠解辣，非常有效，推介！！）傳統韓式炒年糕 （除了年糕亦有魚片，辣中有少少甜，年糕有咬口而不油利，魚片彈口 。）糖醋炸雞（香濃醋味，擺落口，口水分泌爆升，雞炸得外脆內軟，唔會炸得太粗身，炸粉亦見薄身）野味燒酒煮蜆 （清酒煮蜆就食得多，燒酒煮 ，我都係第一次食，先食第一淡蜆，蜆肉入面滲透左濃厚既燒酒香 其次就係本身蜆既鮮味 跟住就係辛辣既味，而燒酒煮過蜆既湯 味道鮮甜 辣而不過 味道適中）
本人一向對韓國野既認知都係燒肉同韓式料理 亦好少係香港聽到有一間係專營韓國既麵店，聽老闆講
暫時係試業階段 十月中先會正式開門做生意 所以如果要試既話大家就要電話預約 亦有幸朋友能夠預約成
功。
好喇，廢話唔多講，入番正題先
咁當日8：00PM 坐底等食，等食期間亦見老闆親力親為 落手落腳去做 亦因為得我地一枱客 都同老闆嗲左
幾句，佢話湯底分為一至四級 四級為最辣 如果有人有幸能夠完成四級湯底 而將麵食哂，湯飲哂就能夠影相
貼在鋪頭留念 咁當然小弟個日只係試過一級。 好，去圖先
紫菜麻香飯團（集紫菜同芝味既香味，神奇既係能夠解辣，非常有效，推介！！）
傳統韓式炒年糕 （除了年糕亦有魚片，辣中有少少甜，年糕有咬口而不油利，魚片彈口 。）
糖醋炸雞（香濃醋味，擺落口，口水分泌爆升，雞炸得外脆內軟，唔會炸得太粗身，炸粉亦見薄身）
野味燒酒煮蜆 （清酒煮蜆就食得多，燒酒煮 ，我都係第一次食，先食第一淡蜆，蜆肉入面滲透左濃厚既燒酒香 其次就係本身蜆既鮮味 跟住就係辛辣既味，而燒酒煮過蜆既湯 味道鮮甜 辣而不過 味道適中）
激辛湯辣麵（麵就係最重要一環，先講麵，麵質有咬口副有彈性，感覺好似食緊上海麵 但相比下佢較簿身，麵質偏向蛋黃多 較黃身，其次係入面包含既青口同魷魚 青口食落有甜味 唔會雪得太耐 導致淡之無味 魷魚亦見用新鮮材料，夠脆口，唔會有霉既感覺，到湯底 小弟個日食既係一級辣，我個人本身唔太食得好辣但今次第一次食韓國既辣麵，比我預期好，先講湯係辣 但辣得泥唔會搶喉 話要不停飲水 而且食後亦唔覺喉乾，湯底從辣味之滲透住好濃既大頭蝦煲出泥既蝦味 湯底亦見濃郁。
題外話/補充資料：
鋪頭入面佢有個位擺放左好多包裝零食同其他沖劑 ，我買左包朱古力COOKIES 好好食 大家可以試下。
老闆，員工好有禮貌，亦見有心去做 自己落手落腳 而且會關心客人需求 同問番意見 作檢討
(以上食評乃用戶個人意見 , 並不代表OpenRice之觀點。)
張貼
