新嘗滿粥店 (已結業)

今日下午經過 見店內無咩人 於是入去叫皮蛋瘦肉粥$20 +炒麵$12 +炸两$12(細個成日去菲臘睇牙 大個左無再睇 就無經過呢頭 )粥 好綿 粥底白粥 食落唔太渴炒麵 不太油 夠大碟 入口爽炸两 油炸鬼唔太燶總結:老字號 一定再幫襯

我昨天中午經過這小店，見沒什麼人就入內買了鮻魚球粥及腸粉作午餐。因知道會很快就有得拿，我只站在近門口等，可以見到煑粥的女人（老板）準備煑我的粥。只見她攊了一下口罩（在咀以下）， 用手挖下耳仔，就拉開雪柜拿出一碗魚肉，徒手就檚了幾粒魚球。好恐怖，那魚球有口窄的箘，她的耳屎等。不明白為什麼她不戴手套弄魚丸！永不來！

話說今朝突然好想食粥，仲要傳統非連鎖粥店，男朋友即刻介紹我黎呢間，話佢平時會特登過黎食！叫左個皮蛋瘦肉粥，D粥好綿，食得出係煲出黎果種綿，唔係出面加料果種。D料好足，一D都唔求其！再加左個炸兩，呢個我就覺得麻麻地，唔推薦！平時D腸粉皮會包住成條炸兩，所以就算落豉油都唔會俾D油炸鬼吸哂。但呢個其實就咁一塊腸粉皮舖喺油炸鬼上面，下面就吸哂豉油，好鹹！可能都因為吸左豉油，個油炸鬼一D都唔脆口，淋淋地咁（之後男朋友講，佢話呢間店嘅炸兩佢都覺得麻麻地，除非真係好想食，如果唔係留quota食炒麵好過）最後，叫左個牛脷酥（外賣），見到佢炸得好靚，唔會太硬太乾身，食落入面好Q軟。但真係好大個！超厚實！一個人食真係好飽，一定要同人分享！

唔想話太 harsh，但真心應該唔會回頭。叫咗個魚腩雞粥，粥底唔夠綿而且比較鹹，最慘係冇米香或者其他材料嘅味道，呢度已經扣晒大部份嘅分。魚腩同雞都算足料，魚腩算係鮮甜但肉質未去到最爽滑最靚果種，而雞我就鍾意佢骨有得咬，可惜鮮味欠奉，似係雪藏貨之類的。另外不得不提嘅係有好多唔知咩昆蟲飛來飛去，唔怪得絕大部份人都買外賣，冇乜人入黎坐，好彩啲蟲冇“嬲”住我碗粥。仲有個問題就係佢地冇油菜/灼菜，想食健康均衡啲都唔得。即使係街坊小店都應該可以好啲，所以結論係冇下次。

晨咁早過西環有野Do, 又未食早餐，見倒呢間新嘗滿，好喎，食吓中式早餐。呢間粥舖唔算大間，枱都係一眼見晒。食乜呢？食番d最傳統嘅野喇，叫左碗皮蛋瘦肉粥加碟炒米粉。米粉先嚟，食落冇乜特别，芽菜好少，亦畧嫌多油左少少。碗粥跟住嚟，料唔多，粥底太稀。以呢兩樣野嚟講，真係冇乜亮點，街坊水準都可以勉强接受嘅。都幾多普通話人嚟食，因為附近有d小酒店，幾多內地遊客喺度住。呢間粥舖都幾多油器賣，擺晒喺門口，油炸鬼、牛脷乜都有，都幾多人嚟買外賣，d油器大部份都放喺個玻璃柜內，少部份放喺柜頂，如果柜頂嗰d有蓋蓋住就會衛生好多囉。

来港两天，长途飞行很不适，这几天又都吃大菜，很腻。今早起得晚，从酒店出来走不远，吃到这家，胃里也舒服，价格也亲民，很棒。早饭来吃是很不错的，或是喝酒之后，来这家暖暖胃～

來港兩個月吃過兩次👍🏻老街老店老夥計的身手。以後還會來的，距離我家一百米😄爭取以後換著吃，吃個遍。此前有艇仔粥和牛肉碎粥油條魚粉腸和牛丸粥。期待下次豬紅粥。

西營盤可算是西區內有很多平民價位的食店的地區。粥店是吃了一連串膩、燥、滯的美食後的最佳選擇。這粥店open rice 評價不俗，亦經常滿多人幫襯，所以「我來了」。由於是食飯時間，人很多，幸而未至要排隊的多。店內是圓桌，每台坐5-6人。一所很配服粥店的員工，為何能不落單而能記下那麼多客人所點。這店服務態度是務實，不會特別好招呼跟你笑，但有需要，佢會幫。豬紅碎牛粥也只是$16。 夠哂平。味道不過不失。豬紅夠細件，入口不會太熱而豬紅心無味;  碎牛加了粉仔去撈煮，味道調得不錯。叉燒腸粉腸粉粉皮確厚，幸而不糊口，滿有米味，就像是石磨米漿弄的皮的口感，滿有其特色，但真厚，比一般腸粉飽肚。甜豉油不多，下次來可叫定多汁。幸而這種皮沒水晶粉皮吸汁。店內的糖水-綠豆沙/芝麻糊，或炒麵，都是滿多人點的食品，看來不錯可試。總結，價錢親民，食物不差，是清清地lunch的好選擇。要注意的是節奏比較趕，客人大多吃15-20分鐘就食完走人。

Friendly waitress - willing to accommodate us non-local speakers. Loved the Hot Porridge (with Sliced Pork) and various You Tiao (Fried Flour Cakes). They have Fried Noodles and Rice Flour Rolls too. Didn't see any drinks though, but that was alright with us.

原本想吃叉燒腸，但姐姐們講沒有的，只有齋腸和蝦米腸～看到這個，再滑溜溜的啖下去就很滿意了～～～無論是前一天吃多了，或是生病要吃清淡，或是饞咀想吃點什麼小吃，這裡的粥／腸粉／炒面／炸両／炸油器都可以瞬間滿足你。若然要挑的話，就是牛脷酥晚吃會很硬（嘻嘻）再看價錢，真是划算得很。

阿妹轉左工在西環返工, 約佢食餐lunch先~由金鐘落黎實在太遠太趕, 不過呢度真係抵食, 或者下次放工至落黎... 牛脷酥: 炸得鬆軟, 夠大件抵食! 叉燒腸, 夠大碟~ 鎮店炒麵, 幼身得黎又入味, 真係好味, 我同阿妹唔駛5分鐘KO左佢... 豬紅艇仔粥, 粥底綿, 都OK多料... 超抵食炸腸, 大碟到幾乎連個碟都裝唔落, 加左價都只係$8碟~!一貫舊式粥店格局, 很有老香港風味, 有機會會再幫襯~

自從高街與正街之間的粥舖於數年前結業後，在家的四周再也找不到好吃的粥店了，要找好吃又乾身的銀芽炒麵就更難上加難．這天的中午，肚子空空的，突然很想吃一碟炸兩；我就是這樣，會無喇喇極度渴望吃一些很無理頭的東西，通常這情況會出現在身體比較虛弱的情況下，例如像今次的睡得太少，暈暈鈍鈍的，就突然想吃點熱的中式食品：份量較輕怡的粥品，就最對了．在西區近正街一帶，吃粥的地方不多，最終在新三興與嚐滿中選了後者．店子是街坊格局，做野的都是阿姐阿叔；菜牌就是貼在牆上的手寫字．這兒有粥有油器，也有粽子和紅綠兩種甜品．研究了好一番，決定了要碟炒麵和炸兩，本來想喝點東西的，但店子沒有．食物很快送上，炒麵是微暖，炸兩的腸粉是即叫即包的，雖然裏面的油炸鬼已放涼了也有點漏氣，但某些位置依然是脆的，也炸得乾身不會一口油，算是這樣了。先在上面加甜醬、辣醬、花生；再試一下味道。炒麵因為是用幼麵的關係，醬油可以掛住在每一條麵條之上，也炒得均勻，每條都沾上了黑色的醬油顏色，所以賣相也不錯。麵條爽爽的，算炒得乾身，味道濃郁，加上甜醬和花生，就更加美味了。六蚊一碟，超抵吃！炸兩很大碟，腸粉皮不算薄，但算滑溜和有米香，包住微脆的炸鬼

繼周六在卓計喝粥暖融融后，周日繼續。這次選擇了嘗滿粥店。同樣是下午兩點多的時間，店裡人客同樣不少，堂食的外賣的，幾位阿姐忙個不停。但落單后很快就送上食品，幾乎不用怎么等。 因為個人對炒河粉有種無以言表的偏好，於是一開始選擇了炒河粉以及明火白粥。怎知炒河粉已經售罄，所以也許是天意要我嘗試下這店出名的炒麵~先講白粥，很好，夠新鮮夠熱，粥底夠綿，用勺慢慢舀起喝，清清淡淡剛好中和炒麵。只是不知是白粥分量大，亦或是炒麵分量不夠，亦或是自己消滅炒麵速度太快，在炒麵食完后仍剩餘白粥不少，或許我應該多點份糕點或炸兩。炒麵，確如之前各位食家所評，面是細面，醬油亦入面。只不過同卓計一樣，炒麵是一早就已經做好，所以擺上來時已經涼掉，在夏日這樣的涼炒麵應該頗討喜，但系在冬天，個人還是希望如果炒麵同白粥一樣熱騰騰會另食客更開心。P.S 阿姐態度可能沒有好殷勤，但其實這個價位、味道同送上速度，亦已經算是可以接受的。P.P.S 自己太掛住食，唔記得影相，SORRY。 =.=

去完上環買野再返過來買菜, 經過嘗滿諗起openrice d 人話呢間d炒面又抵好味, 即使仲飽都買個外賣返屋企食弄下$6一盒, 個盒唔係飯盒size, 是比平日d盒細1/3....至於個面又真係好得, 唔油, 係細絛ge, 又有一d 芽菜, d soy sauce味好出, 真係幾好, 又熱, 買左都行左成1/2 個hour先返到屋企先食都仲熱~~唔錯 不過個sweet sauce有d怪味... 下次都係唔好加喇...

街坊舊式粥店, 係以前大掛檔水準!早餐必然選擇之一!6蚊豉油王炒麵特別幼, 稱得上全港獨有!炒河都一樣得, 加個HK$10艇仔粥, 真係無得頂!生滾粥都係16蚊起! 宵夜一流!只係亞姐D衛生態度有待改善!