影片
港鐵黃竹坑站B出口, 步行約5分鐘
繼續閱讀
電話號碼
25551775
營業時間
今日營業
07:00 - 18:00
星期一至六
07:00 - 18:00
星期日
全日休息
以上資料只供參考, 請與餐廳確認詳情
食評 (19)
工廠區食堂食物質素已經不可以有咩要求，但服務態度極之差👎🏻👎🏻👎🏻，嚟消費仲要包埋受氣😰😰我多數打電話嚟叫外賣自取，早幾日如常叫外賣，去到自取時，竟被收銀果位哥哥仔語氣極差叫我「可唔可以唔駛我每次問你仲有無嘢要？」我真是莫明奇妙，打電話叫外賣我叫完我要嘅嘢，就自然無嘢講等對對確認收到至收線又有問題？ 再唔係 我消費都叫做「客」，唔係要受呢啲咁嘅待遇呀！？ 👎🏻👎🏻👎🏻今時今日咁服務態度…..似趕客走多過做生意
繼續閱讀
【南區】【新坤盛食堂】中銀人壽香港超級聯賽又開季，我作為香港足球嘅忠實支持者，開季第一場賽事冠忠南區主場對香港 U23 就當然會入場支持。場波喺香港仔運動場進行，我就梗係安排自己嗰日過嗰邊做嘢然後順便食嘢啦，我慣常套路嚟。首先做嘢，然後食嘢，之後睇波，真係一個完美行程嚟，相當實在。不過可惜嘅係，上屆試過一次咁樣之後，香港足總居然喺全世界都復緊賽嘅情況之下將港超聯腰斬，而且冇得喺球場練波，連隨我都冇得入場支持港超聯呀。連鎖效應就當然導致埋附近嘅人流都減少咗，我唔敢講全部觀眾都會喺附近食嘢，不過點都會有影響。我今次講呢間影響就未必咁大，因為佢係喺外圍嘅工廈食堂嚟，我都係做嘢先會食佢。佢個門口喺大路，但都唔易去架。第一次去就係喺一個唔太肚餓嘅狀態，所以只係叫咗個下午茶餐，「牛油西多士」配「凍奶茶」。個西多唔算好特別，不過佢有夾花生醬，由於佢係用韓國嗰隻糖漿，我就轉咗煉奶。$33 嘅價錢有埋一杯正常餐飲，冇嘢挑剔。二訪嗰次餓啲，想食過工廠一人餐，點知要三點後，小雜窩又冇，咁唯有叫個「牛筋腩炸飛蛋米粉」配「凍檸茶走甜」。炸飛蛋即係即炸魚蛋，熱辣辣幾正，我見隔離枱都係叫佢，嘢飲正常，$48 唔算好平，正正常常咁囉。。。（地址：黃竹坑黃竹坑道60號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #globaleats #foodpics #followforfollowback #love #eat #1am南區 #黃竹坑 #新坤盛食堂 #新坤盛 #茶餐廳 #冰室 #食堂 #牛油西多士 #西多士 #凍奶茶 #牛筋腩炸飛蛋米粉 #炸飛蛋 #凍檸茶走甜 #1am0779 #1ambackup
繼續閱讀
今日見有少少肚餓就去咗公司附近嘅新坤盛食堂度食下午茶啦，咁坐低就叫咗個牛腩河同炸魚旦加杯凍檸茶。佢哋嘅牛腩河既湯底味道都唔錯，牛腩炆得幾冧唔會太韌仲好入味，加少少辣椒油落去食就更好味。再來就講下個炸魚旦，魚旦外皮炸得非常香脆有少少鹽喺個外皮度，個鹹味提升咗個魚蛋嘅鮮味。咬落去非常之彈牙好好食，杯凍檸茶正正常常咁啦。
繼續閱讀
很久沒有來這裡午膳了，趁今天有充裕的時間，加上秋涼的季節，就算要步行十分鐘，還也是來了。我點的仍舊有我的最愛「炸蛋」加牛筋腩配米線，加凍檸茶，盒金$44，不愛湯粉麵的還有炒粉、麵、飯，選擇很多，而且均一收費，很方便化算。味道仍舊保持水準，服務也可以，這個價錢來說十分值。其實很想試炸脾，但下午茶餐是3:00開始，希望下次有時間去吧！
繼續閱讀
星期六又要返工，咁就梗係要食返個醒神早餐先，黃竹坑選擇真係唔多，連一間連鎖食肆都冇，茶餐廳又低質素，比較高質少少又好貴。今次就去試另一間茶記，睇到餐牌其實覺得幾吸引，於是就嗌咗份最貴嘅早餐，雞扒雙太陽蛋多士加叉燒通，飲品就揀茶走，盛惠46蚊。雞扒賣相唔多吸引，不過食落都有醃味，太陽蛋合格，多士唔夠熱唔夠脆。至於個叉燒通，完全唔掂，叉燒冇味，食落好似食擦膠咁，通粉湯底淡而無味。好彩杯茶走都幾好飲，茶味夠濃！整體嚟講，46蚊真係貴，如果有大快活大家樂，我一定唔會再食黃竹坑區嘅茶記，真係太失望。喺黃竹坑返工嘅朋友，都係帶飯好過啦。
繼續閱讀